Scripture Library

Paippalāda-Saṃhitā · Chapter 1.55

1.55.1

idam āñjanam ānaje
śailūnam ākanikradam |
abhi mā cakranda bhaga
ṛṣabho vāśitām iva ||

1.55.2

aśvaḥ kanikradad yathā
pratyaṅ mā bhaga āgamat |
tam ahaṃ preṇyā adhi
putram ivopastha ādhiṣi ||

1.55.3

akṣyau me madhusaṃkāśe
jihvā me madhuvādinī |
nasor adhi pramandanaṃ
datsu me sāraghaṃ madhu ||

1.55.4

madhuman mama nīsanaṃ
jaghanaṃ madhuman mama |
mām it kila tvaṃ vāvanaḥ
śākhāṃ madhumatīm iva ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0