Scripture Library

Paippalāda-Saṃhitā · Chapter 1.58

1.58.1

viṣkandhasya kābavasya
kardamasyolūkyāḥ |
apasthānasya kṛtyā yās
teṣāṃ tvaṃ khṛgale jahi ||

1.58.2

pra mṛṇīhy upahatyāṃ
kardamaṃ nīlaśākyam |
adhā sāram iva dāruṇa
āyuṣ kṛṇomy antaram ||

1.58.3

vividdhasyāvatṛṇṇasya
hṛdasya cāhṛdasya ca |
triparṇī viśvabheṣajī-
-idaṃ kṛṇotu bheṣajam ||

1.58.4

kābavasya viṣkandhasya-
-apasthāpanabheṣajam |
idaṃ kṛṇomi bheṣajaṃ
yathāyam agado 'sati ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0