Scripture Library

Paippalāda-Saṃhitā · Chapter 1.54

1.54.1

tvam agne pramatis tvaṃ pitāsi nas
tvaṃ sakhā yujyo 'si jātavedaḥ |
tvaṃ viśvavid gātuvit kavir
viśvā āśā abhayāḥ santv asme ||

1.54.2

idaṃ varco agninā dattam āgan
bhargo yaśaḥ saha ojo vayo balam |
trayastriṃśad yāni vīryāṇi
tāny agniḥ pra dadātu me ||

1.54.3

varca ā dhehi me tanvāṃ
saha ojo vayo balam |
indriyāya tvā karmaṇe vīryāya
prati gṛhṇāmi śataśāradāya ||

1.54.4

ūrje tvā balāya tvā-
-ojase sahase tvā |
abhibhūyāya tvā rāṣṭrabhṛtyāya
pary ūhāmi śataśāradāya ||

1.54.5

ṛtubhiṣ ṭvārtavair
āyuṣe varcase tvā |
saṃvatsarasya tejasā
tena saṃhanu kṛṇmasi ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0