ग्रंथ पाठ

पैप्पलाद-संहिता · अध्याय 1.55

1.55.1

इदम् आञ्जनम् आनजे
शैलूनम् आकनिक्रदम् ।
अभि मा चक्रन्द भग
ऋषभो वाशिताम् इव ॥

1.55.2

अश्वः कनिक्रदद् यथा
प्रत्यङ् मा भग आगमत् ।
तम् अहं प्रेण्या अधि
पुत्रम् इवोपस्थ आधिषि ॥

1.55.3

अक्ष्यौ मे मधुसंकाशे
जिह्वा मे मधुवादिनी ।
नसोर् अधि प्रमन्दनं
दत्सु मे सारघं मधु ॥

1.55.4

मधुमन् मम नीसनं
जघनं मधुमन् मम ।
माम् इत् किल त्वं वावनः
शाखां मधुमतीम् इव ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0