Padma Samhita · Chapter 4.5

atha nityotsavavidhiṃ kathayāmi caturmukha /
sarvaduḥkhaharaṃ puṃsāṃ sarvabhūta praharṣaṇam

rāṣṭrasya rājño gramasya yajamānasya sadmanaḥ /
sukhāvahaṃ śāntikaraṃ puṇyamāyurvivardhanam

āvāhya taṇḍule śuddhe pārśvasthe parameśvaram /
śaktibhirdaśabhirdvābhyāṃ saha prātardine dine

parikramedāyatanaṃ madhyāhne tvanna kalpite /
sāyaṃ kusumasaṅghāte trisandhyaṃ triṣu kalpayet

bimbena vā parīyāyāttri sandhya manuvāsaram /
athavānnena madhyāhne kāle'nyata dvaye rcanā

trisandhya mathavānnena kuryānnityotsavaṃ hareḥ /
madhyandine vā sarvārthaṃ parikramya baliṃ kṣipet

yadvotsavapratikṛte ranvagagre'thavā bhavet /
trisandhyaṃ cāmaraṃ chatraṃ vi tānadhvaja saṃyutam

taṇḍulādikamannaṃ vā kevalaṃ kamalāsana /
pañcāvaraṇake dhāmni pañcasvāvaraṇe ṣvapi

baliṃ datvā paryaṭanaṃ geyavādya purassaram /
utsavaṃ prāhurutkṛṣṭamekonaṃ madhyamaṃ viduḥ

dvyūne'dhamaṃ jaghanyaṃ trinyūne kṣudramathetare /
balipradānena vinā notsavo'bhyudayāvahaḥ

śuklāmbaradharaṃ saumyaṃ śuklayajñopavītinam /
sottarīyaṃ ca soṣṇīṣaṃ svanuliptamalaṅkṛtam

paricārakamāhūya bhāvitaṃ garuḍhātmanā /
tanmūrdhani ca pātrasthe taṇḍule'nne prasūnake

devamāvāhayenmūla berādārādhaka ssvayam /
iṣṭvāca gandhapuṣpādyaistatra devaṃ yathāvidhi

viṣṇvādimūrtīścapunaḥ pūjayitvā pradakṣiṇam /
prāgādyeṣu dvādaśanu pātrastheṣu daleṣu ca

sūktaṃ sarvaṃ svastyayanaṃ tathānyaccāpi maṅgalam /
paṭhan pātraṃ cabibhrāṇo vrajecca paricārakaḥ

caṇḍapracaṇḍupramukhān dvārapālān prapūjayet /
ghoṣayenmallatālādyairbalidāna purassaram

nṛttaṃ tu vaijayantī syādṛṣabhaṃ geyamiṣyate /
vitāna dhavalacchatra cāmara vyajanādi bhiḥ

parikrameta balyarthaṃ sarvānāvaraṇān kramāt /
pīṭhaṃ pradakṣiṇīkṛtya praviśedālayaṃ punaḥ

taṃtu pradakṣiṇīkṛtya praviśedgarbhamandiram /
datvārghyāṃ mūlamantreṇa mūlabere samutsṛjet

baliśeṣaṃ kṣipetkiñci dviṣvaksenasya mūrdhani /
pariśiṣṭaṃ mahāpīṭhe nikṣipedakṣatādikam

nityotsavaśce dāropya tadbimbaṃ śibikādiṣu /
āropya yadvā śirasi paribhramaṇamiṣyate

ātodyanṛttairbahudhā bhidyamānte ssamadhitam /
tatra nṛttaṃ bahuvidhaṃ tāni vakṣye samāsataḥ

vilāsaṃ kartarī viṣṇukrāntamālīḍhamaṅgalam /
bhadramālī tārkṣyapakṣaukaraṇaṃ svastikāhvāyam

cārī pracārī sūcī ca sāvartaṃ pāribhadrakam /
saumyaṃ viṣamasūcī ca kheṭakaṃ cāvakuñcitam

kaṭibandhamalaṅkāra maśmarī pṛṣṭhakuṭṭimam /
ullaṅghivāmajānvākhya māsūrī cāpaveṣṭitam

vāsareśvarasañcārībhāvai syātāṃ nikuṭṭimau /
kuṭṭimaṃ ghaṭitaṃ sthāyībhāvo yacca vijṛmbhitam

maṇḍalaṃ kuñcitārdhādi patākā sarvamaṅgalam /
kāntārakuṭṭimāhvānaṃ prapūrvaṃ ghaṭitaṃ tathā

vilāsaṃ sarvato bhadraṃ śuddhaṃ kuñcita miṣyate /
mārgacārī karādhīna māvabhāsa manantaram

āveṣṭitaṃ parīvartaṃ nirdhūtaṃ deśimaṇḍalam /
samapūrvaṃca ghaṭitaṃ padaṃ viṣamapūrvakam

karkarīkavilāsaśca bhavedvigalitaṃ tathā /
nṛttabhedāḥ pṛthagbhāvā gātrāvayava ceṣṭitaiḥ

ātodya gītibhedānā mānantyānneha tanyate /
puṣpaprabhāsamopetaṃ dhvajacchatrādi saṃyutam

sarvavāditrasubhagaṃ sarvageya samedhitam /
brahmavidbrahmaghoṣeṇa sahitaṃ dīpasaṅkulam

viṣṇukrāntaṃ khageśasya nṛttaṃ geyaṃ ca madhyamam /
vilāsaṃ sarvatobhadraṃ kheṭakaṃ cakramaṇḍalam

kāntāraṃ kuṭṭimaṃ pṛṣṭhakuṭṭimaṃ kaṭibandhanam /
pāmajānūrdhvanṛttaṃ ca puruhotādiṣusmṛtam

ṣaḍjarṣabhauca gāndhāro madhyamaḥ pañcamastathā /
dhyaivataśtceva niṣadhaḥ puruhūtādiṣu svaraḥ

saptajñeyā dhaivatastu bhavasya svara iṣyate /
nṛttaṃ tu viṣvaktenasya svastikaṃ vṛṣabhassvaraḥ

hastinṛttaṃ gaṇeśasya svaraḥpañcama iṣyate /
dhaivatassyātsvaro nṛttaṃ durgāyāssarva maṅgalam

anyeṣāmapi devānāṃ nṛttaṃ syātsarvamaṅgalam /
gānaṃ ca dhaivataṃ proktaṃ gāndhāraṃ paṅcamaṃ tathā

tadavāntarabhedā vā geyā geyavicakṣaṇaiḥ /
samatālāhvayaṃ pādyamaindryaṃ diśi havirbhujaḥ

baddhāvatālābhidhānaṃ yamasya diśi śṛṅgiṇī /
nairṛtyāṃ mallatālaṃ syādvāruṇyāṃ maṅgalāhvayam

vāyavyāṃ jayatālākhyaṃ kauberyāṃ bhadrasaṃjñitam /
aiśānyāṃ karkarītālaṃ /
tārkṣyasya garuḍāhvayam

bhūtānāṃ balitālākhyam /
seneśasyāpi tādṛśam /
anyeṣāmapi devanāṃ tālaṃ bhadraṃ praśasyate

dikṣu sarvāsu sarveṣu mandirāvaraṇeṣu ca /
nṛttaṃ geyaṃ ca vādyaṃ ca sākalyena samīritam

khagadhvajaṃ darśayītvā maṅgalāṣṭakameva ca /
sannidhāne ca devasya sarvatra baliriṣyate

nivedyaṃ tatra tāmbūlaṃ bhakṣyaṃ ca pṛthukādikam /
narveṣvā varaṇeṣvevaṃ sthānaṃ prati samācaret

kevalāmbujanādena prākāradvāranirgamaḥ /
nirgamya ca mahāpīṭhe mandirābhimukhaṃ sthitaḥ

dīkṣu sarvāsu pīṭhasya pāditre ghoṣi te bhṛśam /
kṣālite pīṭhikāmūrdni pūjayedviṣṇu pārṣadān

baliṃ niravaśeṣeṇa datvā pīṭhasya mūrdani /
pīṭhaṃ parītya dhāmāntaḥ praviśya mukhamaṇḍape

pradāya pāduke pīṭhe yānāderavaropyaca /
praṅmakhaṃ viṣṭare devamavasthāpya sabhājayet

upahāra maśeṣeṇa pradāyāvasarocitam /
praveśayedgarbhagehaṃ devamārādhaka ssvayam

vādye geye tathā nṛtte bahiraṅgaṇa bhūmiṣu /
nyūnībhāvaṃ samādhātuṃ śuddhe tāṇḍavamācaret

mahāvātādi saṃkṣobhena nityotsavamācāret /
balipradānamātraṃ tu kuryācca sati sambhave

nabiṃ caṇḍe pracaṇḍe tu kevalaṃ vā vinikṣipet /
tayormadhyetu purato mūlamantreṇa sādhakaḥ

bhūtebhyo nama ityevaṃ pakṣipetsodakaṃ balim /
ārādhana vidhirhyeṣu kālabhedeṣu śasyate

ahni kātrau ca tān brahmannadhunā kathayāmi te /
ekastrayo vā ṣaḍvāpi kāli dvādaśa evavā

pañca kālaścatuṣkāla statkālo bahudhā mataḥ /
yathāvibhavamuddiṣṭaṃ samārādhana karmaṇi

eko madhyāhnasamayaḥ prātarmadhyandinaṃ niśā /
trayaścet ṣaṭsupūrvektāḥ kālabhedāḥ punastrayaḥ

madhyarātro'pa rāhṇaśca tathā pratyūṣa īritaḥ /
pratyūṣa ścārdharātraṃ ca prātarmadhyandinaṃ niśā

pañcakālā ime proktānsataḥkālacatuṣṭayaṃ /
ekena hīnaḥ pratyūṣo vijñeyaśchaturāsana

kālā dvādaśa vijñeyāḥ pañca pañca ca nāḍikāḥ /
itare kālabhedāstu pratyekaṃ yāma sammitāḥ

utsavāvasitaṃ śreṣṭhamārādhana mudāhṛtam /
homāntaṃ madhyamaṃ proktaṃ prāpaṇānta mathādhamam

kṣudraṃ tu dhūpadīpānta madhamāradhanaṃ bhavet /
ghaṭike dve bhavat snāne ghaṭikai kārcane bhavet

nṛttageye tathā caikā tadhardhena nivedanam /
home caikā cotsave dve śuddhanṛttāvasānike

prabhātakāla pūjāyāṃ snānādi vidhirīdṛśaḥ /
ghaṭikā snānasamayastathārdha ghaṭikārcanam

geyanṛttasya ghaṭikā tadardhena nivedanam /
homārdhe pariśiṣṭastu bhavennityotsavekṣaṇaḥ

kālabhedeṣu sarveṣu śreṣṭhaṃ kālatrayaṃ viduḥ /
prātarmadhyandinaṃ rātri rmukhyaṃ ca kamalāsana

āvaśyaṃ bhāvinau teṣu balinityotsavāpubhau /
homaparyantamanyatra kārabhedeṣu śasyate

utsavādyaṅgalimbāni senānyaṃ vihageśvaram /
caṇḍapracaṇḍai dvārasthausarvakāleṣu pūjayet

madhyandine pradeṣe ca purastādvādya vādanam /
nīrājayetpradoṣeṣu devaṃ
tadapi kathyate

svarṇapātrāṇi yugmāni vipulāni tathāvasu /
tanmadhye sālipṛṣṭheṣu partidīpān tapradīpayet

tathāvidhāni pātrāṇi karairuddhṛtya yoṣitaḥ /
kalyāṇavastrābharaṇā nirgatāśca mahānasāt

śreṇībandhāḥ purogīta nṛtta vādyasamanvitāḥ /
antike devadevasya vinyaseyu rmahītale

ādhāreṣu tataḥ pātrāṇyarcaye dviśvavidyayā /
ācāryodhruvabherādai ṣaḍaṅganyāsamācaret

iṣṭhvā ca devamarghyādyerdīpapātrāṇi pūjakaḥ /
uddhṛtya bhrāmayeddeva māpādatalamastakam