Padma Samhita · Chapter 4.33

athaupacārikān mantrān śuśrūṣe bhagavannaham /
prayujyamānairyaiḥ prītirmahatī te bhaviṣyati

brahmannārādhanāṅgāni mantrāṇyavahitaśśṛṇu /
yāni śrutyantabhāgeṣu śṛṇvanti brahmavādinaḥ

brahmakośaṃ puraskṛtya kakubhaṃ brahmamastakam /
vairājaṃ devaraṃ paścādekanetramṛgeśvarau

pavitrabhuvanau cāpi brahman caṇḍavanālayau /
hutāśa vāmanau padmāgopanau vinatātmajam

vighneśaṃ mandaraṃ kāntaṃ kalātmā ca jayājayau /
pīyūṣarāmau śrīkumbhau sūkṣmaṃ gopanapaścimau

varuṇaṃ bhadrahastāntaṃ vighneśaṃ pāṭalapriyam /
aniruddhaṃ jayeṇeśau śuklaṃ jayamathodayam

bhāsvantamṛtadhāmānaṃ śatrudāhakavāmanau /
padmādidevau śrīvatsaṃ dakṣaṃ bhāskaragopanau

pavitra bhuvanau vahnibhuvanau śatrudāhakam /
paścimāsyaṃ makāraṃ ca hutāśanasudhārasau

antimaṃ kakubhaṃ kṛtvā jitantāmanumirayet /
bhānuviṣṇudhruvaṃ bījaṃ brahmannetasya kalpayet

aṅgānyapyamunā kuryādṛṣissanake ucyate /
chandho'nuṣṭuptathaitasya devatā puruṣottamaḥ

japo'mbutarpaṇaṃ homaṃ kṛtaṃ ṣoḍaśalakṣavat /
dharmārthakāmamokṣārthān puṃsāṃ sarvaṃ prayacchati

pañcopaniṣadāṃ mantrānatha te katha yāmyaham /
parameṣṭhī pumān viśvo nivṛttassarva eva hi

āmnāyādiṃ krodharūpaṃ saṅkarṣaṇagajānam /
dakṣāniruddhau pāpaghna vahnigopanamārutān

pavitrapāpakau dakṣamādhavau padmasambhava /
krodhakaustubha saṅkhādyairgopanaṃ jayamandarau

vighneśamādhavau cānte parameṣṭinamirayet /
ṛṣirādityanāmāsya cchando gāyatra mucyate

devatā ca sadā viṣṇu rjapeddhvādaśalakṣavān /
prathamaṃ praṇavaṃ kṛtvā dhūliketana govanau

vighneśa dvitayaṃ dakṣakalāntau paścimānanam /
vahnyedidevau śaṅkhākhyaṃ paścimaṃ bhuvanaṃ tathā

pāvakaṃ bhuvanaṃ paścāccakraṃ dāhakagopanau /
jayadakṣau bhadrapāṇī devadattau tathā ntimau

ityevaṃ pauruṣaṃ mantramirayenmantrakovidaḥ /
ṛṣiṃ nāradamasyāhuśchando gāyatramīritam

devatā vāsudevaścha
śṛṇu viśvamataḥ param /
tārāgnigopanau dakṣabhadrapāṇī kalāntimau

pavitravahnyādidevān śaṅkhaṃ varuṇavikramau /
śrīvatsakuṃbhau vijayamandarau vighnamādhavau

itīrito viśvamantraḥ punardraṣṭā bhṛgurmanoḥ /
chando gāyatrametasya vācyassaṅkarṣaṇābhidhaḥ

udgīthakumbhādidevau vighneśadvayamastakam /
mandaraṃ varuṇaṃ pāpahananaṃ vahnigopanau

vāyuṃ vighneśvaraṃ rāmaṃ pīyūṣaṃ vasumastakam /
ekanetraṃ vāyumādidevān vairājamandarau

manuṣyeśaṃ mṛgeśānaṃ nivṛttimanurīritaḥ /
ṛṣistu nāradaśchando gāyatraṃ pūrvamīritam

pradyumno devatā'nena nivṛttiṃ labhate pumān /
praṇavaṃ pītavarṇābhaṃ gopanaṃ mānuṣeśvaram

mādhavīṃ sargiṇaṃ pāpahananaṃ vahnigopanau /
caturgatiṃ kalātmānaṃ kumbhaṃ pāvakagopanau

vai rājamandarau syātā muddhārya caturāsana /
gajāsyaṃ devadattāntaṃ sarvamantraṃ prakalpayet

uṣṇikchandaḥ punastvasya dṛṣṭāsyānnīlalohitaḥ /
aniruddo devatā ca manavaḥ pañca kīrtitāḥ

pañcopaniṣadaḥ puṇyā stā etāścaturānana /
mahāpātakanāśinyaḥ parākādi phalapradāḥ

etāssamyagadhīteyo vedāntānathavākhalān /
tāvubhau sadṛśaumanye pañcabhūśśasya te'dhunā

prāyaścitteṣu homeṣu pratiṣṭhāprokṣaṇādiṣu /
prayuñjīta pumānetāssarvapāpapraṇāśinīḥ

ataḥ paraṃ pravakṣyāmi śāntimantracatuṣṭayam /
praṇavaṃ madhuhantāraṃ pavanaṃ madhusūdanam

bhāskaraṃ puruṣātmānaṃ gadivighneśamādhavān /
bhallāyudhaṃ hṛṣī keśamagniṃ bhallāyudhodayam

kumbhaṃ mṛgāṅkapīyūṣau kamalānanamantimam /
śuklaṃ kumbhamatho śatruṃ bhāskaraṃ gopanaṃ tathā

itīrayenmanuṃ brahman ṛṣisyāddevatā manoḥ /
chando gāyatrametasya devatā tigmatejasaḥ

udgīthaṃ vijayaṃ kumbho vighneśātrirmṛgeśvarāḥ /
piyūṣagopanau bhadraha stagopanayaṣṭayaḥ

jṛmbhalaṃ padmanābhaṃ ca bhānu madvijayonayaḥ /
musali gopanaḥ paścā jjayaṃ kumbhaṃ ca mādhavam

netrotadehau sūryaśca śrīdharau vijayāvanau /
śrīvighneśassubhadro'tha gadī varuṇamastakāḥ

vairājakumbhādidevā dakṣo madhunighādanaḥ /
ādityarāmanāsikyacandra vāmanasargiṇaḥ

hutānta iti mantro'yamāhanīyaścaturmukha /
ṛṣimasya bhṛguṃ prāhuśchando gāyatramityapi

hutāśano devatā ca devānāṃ prathamaṃ mukham /
nigamādiṃ śriyaḥ kāntau vijayadvaya vikramau

krodhameghau pavitraṃ ca śrīdharaṃ pāvakodayau /
ugrātmavahnīdyumaṇiranalaṃ bandhu mastakam

pavitraṃ bandhunāsikyaṃ gadinaṃ pulahaṃ tathā /
dṛṣṭiṃ mṛgeśaṃ dyumaṇiṃ rāmo vaidharapāvakau

varuṇaṃ māyayā sākaṃ pracaṇḍaṃ pāṭalapriyaṃ /
pavitradahanau vāyusvacchandhau ṭhaṭhapaśchimau

itthaṃ prakalpayenmantramṛṣirdhanada ucyate /
chando gāyatrametasya devatā haripiṅgalaḥ

tāraṃ pavitraṃ vijayaṃ vighneśaṃ bhṛgugopanau /
bhāskaraṃ puruṣātmānaṃ gadinaṃ vighnamādhavau

bhallāyudhahṛṣīkeśau vahniṃ bhallāyudhaṃ tathā /
kumbhasaṃpuṭitaṃśuklaṃ candrapiyūṣagopanān

bhānumantamatho śatrumiti mantraṃ vivecayet /
ṛṣirbṛhaspatistasya chandaḥ pūrvavadīritam

ādityo devatā hyevamuktaṃ mantracatuṣṭayam /
yatramantraṃ kriyādravyahīnaṃ śāntyādikarmaṇi

tasminnetatprayuñjīta tathāyaṃ sādhako vidhiḥ /
mantrāṇi te pravakṣyāmi tattvānāṃ pañcaviṃśateḥ

prayujyamānairyairviśvaṃ prāṇitiprāṇavarjitam /
praṇavasyopari sparśānāhurvāmanamastakān

namontān prātilomyena yojayetpañcaviṃśatim /
paraśabdaṃ caturthyantaṃ na teḥ paśchātprakalpayet

jīvaṃ dehaṃ tathā buddhirgarvaṃ paścānmanastathā /
śabdasparśau tathā rūpaṃ raso gandhaśca pañcakam

etān pañcāpi viṣayān tanmantravacanodarān /
śrotraṃ tvakca tathā netraṃ jihvā ghrāṇaṃ tataḥ param

vācaṃ pāṇiṃ tathā pādaṃ pāyūpasthaṃ pitāmaha /
pṛthivīṃ prathamaṃ toyaṃ tejomārutamanvataḥ

pyoma cānte caturthyantai rātmaśabdaistatho ttaraiḥ /
kṛtanāmānimān śabdānmantrarūpeṇa kalpayet

udgīthakṛtanāsikyau hutāśaṃ bindumastakam /
kakubhaṃ gadinaṃ vāsudevaṃ vijayavā manau

vahniṃ guhālayaṃ cāpi pavitra madhusūdanau /
caturgatiṃ manuṃ prāṇaṃ dīpārthaṃ manumirayet

tāraṃ sūryahṛṣīkeśayaṣṭayaḥ puṣṭibhījavān /
meghabindū śuklarāmau ṛṣiḥ puṇyatrivikramau

indurguhālayaṃ paścājjayapāvakagopanāḥ /
iti vāyurnatimatsyā dakṣasūtramanurmahān

tāraṃ śrīrāmakaumārapuruṣātmamṛgeśvarau /
viṣṇuṃ paṃcāntakaṃ vahniṃ dhūmadhvajaguhālayau

pavitrabandhusumukhā mādhavaṃ prathamaṃ tathā /
hutāśaṃ padmapāṇiṃca vāyuṃ vahniṃ guhālayam

paścimāsya madhośatruṃ śaṅkhaṃ ca natimastakam /
ityarghyamantraṃ racayet
atha pādyamanuṃ śṛṇu

tāraṃ gadidruvau cāpi gadadhvaṃsimṛgādhipau /
paścimaṃ rāmaśirasaṃ vijayaṃ vahnipaśchimau

ekaviṃśaṃ padmanābhaṃ māyāṃ pavanapaṅkajau /
vahniṃ dvitīyamanilaṃ pāpaghnaṃ madhusūdanam

vaidharaṃ mārutaṃ vahniṃ hṛṣīkeśo'tha paścimam /
rāmaṃ sumukhasāraṅgau natyantaṃ mantramirayet

ādau vyāpiṃ śukla vahniṃ candrakumbhau jayānilau /
mandaraṃ padmanābhaṃ ca vai rājāgniguhālayāḥ

pāpahantāramadveṣī vanamālī mṛgeśvarau /
gopano vakratuṇḍaśca dakṣavighneśagopanāḥ

vairājadakṣau vighneśamādhavau natimastakam /
ityacamana mantrassyādrūpādīni yathā ami

prathamaṃ cedapi manondho pāvānduritātmavān ? /
rāmaṃ dṛṣṭimanusvāraṃ gadinaṃ viṣṇusaptamam

ādityagopanau caṇḍaṃ vahnijāyāvasānakam /
ityetatkalpitaṃ mantraṃ pratibhoganivedanam

prayuñjīta prayogaṃ ca tasmātsādhāraṇo manuḥ /
dviṣaṭkākṣaramudhṛtya śikhaṇḍipulahaṃ dhruvam

subhadrakuṃbhau vijayaśrīdharau dakṣamādhavau /
pavitrabhuvanau krodhapaścimāna nagopanāḥ

ṭhaṭhāntamatha natyantaṃ manumitthaṃ prakalpayet /
puṣpāñjalipradāneṣu niyuñjīta jitaṃ punaḥ

tāraśśuklaghaṭo yaṣṭiścandramā bhuvano nalaḥ /
subhadravāyyautadehanatyanto manurīritaḥ

tenārādhana vastraṃ syādāpyāyanamupācaret /
itthamārādhanāṅgāni mantrāṇi kathitāni te

idānīmaikān mantrān pravakṣyāmi manoharān /
svīkṛtya saptavarṇāni rohiṇiśamapāṃpatim

pavitramānuṣeśanau gopanaṃ puṇyavikramau /
paścimaṃ vijayaṃ vāyuṃ mādhavo varuṇānilau

vāsudevaṃ tathā dakṣaṃ gopanaṃ jayamandarau /
vighneśamādhavau pāpahananaṃ pavanaṃ tathā

guhālayamatho yaṣṭiṃ sūryamūrdhvaṃ jagatpatim /
yaṣṭiṃ kumbhaṃ jagatprāṇaṃ hṛṣīkeśaṃ tathā dhruvam

śvetāṃśuṃ varuṇaṃ binduṃ dvisūryaṃ vāmanaṃ dhruvam /
ṭhaṭhāntikaṃ manuṃ brahmannīraye datha tārakam

natyantaṃ śuklavaruṇau paścimaṃ vikramaṃ jayam /
bandhumagniṃ hṛṣīkeśaṃ paścimaṃ madhusūdanam

caturgatimacāmādiṃ māhendraṃ viṣṇupannagau /
mandaraṃ vāmanaṃ paścātpaścimaṃ vijayānilau

devadattaṃ śriyaṃ vahniṃ mahāmāyāṃ mahābalām /
hṛṣīkeśaṃ dhruvaṃ cāpi bījamāmreḍayedimam

pavitra manalaṃ caṇḍaṃ gopanaṃ dvivināyakam /
vaidharaṃ madhuhantāraṃ vijayaṃ mandaraṃ tathā

bhadrahastaṃ mṛgeśaṃ ca ṭhaṭhāntaṃ mantramirayet /
sindhudvīpo manordraṣṭā virāṭ chando nigadyate

svapnādipati retasya devatā paramaḥ pumān /
hṛṣīkeśaṃ yaṣṭimantramirayenmantrakovidaḥ

uṣṇikchandaḥ punastasya devatā nṛharirhariḥ /
tathā hi rasanāmāni.. mantraṃ pracakṣate

abhinnaviṭapaskandhaṃ spṛṣṭvā śvatthamimaṃ japet /
ahobhissaptabhirmṛtyuṃ laṅghayetsaṃ yatendriyāḥ

athālyāyāsasādhyāni śṛṇu mantrāṇi padmaja /
vyāpinaṃ puruṣātmānaṃ vāsudevaṃ napaścimam

rāmaṃ vighneśvaraṃ māyāmudgīdharahitānimān /
dakṣādīśādidevānāmathābjaṃ supratiṣṭhitam

vāyuṃ padma mathośatruṃ śaṅkhavahnidhruvānapi /
hutāntamuddharetka rṇagobhitiṃ mantramuttamam

japellakṣamimaṃ mantramuphoṣyaikādaśe hani /
dvādaśyāmapi kuryāt strīṃ samunnatapayodharām

āvāhya tasyāṃ hutvā ca pūjayitvāca yoginīm /
madhyarātre baliṃ datvā chindyāttāṃ pratiyātanām

bhūtaṃ bhavadbhaviṣyaṃ ca tasya vakṣyati yoginī /
amnāyādiṃ vidhātāraṃ pracaṇḍaṃ vasumastakam

paścimaṃ vikramaṃ lakṣmīṃ gopanaṃ khaḍga dhāriṇam /
savikramaṃ ghaṭaṃ cāgniṃ ghaṭaṃ ca dviradānanam

paṅkajaṃ vāruṇamatho sarasīruhasambhava /
kakubhaṃ vahnimaparaṃ pīyūṣaṃ gopanaṃ tathā

jhaṣaṃ guhālayaṃ cāpi śaṅkhaṃ vahniṃ ca mandaram /
śrīdharaṃ padmavairājaṃ gopanaṃ sūkṣmalocanam

vahniṃ pracaṇḍaṃ vighneśaṃ rāmaṃ mandarapāvakau /
pītādidevau pulahaṃ yaṣṭiṃ padmaguhāntimau

ekanetraṃ śriyaṃ vahniṃ vāmanaṃ vahnimādhavau /
mṛgeśabhāvasadbandhon vighnopahatikaṃ tathā

svacchandaṃ vijayaṃ vahniṃ vīrasenasaroruhau /
ādidevaṃ tathā candraravidṛṣṭiśubhapradau

vahniṃ vināyakaṃ rāmaṃ dvirdakṣaṃ caturāsanam /
pracaṇḍaḥ pāvako yaṣṭiḥ paścimāsyahutāśanau

piyūṣarāmasahitau śubhadaṃ vāyugopanau /
vijayaṃ pañcabinduṃ ca vai rājaṃ madhusūdanam

gaṇeśagopanau paścādgadinaṃ vijayaṃ ghaṭam /
ekadṛṣṭiṃ tathā vahniṃ mandaraṃ madhusūdanam

kuñjarānanaviṣṇvantau vighneśaṃ bandhumastakam /
kakubhaṃ candradhavalaṃ gopanaṃ paścimānanam

caturgatiṃ ṭhaṭhopāntamiti mantraṃ prakalpayet /
adhastānne travṛkṣanya japennetadatandritaḥ

naṣṭaṃ muṣṭiṃ cintanāṃ ca jānātyetatprasādataḥ /
saptākṣaraṃ prakalpyādau varuṇaṃ gopanaṃ daram

piyūṣamādhavaṃ dakṣaṃ dṛṣṭivahnidaradvayam /
paścimāgnimukhānetān dahanasyāntaroditān

sūrya rāmau pībatandho dviḥ prakalpyacatuṣṭayam /
śuklaṃ yaṣṭivivasvantau vahniṃ svāhāvasānikam

ityambustambhanaṃ mantraṃ kalpayetkamalāsana /
praṇavādiṃ vāsudevaṃ śubhadaṃ paṅka jaṃ tathā

māyāmabhyasya hantāraṃ phalahaṃ śaśinaṃ jayam /
yaṣṭiṃ bhallāyudhaṃ cāpi vighneśaṃ rāmamastakam

satyantamudakastambhaṃ mantraṃ mantra vidīrayet /
anayoḥ pūrvamantreṇa sthitavatsalite caret

uttareṇa tu sindhūnāṃ vegastambhaṃ samācaret /
agnistambhanamantraṃ te kathayāmi yathātatham

saptākṣaraṃ kumbhavahniṃ bhuvanaṃ vanamālinam /
gopanaṃ puruṣātmānaṃ trivahniṃ śaśalāñcanam

vairājabinduṃ hrasvāntaṃ caturgatimatho ṭhaṭham /
ityagnistambhanaṃ mantraṃ sādhayetayutaṃ naraḥ

lohatailaṃ ghṛtaṃ kṣīraṃ paraśuṃ salilaṃ tathā /
saptacaitāni saṃspṛśya śītaśchāgnirbhaviṣyati

udare paṅkajasyeva sukhamāsīta śruṣmaṇaḥ /
saptākṣaraṃ caturthyantaṃ vidhṇuśabdaṃ caturmukha

pavitraṃ śrīhṛṣīkeśaṃ vighneśaṃ madhusūdanam /
pradyumnaṃ pāpahananaṃ vijayaṃ vāyumādhavau

dṛṣṭiṃ mandaraṃ pātādviṣṭhaṭhāntaṃ mantramirayet /
gavāṃ ca mahiṣāṇāṃ ca kuryādetena vaśyatām

ādau catustrivarṇāni dharapradaguhālayau /
pavitravahnikamalaṃ sumukhaṃ vahnigopanau

vāyuṣaṭhānta ityeṣa vyālādidamano manuḥ /
praṇave ṣaṣṭhaśabdādi sambudhyantaṃ piśācavat

ūrdhvalokeśa hananaṃ pāṣāṇeṣu ṭhaṭhomanuḥ /
idaṃ hi japato mantraṃ ripumūrdhani tāḍayet

piśācarūpaṃ pratyakṣaṃ pāṣāṇairasthibhiśśavaiḥ /
vyāpinaṃ gadinaṃ bhadrahastaṃ puṇyassaritphatim

vahniṃ hutāśaṃ viṣṇvantaṃ kakubhaṃ kumbhavikramau /
śrīkumbhagopanān kumbhaṃ śaśāṅkaṃ brahmasādhanam

dvirmandaraṃ madhośśatruṃ subhadraṃ bandhumastakam /
pitaṃ krodhana māyāmaṃ vijayaṃ gopanaṃ dhruvam

brahmāṇaṃ mānuṣeśānaṃ vāyuṃ gopanamastakam /
binduṃ pavitra manalaṃ mārutaṃ pretanāyakam

svāhāvasānaṃ gāndharvaṃ mantramitthaṃ prakalpayet /
atharvaṇamimaṃ mantraṃ pinākiśirasi sthitam

adhastātpārijātasya hemasiṃhāsanasthitam /
āyāmi nībhirmālābhirdivyābhiśśobhivakṣasam

diṅnāgamadaliptāṅgaṃ divyābharaṇabhūṣitam /
rūpayauvanayuktābhirvālavyajanapāṇibhiḥ

nityaṃ ṣoḍhasavarṣābhirutpalasnigdhadṛṣṭibhiḥ /
mahākula prasūtābhirmadavihvala mūrtibhiḥ

adbhutabhrūvirāsābhiśśravaṇapriyagītibhiḥ /
īṣadvi sraṃsivā sobhiraṃsavyukulamaulibhiḥ

stanāndolitahārābhiḥ kadalisubhagorubhiḥ /
kuṭilālakamālābhiḥ kanyakābhirniṣevitam

kṛtāvadhānaṃ gīteṣu kinnarāṇāṃ muhurmuhuḥ /
gandharvādhipatiṃ dhyāyanlakṣaṃ mantramimaṃ japet

athenamupatiṣṭhanai kulavatyovarāstriyaḥ /
gandharvarājavacanādrūpa yauvanaśālinaḥ

athendrajālamantrasya svarūpaṃ kathayāmite /
brahmakuṃbhau vīrasenau krodhaṃ sumukhavāruṇau

rāmaṃ dakṣaṃ madhośśatruṃ caturgatimṛgeśvarau /
mohayatyatha rūpāṇi dviḥ pradarśayamastakam

huṅkāraṃ caturabhyastaṃ brahman kilikiliṃ tathā /
ṛtadvayaṃ kumbharāmau pavitrānalavāmanān

vijayaṃ locane kṛtvā garbhadvitayamastakam /
nānārūpāṇi māyedve dvirmantramitikalpayet

japena lakṣasaṅkhyena māyā pratyakṣasaṃgatā /
yadyadiṣṭaṃ sādhakasya tattatkurvīta tatkṣaṇāt

brahmādyā devatāssarvā gaganasthāḥ pradarśayet /
gahanaṃ medinīṃ kuryādyāminiṃ divasaṃ tathā

jīvantamapsuvihitaṃ prāṇapantaṃ tathā śavam /
marupradeśaṃ vāriṇi śuṣyantaṃ payasāṃ nithim

ṣaḍrasaṃ vaiparītyena deśānapyayathātatham /
pāṣāṇaistāḍayeddehe netrādyutpāṭanaṃ tathā

khalvāṭa keśasaṃrohaṃ yūnasthsaviratāṃ tathā /
puṃsastrītvaṃ tathā strīṇāṃ pustvaṃ klībasya taddvayam

tayorvāklībatāṃ citraṃ śmaśrustanaviparyayam /
gītaṃ śukla stathā gītā manyathā bhāvabhāginaḥ

agarbhiṇīṃ garbhiṇīṃ ca garbhiṇīṃ cāpyagarbhiṇīm /
pādādibhaṅgasandhāne nabhaḥ kusumasambhavaḥ

acintitāni śailānāṃ patanāni yathepsitam /
manuṣyādiṣu śṛṅgāṇi gaganārohaṇaṃ tathā

akāla raṇasaṃraṃbhān pratimākarṣaṇaṃ tathā /
kaṭhinānāṃ dravībhāvaṃ dravatāṃ kaṭhinātmatām

adyāpi pralayāvasthāmunmajjana nimajjane /
khaḍgādibhi rabhaṅgaṃ ca jaṅgamaṃ sthāvaraṃ tathā

ācetaneṣu caitanyaṃ cetaneṣu vicetanām /
rūpadarśanamandhasya mūkasya madhurāṃ giram

śravaṇaṃ badhirasyāpi pajgorgamasamadbhutam /
pradarśanaṃ vimānānāṃ bhuvi sūryendumaṇḍalam

śilāvarṣaṃ mahāghoraṃ rāhugrāsamaparvaṇi /
etasthānapraviṣṭāni bhuvanāni caturdaśa

āsanasthasya patanaṃ tumulaṃ ca parasparam /
pratīpagamanaṃ sindho rāsanaṃ havyavāhane

tatkṣaṇepi prarūḍhānāṃ vṛkṣāṇāṃ pallavaṃ phalam /
secanaṃ havyavāhena jvalanaṃ vayasā tathā

madhyāhnasamaye jyotsnāṃdiṅmohaṃ vātasambramam /
cittādidhātu saṅkṣobhaṃ pratyakṣasyāpyadarśanam

śailaśṛṅgā dyapatanā dgavyanasya pradarśanam /
itthaṃ bhūtāni citrāṇi kuryānmāyānubhāvataḥ

idānīṃ saptayakṣīṇāṃ mantrāṇi katha yāmite /
āgaccha sundarī svāhāvasānaṃ praṇavādimam

ityeṣa sundarī mantro mantrādeḥ kāryamācaret /
praṇavaṃ prathamaṃ sarvaṃ mano hara namo ṭhaṭha

itthaṃ manoharī mantraḥ priyamiṣṭaṃ prayaccati /
udgīthaṃ kanakaṃ brahman pakṣyate maidhunapriya ?

ṭhaṭhaḥ kanakavatyāssyānmantraḥ kāmukasiddhidaḥ /
mamāgaccha caturvaktra kāmeśvari ṭhaṭhāntimam

iti kāmeśvarīmantraḥ sarvāṃ siddhiṃ prayacchati /
āruhya śayanaṃ naktame kāki puṣpagandhavān

dhyāyetkāmeśvariṃ yakṣiṃ sā tasya bhavati priyā /
yadānyāṃ kāmayenmantrī sā tasya vaśamācaret

svāhāntaḥ kathito mantro brahmātpāte ratipriye /
pritā ratipriyā yakṣī sādhakasya prayacchati

divyānyodanavāsāṃsi kusumādyanulepanam /
pādukāñjana khaḍgādīn bhāṣaṇāni rasāyanam

oṃ padmini ṭhaṭho mantraṃ padmini yasya devatā /
oṃ śrīṃ hrīṃ dvayamāgaccha dvayaṃ yakṣi ṭhaṭhāntimam

praṇavadvitayaṃ puṣṭibījaṃ paśchānnati stathā /
vātādidevau dakṣādyaṃ bandhuṃ vighneśamārutau

vīrasenamatho śuklaṃ kumbhaṃ vahniṃ ca paścimam /
hṛṣīkeśaṃ jayaṃ kumbhaṃ śrīddhuvau kamalāsana

pañcabinduṃ ṭhaṭhāntaṃ ca yāminīmantramuddharet /
etajjapena puruṣo vibhavaṃ labhate param

dvandvāni puṃsāṃ strīṇāṃ ca rahitānyapi yojayet /
yadyadvastu tathānyeṣāṃ striyo vā puruṣo'pi vā

tāmbhūlaṃ kusumaṃ vāpi tadvānvahamupānayet /
yasyaite manavassapta siddhāḥ puṃsaścaturmukha

yakṣyastasya bhaviṣyanti kiṅkayan iti devatāḥ /
merumandharavindhyādiśikhareṣu yathātatham

sādhakaṃ ramayiṣyānti kalpaṃ bhogai ramānuṣaiḥ /
brahman piśācamantrāṇi śruṇuṣva gadato mama

saptākṣarāṇi saptārkagopanāḥ kumbhavikramau /
krodhapracaṇḍau varuṇamṛgeśau vipulastathā

dvikuṇḍasaspamisvāhā manureṣa prakīrtitaḥ /
badni yādamunā brahmannāviṣṭasya śikhāṃ punaḥ

saptākṣaraṃ puraskṛtya caturthyaṃ viṣṇumastakam /
gururbandhuḥpitā kāmo mandaraṃ vikramaṃ tathā

pulahaṃ vikramaṃ paśchādbhallāyudhaguhālayau /
vai rājapāpahananau vijayaṃ bandhumastakam

hutāśagopanau brahman kakubhaṃ brahmasūdanau /
pavitraśaṅkhau vijayaṃ māyāṃ svāhāvasānakam

itimantraṃ prakalp‌yātha balimetena dāpayet /
pūrvaṃ mantradaśārṇāni mahendro rāmamastakaḥ

pavitra pāpanau pītagaupanau paścimānanau /
vahnyantasūdanau vighnagopanau papanaṃ tathā

gadī hutavahassūryo vanamāli pitāmaha /
mānaṃ śabda śirassvāhā gandhamantraḥ prakalpitaḥ

dvādaśārṇamukhaṃ pūrvaṃ vahniṃ sumukhavikramau /
māhendravikramau bhānurdakṣaṃ vijayayordvayam

dvirvāriśabdaṃ kamalaṃ devadattaṃ vināyakam /
svāhāntamirayenmantra māveśe viniyojayet

stambhe vā puruṣe vāpi payastenābhimantritam /
vikṣipedatha bhūtāni stambha mapyāviśantitam

aṣṭākṣaramukhassūryo vahnirdiḥ kamalāsana /
vyastau punastayorvahnāvubhayatra trivikramau

ādityarāmaṃ nāsikyaṃ ghaṭasaṃ vāvakapriyāḥ ? /
yena sāgrahamantrasya piśācādibhayāvaham

bhūtapratikṛtiṃ kṛtvā śālipiṣṭairmahodarīm /
bhitvā tīkṣṇena śastreṇa bhūtaṃ sākṣādbhaviṣyati

bhūtagrahapiśācādīnapasmāramathāpi vā /
kūśmāṇ‍ḍayakṣagandharvabrahmarakṣassurāsurān

āveśayeddhareccāpi mantrairetaiścaturmukha /
yadyadebhiraśakyaṃ syāttattatkuryādvicakṣaṇaḥ

sudarśanasya mantreṇa nārasihmena vā punaḥ /
trailokyamohanenā pi sākṣā daṣṭākṣareṇa vā

iti mantraprabhāvaste kathitaḥ padmasambhana /
caryā ca vidhivatproktā dharmakāmārthamuktidā

idaṃ hi pāvanaṃ śāstramadhīte yassamāhitaḥ /
triṣvapyamuṣya lokeṣu jñeyamanyannavidyate

ityuktvā brahmaṇe śāntraṃ bhagavān bhūtabhāvanaḥ /
vāsudevaḥ paraṃ brahmatatraivāntaradhīyata

atha vismayamānātmā brahmālokapitāmahaḥ /
ajagāma svakaṃ lokaṃ stūyamāno maharṣibhiḥ

kapilāya dadau brahmāśāstrametanmaharṣaye /
sa cāpi bhagavānmahyaṃ mayāte kathitaṃ punaḥ

tatpātāla midaṃ hitvā jambhūdvipamito vraja /
himavatsarvate ramye samādhāya manaśśubham

ārādhaya hṛṣīkeśaṃ vidhānaiḥ pāñcakālikaiḥ /
iti bruvāṇe padme tu labdhvā hṛṣṭena cetasā

ayogyājñānatimiraṃ śāstrāñjanaśalākayā /
nivṛtya pātālatalātkṛtvā padmaṃ pradakṣiṇam

amuṣmin śailaśikhare devadārubhirāvṛte /
mahābhāgavataiḥ puṇyaiḥ pañcarātraviśāradaiḥ

tapasvādhyāyanirataissevite paramarṣibhiḥ /
hṛdayebhyassamāhṛtya hṛdayaṃ saṃyamādibhiḥ

arādhayāmi viśveśaṃ vāsudevaṃ jagadguram /
anyamānīya tadvācā taṃ dhyāyanmanasā punaḥ

kālenārādhanaṃ kurvan bhajāmi parameśvaram /
tvamapyārādhaya kṣipraṃ caturpyohamadhokṣajam

mayā te kathitaṃ śāstraṃ sāvadhānena kiṃ śrutam /
idaṃ te nātapaskāya nābhaktāya kadācana

na cāśuśrūṣave vācyaṃ na ca māṃ yo bhyasūyati /
tantrāṇāṃ caivaratnāni pañcāhuḥ paramarṣayaḥ

pādmaṃ sanatkumārākhyaṃ tathā paramasaṃhitā /
padmodbhavaṃ ca māhendhraṃ kaṇvatantrāmṛtāni ca

tadā prabhṛti ye śiṣṭāstato haṃ himavattaṭe /
ārādhayaṃ caturbāhuṃ niyataḥ puruṣottamam

bhavantopi yatātmāno bhaktimanto janārdane /
kena vā kathitaṃ śāstramṛṣayaḥ kalmaṣāpaham

idaṃ mahopaniṣadaṃ śraddhadhānaśaśruṇoti yaḥ /
sa yāti śāśvataṃ sthānaṃ duṣprāpamakṛtātmabhiḥ

yena māṃ prathamāmāna yathā padma gurorguruḥ /
tenedaṃ śrīyate ? puṇyā matanotpadma saṃhitām

ṛṣayastaṃ bhavantopi bhagantu puruṣottamam /
pradāsyati sa yuṣmabhya mapavargaṃ tapodhanāḥ