Padma Samhita · Chapter 4.32

aihikāmuṣmikaṃ sarvaṃ mantraṃ saudarśanaṃ param /
śuśrūṣorbhagavannadya rahasyamapi pāvanam

bhaktāya mahyaṃ dātavyaṃ praṇatāya yathātatham /
hanta te katha yiṣyāmi mantraṃ sarvārthasādhanam

yathārthanāma tenāyaṃ nākhyeyo yasya kasya cit /
udgīthamuddharetpūrvaṃ candramādyaṃ nabhomaṇim

atriṃ sitadyutiṃ vahniṃ gopanaṃ jvalanaṃ mukham /
ūṣmāṇamudayaṃ vīraṃ pullākṣaṃ viṣṇumastakam

hṛdayāhlādamityeva mantroddhāraścaturmukha /
vahnimādimanusvāraṃ bījamuddhṛtya kalpayet

ṣaḍaṅgamanuvarṇānāmuddhāraḥ kathyate kramāt /
aṅgatrayaṃ caturvaktra pūrvamāviṣkṛtaṃ mayā

caturthyantaṃ cakrapadamudgīthādi prayojayet /
anantaraṃ sūryapadaṃ tadvibhakte ca tatpadam

pañcamaṃ ṣaṣṭhamapyaṅgaṃ padaṃ tattadvibhaktikam /
uddhāryaṃ ca sāhasrādi jvālādhārādi pūrvakam

evamaṅgāni ṣaḍbrahmannuktāni gahanāni te /
ahirbudhynomanordraṣṭā virāṭchandassudarśanaḥ

devatā munayaścātra pratyakṣaramathābjaja /
vyāsaḥ kaṇvo nāradaśca vasiṣṭhaḥ paramo bhṛguḥ

atriṣṣaḍete draṣṭāraśchandāṃsyakṣaraśaśśṛṇu /
uṣṇigbṛhatyau gāyatraṃ paṅtkiśca jagatī virāṭ

varṇāḥ kālāgnivarāṇābhāḥ kālāścaivahidevatāḥ /
karayornyasya talayorubhayorakṣarāṇi ṣaṭ

prathamāntārṇaśiṣṭānāmaṅguṣṭhādiṣu parvasu /
aṅgulīṣu kramādevamakṣaranyāsa īritaḥ

dehe ca mūrdhnicāsye ca hṛdaye guhyajānunoḥ /
pādayornyasanīyāni kramānmantrākṣarāṇi ṣaṭ

śrīsudarśanagāyatrī maparāṃ na parājitām /
vakṣyāmi tasyāścoddhāraḥ padaśaḥ kathyate'dhunā

udgīthādi caturthyantaṃ sudarśanapadaṃ tataḥ /
vettiṃ luḍantamaparaṃ bahvarthaṃ pada mirayet

mahāpūrvaṃ cakrapadaṃ tadvibhakti rvibhūtijam /
dhyāyantī padamuccārya pūrvavattiṅvibhūṣitam

tatpadaṃ cāsmadādeśo naḥ padaṃ ca dviśīrṣakam /
prapūrvaṃ co dayāntaṃ ca padamityuddharenmanum

asya bījaṃ tu pūrvoktaṃ veditavyaṃ caturmukha /
āśāsu daśasu sthāpya mantraṃ taccakramudrayā

tanmadhyesthitamātmānamagnijvālāparītavat /
dhyāyet kṣitatale śuddhe sahasradalapaṅkaje

karṇikāyāṃ cakradharaṃ dvibhujaṃ vṛttalocanam /
daṃṣṭrākarālavadanaṃ bhrukuṭīkuṭilekṣaṇam

mahodaraṃ mahākāyaṃ japākusamasannibham /
karaṇḍamukuṭopetaṃ raktāmbaravibhūṣitam

dhārayantaṃ śikhāratne cakramekasamaprabham /
nābhinemisamāyuktaṃ jvālāmaṇḍaladussaham

jvalat ṣaḍarasaṃyuktamayutārkasamaprabham /
padmamevaṃ sthitaṃ dhāyettannābhau ca suvistṛte

cakrābhimānisaṃ devaṃ dvihastaṃ puruṣaṃsthitam /
raktāmbaradharaṃ raktaṃ raktacandanapaṅkilam

karaṇḍamukuṭopetaṃ sarvākalpapariṣkṛtam /
daṃṣṭrākarāvadanaṃ bhrukuṭīkuṭilānanam

udgirantaṃ hutavahaṃ kharaṇḍairmārutānukam ? /
viṣphuliṅgān durviṣahānvisṛjantamanekaśaḥ

kāmarūpa sahasrebhyaḥ pralayāmbadanisvanam /
tarjanaṃ vāmatarjanyā bibhrāṇaṃ dakṣiṇe kare

nipīḍitāṅgaliṃ śatruṃ praharanni vabhīṣaṇam ? /
dahanniva ca netrābhyāṃ pibanniva mahodadhim

dhyātvaivamarcayedbhogairarghyādibhiratandritaḥ /
siddhaye mantrarājasya puraścaryā yathoditā

deśe kāle ca mantrasya rūpaṃ saṅkhyā ca pūrvavat /
khākakandaphalakṣīrasaktupiṇḍānna bhakṣaṇaḥ

toyaisparpaṇamagnau ca juhuyātsamidādibhiḥ /
mandrassidhyati tasyaivaṃ kurvāṇasya yathāvidhi

siddhaiṃ ca sūcayatyasya svapne maṅgaladarśanam /
prayuñjītatato mantraṃ śāntikādiṣu karmasu

ṣoḍaśastambhasaṃyuktaṃ kalpayedyāgaṇamaṇṭapam /
sthāpayettatra vidhipatkumbhānāṃ pañcaviṃśatim

veṣṭitān sūtravastrādyai rdhānyarāśiṣu maṅgalān /
eṣu dravyāṇi saṅgṛhya nyasetkamalasambhava

ghṛtamuṣṇodakaṃ ratnaṃ phaladoka manantaram /
lohatoyaṃ marjānāmbho gandhāmbhaśācakṣatodakam

yapodakaṃ kramādheṣu kumbheṣu navasu kṣipet /
pādyaṃ guḻodakaṃ caiva dadhi cekṣurasaṃ tathā

arghyaṃ ca nālikerāmbhaḥ kṣīraṃ ca tadanantaram /
sarvauṣadhibajalaṃ tadvadācāmaṃ maṅgalodakam

madhupūrvaṃ śāntivāri pañcagavyamanantaram /
mūlodakaṃ kaṣāyāmbhaḥ pukṣpavāri caturmukha

dravyāṇye teṣu kumbheṣu bahiṣṭheṣu vinikṣipet /
pratyekaṃ śatakṛtvaśca mandreṇai vābhimantrayet

kumbhe dravyāṇi nikṣipya cakrabjaṃ vartayettataḥ /
tanmadhyemantrarājena yaṣṭavyaṃ tatsudarśanam

kuṇḍevṛtteca juhuyātsami dannādibhiḥ kramāt /
hutvā niśāyāṃ mānunā prabhāte'rghyādibhiḥ kramāt

arcayitvā hetirājaṃ hutvāgnau samidādibhiḥ /
bhūrjapatre likheccakraṃ nābhinemisamanvitam

ṣaḍaraṃ tatra pūrvādi kramāccaiva ṣaḍakṣaram /
likhitvacchandasāmādi tanmadhyai sādhyanāma ca

hemasūcyālikheddravyairmiśritaiścandanādibhiḥ /
candanadvayakāśmirarocanāguru mukhyakaiḥ

gandhadravyaissusaṃpiṣṭaiḥ paścāttāṃ bhūrjapatrikām /
gulikāṃ kārayettāṃ ca śālitaṇḍularāśiṣu

adhivāsyā svahaṃ kumbhaissnāpayitvā yathāvidhi /
bandhayettāṃ māturaṅgemandreṇānena mantravit

gulikābandhanenaiva muktorogādibhirnaraḥ /
tejasvī bhavati kṣipraṃ tvacā mukto yathāragaḥ

jvalitasya bhavecchāntiḥ prasūnairnimbasambhavaiḥ /
dūrvāṅkurāṃścūtadalaissiktairmadhupayoghṛtaiḥ

manunā juhuyādagnau saptarātramatantritaḥ /
pratyehaṃ daśasāhasrasaṅkhyāyā rogisannidhau

abhiṣicya tathā kumbhai rogiṇaṃ cakravidyayā /
badhvā ca gulikāṃ mantrīmocayejjvalitaṃ jvarāt

gobhūhiraṇyavastrādyairmantriṇaṃ toṣayettataḥ /
brāhmaṇebhyo yathāśakti dadyādgokambalādikam

bhūtagrahi piśācādi pīḍitānāṃ tathā nṛṇām /
śāntaye juhuyādagnau kiṃśukotthaissamicchataiḥ

triyahaṃ trisahasraiśca teṣāṃ badhvā śikhāṃ tataḥ /
guggulūtthena dhūpena dhūpitān gṛhapīḍitān

tāḍayenmantrajaptena daṇḍena latayāpi vā /
piśācādistato brūyānmuñchāmiti prapīḍitaḥ

śapathaṃ kārayitvātu śikhābandhaṃ ca mocayet /
sthāpitaiḥ kalaśaiḥ paścānmantreṇa grahapīḍitam

snāpayedbandhayecchāpi gulikāmabhimantritām /
tato vimucya terogāccheto vāgbhirupadravāt

tejasvī śatamāyuśca bhavenmantraprabhāvataḥ /
nārīca durbhagā cakradhāraṇātsubhagā bhavet

vandhyā ca garbhiṇī sadyassuprasūssyādapapranūḥ /
anṛtussyādṛtumatī vimukhā sumukhā bhavet

virahe saṅgatā bhartā bhavedacirakālataḥ /
strīprasūḥ puṃprasūtiśca antanā stanamaṇḍitā

kumārapakṣipīḍādau bālānāṃ ca yathoditaiḥ /
vidibhirmucyate duḥkhāllabhate cāyuruttamam

prāsādepi narendrasya brahmarakṣomukhairgṛhaiḥ /
praveśe sati tanmadhye kumbhān ratnasamanvitān

sthāpayitvā yathāpūrvaṃ samidādyairatandritaḥ /
mantreṇa juhuyānmantrī dvādaśāhan samāhitaḥ

pratyekaṃ daśasāhasrasaṅkhyāyā kamalāsana /
tāmrapātre śilāyāṃ vā cakramālikhya tatpunaḥ

dhānyarāśiṣu saṃsthāpya niśāyāṃ prātarutthitaḥ /
prāsādadvāri nikhaneddikṣu cāṣṭasu mudritam

prokṣayetkumbhutoyena gṛhaṃ sarvamaśeṣataḥ /
palāyante grahassarve dūratassarvato mukhāḥ

tadraṣṭrepi na tiṣṭhanti sarvakālamasaṃśayam /
prāsādavartinassarve jīvanti nirupadravāḥ

dhanadhānyasamṛddhiśca yathā dhanadavesmani /
vastraśayyāsānādīnāṃ daṃśane mūṣikādibhiḥ

raktastrīdarśane vāpi keśānāṃ dahane tathā /
akasmadgopurādīnāṃ dahane'śanipīḍite

niśi śakradhanurdarśe nivāte caityabhūruhaḥ /
bhaṅge valmīkajanane dussvapne'nyatra tādṛśe

evamādau durnimittai śāntimetena kārayet /
yajñavṛkṣasamidbhiśca homaḥ pūrvoktasaṅkhyayā

kuryācca śāntiṃ puṣṭyādikarmaṇā kamalāsana /
kathyante tāni bahudhā nābhedaṃ yānti bhedataḥ

sarvābhyudayakarmāṇi caturaśreṣu kārayet /
pauṣṭikaṃ padmakuṇḍeṣu śāntiṃ vṛtte sukhāvahaḥ

trikoṇe māraṇaṃ karma kuṇḍe cāpākṛtau punaḥ /
uccāṭanaṃ yakṣakanyāsādhane koṇapañcake

ṣaḍaśre stambhanaṃ karma saptāśre mohanaṃ bhavet /
vidveṣaṇaṃ navāśresyādaṣṭāśre māraṇaṃ vidhim

ekādaśāśre brahmādivaśīkaraṇamācaret /
kuṇḍe daśāśre paśyādi devatātoṣaṇovidhiḥ

dvādaśāśreṣu puruṣaṃ vaikuṇṭhaṃ draṣṭumācaret /
yonyākāre vivāhārthaṃ kanyārthaṃ kamalāsana

caturviṃśatyaṅgule syādvistārāyāmakalpanam /
khātaṃ tāvadbhireva syātkuṇḍeṣu niyatiṃ śṛṇu

tadardhaṃ pādamathavā caturaṅgulameva vā /
parito dvyaṅgulaṃ hitvā bahistisraśca vedikāḥ

kāryāstāsāṃ ca vistāraścaturaṅgulasaṃmitaḥ /
tāvatye ponnatirbrahman kuṇḍasya dhanuṣaḥ punaḥ

aṅgulyā navatiṣṣaṭca jyā ca ṣaṭtriṃśadaṅgulā /
śaṅkuṃ vidhāya tanmadhye daśāṅgulasamāyatam

bhrāmayetparitassūtraṃ kuṇḍaṃ tadvalayākṛtim /
caturaśrasya kuṇṭasya vibhajetpañcadhā bhujam

dvau bhāgau bhujamekaṃ catriṃ śatpañcāthavā punaḥ /
aṅgulīnāṃ bhavedeṣāṃ trikoṇāṅke bhujaḥ smṛtaḥ

kuṇḍe ṣaḍaśre ca bhujā aṣṭāṣṭaikādaśāṅgulāḥ /
eko bhujaḥ pañcakoṇe viṃśatyaṅgulisaṃmitaḥ

saptāśre ca bhūjāyāmo yavaṣaṭkādhikaḥ punaḥ /
tisraśca daśa cāṅgulyaḥ kuṇḍe tvaṣṭāśribhiryute

dvyadhikā daśa vā bhūmau daśāṃgulyaḥ prakīrtitāḥ /
aṃgulyostu bhujāyāmo nalaskandāṃśa kīrtitaḥ // ? 32.86 //
nāvāśrakuṇḍeṣu yavā pañcakoṇe bhujāyatiḥ /
daśa cāṅgulayaḥ proktā daśāśre ca caturmukha

yavāḥ pañca bhujāyāmo nava cāṅgulayaḥ smṛtāḥ /
ekādaśāśrekuṇḍe tu yavairaṣṭābhiranvitaḥ

aṣṭāvaṅgulayaḥ kuṇḍe dvādaśāśre bhujāyatiḥ /
aṣṭādaśāṃgulā phroktā yonikuṇḍeṣu cāyatiḥ

aṣṭau ca catvāriṃśacca bhavedaṃgulayo'bjaja /
gajoṣṭhasannibhā yoniryadvāśvatthadalopamā

kuṇḍā nyuktānyathedānīṃ śāntyādiḥ pratikalpyate /
yatkuṇḍaṃ yasya kathitaṃ śāntyādestasya tadbhavet

aśvavāraṇaśālāsu cakrayantraṃ yathāvidhi /
likhitvā tāmradārvādau niśāyāmadhivāsayet

sahaskarṛtaḥ kartapyo homaḥ kuṇḍe śubhe yataḥ /
samidbhiryajña yogyābhiḥ sthāpayetkumbhamarcitam

atha prabhāte śālāyāṃ yantraṃ khanyānmahītale /
prokṣayetkumbhatoyena gajānaśvān pṛthakpṛthak

saudarśanena mantreṇa puṇyāhaṃ pācayettathā /
naśyanti vyādhayasteṣāṃ gajāśvānāṃ caturmukha

balaṃ syādadhikaṃ teṣāmiti saptāhamācaret /
brāhmaṇebhyo dhanaṃ dadyā dyathāśakti ca dakṣiṇām

ūrjasvalamatho brahman gajāśvaṃjāyate bhṛśam /
tathā ca pratyahaṃ homassyātsudarśanavidyayā

itthaṃ gomahiṣādīnāṃ rakṣāṃ kurvīta mandravit /
purarakṣāmathabrahman pravakṣyāmi yathātatham

stambhaiṣṣoḍaśabhiryuktāṃ darbhamālā pariṣkṛtām /
puramadhye prapāṃ kṛtvā juhuyātsarpiṣā punaḥ

pālāśībhissamidbhiśca dinānyekonaviṃśatiḥ /
dikṣvāṣṭāsu tathā madhye purasya kamalāsana

khanyātsaudarśanaṃ yantraṃ sthāpayetkumbhamañjasā /
toyena prokṣayedvidvānnagaraṃ cakravidyayā

ṛgbhiśca pāvamānībhiḥ praśastāryathākramam /
puradvāreṣu saudheṣu maṇṭapeṣu mahībṛtām

sarvatra nikhanecchakraṃ juhuyā tsamidādibhiḥ /
maraṇavyādhidurbhikṣajvarādivyādhayaḥ punaḥ

naśyanti balavantaśca bhavanti puravāsinaḥ /
grāmamadhye tathā dikṣu vidikṣu caturāsana

śṛṅgāṭakeṣu sarveṣu nikhanedāyudhā dhipam /
gṛhavetālarakṣāṃsi vyādha yaścajvarā dayaḥ

na bādhante puraṃ gramamapasmārādayastathā /
na taskarabhayaṃ kiñchidakālamaraṇaṃ tathā

puruṣāyuṣavantassyurnarā dhānyadhanānvitāḥ /
saubhāgyaṃ kāntirārogyaṃ tathā kulavipardhayaḥ

brahmavarcasa mityetadbrāhmaṇānāṃ bhaviṣyati /
payasvinyo bhaviṣanti gāvaḥ pīnapayodharāḥ

tadrāṣṭreṣu manuṣyāṇāṃ bhadrameva bhaviṣyati /
atha vakṣyāmi te brahman pannagānāṃ nivāraṇam

devālaye nadītīre nandanopavaneṣu vā /
catustambhasamāyuktaṃ catustoraṇabhūṣitam

abhito darbhamālābhiśśobhitaṃ homa maṇḍalam /
kṛtvā tasmi nnapāṃ kumbhān sthāpayitvā navāparān

prācyāṃ vedyāṃ punaḥ kuryātkuṇḍaṃ pūrvoktalakṣaṇam /
yajedeteṣu kumbheṣu nava mūrtiryajetkramāt

nivedya pāyasaṃ tebhyaḥ paścātkuṇḍe hutāśanam /
ādadītātha tāmreṇa tālamātraṃ bhujaṅgamam

prakalpya śeṣamantreṇa pratiṣṭāpya pitāmaha /
tasmiṃścakraṃ likhettasya madhye matsyākṛtiṃ punaḥ

garuḍaṃ śaṅkhapālaṃ ca kṛṣṇamantraṃ ca veṣṭanam /
tannāgayantraṃ kṣīreṇa ghṛtena madhunāpi ca

dadhnā śakṛdrasenāpi snāpayeccakravidyayā /
puṣpagandhapradīpādyairupacāraistathāparaiḥ

iṣṭvā nāgaṃ svamantreṇa cakraṃ cakrasya vidyayā /
kuṇḍamadhye punarnāgayantraṃ khanyādvicakṣaṇaḥ

tasya cottānarūpasya hutāśa muparisthitam /
kṛtvā dadhnā ghṛtenāpi payasā madhunāpi vā

samidbhirbrahma vṛkṣasya juhuyānmantrakovidaḥ /
sahasrakṛtvaḥ pratyekamatha gopayasokṣitaiḥ

nīvārabhāgaissaptāhaṃ juhuyādayutairapi /
apo nastvitimantreṇa juhuyātsādhakottamaḥ

triṣvahassu vyatīteṣu parjanyo meghavāhanaḥ /
dvāvayedavanīṃ kṛtsnāṃ bhūyopi salilodayaiḥ

ativṛṣṭi praśamanaṃ pravakṣyāmi caturmukha /
viṅgalākāramātmānaṃ dhyātvā piyīṣabhāvitam

śūlavajra dharaṃ cāpi mantravi nmantrabhūṣaṇam /
tailājyasiktai rjuhuyāllājanarṣapalāvaṇaiḥ

juhuyājjvalite vahnāvayutaṃ saptasāgarāt /
vṛṣṭiśabdaṃ puraskṛtya stambhayeti padadvayam

prayoktavyamidaṃ brahmanmantrānte mandravedinā /
atha śāmyati sā vṛṣṭirmahatī cakravidyayā

atha rāṣṭrapurādīnāṃ kṣobhaśāntiṃ tathā śṛṇu /
akṣarāṣṭhagataṃ cakraṃ pratiṣṭhāpya yathāvidhi

pure rāṣṭre tathā khanyāttatkāṣṭhairjuhuyāttathā /
sahasā kṣobhamāyānti vājivāraṇasaṃkulam

rāṣṭraṃ ca kṣubhitaṃ brahmannanavasthaṃ bhaviṣyati /
yati śāntau matiṃ kuryāccakramudvāsya tatpunaḥ

snāpayedbhagavantaṃ ca sahaśrakalaśāmbabhiḥ /
jhaḍityeva praśāntaṃ pyādduritaṃ purarāṣṭrayoḥ

rāṣṭrādilambhanaṃ te'dya pravakṣyāmi caturmukha /
upetaṃ dalaṣaṭkoṇe karṇikākesarānvitam

cakrābjaṃ kārayedbhūmau medhyāyāṃ kamalāsana /
tadbahirnābhivalayaṃ ṣaḍaraṃ tadbhahirlikhet

tadbahirnemivalaṃya jvālāmālā samanvitam /
tadbahiḥ kalpayetpīṭhaṃ caturdvāra pariṣkṛtam

śobhopaśobhayuktaṃ ca kṛtvā maṇḍalamidṛśam /
tasmin sudarśanaṃ brahman pūjayitvā yathāvidhi

samidbhirannai rāṅyaiścha hutvā mantraṃ prasīdatu /
śṛṅge cakraṃ deharāṣṭraṃ deharāṣṭraṃ tathā dhanam

ityetāṃ pāvanīṃ gādhāṃ japānte prārthayanpaṭhet /
atha tasya puraṃ rāṣṭraṃ grāmaṃ cakraṃ prayacchati

atha prabhaṣṭarājyānāṃ manujānāṃ yathā śriyaḥ /
tathā vakṣyāmite brahmannuvāyaṃ cakravidyayā

antasthitasya padmasya syātpalāśacatuṣṭayam /
athāṣṭau dvādaśa brahman ṣoḍaśātha catuṣṭayam

viṃśatiśca tathā triṃśaddvau krameṇa bahiśchadāḥ /
iti ṣaḍvidha patrasya karṇikāyāṃ sudarśanam

yeṣvatho ṣaṭprakāreṣu palāśeṣu yathākramam /
mūrtīścatasraḥ prathamaṃ tathāṣṭau dvyadhikā daśa

ṣoḍaśātha sahasraṃ ca viṃśatiśca pitāmaha /
atha dvātriṃśatiṃ paścādantarāleṣu ṣaṭ svapi

yathākramaṃ bhūṣaṇāni śrīvatsaprabhṛtīnyatha /
aṣṭau śaktīśśriyā sārdhaṃ cakrādiṃ homa maṇḍalam

kavīn saptādhikān pañca kumudādīnanantaram /
indrādīnatha dikpālān pūjayenmantrakalpavit

samidbhirbhilvarūpābhistalaiḥ padmaistathā ghṛtaiḥ /
sahasrakṛtvaḥ pratyekaṃ juhuyāccakravidyayā

itthaṃ gate saptarātre prātarutthāya mantravit /
sthāpitaiḥ pañcaviṃśatyā kumbhaiśśālikṛtāsanaiḥ

ghṛtādipūritairbrahman cakravidyābhimantritaiḥ /
rājyabhraṣṭaṃ mantrahīnaṃ danyubhiḥ paripīḍitam

rājānaṃ brāhmaṇaṃ vaiśyaṃ tathānyaṃ duritāhatam /
abhiṣiṃcet smaran cakraṃ tanmantreṇa vidhānavit

tathā prakalpayetyantraṃ dāpayeddakṣiṇāṃ guroḥ /
itthaṃ kṛte caturviktrasaubhāgyaṃ rājyalambhanam

dasyunāśo bhavedbhadraṃ syātsudarśanatejasā /
ādāvante tathā brahman haṃsamantravatā punaḥ

nāśayeccakramantreṇa viṣaṃ sthāparajaṅgamam /
atha saṅgrāmavijayaṃ vakṣyāmi kamalāsana

kṛpāṇe torame śaktau śareṣu valaye tathā /
āyudheṣu tathānyeṣu lalāṭe vājihastinām

tathā dvaja paṭhānteṣu likhitvācakramaṇḍalam /
praviśya samaraṃ bhīmaṃ ripūṇāṃ romaharṣaṇam

heṣitena turaṅgāṇāṃ bṛhmitena viṣāṇinām /
harṣanādena yodhānāṃ rathanemisvanaistathā

turaṅgama khurakṣuṇḍaiḥ pārthivaiḥ pāṃsumaṇḍalaiḥ /
tirohitanabhassūryaṃ kṛtāntasadanopamam

rudhirāsrāva saṃbhrāntaṃ vetālamithunodyatam /
māṃsasaṅgrāha ṇoḍḍīnasahasraśyenasaṅkulam

jvālāmālāmayaṃ cakraṃ dhyāyan jitvā ripūnapi /
akṣanāgapraharaṇairniṣkṛyetpṛtanāmukham

atha vā rājyasīmāsu śaṅkān khadirasambhavān /
sthāpayeccakramentreṇa hutaśiṣṭaghṛtokṣitān

agniprakārarūpastena śakyaṃ prekṣituṃ paraiḥ /
praveśe kampanaṃ brahman brahmavidyā prabhāvataḥ

yatra yatra bhayaṃ puṃsāṃ tatra tatrābhayaṃ bhavet /
cakramadhyastamātmānaṃ dhyāyantaṃ kupitātmanaḥ

parvatārohaṇe'raṇye sāgaraplavanādiṣu /
vyāghrasiṃhavarāhādi sannipātaiḥ khile pathi

gacchanna bhayamāpnoti cakramantramimaṃ japan /
taṃ nacchindanti śastrāṇi na taṃ dahati pāpakaḥ

na cainaṃ kledayantyāpo yasyaiṣa hṛdaye manuḥ /
brāhmaṇakṣatravaiśyānāṃ śūdrāṇāṃ kamalāsana

pratilomānulomānāṃ kuryātsaṃ vanasaṃ punaḥ /
samidbhirbrahmavṛkṣāṇāmaśvatthavaṭavṛkṣayoḥ

plakṣodumbarajātīnā mapavargasya pāpake /
homaṃ kuryādyathāsaṅkhyaṃ tathā tajjātiyoṣitām

brāhmaṇaśśriyamāpnoti homena śvetapaṅkajaiḥ /
raktapadmairnarendrasya vaiśyasya śvetapāṭalaiḥ

śrīphalairāhutiṃ kurvan rāṣṭrasyādhipatirbhavet /
aṅgena nyastamantreṇa yāṃ spṛśedaṅganāṃ naraḥ

tasya sā vaśamāyāti mṛtaṃ cāpyanugacchati /
apamṛtyujayaṃ vakṣye yathātadavadhāraya

homaśālāgate kuṇḍe samya gādhāya paṅkajam /
tasminnāvāhya deveśaṃ dūrvākāṇḍairyathokṣitaiḥ

juhuyātkoṭibhirmantrairyathāśaktyathavā punaḥ /
iti māsadvayaṃ rakṣetpāvakaṃ niyatendhriyaḥ

homānte yadi bhūpālastulārohaṇamācaret /
anyaścedātmanoyatsvaṃ dadyādbrāhmaṇasātprati

kalaśaiḥ pañcaviṃśatyā snāpayeccakravidyayā /
evaṃ kṛte caturvaktra kālamṛtyuṃ jayennaraḥ

apamṛtyuḥ kathaṃ tasya tajjaye nāsti saṃśayaḥ/
athavā kālamṛtyośca jayo pāyo'pagamyatām

niṣṭaissahasrasaṅkhyātaiḥ pratikṛtya pitāmaha /
dvibhujaṃ puruṣākāraṃ bhrukuṭīkuṭilekṣaṇam

daṃṣṭrākarālavadanaṃ varāharudhirekṣaṇam /
yaṣṭiṃ kareṇa savyena pāśaṃ vāmena bibhratam

prakṣālya pañcabhirgavaiḥ pañcopaniṣadā tathā /
navakairabhiṣicyātha dhānyarāśiṣu nikṣipet

āvāhya paścādvyāhṛtyā pūjayitvāsvanāmabhiḥ /
homamagnau prakurvīta samiccarughṛtairapi

ṛgbhiḥ kṛtā ntaliṅgābhirbrahman vyāhṛtibhi stathā /
tataḥ prabhāte viprāya taṃ pumāṃsaṃ hiraṇmayam

pūtāya bhagavadbhaktyā pañcakālānuvartine /
dāpayetkāla mṛtyuṃ ca jitvāsyātprāyaṣaṃ padam

atha māraṇametarhi śrūyitāṃ caturāsana /
vivikte kalpayeddeśe homaśālāṃ vidhānavit

tanmadhye kalpayetkuṇṭacāryo dakṣimāṇāmukhaḥ /
gṛhītvākṣasya phalakāṃ hastadvayasamāyatām

tadardhavistrṛtāṃ brahman ghanaṃ ca caturaṅgalam /
tasyā likhitvā dveṣyasya vapuḥ pratyakṣasaṃmitam

pratikūle'tha nakṣatre riporaṣṭamarāśiṣu /
kṛṣṇapakṣe viśeṣeṇa prakuryānmaraṇakriyām

prācyāṃ bhāge'tha kuṇḍasya ṣaḍaraṃ cakramālikhet /
kṛṣṇasūtreralaṅkṛtya tasmin cakraṃ pratiṣṭhitam

kṛṣṇagandhaiḥ kṛṣṇapuṣpaiḥ pūjayet kṛṣṇavāribhiḥ /
śmaśānādvā sunilayādvalmīkānmṛdamāharet

tāṃ ripoḥ pādadhūlībhirvyāmiśrāṃ kamalāsana /
unmattarasamiśreṇa kharamūtreṇa peṣayet

viṣṭhayā vā mṛdā vāpi dveṣyasya pratiyātanām /
tasyāṃ prāṇān pratiṣṭhāpya mantreṇānena mantravit

udgīthamaprameyaṃ ca mandaraṃ bhuvanaṃ tathā /
krodhānilau paścimāsyaṃ hutāśaṃ madhusūdanam

pracaṇḍagopanau rāmaṃ bhāskaraṃ paścimānanam /
namadhyaṃ gopanadvandvamamuṣyeti padaṃ punaḥ

jīvā iha sthitā śabdaṃ viṣṇudakṣodayāṃ stathā /
krodharūpaṃ tapasyantaṃ sarvaśabdamanantaram

vikramaṃ vighnarājātrivahni bandhū ca gopanam /
vanamālādharaṃ rāmaṃ pāṅmanaḥ kāya ityapi

atha māyā tṛtīyāntaṃ loḍantaṃ yāni yanmukham /
svāhāvasānamuddhṛtya praṇavāntānikaṃ ? manum

tāṃ ca prāṇavatīṃ kuṇḍe khanyāmattānaśāyinīm /
phalakāsthitamākāmanu lipya pātāmaha

pūrvoktayā mṛdā paścātprāṇinaṃ prāṇavidyayā /
pādenākrāntahṛdayo roṣalohitalocanaḥ

sahasrakṛtvaścakrasya mantraṃ bhāṣeta mantravit /
vṛṣavṛkṣaprarūḍhena śaṅkunā netrayorhṛdi

hastayoḥ pādayorguhyeśrotrayornāsikodare /
anyeṣvapi pratīkeṣu vadhaṃ kuryādvicakṣaṇaḥ

tathā kṛte ripo statadgātraṃ hīnaṃ bhaviṣyati /
atha kuṇḍeśmaśānāgniṃ nidadhīta pitāmaha

darbhaiḥ paristare dvedvāṃ dakṣiṇāpaścimonmukhān /
paridhiṃ tadvadākīrya kṛtvā rākṣāṃ tathātmanaḥ

ṛtvigbhiṣṣoḍaśoddiṣṭairdvāreṣvadhyayane kṛte /
brāhmaṇebhyo dhanaṃ datvā hetirājamanusmaran

akṣakāṣṭhapraklṛptābhyāṃ sruksruvābhyāṃ yathāvidhi /
kṛṣṇapannagarājīva kṛṣṇotu kṣatajokṣitaiḥ

marīcaissarṣapai ryuktānaṣṭadhānyāṣṭadhānvitān /
samidho'kṣasya juhuyātsahasraṃ prativāsaram

ripunakṣatra vṛkṣāṇāṃ samidhaśchāpi mantravit /
mantrānte śatrunāmānaṃ mārayeti prakīrtayet

hotavyaṃ cāvamānena homaṃ kṛtvā dine dine /
yāvadbhavati kṛtyāyā darśanaṃ jātavedasi

krameṇatāvajju huyādvāsarāvekaviṃśatim /
phalakāmapi vedasthāṃ homadhūpena dhūpayet

aguruṃ guggulaṃ cāpi dhūpārtha manale dahet /
atha saptasvatīteṣu divaseṣu pitāmaha

saptasvahassu madhye ca yathākramanumi jvarāḥ /
ākrośo vedanā tīvrā gātrāṇāmavidheyatā

hikkā niśvāsavicchedo jihvāhānistathāripoḥ /
bhavantihi prabhāvena cakramantrasya niścitam

iti dvisaptake'tīte divase'nantare punaḥ /
madhyaretre kṛte home kṛtyā tasmādvibhāvasoḥ

triśūlabhīṣaṇairhastai ssaptabhistribhiraṅghribhiḥ /
jihvayā raktavarṣiṇyā lelihānā nijaṃ mukham

udgirantī svanetrābhyāmājvasiktaṃ havirbhujam /
narāsthimālāṃ bibhrāṇā purītatkatamekhalā

kapolakuṇḍalopetā prahasantī bhayānakam /
daṇḍaṃ ghaṇṭāṃ tathā śūrpaṃ mārjanīṃ pāśamaṇḍalam

bibhratī lambamānābhyāṃ hastābhyāṃ muktamūrdhajā /
adhirūḍhāparaskandhamandhakāranibhākṛtiḥ

sphuliṅgamaṇḍalastheva vimuktāṭopabhīṣaṇā /
utthāya prāñjalirbhūtvā kiṃkaromiti bhāṣate // 32. 211 //
abhidhāsyatyathācāryaḥ prāṇān hara riporiti /
ādiṣṭā sā tathetyuktvā ripuṃ tasya mahātmanaḥ

api dūrasthitaṃ hatvā guruṃ punarupaiṣyati /
atha pūrṇāhuṃtiṃ hutvā hotṛbhissaha mantravit

dvāviṃśe divaselakṣaṃ ṣaḍakṣaramimaṃ japet /
tathāparājitaṃ mantraṃ nārasihmamanuṃ tathā

ghṛtādipūritaiḥ kumbhairviṃśatyā pañcabhiḥ punaḥ /
ātmābhiṣekaṃ kurvīta cakramantrābhimantritaiḥ

enaso mucyate tasmāttathā śāntirbhaviṣyati /
uccāṭanaṃ pravakṣyāmi yathāvatkamalāsana

nimbaduttūrapratrāṇāṃ śmaśānāṅgāramiśritaiḥ /
rasairakṣasya kāṣṭhena dvihaste pretavāsasi

ṣaṭkoṇe nābhinemyajke maṇḍale kramaśolikhet /
nāmadheyaṃ riporantaḥ procyayāme tha paścime

yakāraṃ bhuvanaṃ brahman jhakāraṃ bhuvanaṃ tathā /
śiṣṭeṣu triṣu koṇeṣu tathoṣṭe maṇḍalādayaḥ

tadārūḍhaṃ ripuṃ cāpi kuṇaaḍe cāpākṛtau punaḥ /
samidbhirniṃbavṛkṣasya tathā ca viṣabhūruhaḥ

juhuyādabhito vahnāvamṛtaṃ ploṣayan ripum /
yatra dhvajaṃ taṃ badhnī yāducchrite caityapādape

ahobhirekaviṃśatyā ripustasya mahānapi /
adhiṣṭānaṃ nijaṃ hitvā bhāryāputrādibhissaha

palāyate diganteṣu na kvacillabhate sthitim /
atha vidveṣaṇaṃ brahman yathāvadavadhāraya

akṣapādapakāṣṭhena snigdhayorākṛtidvayoḥ /
kṛtvā tayorlikhenmantraṃ nāmadheyaṃ tayorapi

vidveṣaya padopeta masṛjādhyāṅkṣa kārayoḥ /
ākhumārjārayorbrahman tathā sarvamayūrayoḥ

tathānyeṣāṃ viruddhānāṃ tiraścāṃ pakṣiṇāmapi /
niba dhya rajjumāyāmāṃ mūrdhajairmahiṣāśvayoḥ

tathā te akṛtī badhvā vyastayostukṛtaṃ mukham /
apidadhyāttayorāsyaṃ japenmantraṃ ṣaḍakṣaram

kuṇḍe ca homaṃ kurvīta samidbhi rmṛtyubandhayoḥ /
aṣṭottarasahasreṇa huyādagnau sudarśanam

yudhyeta snigdhayordvandvaṃ kākolūkādisaṃmitam /
itthaṃ daśa svatīteṣu divaseṣu sa mantravit

apākṛṣyati dampatyo mamatvaṃ mitrayorapi /
kṣīraisnāyāttayorbhūyaḥ prītarbhavati pūrvavat

athābhidhīyate brahman stambhanaṃ taṃ niśamyatām /
śilātale likhitvātha catuṣkoṇa catuṣṭayam

teṣu pratyekamālikhya patrairdivyaiḥ pitāmaha /
gṛhaṃ vāmanamantraṃ tamindukāntacatuṣṭayam

vajrāṅkamapi puṣpaistatpūjayetkanakaprabham /
sthāpayitvā sthaṇḍile'sminnāsitvā mantramirayet

stambhayeti padaṃ cāpi juhuyādarkakhaṇḍikāḥ /
stambhanaṃ syāt jhaḍityevaṃ vivāhe garbhalābhake

vādajalpavitaṇḍāsu kathāsvapi ca vādinām /
vakṣyāmi skhalanaṃ brahman likhitvā pratiyātanām

dveṣyasyālayavaistalyā gomayāṅgāramiśritaiḥ /
tadaṅgeṣu likhenmantraṃ tadbījena samanvitam

atha syācchaktihīnaṃ tu matidveṣasya dehinaḥ /
atha te tāḍanaṃ vakṣye duttūrahayamārayoḥ

arkasya ca rase brahman śmaśānāṅgāramiśritaiḥ /
ḻikhetpratikṛtiṃ bilva kāṣṭhe pretasya vāsani

saṅkhakīlamathādhāya caturaṅgulasaṃmitam /
aṅgāni tāḍaye ttasya tena kīlena mantravit

ṣaḍakṣarasya kurvīta nityaṃ japa matandritaḥ /
dhanādihānistasya syānnyaste dveṣṭi sa mantravit

vaśīkāramahaṃ brahman bhūpatīnāṃ bravīmite /
kuṣṭhakuṅgumasiddhārdhakarpūrāgurucandanaiḥ

gorocanānvitaiścāpi kusumbharajasā saha /
bhūrjapatre ḻikheccakraṃ ṣaḍareṣu ṣaḍakṣaram

tadbahirdvādaśāraṃ ca nābhinemisamanvitam /
dvādaśākṣaramālikhya dvādaśāraṃ tato bahiḥ

aṣṭākṣareṇa mantreṇa haṃsamantreṇa cānvitam /
tadbahirdvādaśajvālaṃ pāśāṅkuśamanudvayam

sādhyasya nāmadheyena praṇavenāntarāṅkitam /
ābhiṣṣoḍaśabhirbrahman vidarbhitamanantaram

tadetadgulikāṃ kṛtvā padmasūtreṇa veṣṭitām /
cakrābje vā sitāṃ kṛtvā pūjitāṃ kusumādibhiḥ

homaṃ padmākṛtaukuṇḍekṛtvā kusumasarpiṣā /
dvādaśāhānikṛtvaivaṃ maṅgālyādīni sādhayet

rājadayo mukhaṃ tasya prekṣantevivaśā iva /
tasya dūrātpalāyante kūśmāṇḍapramukhā grahāḥ

rasādala praveśaṃ te kathayāmi caturmukha /
bilvadāruṃ samāsādya kusumbharajasā sudhīḥ

likhitvā ṣaḍaraṃ cakraṃ bahistasyātha mantravit /
yathopadeśaṃ pātālaṃ pannagāsurasaṅkulam

likhetkṛtvā punaḥ kuṇḍaṃ tasminnādhāya pāvakam /
juhuyānna ramāṃsena japenmantraṃ ca sarvaśaḥ

dvādaśāhena te paścātpāpālatalasaṃśrayāḥ /
upasthāsyanti taṃ bhītā yuvatyaḥ kāmapīḍitāḥ

taṃ grahiṣyanti bhartāramahaṃ purvaṃ śucismitāḥ /
pāṇibhirlolavalayaiḥ kāmayānāḥ priyaṃvadāḥ

rasāyanādi dāsyanti tasmai pātālavartine /
tadbhakṣaṇena dīrghāyustābhissaha yathepsitam

raṃsyate ramyadeśeṣu yatra vā jāyate ruciḥ /
khaḍgasya sādhanaṃ brahmannidānīṃ kathayāmite

aśvatthapatrā ntaritaṃ khaḍgaṃ śāstroktalakṣaṇam /
spṛṣṭvā ṣaḍakṣaraṃ mantraṃ japeddhyātvā sudarśanam

atha khaḍgasya tāpasyātsayakṣyādīni jeṣyate /
tasmin dhūmāyamāne tu gandharvādhipatirbhavet

tasmin jvālāmukhe brahman vidyādharapatirbhavet /
gṛhītvā taṃ punaḥ khaḍgaṃ yatheṣṭaṃ lokamāpnuyāt

gomayenopalipte'tha śūnyāgāre pitāmaha /
cakraṃ likhitvā sumanāssitapuṣpauralaṃkṛtam

vraṇahīnaṃ śavaṃ tasmin brāhmaṇasya nṛpasya vā /
prācīna śirasaṃ kṛtvā māhiṣena ghṛtena tam

pādayormantravillimpedasahāyo'pramattadhīḥ /
tadvakṣasi padaṃ kṛtvā mantrarājamidaṃ japet

pratyahaṃ juhuyādagnau samidbhi rvetrabhūruhaḥ /
kṛte saṅkhyaṃ ? japenmantraṃ janahomaiḥ pitāmaha

utthāsyati śavaḥ prāṇī niśīthe kalpitāñjaliḥ /
satasmai mandrasiddhāya vakti divyaṃ rasāyanam

pādukāmañjanaṃ khaḍgaṃ pradāsyati yathepsitam /
yadidaṃ tena khaḍgena hatvā śnīyāttadāmiṣam

trailokya viṣayaṃ jñānaṃ lapsyate caturāsana /
valīpalitahīnatvamamaratvaṃ ca setsyati

nidhānānyapi gūḍhāni pratyakṣamiva paśyati /
rasaṃ vimṛjya pāṣāṇe likheccakraṃ ṣaḍakṣaram

rasaṃ nidhāya mūṣāyāṃ badhvādravyairyathocitaiḥ /
kṛtvābhimantritraṃbrahman cakramantreṇa kalpavit

upayuñjīta medhāvī japeccāpi ṣaḍakṣaram /
ārogyaṃ balamaiśvaryaṃ kālamṛtyuvyatikramam

vāgmitvaṃ buddhimatvaṃ ca rūpasaṃvananaṃ vayaḥ /
sabhasthale gatiścāpi sākṣādiva garutmataḥ

ityādayo guṇāstasya bhaviṣyantina saṃśayaḥ /
yathā na pādakhedassyāddūraṃ gatvāpi tacchruṇu

kākajaṅghāmupādāya kokilekṣaṇasaṃhitām /
balāṃ moṭārasaisteṣāṃ saऱpuṅkharasānvitaiḥ

sarṣapasnehaṃsamiśraiścakramāntrābhimantritaiḥ /
liptvā pādayutaṃ cakraṃ kṛtvāraṇyamahāpathe

yojanānāṃ sahasre dve na khedaṃ samavāpnuyāt /
yakṣīsiddhiṃ pravakṣyāmi tāṃ likhet kṣauma pāsasi

nya grodhamāle tāṃ dhyātvā yakṣīvidyāṃ japedbadhaḥ /
ārādhya guggulūtthena dhūpena kamalāsana

samidbhirvaṭavṛkṣasya tathāśoka karañjayoḥ /
raktapadmaistilaiścāpi juhuyājjātavedasi

ekaviṃśati rātrānte kampate sa vaṭo muhuḥ /
dṛḍhabuddhiḥ punaścāpi mantramevaṃ japedbudhaḥ

atha pratyakṣarūpā sā yakṣī kalyāṇalakṣaṇā /
snigdheva jananī siddhiṃ tasmai datvā yathepsitām

amunaiva vidhānena yakṣā vaiśravaṇādayaḥ /
pratyakṣabhūtā dāsyanti sādhakena vṛtaṃ varaṃ

yathā yathā'dhiko homo jape vā kamalodbhava /
amuṣya cakramantrasya pañcakoṭiryathottaram

tathā tathā padānyetā nyavadhūyeta kilbiṣam /
ādityānāṃ saśāṅkasya vasūnāṃ marutāmapi

aśvinorvāsavasyāpi manvādīnāṃ tapasvinām /
rudrāṇāṃ brahmaṇaścāpi cakramantrasya vaibhāvta

sahasra koṭisaṅkhyena homena ca japena ca /
tapasā cātitīvreṇa labhate vaiṣṇavaṃ padam

kiṃ bhūyasā pralāpena yatreṣṭaṃ yadbhaviṣyati /
sa tena tena labhate pāpe bhyopi pramucyate

ityetatkathito brahman ṣaḍakṣaramahāmanoḥ /
kalāssaṃgraharūpeṇa rahasyassarvasiddhidaḥ