પદ્મસંહિતા · અધ્યાય 4.32

ઐહિકામુષ્મિકં સર્વં મન્ત્રં સૌદર્શનં પરમ્ ।
શુશ્રૂષોર્ભગવન્નદ્ય રહસ્યમપિ પાવનમ્

ભક્તાય મહ્યં દાતવ્યં પ્રણતાય યથાતથમ્ ।
હન્ત તે કથ યિષ્યામિ મન્ત્રં સર્વાર્થસાધનમ્

યથાર્થનામ તેનાયં નાખ્યેયો યસ્ય કસ્ય ચિત્ ।
ઉદ્ગીથમુદ્ધરેત્પૂર્વં ચન્દ્રમાદ્યં નભોમણિમ્

અત્રિં સિતદ્યુતિં વહ્નિં ગોપનં જ્વલનં મુખમ્ ।
ઊષ્માણમુદયં વીરં પુલ્લાક્ષં વિષ્ણુમસ્તકમ્

હૃદયાહ્લાદમિત્યેવ મન્ત્રોદ્ધારશ્ચતુર્મુખ ।
વહ્નિમાદિમનુસ્વારં બીજમુદ્ધૃત્ય કલ્પયેત્

ષડઙ્ગમનુવર્ણાનામુદ્ધારઃ કથ્યતે ક્રમાત્ ।
અઙ્ગત્રયં ચતુર્વક્ત્ર પૂર્વમાવિષ્કૃતં મયા

ચતુર્થ્યન્તં ચક્રપદમુદ્ગીથાદિ પ્રયોજયેત્ ।
અનન્તરં સૂર્યપદં તદ્વિભક્તે ચ તત્પદમ્

પઞ્ચમં ષષ્ઠમપ્યઙ્ગં પદં તત્તદ્વિભક્તિકમ્ ।
ઉદ્ધાર્યં ચ સાહસ્રાદિ જ્વાલાધારાદિ પૂર્વકમ્

એવમઙ્ગાનિ ષડ્બ્રહ્મન્નુક્તાનિ ગહનાનિ તે ।
અહિર્બુધ્ય્નોમનોર્દ્રષ્ટા વિરાટ્છન્દસ્સુદર્શનઃ

દેવતા મુનયશ્ચાત્ર પ્રત્યક્ષરમથાબ્જજ ।
વ્યાસઃ કણ્વો નારદશ્ચ વસિષ્ઠઃ પરમો ભૃગુઃ

અત્રિષ્ષડેતે દ્રષ્ટારશ્છન્દાંસ્યક્ષરશશ્શૃણુ ।
ઉષ્ણિગ્બૃહત્યૌ ગાયત્રં પઙ્ત્કિશ્ચ જગતી વિરાટ્

વર્ણાઃ કાલાગ્નિવરાણાભાઃ કાલાશ્ચૈવહિદેવતાઃ ।
કરયોર્ન્યસ્ય તલયોરુભયોરક્ષરાણિ ષટ્

પ્રથમાન્તાર્ણશિષ્ટાનામઙ્ગુષ્ઠાદિષુ પર્વસુ ।
અઙ્ગુલીષુ ક્રમાદેવમક્ષરન્યાસ ઈરિતઃ

દેહે ચ મૂર્ધ્નિચાસ્યે ચ હૃદયે ગુહ્યજાનુનોઃ ।
પાદયોર્ન્યસનીયાનિ ક્રમાન્મન્ત્રાક્ષરાણિ ષટ્

શ્રીસુદર્શનગાયત્રી મપરાં ન પરાજિતામ્ ।
વક્ષ્યામિ તસ્યાશ્ચોદ્ધારઃ પદશઃ કથ્યતેઽધુના

ઉદ્ગીથાદિ ચતુર્થ્યન્તં સુદર્શનપદં તતઃ ।
વેત્તિં લુડન્તમપરં બહ્વર્થં પદ મિરયેત્

મહાપૂર્વં ચક્રપદં તદ્વિભક્તિ ર્વિભૂતિજમ્ ।
ધ્યાયન્તી પદમુચ્ચાર્ય પૂર્વવત્તિઙ્વિભૂષિતમ્

તત્પદં ચાસ્મદાદેશો નઃ પદં ચ દ્વિશીર્ષકમ્ ।
પ્રપૂર્વં ચો દયાન્તં ચ પદમિત્યુદ્ધરેન્મનુમ્

અસ્ય બીજં તુ પૂર્વોક્તં વેદિતવ્યં ચતુર્મુખ ।
આશાસુ દશસુ સ્થાપ્ય મન્ત્રં તચ્ચક્રમુદ્રયા

તન્મધ્યેસ્થિતમાત્માનમગ્નિજ્વાલાપરીતવત્ ।
ધ્યાયેત્ ક્ષિતતલે શુદ્ધે સહસ્રદલપઙ્કજે

કર્ણિકાયાં ચક્રધરં દ્વિભુજં વૃત્તલોચનમ્ ।
દંષ્ટ્રાકરાલવદનં ભ્રુકુટીકુટિલેક્ષણમ્

મહોદરં મહાકાયં જપાકુસમસન્નિભમ્ ।
કરણ્ડમુકુટોપેતં રક્તામ્બરવિભૂષિતમ્

ધારયન્તં શિખારત્ને ચક્રમેકસમપ્રભમ્ ।
નાભિનેમિસમાયુક્તં જ્વાલામણ્ડલદુસ્સહમ્

જ્વલત્ ષડરસંયુક્તમયુતાર્કસમપ્રભમ્ ।
પદ્મમેવં સ્થિતં ધાયેત્તન્નાભૌ ચ સુવિસ્તૃતે

ચક્રાભિમાનિસં દેવં દ્વિહસ્તં પુરુષંસ્થિતમ્ ।
રક્તામ્બરધરં રક્તં રક્તચન્દનપઙ્કિલમ્

કરણ્ડમુકુટોપેતં સર્વાકલ્પપરિષ્કૃતમ્ ।
દંષ્ટ્રાકરાવદનં ભ્રુકુટીકુટિલાનનમ્

ઉદ્ગિરન્તં હુતવહં ખરણ્ડૈર્મારુતાનુકમ્ ? ।
વિષ્ફુલિઙ્ગાન્ દુર્વિષહાન્વિસૃજન્તમનેકશઃ

કામરૂપ સહસ્રેભ્યઃ પ્રલયામ્બદનિસ્વનમ્ ।
તર્જનં વામતર્જન્યા બિભ્રાણં દક્ષિણે કરે

નિપીડિતાઙ્ગલિં શત્રું પ્રહરન્નિ વભીષણમ્ ? ।
દહન્નિવ ચ નેત્રાભ્યાં પિબન્નિવ મહોદધિમ્

ધ્યાત્વૈવમર્ચયેદ્ભોગૈરર્ઘ્યાદિભિરતન્દ્રિતઃ ।
સિદ્ધયે મન્ત્રરાજસ્ય પુરશ્ચર્યા યથોદિતા

દેશે કાલે ચ મન્ત્રસ્ય રૂપં સઙ્ખ્યા ચ પૂર્વવત્ ।
ખાકકન્દફલક્ષીરસક્તુપિણ્ડાન્ન ભક્ષણઃ

તોયૈસ્પર્પણમગ્નૌ ચ જુહુયાત્સમિદાદિભિઃ ।
મન્દ્રસ્સિધ્યતિ તસ્યૈવં કુર્વાણસ્ય યથાવિધિ

સિદ્ધૈં ચ સૂચયત્યસ્ય સ્વપ્ને મઙ્ગલદર્શનમ્ ।
પ્રયુઞ્જીતતતો મન્ત્રં શાન્તિકાદિષુ કર્મસુ

ષોડશસ્તમ્ભસંયુક્તં કલ્પયેદ્યાગણમણ્ટપમ્ ।
સ્થાપયેત્તત્ર વિધિપત્કુમ્ભાનાં પઞ્ચવિંશતિમ્

વેષ્ટિતાન્ સૂત્રવસ્ત્રાદ્યૈ ર્ધાન્યરાશિષુ મઙ્ગલાન્ ।
એષુ દ્રવ્યાણિ સઙ્ગૃહ્ય ન્યસેત્કમલસમ્ભવ

ઘૃતમુષ્ણોદકં રત્નં ફલદોક મનન્તરમ્ ।
લોહતોયં મર્જાનામ્ભો ગન્ધામ્ભશાચક્ષતોદકમ્

યપોદકં ક્રમાધેષુ કુમ્ભેષુ નવસુ ક્ષિપેત્ ।
પાદ્યં ગુળોદકં ચૈવ દધિ ચેક્ષુરસં તથા

અર્ઘ્યં ચ નાલિકેરામ્ભઃ ક્ષીરં ચ તદનન્તરમ્ ।
સર્વૌષધિબજલં તદ્વદાચામં મઙ્ગલોદકમ્

મધુપૂર્વં શાન્તિવારિ પઞ્ચગવ્યમનન્તરમ્ ।
મૂલોદકં કષાયામ્ભઃ પુક્ષ્પવારિ ચતુર્મુખ

દ્રવ્યાણ્યે તેષુ કુમ્ભેષુ બહિષ્ઠેષુ વિનિક્ષિપેત્ ।
પ્રત્યેકં શતકૃત્વશ્ચ મન્દ્રેણૈ વાભિમન્ત્રયેત્

કુમ્ભે દ્રવ્યાણિ નિક્ષિપ્ય ચક્રબ્જં વર્તયેત્તતઃ ।
તન્મધ્યેમન્ત્રરાજેન યષ્ટવ્યં તત્સુદર્શનમ્

કુણ્ડેવૃત્તેચ જુહુયાત્સમિ દન્નાદિભિઃ ક્રમાત્ ।
હુત્વા નિશાયાં માનુના પ્રભાતેઽર્ઘ્યાદિભિઃ ક્રમાત્

અર્ચયિત્વા હેતિરાજં હુત્વાગ્નૌ સમિદાદિભિઃ ।
ભૂર્જપત્રે લિખેચ્ચક્રં નાભિનેમિસમન્વિતમ્

ષડરં તત્ર પૂર્વાદિ ક્રમાચ્ચૈવ ષડક્ષરમ્ ।
લિખિત્વચ્છન્દસામાદિ તન્મધ્યૈ સાધ્યનામ ચ

હેમસૂચ્યાલિખેદ્દ્રવ્યૈર્મિશ્રિતૈશ્ચન્દનાદિભિઃ ।
ચન્દનદ્વયકાશ્મિરરોચનાગુરુ મુખ્યકૈઃ

ગન્ધદ્રવ્યૈસ્સુસંપિષ્ટૈઃ પશ્ચાત્તાં ભૂર્જપત્રિકામ્ ।
ગુલિકાં કારયેત્તાં ચ શાલિતણ્ડુલરાશિષુ

અધિવાસ્યા સ્વહં કુમ્ભૈસ્સ્નાપયિત્વા યથાવિધિ ।
બન્ધયેત્તાં માતુરઙ્ગેમન્દ્રેણાનેન મન્ત્રવિત્

ગુલિકાબન્ધનેનૈવ મુક્તોરોગાદિભિર્નરઃ ।
તેજસ્વી ભવતિ ક્ષિપ્રં ત્વચા મુક્તો યથારગઃ

જ્વલિતસ્ય ભવેચ્છાન્તિઃ પ્રસૂનૈર્નિમ્બસમ્ભવૈઃ ।
દૂર્વાઙ્કુરાંશ્ચૂતદલૈસ્સિક્તૈર્મધુપયોઘૃતૈઃ

મનુના જુહુયાદગ્નૌ સપ્તરાત્રમતન્ત્રિતઃ ।
પ્રત્યેહં દશસાહસ્રસઙ્ખ્યાયા રોગિસન્નિધૌ

અભિષિચ્ય તથા કુમ્ભૈ રોગિણં ચક્રવિદ્યયા ।
બધ્વા ચ ગુલિકાં મન્ત્રીમોચયેજ્જ્વલિતં જ્વરાત્

ગોભૂહિરણ્યવસ્ત્રાદ્યૈર્મન્ત્રિણં તોષયેત્તતઃ ।
બ્રાહ્મણેભ્યો યથાશક્તિ દદ્યાદ્ગોકમ્બલાદિકમ્

ભૂતગ્રહિ પિશાચાદિ પીડિતાનાં તથા નૃણામ્ ।
શાન્તયે જુહુયાદગ્નૌ કિંશુકોત્થૈસ્સમિચ્છતૈઃ

ત્રિયહં ત્રિસહસ્રૈશ્ચ તેષાં બધ્વા શિખાં તતઃ ।
ગુગ્ગુલૂત્થેન ધૂપેન ધૂપિતાન્ ગૃહપીડિતાન્

તાડયેન્મન્ત્રજપ્તેન દણ્ડેન લતયાપિ વા ।
પિશાચાદિસ્તતો બ્રૂયાન્મુઞ્છામિતિ પ્રપીડિતઃ

શપથં કારયિત્વાતુ શિખાબન્ધં ચ મોચયેત્ ।
સ્થાપિતૈઃ કલશૈઃ પશ્ચાન્મન્ત્રેણ ગ્રહપીડિતમ્

સ્નાપયેદ્બન્ધયેચ્છાપિ ગુલિકામભિમન્ત્રિતામ્ ।
તતો વિમુચ્ય તેરોગાચ્છેતો વાગ્ભિરુપદ્રવાત્

તેજસ્વી શતમાયુશ્ચ ભવેન્મન્ત્રપ્રભાવતઃ ।
નારીચ દુર્ભગા ચક્રધારણાત્સુભગા ભવેત્

વન્ધ્યા ચ ગર્ભિણી સદ્યસ્સુપ્રસૂસ્સ્યાદપપ્રનૂઃ ।
અનૃતુસ્સ્યાદૃતુમતી વિમુખા સુમુખા ભવેત્

વિરહે સઙ્ગતા ભર્તા ભવેદચિરકાલતઃ ।
સ્ત્રીપ્રસૂઃ પુંપ્રસૂતિશ્ચ અન્તના સ્તનમણ્ડિતા

કુમારપક્ષિપીડાદૌ બાલાનાં ચ યથોદિતૈઃ ।
વિદિભિર્મુચ્યતે દુઃખાલ્લભતે ચાયુરુત્તમમ્

પ્રાસાદેપિ નરેન્દ્રસ્ય બ્રહ્મરક્ષોમુખૈર્ગૃહૈઃ ।
પ્રવેશે સતિ તન્મધ્યે કુમ્ભાન્ રત્નસમન્વિતાન્

સ્થાપયિત્વા યથાપૂર્વં સમિદાદ્યૈરતન્દ્રિતઃ ।
મન્ત્રેણ જુહુયાન્મન્ત્રી દ્વાદશાહન્ સમાહિતઃ

પ્રત્યેકં દશસાહસ્રસઙ્ખ્યાયા કમલાસન ।
તામ્રપાત્રે શિલાયાં વા ચક્રમાલિખ્ય તત્પુનઃ

ધાન્યરાશિષુ સંસ્થાપ્ય નિશાયાં પ્રાતરુત્થિતઃ ।
પ્રાસાદદ્વારિ નિખનેદ્દિક્ષુ ચાષ્ટસુ મુદ્રિતમ્

પ્રોક્ષયેત્કુમ્ભુતોયેન ગૃહં સર્વમશેષતઃ ।
પલાયન્તે ગ્રહસ્સર્વે દૂરતસ્સર્વતો મુખાઃ

તદ્રષ્ટ્રેપિ ન તિષ્ઠન્તિ સર્વકાલમસંશયમ્ ।
પ્રાસાદવર્તિનસ્સર્વે જીવન્તિ નિરુપદ્રવાઃ

ધનધાન્યસમૃદ્ધિશ્ચ યથા ધનદવેસ્મનિ ।
વસ્ત્રશય્યાસાનાદીનાં દંશને મૂષિકાદિભિઃ

રક્તસ્ત્રીદર્શને વાપિ કેશાનાં દહને તથા ।
અકસ્મદ્ગોપુરાદીનાં દહનેઽશનિપીડિતે

નિશિ શક્રધનુર્દર્શે નિવાતે ચૈત્યભૂરુહઃ ।
ભઙ્ગે વલ્મીકજનને દુસ્સ્વપ્નેઽન્યત્ર તાદૃશે

એવમાદૌ દુર્નિમિત્તૈ શાન્તિમેતેન કારયેત્ ।
યજ્ઞવૃક્ષસમિદ્ભિશ્ચ હોમઃ પૂર્વોક્તસઙ્ખ્યયા

કુર્યાચ્ચ શાન્તિં પુષ્ટ્યાદિકર્મણા કમલાસન ।
કથ્યન્તે તાનિ બહુધા નાભેદં યાન્તિ ભેદતઃ

સર્વાભ્યુદયકર્માણિ ચતુરશ્રેષુ કારયેત્ ।
પૌષ્ટિકં પદ્મકુણ્ડેષુ શાન્તિં વૃત્તે સુખાવહઃ

ત્રિકોણે મારણં કર્મ કુણ્ડે ચાપાકૃતૌ પુનઃ ।
ઉચ્ચાટનં યક્ષકન્યાસાધને કોણપઞ્ચકે

ષડશ્રે સ્તમ્ભનં કર્મ સપ્તાશ્રે મોહનં ભવેત્ ।
વિદ્વેષણં નવાશ્રેસ્યાદષ્ટાશ્રે મારણં વિધિમ્

એકાદશાશ્રે બ્રહ્માદિવશીકરણમાચરેત્ ।
કુણ્ડે દશાશ્રે પશ્યાદિ દેવતાતોષણોવિધિઃ

દ્વાદશાશ્રેષુ પુરુષં વૈકુણ્ઠં દ્રષ્ટુમાચરેત્ ।
યોન્યાકારે વિવાહાર્થં કન્યાર્થં કમલાસન

ચતુર્વિંશત્યઙ્ગુલે સ્યાદ્વિસ્તારાયામકલ્પનમ્ ।
ખાતં તાવદ્ભિરેવ સ્યાત્કુણ્ડેષુ નિયતિં શૃણુ

તદર્ધં પાદમથવા ચતુરઙ્ગુલમેવ વા ।
પરિતો દ્વ્યઙ્ગુલં હિત્વા બહિસ્તિસ્રશ્ચ વેદિકાઃ

કાર્યાસ્તાસાં ચ વિસ્તારશ્ચતુરઙ્ગુલસંમિતઃ ।
તાવત્યે પોન્નતિર્બ્રહ્મન્ કુણ્ડસ્ય ધનુષઃ પુનઃ

અઙ્ગુલ્યા નવતિષ્ષટ્ચ જ્યા ચ ષટ્ત્રિંશદઙ્ગુલા ।
શઙ્કું વિધાય તન્મધ્યે દશાઙ્ગુલસમાયતમ્

ભ્રામયેત્પરિતસ્સૂત્રં કુણ્ડં તદ્વલયાકૃતિમ્ ।
ચતુરશ્રસ્ય કુણ્ટસ્ય વિભજેત્પઞ્ચધા ભુજમ્

દ્વૌ ભાગૌ ભુજમેકં ચત્રિં શત્પઞ્ચાથવા પુનઃ ।
અઙ્ગુલીનાં ભવેદેષાં ત્રિકોણાઙ્કે ભુજઃ સ્મૃતઃ

કુણ્ડે ષડશ્રે ચ ભુજા અષ્ટાષ્ટૈકાદશાઙ્ગુલાઃ ।
એકો ભુજઃ પઞ્ચકોણે વિંશત્યઙ્ગુલિસંમિતઃ

સપ્તાશ્રે ચ ભૂજાયામો યવષટ્કાધિકઃ પુનઃ ।
તિસ્રશ્ચ દશ ચાઙ્ગુલ્યઃ કુણ્ડે ત્વષ્ટાશ્રિભિર્યુતે

દ્વ્યધિકા દશ વા ભૂમૌ દશાંગુલ્યઃ પ્રકીર્તિતાઃ ।
અંગુલ્યોસ્તુ ભુજાયામો નલસ્કન્દાંશ કીર્તિતઃ ॥ ? 32.86 ॥
નાવાશ્રકુણ્ડેષુ યવા પઞ્ચકોણે ભુજાયતિઃ ।
દશ ચાઙ્ગુલયઃ પ્રોક્તા દશાશ્રે ચ ચતુર્મુખ

યવાઃ પઞ્ચ ભુજાયામો નવ ચાઙ્ગુલયઃ સ્મૃતાઃ ।
એકાદશાશ્રેકુણ્ડે તુ યવૈરષ્ટાભિરન્વિતઃ

અષ્ટાવઙ્ગુલયઃ કુણ્ડે દ્વાદશાશ્રે ભુજાયતિઃ ।
અષ્ટાદશાંગુલા ફ્રોક્તા યોનિકુણ્ડેષુ ચાયતિઃ

અષ્ટૌ ચ ચત્વારિંશચ્ચ ભવેદંગુલયોઽબ્જજ ।
ગજોષ્ઠસન્નિભા યોનિર્યદ્વાશ્વત્થદલોપમા

કુણ્ડા ન્યુક્તાન્યથેદાનીં શાન્ત્યાદિઃ પ્રતિકલ્પ્યતે ।
યત્કુણ્ડં યસ્ય કથિતં શાન્ત્યાદેસ્તસ્ય તદ્ભવેત્

અશ્વવારણશાલાસુ ચક્રયન્ત્રં યથાવિધિ ।
લિખિત્વા તામ્રદાર્વાદૌ નિશાયામધિવાસયેત્

સહસ્કરૃતઃ કર્તપ્યો હોમઃ કુણ્ડે શુભે યતઃ ।
સમિદ્ભિર્યજ્ઞ યોગ્યાભિઃ સ્થાપયેત્કુમ્ભમર્ચિતમ્

અથ પ્રભાતે શાલાયાં યન્ત્રં ખન્યાન્મહીતલે ।
પ્રોક્ષયેત્કુમ્ભતોયેન ગજાનશ્વાન્ પૃથક્પૃથક્

સૌદર્શનેન મન્ત્રેણ પુણ્યાહં પાચયેત્તથા ।
નશ્યન્તિ વ્યાધયસ્તેષાં ગજાશ્વાનાં ચતુર્મુખ

બલં સ્યાદધિકં તેષામિતિ સપ્તાહમાચરેત્ ।
બ્રાહ્મણેભ્યો ધનં દદ્યા દ્યથાશક્તિ ચ દક્ષિણામ્

ઊર્જસ્વલમથો બ્રહ્મન્ ગજાશ્વંજાયતે ભૃશમ્ ।
તથા ચ પ્રત્યહં હોમસ્સ્યાત્સુદર્શનવિદ્યયા

ઇત્થં ગોમહિષાદીનાં રક્ષાં કુર્વીત મન્દ્રવિત્ ।
પુરરક્ષામથબ્રહ્મન્ પ્રવક્ષ્યામિ યથાતથમ્

સ્તમ્ભૈષ્ષોડશભિર્યુક્તાં દર્ભમાલા પરિષ્કૃતામ્ ।
પુરમધ્યે પ્રપાં કૃત્વા જુહુયાત્સર્પિષા પુનઃ

પાલાશીભિસ્સમિદ્ભિશ્ચ દિનાન્યેકોનવિંશતિઃ ।
દિક્ષ્વાષ્ટાસુ તથા મધ્યે પુરસ્ય કમલાસન

ખન્યાત્સૌદર્શનં યન્ત્રં સ્થાપયેત્કુમ્ભમઞ્જસા ।
તોયેન પ્રોક્ષયેદ્વિદ્વાન્નગરં ચક્રવિદ્યયા

ઋગ્ભિશ્ચ પાવમાનીભિઃ પ્રશસ્તાર્યથાક્રમમ્ ।
પુરદ્વારેષુ સૌધેષુ મણ્ટપેષુ મહીબૃતામ્

સર્વત્ર નિખનેચ્છક્રં જુહુયા ત્સમિદાદિભિઃ ।
મરણવ્યાધિદુર્ભિક્ષજ્વરાદિવ્યાધયઃ પુનઃ

નશ્યન્તિ બલવન્તશ્ચ ભવન્તિ પુરવાસિનઃ ।
ગ્રામમધ્યે તથા દિક્ષુ વિદિક્ષુ ચતુરાસન

શૃઙ્ગાટકેષુ સર્વેષુ નિખનેદાયુધા ધિપમ્ ।
ગૃહવેતાલરક્ષાંસિ વ્યાધ યશ્ચજ્વરા દયઃ

ન બાધન્તે પુરં ગ્રમમપસ્મારાદયસ્તથા ।
ન તસ્કરભયં કિઞ્છિદકાલમરણં તથા

પુરુષાયુષવન્તસ્સ્યુર્નરા ધાન્યધનાન્વિતાઃ ।
સૌભાગ્યં કાન્તિરારોગ્યં તથા કુલવિપર્ધયઃ

બ્રહ્મવર્ચસ મિત્યેતદ્બ્રાહ્મણાનાં ભવિષ્યતિ ।
પયસ્વિન્યો ભવિષન્તિ ગાવઃ પીનપયોધરાઃ

તદ્રાષ્ટ્રેષુ મનુષ્યાણાં ભદ્રમેવ ભવિષ્યતિ ।
અથ વક્ષ્યામિ તે બ્રહ્મન્ પન્નગાનાં નિવારણમ્

દેવાલયે નદીતીરે નન્દનોપવનેષુ વા ।
ચતુસ્તમ્ભસમાયુક્તં ચતુસ્તોરણભૂષિતમ્

અભિતો દર્ભમાલાભિશ્શોભિતં હોમ મણ્ડલમ્ ।
કૃત્વા તસ્મિ ન્નપાં કુમ્ભાન્ સ્થાપયિત્વા નવાપરાન્

પ્રાચ્યાં વેદ્યાં પુનઃ કુર્યાત્કુણ્ડં પૂર્વોક્તલક્ષણમ્ ।
યજેદેતેષુ કુમ્ભેષુ નવ મૂર્તિર્યજેત્ક્રમાત્

નિવેદ્ય પાયસં તેભ્યઃ પશ્ચાત્કુણ્ડે હુતાશનમ્ ।
આદદીતાથ તામ્રેણ તાલમાત્રં ભુજઙ્ગમમ્

પ્રકલ્પ્ય શેષમન્ત્રેણ પ્રતિષ્ટાપ્ય પિતામહ ।
તસ્મિંશ્ચક્રં લિખેત્તસ્ય મધ્યે મત્સ્યાકૃતિં પુનઃ

ગરુડં શઙ્ખપાલં ચ કૃષ્ણમન્ત્રં ચ વેષ્ટનમ્ ।
તન્નાગયન્ત્રં ક્ષીરેણ ઘૃતેન મધુનાપિ ચ

દધ્ના શકૃદ્રસેનાપિ સ્નાપયેચ્ચક્રવિદ્યયા ।
પુષ્પગન્ધપ્રદીપાદ્યૈરુપચારૈસ્તથાપરૈઃ

ઇષ્ટ્વા નાગં સ્વમન્ત્રેણ ચક્રં ચક્રસ્ય વિદ્યયા ।
કુણ્ડમધ્યે પુનર્નાગયન્ત્રં ખન્યાદ્વિચક્ષણઃ

તસ્ય ચોત્તાનરૂપસ્ય હુતાશ મુપરિસ્થિતમ્ ।
કૃત્વા દધ્ના ઘૃતેનાપિ પયસા મધુનાપિ વા

સમિદ્ભિર્બ્રહ્મ વૃક્ષસ્ય જુહુયાન્મન્ત્રકોવિદઃ ।
સહસ્રકૃત્વઃ પ્રત્યેકમથ ગોપયસોક્ષિતૈઃ

નીવારભાગૈસ્સપ્તાહં જુહુયાદયુતૈરપિ ।
અપો નસ્ત્વિતિમન્ત્રેણ જુહુયાત્સાધકોત્તમઃ

ત્રિષ્વહસ્સુ વ્યતીતેષુ પર્જન્યો મેઘવાહનઃ ।
દ્વાવયેદવનીં કૃત્સ્નાં ભૂયોપિ સલિલોદયૈઃ

અતિવૃષ્ટિ પ્રશમનં પ્રવક્ષ્યામિ ચતુર્મુખ ।
વિઙ્ગલાકારમાત્માનં ધ્યાત્વા પિયીષભાવિતમ્

શૂલવજ્ર ધરં ચાપિ મન્ત્રવિ ન્મન્ત્રભૂષણમ્ ।
તૈલાજ્યસિક્તૈ ર્જુહુયાલ્લાજનર્ષપલાવણૈઃ

જુહુયાજ્જ્વલિતે વહ્નાવયુતં સપ્તસાગરાત્ ।
વૃષ્ટિશબ્દં પુરસ્કૃત્ય સ્તમ્ભયેતિ પદદ્વયમ્

પ્રયોક્તવ્યમિદં બ્રહ્મન્મન્ત્રાન્તે મન્દ્રવેદિના ।
અથ શામ્યતિ સા વૃષ્ટિર્મહતી ચક્રવિદ્યયા

અથ રાષ્ટ્રપુરાદીનાં ક્ષોભશાન્તિં તથા શૃણુ ।
અક્ષરાષ્ઠગતં ચક્રં પ્રતિષ્ઠાપ્ય યથાવિધિ

પુરે રાષ્ટ્રે તથા ખન્યાત્તત્કાષ્ઠૈર્જુહુયાત્તથા ।
સહસા ક્ષોભમાયાન્તિ વાજિવારણસંકુલમ્

રાષ્ટ્રં ચ ક્ષુભિતં બ્રહ્મન્નનવસ્થં ભવિષ્યતિ ।
યતિ શાન્તૌ મતિં કુર્યાચ્ચક્રમુદ્વાસ્ય તત્પુનઃ

સ્નાપયેદ્ભગવન્તં ચ સહશ્રકલશામ્બભિઃ ।
ઝડિત્યેવ પ્રશાન્તં પ્યાદ્દુરિતં પુરરાષ્ટ્રયોઃ

રાષ્ટ્રાદિલમ્ભનં તેઽદ્ય પ્રવક્ષ્યામિ ચતુર્મુખ ।
ઉપેતં દલષટ્કોણે કર્ણિકાકેસરાન્વિતમ્

ચક્રાબ્જં કારયેદ્ભૂમૌ મેધ્યાયાં કમલાસન ।
તદ્બહિર્નાભિવલયં ષડરં તદ્ભહિર્લિખેત્

તદ્બહિર્નેમિવલંય જ્વાલામાલા સમન્વિતમ્ ।
તદ્બહિઃ કલ્પયેત્પીઠં ચતુર્દ્વાર પરિષ્કૃતમ્

શોભોપશોભયુક્તં ચ કૃત્વા મણ્ડલમિદૃશમ્ ।
તસ્મિન્ સુદર્શનં બ્રહ્મન્ પૂજયિત્વા યથાવિધિ

સમિદ્ભિરન્નૈ રાઙ્યૈશ્છ હુત્વા મન્ત્રં પ્રસીદતુ ।
શૃઙ્ગે ચક્રં દેહરાષ્ટ્રં દેહરાષ્ટ્રં તથા ધનમ્

ઇત્યેતાં પાવનીં ગાધાં જપાન્તે પ્રાર્થયન્પઠેત્ ।
અથ તસ્ય પુરં રાષ્ટ્રં ગ્રામં ચક્રં પ્રયચ્છતિ

અથ પ્રભષ્ટરાજ્યાનાં મનુજાનાં યથા શ્રિયઃ ।
તથા વક્ષ્યામિતે બ્રહ્મન્નુવાયં ચક્રવિદ્યયા

અન્તસ્થિતસ્ય પદ્મસ્ય સ્યાત્પલાશચતુષ્ટયમ્ ।
અથાષ્ટૌ દ્વાદશ બ્રહ્મન્ ષોડશાથ ચતુષ્ટયમ્

વિંશતિશ્ચ તથા ત્રિંશદ્દ્વૌ ક્રમેણ બહિશ્છદાઃ ।
ઇતિ ષડ્વિધ પત્રસ્ય કર્ણિકાયાં સુદર્શનમ્

યેષ્વથો ષટ્પ્રકારેષુ પલાશેષુ યથાક્રમમ્ ।
મૂર્તીશ્ચતસ્રઃ પ્રથમં તથાષ્ટૌ દ્વ્યધિકા દશ

ષોડશાથ સહસ્રં ચ વિંશતિશ્ચ પિતામહ ।
અથ દ્વાત્રિંશતિં પશ્ચાદન્તરાલેષુ ષટ્ સ્વપિ

યથાક્રમં ભૂષણાનિ શ્રીવત્સપ્રભૃતીન્યથ ।
અષ્ટૌ શક્તીશ્શ્રિયા સાર્ધં ચક્રાદિં હોમ મણ્ડલમ્

કવીન્ સપ્તાધિકાન્ પઞ્ચ કુમુદાદીનનન્તરમ્ ।
ઇન્દ્રાદીનથ દિક્પાલાન્ પૂજયેન્મન્ત્રકલ્પવિત્

સમિદ્ભિર્ભિલ્વરૂપાભિસ્તલૈઃ પદ્મૈસ્તથા ઘૃતૈઃ ।
સહસ્રકૃત્વઃ પ્રત્યેકં જુહુયાચ્ચક્રવિદ્યયા

ઇત્થં ગતે સપ્તરાત્રે પ્રાતરુત્થાય મન્ત્રવિત્ ।
સ્થાપિતૈઃ પઞ્ચવિંશત્યા કુમ્ભૈશ્શાલિકૃતાસનૈઃ

ઘૃતાદિપૂરિતૈર્બ્રહ્મન્ ચક્રવિદ્યાભિમન્ત્રિતૈઃ ।
રાજ્યભ્રષ્ટં મન્ત્રહીનં દન્યુભિઃ પરિપીડિતમ્

રાજાનં બ્રાહ્મણં વૈશ્યં તથાન્યં દુરિતાહતમ્ ।
અભિષિંચેત્ સ્મરન્ ચક્રં તન્મન્ત્રેણ વિધાનવિત્

તથા પ્રકલ્પયેત્યન્ત્રં દાપયેદ્દક્ષિણાં ગુરોઃ ।
ઇત્થં કૃતે ચતુર્વિક્ત્રસૌભાગ્યં રાજ્યલમ્ભનમ્

દસ્યુનાશો ભવેદ્ભદ્રં સ્યાત્સુદર્શનતેજસા ।
આદાવન્તે તથા બ્રહ્મન્ હંસમન્ત્રવતા પુનઃ

નાશયેચ્ચક્રમન્ત્રેણ વિષં સ્થાપરજઙ્ગમમ્ ।
અથ સઙ્ગ્રામવિજયં વક્ષ્યામિ કમલાસન

કૃપાણે તોરમે શક્તૌ શરેષુ વલયે તથા ।
આયુધેષુ તથાન્યેષુ લલાટે વાજિહસ્તિનામ્

તથા દ્વજ પઠાન્તેષુ લિખિત્વાચક્રમણ્ડલમ્ ।
પ્રવિશ્ય સમરં ભીમં રિપૂણાં રોમહર્ષણમ્

હેષિતેન તુરઙ્ગાણાં બૃહ્મિતેન વિષાણિનામ્ ।
હર્ષનાદેન યોધાનાં રથનેમિસ્વનૈસ્તથા

તુરઙ્ગમ ખુરક્ષુણ્ડૈઃ પાર્થિવૈઃ પાંસુમણ્ડલૈઃ ।
તિરોહિતનભસ્સૂર્યં કૃતાન્તસદનોપમમ્

રુધિરાસ્રાવ સંભ્રાન્તં વેતાલમિથુનોદ્યતમ્ ।
માંસસઙ્ગ્રાહ ણોડ્ડીનસહસ્રશ્યેનસઙ્કુલમ્

જ્વાલામાલામયં ચક્રં ધ્યાયન્ જિત્વા રિપૂનપિ ।
અક્ષનાગપ્રહરણૈર્નિષ્કૃયેત્પૃતનામુખમ્

અથ વા રાજ્યસીમાસુ શઙ્કાન્ ખદિરસમ્ભવાન્ ।
સ્થાપયેચ્ચક્રમેન્ત્રેણ હુતશિષ્ટઘૃતોક્ષિતાન્

અગ્નિપ્રકારરૂપસ્તેન શક્યં પ્રેક્ષિતું પરૈઃ ।
પ્રવેશે કમ્પનં બ્રહ્મન્ બ્રહ્મવિદ્યા પ્રભાવતઃ

યત્ર યત્ર ભયં પુંસાં તત્ર તત્રાભયં ભવેત્ ।
ચક્રમધ્યસ્તમાત્માનં ધ્યાયન્તં કુપિતાત્મનઃ

પર્વતારોહણેઽરણ્યે સાગરપ્લવનાદિષુ ।
વ્યાઘ્રસિંહવરાહાદિ સન્નિપાતૈઃ ખિલે પથિ

ગચ્છન્ન ભયમાપ્નોતિ ચક્રમન્ત્રમિમં જપન્ ।
તં નચ્છિન્દન્તિ શસ્ત્રાણિ ન તં દહતિ પાપકઃ

ન ચૈનં ક્લેદયન્ત્યાપો યસ્યૈષ હૃદયે મનુઃ ।
બ્રાહ્મણક્ષત્રવૈશ્યાનાં શૂદ્રાણાં કમલાસન

પ્રતિલોમાનુલોમાનાં કુર્યાત્સં વનસં પુનઃ ।
સમિદ્ભિર્બ્રહ્મવૃક્ષાણામશ્વત્થવટવૃક્ષયોઃ

પ્લક્ષોદુમ્બરજાતીના મપવર્ગસ્ય પાપકે ।
હોમં કુર્યાદ્યથાસઙ્ખ્યં તથા તજ્જાતિયોષિતામ્

બ્રાહ્મણશ્શ્રિયમાપ્નોતિ હોમેન શ્વેતપઙ્કજૈઃ ।
રક્તપદ્મૈર્નરેન્દ્રસ્ય વૈશ્યસ્ય શ્વેતપાટલૈઃ

શ્રીફલૈરાહુતિં કુર્વન્ રાષ્ટ્રસ્યાધિપતિર્ભવેત્ ।
અઙ્ગેન ન્યસ્તમન્ત્રેણ યાં સ્પૃશેદઙ્ગનાં નરઃ

તસ્ય સા વશમાયાતિ મૃતં ચાપ્યનુગચ્છતિ ।
અપમૃત્યુજયં વક્ષ્યે યથાતદવધારય

હોમશાલાગતે કુણ્ડે સમ્ય ગાધાય પઙ્કજમ્ ।
તસ્મિન્નાવાહ્ય દેવેશં દૂર્વાકાણ્ડૈર્યથોક્ષિતૈઃ

જુહુયાત્કોટિભિર્મન્ત્રૈર્યથાશક્ત્યથવા પુનઃ ।
ઇતિ માસદ્વયં રક્ષેત્પાવકં નિયતેન્ધ્રિયઃ

હોમાન્તે યદિ ભૂપાલસ્તુલારોહણમાચરેત્ ।
અન્યશ્ચેદાત્મનોયત્સ્વં દદ્યાદ્બ્રાહ્મણસાત્પ્રતિ

કલશૈઃ પઞ્ચવિંશત્યા સ્નાપયેચ્ચક્રવિદ્યયા ।
એવં કૃતે ચતુર્વક્ત્ર કાલમૃત્યું જયેન્નરઃ

અપમૃત્યુઃ કથં તસ્ય તજ્જયે નાસ્તિ સંશયઃ।
અથવા કાલમૃત્યોશ્ચ જયો પાયોઽપગમ્યતામ્

નિષ્ટૈસ્સહસ્રસઙ્ખ્યાતૈઃ પ્રતિકૃત્ય પિતામહ ।
દ્વિભુજં પુરુષાકારં ભ્રુકુટીકુટિલેક્ષણમ્

દંષ્ટ્રાકરાલવદનં વરાહરુધિરેક્ષણમ્ ।
યષ્ટિં કરેણ સવ્યેન પાશં વામેન બિભ્રતમ્

પ્રક્ષાલ્ય પઞ્ચભિર્ગવૈઃ પઞ્ચોપનિષદા તથા ।
નવકૈરભિષિચ્યાથ ધાન્યરાશિષુ નિક્ષિપેત્

આવાહ્ય પશ્ચાદ્વ્યાહૃત્યા પૂજયિત્વાસ્વનામભિઃ ।
હોમમગ્નૌ પ્રકુર્વીત સમિચ્ચરુઘૃતૈરપિ

ઋગ્ભિઃ કૃતા ન્તલિઙ્ગાભિર્બ્રહ્મન્ વ્યાહૃતિભિ સ્તથા ।
તતઃ પ્રભાતે વિપ્રાય તં પુમાંસં હિરણ્મયમ્

પૂતાય ભગવદ્ભક્ત્યા પઞ્ચકાલાનુવર્તિને ।
દાપયેત્કાલ મૃત્યું ચ જિત્વાસ્યાત્પ્રાયષં પદમ્

અથ મારણમેતર્હિ શ્રૂયિતાં ચતુરાસન ।
વિવિક્તે કલ્પયેદ્દેશે હોમશાલાં વિધાનવિત્

તન્મધ્યે કલ્પયેત્કુણ્ટચાર્યો દક્ષિમાણામુખઃ ।
ગૃહીત્વાક્ષસ્ય ફલકાં હસ્તદ્વયસમાયતામ્

તદર્ધવિસ્ત્રૃતાં બ્રહ્મન્ ઘનં ચ ચતુરઙ્ગલમ્ ।
તસ્યા લિખિત્વા દ્વેષ્યસ્ય વપુઃ પ્રત્યક્ષસંમિતમ્

પ્રતિકૂલેઽથ નક્ષત્રે રિપોરષ્ટમરાશિષુ ।
કૃષ્ણપક્ષે વિશેષેણ પ્રકુર્યાન્મરણક્રિયામ્

પ્રાચ્યાં ભાગેઽથ કુણ્ડસ્ય ષડરં ચક્રમાલિખેત્ ।
કૃષ્ણસૂત્રેરલઙ્કૃત્ય તસ્મિન્ ચક્રં પ્રતિષ્ઠિતમ્

કૃષ્ણગન્ધૈઃ કૃષ્ણપુષ્પૈઃ પૂજયેત્ કૃષ્ણવારિભિઃ ।
શ્મશાનાદ્વા સુનિલયાદ્વલ્મીકાન્મૃદમાહરેત્

તાં રિપોઃ પાદધૂલીભિર્વ્યામિશ્રાં કમલાસન ।
ઉન્મત્તરસમિશ્રેણ ખરમૂત્રેણ પેષયેત્

વિષ્ઠયા વા મૃદા વાપિ દ્વેષ્યસ્ય પ્રતિયાતનામ્ ।
તસ્યાં પ્રાણાન્ પ્રતિષ્ઠાપ્ય મન્ત્રેણાનેન મન્ત્રવિત્

ઉદ્ગીથમપ્રમેયં ચ મન્દરં ભુવનં તથા ।
ક્રોધાનિલૌ પશ્ચિમાસ્યં હુતાશં મધુસૂદનમ્

પ્રચણ્ડગોપનૌ રામં ભાસ્કરં પશ્ચિમાનનમ્ ।
નમધ્યં ગોપનદ્વન્દ્વમમુષ્યેતિ પદં પુનઃ

જીવા ઇહ સ્થિતા શબ્દં વિષ્ણુદક્ષોદયાં સ્તથા ।
ક્રોધરૂપં તપસ્યન્તં સર્વશબ્દમનન્તરમ્

વિક્રમં વિઘ્નરાજાત્રિવહ્નિ બન્ધૂ ચ ગોપનમ્ ।
વનમાલાધરં રામં પાઙ્મનઃ કાય ઇત્યપિ

અથ માયા તૃતીયાન્તં લોડન્તં યાનિ યન્મુખમ્ ।
સ્વાહાવસાનમુદ્ધૃત્ય પ્રણવાન્તાનિકં ? મનુમ્

તાં ચ પ્રાણવતીં કુણ્ડે ખન્યામત્તાનશાયિનીમ્ ।
ફલકાસ્થિતમાકામનુ લિપ્ય પાતામહ

પૂર્વોક્તયા મૃદા પશ્ચાત્પ્રાણિનં પ્રાણવિદ્યયા ।
પાદેનાક્રાન્તહૃદયો રોષલોહિતલોચનઃ

સહસ્રકૃત્વશ્ચક્રસ્ય મન્ત્રં ભાષેત મન્ત્રવિત્ ।
વૃષવૃક્ષપ્રરૂઢેન શઙ્કુના નેત્રયોર્હૃદિ

હસ્તયોઃ પાદયોર્ગુહ્યેશ્રોત્રયોર્નાસિકોદરે ।
અન્યેષ્વપિ પ્રતીકેષુ વધં કુર્યાદ્વિચક્ષણઃ

તથા કૃતે રિપો સ્તતદ્ગાત્રં હીનં ભવિષ્યતિ ।
અથ કુણ્ડેશ્મશાનાગ્નિં નિદધીત પિતામહ

દર્ભૈઃ પરિસ્તરે દ્વેદ્વાં દક્ષિણાપશ્ચિમોન્મુખાન્ ।
પરિધિં તદ્વદાકીર્ય કૃત્વા રાક્ષાં તથાત્મનઃ

ઋત્વિગ્ભિષ્ષોડશોદ્દિષ્ટૈર્દ્વારેષ્વધ્યયને કૃતે ।
બ્રાહ્મણેભ્યો ધનં દત્વા હેતિરાજમનુસ્મરન્

અક્ષકાષ્ઠપ્રક્લૃપ્તાભ્યાં સ્રુક્સ્રુવાભ્યાં યથાવિધિ ।
કૃષ્ણપન્નગરાજીવ કૃષ્ણોતુ ક્ષતજોક્ષિતૈઃ

મરીચૈસ્સર્ષપૈ ર્યુક્તાનષ્ટધાન્યાષ્ટધાન્વિતાન્ ।
સમિધોઽક્ષસ્ય જુહુયાત્સહસ્રં પ્રતિવાસરમ્

રિપુનક્ષત્ર વૃક્ષાણાં સમિધશ્છાપિ મન્ત્રવિત્ ।
મન્ત્રાન્તે શત્રુનામાનં મારયેતિ પ્રકીર્તયેત્

હોતવ્યં ચાવમાનેન હોમં કૃત્વા દિને દિને ।
યાવદ્ભવતિ કૃત્યાયા દર્શનં જાતવેદસિ

ક્રમેણતાવજ્જુ હુયાદ્વાસરાવેકવિંશતિમ્ ।
ફલકામપિ વેદસ્થાં હોમધૂપેન ધૂપયેત્

અગુરું ગુગ્ગુલં ચાપિ ધૂપાર્થ મનલે દહેત્ ।
અથ સપ્તસ્વતીતેષુ દિવસેષુ પિતામહ

સપ્તસ્વહસ્સુ મધ્યે ચ યથાક્રમનુમિ જ્વરાઃ ।
આક્રોશો વેદના તીવ્રા ગાત્રાણામવિધેયતા

હિક્કા નિશ્વાસવિચ્છેદો જિહ્વાહાનિસ્તથારિપોઃ ।
ભવન્તિહિ પ્રભાવેન ચક્રમન્ત્રસ્ય નિશ્ચિતમ્

ઇતિ દ્વિસપ્તકેઽતીતે દિવસેઽનન્તરે પુનઃ ।
મધ્યરેત્રે કૃતે હોમે કૃત્યા તસ્માદ્વિભાવસોઃ

ત્રિશૂલભીષણૈર્હસ્તૈ સ્સપ્તભિસ્ત્રિભિરઙ્ઘ્રિભિઃ ।
જિહ્વયા રક્તવર્ષિણ્યા લેલિહાના નિજં મુખમ્

ઉદ્ગિરન્તી સ્વનેત્રાભ્યામાજ્વસિક્તં હવિર્ભુજમ્ ।
નરાસ્થિમાલાં બિભ્રાણા પુરીતત્કતમેખલા

કપોલકુણ્ડલોપેતા પ્રહસન્તી ભયાનકમ્ ।
દણ્ડં ઘણ્ટાં તથા શૂર્પં માર્જનીં પાશમણ્ડલમ્

બિભ્રતી લમ્બમાનાભ્યાં હસ્તાભ્યાં મુક્તમૂર્ધજા ।
અધિરૂઢાપરસ્કન્ધમન્ધકારનિભાકૃતિઃ

સ્ફુલિઙ્ગમણ્ડલસ્થેવ વિમુક્તાટોપભીષણા ।
ઉત્થાય પ્રાઞ્જલિર્ભૂત્વા કિંકરોમિતિ ભાષતે ॥ 32. 211 ॥
અભિધાસ્યત્યથાચાર્યઃ પ્રાણાન્ હર રિપોરિતિ ।
આદિષ્ટા સા તથેત્યુક્ત્વા રિપું તસ્ય મહાત્મનઃ

અપિ દૂરસ્થિતં હત્વા ગુરું પુનરુપૈષ્યતિ ।
અથ પૂર્ણાહુંતિં હુત્વા હોતૃભિસ્સહ મન્ત્રવિત્

દ્વાવિંશે દિવસેલક્ષં ષડક્ષરમિમં જપેત્ ।
તથાપરાજિતં મન્ત્રં નારસિહ્મમનું તથા

ઘૃતાદિપૂરિતૈઃ કુમ્ભૈર્વિંશત્યા પઞ્ચભિઃ પુનઃ ।
આત્માભિષેકં કુર્વીત ચક્રમન્ત્રાભિમન્ત્રિતૈઃ

એનસો મુચ્યતે તસ્માત્તથા શાન્તિર્ભવિષ્યતિ ।
ઉચ્ચાટનં પ્રવક્ષ્યામિ યથાવત્કમલાસન

નિમ્બદુત્તૂરપ્રત્રાણાં શ્મશાનાઙ્ગારમિશ્રિતૈઃ ।
રસૈરક્ષસ્ય કાષ્ઠેન દ્વિહસ્તે પ્રેતવાસસિ

ષટ્કોણે નાભિનેમ્યજ્કે મણ્ડલે ક્રમશોલિખેત્ ।
નામધેયં રિપોરન્તઃ પ્રોચ્યયામે થ પશ્ચિમે

યકારં ભુવનં બ્રહ્મન્ ઝકારં ભુવનં તથા ।
શિષ્ટેષુ ત્રિષુ કોણેષુ તથોષ્ટે મણ્ડલાદયઃ

તદારૂઢં રિપું ચાપિ કુણઅડે ચાપાકૃતૌ પુનઃ ।
સમિદ્ભિર્નિંબવૃક્ષસ્ય તથા ચ વિષભૂરુહઃ

જુહુયાદભિતો વહ્નાવમૃતં પ્લોષયન્ રિપુમ્ ।
યત્ર ધ્વજં તં બધ્ની યાદુચ્છ્રિતે ચૈત્યપાદપે

અહોભિરેકવિંશત્યા રિપુસ્તસ્ય મહાનપિ ।
અધિષ્ટાનં નિજં હિત્વા ભાર્યાપુત્રાદિભિસ્સહ

પલાયતે દિગન્તેષુ ન ક્વચિલ્લભતે સ્થિતિમ્ ।
અથ વિદ્વેષણં બ્રહ્મન્ યથાવદવધારય

અક્ષપાદપકાષ્ઠેન સ્નિગ્ધયોરાકૃતિદ્વયોઃ ।
કૃત્વા તયોર્લિખેન્મન્ત્રં નામધેયં તયોરપિ

વિદ્વેષય પદોપેત મસૃજાધ્યાઙ્ક્ષ કારયોઃ ।
આખુમાર્જારયોર્બ્રહ્મન્ તથા સર્વમયૂરયોઃ

તથાન્યેષાં વિરુદ્ધાનાં તિરશ્ચાં પક્ષિણામપિ ।
નિબ ધ્ય રજ્જુમાયામાં મૂર્ધજૈર્મહિષાશ્વયોઃ

તથા તે અકૃતી બધ્વા વ્યસ્તયોસ્તુકૃતં મુખમ્ ।
અપિદધ્યાત્તયોરાસ્યં જપેન્મન્ત્રં ષડક્ષરમ્

કુણ્ડે ચ હોમં કુર્વીત સમિદ્ભિ ર્મૃત્યુબન્ધયોઃ ।
અષ્ટોત્તરસહસ્રેણ હુયાદગ્નૌ સુદર્શનમ્

યુધ્યેત સ્નિગ્ધયોર્દ્વન્દ્વં કાકોલૂકાદિસંમિતમ્ ।
ઇત્થં દશ સ્વતીતેષુ દિવસેષુ સ મન્ત્રવિત્

અપાકૃષ્યતિ દમ્પત્યો મમત્વં મિત્રયોરપિ ।
ક્ષીરૈસ્નાયાત્તયોર્ભૂયઃ પ્રીતર્ભવતિ પૂર્વવત્

અથાભિધીયતે બ્રહ્મન્ સ્તમ્ભનં તં નિશમ્યતામ્ ।
શિલાતલે લિખિત્વાથ ચતુષ્કોણ ચતુષ્ટયમ્

તેષુ પ્રત્યેકમાલિખ્ય પત્રૈર્દિવ્યૈઃ પિતામહ ।
ગૃહં વામનમન્ત્રં તમિન્દુકાન્તચતુષ્ટયમ્

વજ્રાઙ્કમપિ પુષ્પૈસ્તત્પૂજયેત્કનકપ્રભમ્ ।
સ્થાપયિત્વા સ્થણ્ડિલેઽસ્મિન્નાસિત્વા મન્ત્રમિરયેત્

સ્તમ્ભયેતિ પદં ચાપિ જુહુયાદર્કખણ્ડિકાઃ ।
સ્તમ્ભનં સ્યાત્ ઝડિત્યેવં વિવાહે ગર્ભલાભકે

વાદજલ્પવિતણ્ડાસુ કથાસ્વપિ ચ વાદિનામ્ ।
વક્ષ્યામિ સ્ખલનં બ્રહ્મન્ લિખિત્વા પ્રતિયાતનામ્

દ્વેષ્યસ્યાલયવૈસ્તલ્યા ગોમયાઙ્ગારમિશ્રિતૈઃ ।
તદઙ્ગેષુ લિખેન્મન્ત્રં તદ્બીજેન સમન્વિતમ્

અથ સ્યાચ્છક્તિહીનં તુ મતિદ્વેષસ્ય દેહિનઃ ।
અથ તે તાડનં વક્ષ્યે દુત્તૂરહયમારયોઃ

અર્કસ્ય ચ રસે બ્રહ્મન્ શ્મશાનાઙ્ગારમિશ્રિતૈઃ ।
ળિખેત્પ્રતિકૃતિં બિલ્વ કાષ્ઠે પ્રેતસ્ય વાસનિ

સઙ્ખકીલમથાધાય ચતુરઙ્ગુલસંમિતમ્ ।
અઙ્ગાનિ તાડયે ત્તસ્ય તેન કીલેન મન્ત્રવિત્

ષડક્ષરસ્ય કુર્વીત નિત્યં જપ મતન્દ્રિતઃ ।
ધનાદિહાનિસ્તસ્ય સ્યાન્ન્યસ્તે દ્વેષ્ટિ સ મન્ત્રવિત્

વશીકારમહં બ્રહ્મન્ ભૂપતીનાં બ્રવીમિતે ।
કુષ્ઠકુઙ્ગુમસિદ્ધાર્ધકર્પૂરાગુરુચન્દનૈઃ

ગોરોચનાન્વિતૈશ્ચાપિ કુસુમ્ભરજસા સહ ।
ભૂર્જપત્રે ળિખેચ્ચક્રં ષડરેષુ ષડક્ષરમ્

તદ્બહિર્દ્વાદશારં ચ નાભિનેમિસમન્વિતમ્ ।
દ્વાદશાક્ષરમાલિખ્ય દ્વાદશારં તતો બહિઃ

અષ્ટાક્ષરેણ મન્ત્રેણ હંસમન્ત્રેણ ચાન્વિતમ્ ।
તદ્બહિર્દ્વાદશજ્વાલં પાશાઙ્કુશમનુદ્વયમ્

સાધ્યસ્ય નામધેયેન પ્રણવેનાન્તરાઙ્કિતમ્ ।
આભિષ્ષોડશભિર્બ્રહ્મન્ વિદર્ભિતમનન્તરમ્

તદેતદ્ગુલિકાં કૃત્વા પદ્મસૂત્રેણ વેષ્ટિતામ્ ।
ચક્રાબ્જે વા સિતાં કૃત્વા પૂજિતાં કુસુમાદિભિઃ

હોમં પદ્માકૃતૌકુણ્ડેકૃત્વા કુસુમસર્પિષા ।
દ્વાદશાહાનિકૃત્વૈવં મઙ્ગાલ્યાદીનિ સાધયેત્

રાજદયો મુખં તસ્ય પ્રેક્ષન્તેવિવશા ઇવ ।
તસ્ય દૂરાત્પલાયન્તે કૂશ્માણ્ડપ્રમુખા ગ્રહાઃ

રસાદલ પ્રવેશં તે કથયામિ ચતુર્મુખ ।
બિલ્વદારું સમાસાદ્ય કુસુમ્ભરજસા સુધીઃ

લિખિત્વા ષડરં ચક્રં બહિસ્તસ્યાથ મન્ત્રવિત્ ।
યથોપદેશં પાતાલં પન્નગાસુરસઙ્કુલમ્

લિખેત્કૃત્વા પુનઃ કુણ્ડં તસ્મિન્નાધાય પાવકમ્ ।
જુહુયાન્ન રમાંસેન જપેન્મન્ત્રં ચ સર્વશઃ

દ્વાદશાહેન તે પશ્ચાત્પાપાલતલસંશ્રયાઃ ।
ઉપસ્થાસ્યન્તિ તં ભીતા યુવત્યઃ કામપીડિતાઃ

તં ગ્રહિષ્યન્તિ ભર્તારમહં પુર્વં શુચિસ્મિતાઃ ।
પાણિભિર્લોલવલયૈઃ કામયાનાઃ પ્રિયંવદાઃ

રસાયનાદિ દાસ્યન્તિ તસ્મૈ પાતાલવર્તિને ।
તદ્ભક્ષણેન દીર્ઘાયુસ્તાભિસ્સહ યથેપ્સિતમ્

રંસ્યતે રમ્યદેશેષુ યત્ર વા જાયતે રુચિઃ ।
ખડ્ગસ્ય સાધનં બ્રહ્મન્નિદાનીં કથયામિતે

અશ્વત્થપત્રા ન્તરિતં ખડ્ગં શાસ્ત્રોક્તલક્ષણમ્ ।
સ્પૃષ્ટ્વા ષડક્ષરં મન્ત્રં જપેદ્ધ્યાત્વા સુદર્શનમ્

અથ ખડ્ગસ્ય તાપસ્યાત્સયક્ષ્યાદીનિ જેષ્યતે ।
તસ્મિન્ ધૂમાયમાને તુ ગન્ધર્વાધિપતિર્ભવેત્

તસ્મિન્ જ્વાલામુખે બ્રહ્મન્ વિદ્યાધરપતિર્ભવેત્ ।
ગૃહીત્વા તં પુનઃ ખડ્ગં યથેષ્ટં લોકમાપ્નુયાત્

ગોમયેનોપલિપ્તેઽથ શૂન્યાગારે પિતામહ ।
ચક્રં લિખિત્વા સુમનાસ્સિતપુષ્પૌરલંકૃતમ્

વ્રણહીનં શવં તસ્મિન્ બ્રાહ્મણસ્ય નૃપસ્ય વા ।
પ્રાચીન શિરસં કૃત્વા માહિષેન ઘૃતેન તમ્

પાદયોર્મન્ત્રવિલ્લિમ્પેદસહાયોઽપ્રમત્તધીઃ ।
તદ્વક્ષસિ પદં કૃત્વા મન્ત્રરાજમિદં જપેત્

પ્રત્યહં જુહુયાદગ્નૌ સમિદ્ભિ ર્વેત્રભૂરુહઃ ।
કૃતે સઙ્ખ્યં ? જપેન્મન્ત્રં જનહોમૈઃ પિતામહ

ઉત્થાસ્યતિ શવઃ પ્રાણી નિશીથે કલ્પિતાઞ્જલિઃ ।
સતસ્મૈ મન્દ્રસિદ્ધાય વક્તિ દિવ્યં રસાયનમ્

પાદુકામઞ્જનં ખડ્ગં પ્રદાસ્યતિ યથેપ્સિતમ્ ।
યદિદં તેન ખડ્ગેન હત્વા શ્નીયાત્તદામિષમ્

ત્રૈલોક્ય વિષયં જ્ઞાનં લપ્સ્યતે ચતુરાસન ।
વલીપલિતહીનત્વમમરત્વં ચ સેત્સ્યતિ

નિધાનાન્યપિ ગૂઢાનિ પ્રત્યક્ષમિવ પશ્યતિ ।
રસં વિમૃજ્ય પાષાણે લિખેચ્ચક્રં ષડક્ષરમ્

રસં નિધાય મૂષાયાં બધ્વાદ્રવ્યૈર્યથોચિતૈઃ ।
કૃત્વાભિમન્ત્રિત્રંબ્રહ્મન્ ચક્રમન્ત્રેણ કલ્પવિત્

ઉપયુઞ્જીત મેધાવી જપેચ્ચાપિ ષડક્ષરમ્ ।
આરોગ્યં બલમૈશ્વર્યં કાલમૃત્યુવ્યતિક્રમમ્

વાગ્મિત્વં બુદ્ધિમત્વં ચ રૂપસંવનનં વયઃ ।
સભસ્થલે ગતિશ્ચાપિ સાક્ષાદિવ ગરુત્મતઃ

ઇત્યાદયો ગુણાસ્તસ્ય ભવિષ્યન્તિન સંશયઃ ।
યથા ન પાદખેદસ્સ્યાદ્દૂરં ગત્વાપિ તચ્છ્રુણુ

કાકજઙ્ઘામુપાદાય કોકિલેક્ષણસંહિતામ્ ।
બલાં મોટારસૈસ્તેષાં સ઱પુઙ્ખરસાન્વિતૈઃ

સર્ષપસ્નેહંસમિશ્રૈશ્ચક્રમાન્ત્રાભિમન્ત્રિતૈઃ ।
લિપ્ત્વા પાદયુતં ચક્રં કૃત્વારણ્યમહાપથે

યોજનાનાં સહસ્રે દ્વે ન ખેદં સમવાપ્નુયાત્ ।
યક્ષીસિદ્ધિં પ્રવક્ષ્યામિ તાં લિખેત્ ક્ષૌમ પાસસિ

ન્ય ગ્રોધમાલે તાં ધ્યાત્વા યક્ષીવિદ્યાં જપેદ્બધઃ ।
આરાધ્ય ગુગ્ગુલૂત્થેન ધૂપેન કમલાસન

સમિદ્ભિર્વટવૃક્ષસ્ય તથાશોક કરઞ્જયોઃ ।
રક્તપદ્મૈસ્તિલૈશ્ચાપિ જુહુયાજ્જાતવેદસિ

એકવિંશતિ રાત્રાન્તે કમ્પતે સ વટો મુહુઃ ।
દૃઢબુદ્ધિઃ પુનશ્ચાપિ મન્ત્રમેવં જપેદ્બુધઃ

અથ પ્રત્યક્ષરૂપા સા યક્ષી કલ્યાણલક્ષણા ।
સ્નિગ્ધેવ જનની સિદ્ધિં તસ્મૈ દત્વા યથેપ્સિતામ્

અમુનૈવ વિધાનેન યક્ષા વૈશ્રવણાદયઃ ।
પ્રત્યક્ષભૂતા દાસ્યન્તિ સાધકેન વૃતં વરં

યથા યથાઽધિકો હોમો જપે વા કમલોદ્ભવ ।
અમુષ્ય ચક્રમન્ત્રસ્ય પઞ્ચકોટિર્યથોત્તરમ્

તથા તથા પદાન્યેતા ન્યવધૂયેત કિલ્બિષમ્ ।
આદિત્યાનાં સશાઙ્કસ્ય વસૂનાં મરુતામપિ

અશ્વિનોર્વાસવસ્યાપિ મન્વાદીનાં તપસ્વિનામ્ ।
રુદ્રાણાં બ્રહ્મણશ્ચાપિ ચક્રમન્ત્રસ્ય વૈભાવ્ત

સહસ્ર કોટિસઙ્ખ્યેન હોમેન ચ જપેન ચ ।
તપસા ચાતિતીવ્રેણ લભતે વૈષ્ણવં પદમ્

કિં ભૂયસા પ્રલાપેન યત્રેષ્ટં યદ્ભવિષ્યતિ ।
સ તેન તેન લભતે પાપે ભ્યોપિ પ્રમુચ્યતે

ઇત્યેતત્કથિતો બ્રહ્મન્ ષડક્ષરમહામનોઃ ।
કલાસ્સંગ્રહરૂપેણ રહસ્યસ્સર્વસિદ્ધિદઃ