પદ્મસંહિતા · અધ્યાય 4.15

માસિ ભાદ્રપદે દેવં શ્રવણે ચાદિપૂરુષમ્ ।
વરાહરૂપં સુભગં હિરણ્યાક્ષાસુરદ્વિષમ્

યજેત ધરયા દેવ્યા સાર્ધં સર્વાર્થસિદ્ધયે ।
અન્યેષાં મૂર્તિભેદાનામપિ તસ્મિન્ સમર્ચનમ્

સ્વાતાવાશ્વયુજે માસિ યજનં સ્નપનાદિભિઃ ।
કાર્તિકે માસિ સંપ્રાપ્તે દ્વાદશ્યાં ચાસિતેતરે

પક્ષે પ્રબોધયેદ્દેવમર્ચયિત્વા યથાવસુ ।
મન્ત્રશ્ચોદિત્યમિત્યેષ ઉત્તિષ્ઠેતિ ચ બોધને

પ્રબોધ્ય વાર્ચયેદ્દેવમુત્થિતં વિધિવર્ત્મના ।
ઔત્સવં બિમ્પમભ્યર્ચ્ય મણ્ડપે મણ્ડલે સ્થિતમ્

દ્વારતોરણકુમ્ભાદિયજનં ચ યથાપુરમ્ ।
ગ્રામે મહોત્સવઃ કાર્યસ્સર્વમઙ્ગલસંયુતઃ

સર્વેચાશ્રમિણઃ કુર્યાર્વ્રતાનાં ચ વિસર્જનમ્ ।
દશનિષ્કં તદર્ધં વા દક્ષિણાં ગુરવે તદા

કૃત્તિકાસુ કાર્તિક્યાં પોર્ણમાસ્યાં મધુદ્વિષઃ ।
કૃત્તિકાભિરયોગે વા કેવલાયાં તિથૌ ભવેત્

દીવોત્સવં તથા સર્વં શોભયેન્મમ મન્દિરમ્ ।
અરોપ્ય સર્વતો દીપાન્ સ્તમ્ભેઘાચ્ચૈર્મધુદ્વિષઃ

દિક્ષુ સર્વાસુ સર્વત્ર તથા ચાવરણેષુ ચ ।
કૂટા કારાઃકલ્પિનીયાસ્તેષાં સ્યુર્દીપમાલિકાઃ

પ્રાકારભિત્તિષુ તથા મણ્ડપે ગોપુ રેષુ ચ ।
બહ્વીભિર્દીપમાલાભિર્ભાવ્યં સર્વાસુ દિક્ષુ ચ

દીવોત્સવાય પૂર્વેદ્યુર્નિશિ કલ્યાણકૌતુકમ્ ।
બધ્નીયાદૌત્સવે બિમ્બે સર્વમઙ્ગલસંયુતમ્

અપરેદ્યુશ્ચ મૂલાદિબેરાણામર્ચનં ભવેત્ ।
નૈમિત્તિકં પ્રદોષે તુ કુર્યાદ્દીપાધિપાસનમ્

પુરસ્તાન્મૂલબેરસ્ય પાત્રમારોપ્ય નૂતનમ્ ।
ધાન્યરાશૌ તતસ્તસ્મિંશ્ચજ્યમાઢકસંમિતમ્

કાપિલં તૈલમધવા નિક્ષિપ્ય પરિશોધિતમ્ ।
ઋજુવર્તિં તન્તુભિર્વા પાસસા નૂતનેન વા

કલ્પયિત્વા સમુદ્ધૃત્ય કુણ્ડાગ્નિં તેન દીપયેત્ ।
વર્તિમાગ્નેયમન્ત્રેણ અગ્નિમુદ્રાં પ્રદર્શયેત્

અભ્યર્ચ્ય ચાગ્નિ મન્ત્રૈસ્તુ મુહૂર્તે શોભને ગુરુઃ ।
આદાય પાત્રં તત્ સ્થેન વહ્નિના વલજાદિષુ

દીપયેદ્દીપિકાસ્સર્વાસ્તૂર્યેષુ વિદિશો દિશઃ ।
ઘોષયત્સુ તથા નૃત્તગીતાદીનાં સમુદ્યમે

અધીયાનેષુ વિપ્રેષુ મન્ત્રાનનવદૈવતાન્ ।
ઔત્સવં બિમ્બમાદાય સર્વલઙ્કારશોભિતમ્

યાનમારોપ્ય રથ્યાસુ નયેદાવરણેષુ ચ ।
દૃશ્યાનિ નાટકાદીનિ કૃત્રિમાણીતરાણિચ

દર્શયેદ્દેવ દેવાય ભાષાભેદાન્યથોદિતાન્ ।
આસાદ્ય મણ્ટપે તસ્મિન્નિ વેદ્ય ચ મહા હવિઃ

પૃથુકાન્ સંસ્કૃતાન્ સક્તૂન્ પલલાનગ્નિતૃપ્તયે ।
અપૂપાન્ સમયે તસ્મિન્નિ વેદ્ય મધુવિદ્વિષે

અભ્યસ્તરં મન્દિરસ્ય ગમયેન્મઙ્ગલાન્વિતમ્ ।
કૃત્તિકાદીપવિધિના સમારાધસમીરિતમ્

વિશાં ચ રાજ્ઞો રાષ્ટ્રસ્ય સમ્પત્કરમનુત્તમમ્ ।
વિપત્પ્રશ્રમનં બ્રહ્મન્ પ્રીણનં જાતવેદસઃ

માર્ગશીર્ષેસિતે પક્ષે માસિ વ્રતમનુત્તમમ્ ।
દ્વાદશ્યાં વ્રતપૂર્વત્વાદ્વ્રતમારાધનં હરેઃ

આરાધનં ભગવતઃકુર્વંસ્તાદૃશમુત્તમમ્ ।
દશમ્યાં હરિમારાધ્ય ભોજયિત્વાચ ભૂસુરાન્

દક્ષિણાં ચ યથાશક્તિ દત્વા તેભ્યસ્સમાહિતઃ ।
ભગવત્સન્નિદૌ તેષાં વિજ્ઞાપ્ય દ્વાદશીવ્રતમ્

અનુજ્ઞાપૂર્વકં પૂજાં વ્રતપૂર્વાં મહાફલામ્ ।
સઙ્કલ્પ્ય દર્ભેષ્વાસીનઃ પ્રાઙ્મુખઃ પ્રણિદાનવાન્

હવિષ્યાશી સકૃત્કૃત્વા સર્વં કર્માહ્નિકં તથા ।
રાત્રૌ ચ ભગવદ્યોગમાસ્થાય ચ યથાવિધિ

અપરેદ્યુઃક્રિયાજાતમે કાદશ્યાં યથાવિધિ ।
પૂર્વં ત્રિષવણન્નાયી નિયમં પરમાસ્થિતઃ

અનશ્નન્ દેવમારાધ્ય હોમાન્તં મૌનમાસ્થિતઃ ।
ભગવદ્ધ્યાનનિરતો વ્યવહારં ચ લૌકિકમ્

અસંસ્પૃશન્ મનઃકાયકર્મભિશ્ચેઙ્ગિતાદિભિઃ ।
સ્થિતો મૌની તદા તદ્વદ્રાત્રૌ કૌતુકમબન્ધનમ્

બધ્વા દેવેશમારાધ્ય દર્ભશાયૂનયેન્નિ શામ્ ।
બ્રાહ્મે મુહૂર્તેચોત્થાય કૃત્વા સન્ધ્યાં યથાવિધિ

કર્મદેવાન્તિકં ગત્વા કુર્યાત્પૂજાં યથાપુરમ્ ।
ચતુર્વેદવિદો વિપ્રાન્ દિક્ષુ પ્રાચ્યાદિષુ ક્રમાત્

દર્ભાસનેષ્વાસયિત્વા દેવસ્યાભિમુખં યથા ।
કોણેષુ ચ દિશાં વિપ્રાનેકાયનવિદ સ્તથા

અધ્યાપયેદધ્યયનં યથા સ્વચ્છન્દસાં ગુરુઃ ।
સામગાનિ તરાલાભે કેવલાં સ્તપસિ સ્થિતાન્

એકાયનવિદો વાપિ હરેસ્તત્પ્રીણનં પરમ્ ।
પ્રાશયેદ્પ્રાહ્મણૈસ્સાર્ધં વ્રતસ્ધઃકાયશુદ્ધયે

કુશોદકં પઞ્ચ ગવ્યં પ્રાપણં ચ યથા ક્રમમ્ ।
દિવા સ્વાપં પરાન્નં ચ પુનર્ભોજનકર્મ ચ

સ્ત્રીસેવાં તૈલસેવાં ચ કાંસ્યભોજનમેવ ચ ।
માંસાશનં ત્યજેત્તસ્મિન્ દિવસે કર્મ ગર્હિતમ્

ભોજયેચ્ચ યથાશક્તિ તદ્યાદન્તે ચ દક્ષિણામ્ ।
ઉપવાસાક્ષમો નક્તમે કાદશ્યાં સમાચરેત્

અજ્ઞાનાચ્ચેત્ત્રયોદશ્યાં પારણં રાક્ષસં ભવેત્ ।
વર્જ્યાશ્ચ વારા મન્દસ્ય ભૃગોરઙ્ગારકસ્ય ચ

નક્ષત્રં યમદૈવત્યં વ્રતારમ્ભે ચતુર્મુખ ।
પારણં ચોપવાસશ્ચ ન દોષાય તિથિત્રયે

ન સમ્ભાષેત પાષણ્ડવૃત્તિભિર્ગર્હિતૈર્નરૈઃ ।
પ્રમાદાદપિનૈવાન્યૈર્નાસ્તિકૈઃપ્રતિલોમજૈઃ

નાશૌચવદ્ભિર્દ્વાદશ્યાં વ્રતસ્થો નાવલોકયેત્ ।
આર્દ્રાયામપિ માસેઽસ્મિન્ જન્મર્ક્ષેચ ગરુત્મતઃ

તત્પ્રીતયે સમારાધ્યો હરિશ્શાસ્ત્રોક્તવર્ત્મના ।
પાયસાન્નં ગુળાન્નં ચ પ્રભાતે વિનિવેદયેત્

બિમ્બં ચૌત્સવમાકલ્પ્ય વીધિકાવરણેષુ ચ ।
ગરુડેનૈવ સહિતં ગમયેન્મઙ્ગલાન્વિતમ્

ઉત્તરેચાયને દેવં સ્નપનાદ્યૈસ્સમર્ચયેત્ ।
ઘૃતેનાભ્યઞ્ઙયેદ્દેવં મજ્જયેદ્વા ઘૃતાદિષુ

ઘૃતે વા દધ્નિ પીયૂષે યદ્વા મધુનિ સમ્ભૃતે ।
ફલેષુ વા ફલરને પઞ્ચ ગવ્યરસેષુ વા

પાયસાદિષુ ચાન્નેષુ કાલપુષ્પોચ્ચયેષુ વા ।
દલેષુ વા તુલસ્યાતેર્નવરત્નચ યેષુ વા

સુવર્ણકલધૌતેષુ પુષ્પાકારેષુ શોભને ।
સુવર્ણ ગોલકાઃકૃત્વા કલ્પિતાવયપોજ્વલાઃ

કલ્પિતાકલ્પકલ્યાણપ્રતિમાકારસંમિતાઃ ।
પીઠિકાકારતુલિતાસ્તાભિરાચ્છાદ્ય ભૂષયેત્

પઞ્ચાયુધસમાકારા હસ્તાદિસતૃશાકૃતીઃ ।
કૃત્વા વૃથગ્યથાશોભં ગલકાઃ કઞ્ચુકાકૃતીઃ

ભૂષયેત્તાભિરઙ્ગાનિ ચાયુધાનિ ચ સર્વશઃ ।
આપાદમસ્તકં વાન્યૈર્વ્રીહ્યાદિભિરધોક્ષજમ્

છાદયેન્મૂલમન્ત્રેણ પૂરણં સર્વવસ્તુભિઃ ।
તિસ્રસ્ત્રિપાદસહિતા નપિ વા દ્વિગુણાં સ્તથા

પૂરયેત્કાલમાતોદ્યનૃત્તગીતાદુમઙ્ગલમ્ ।
આચરેત્સર્વમેતસ્મિન્યથાવિભવ વિસ્તરમ્

જુહુયાત્સર્પિષા યાવત્પૂરણં મૂલવિદ્યયા ।
દેયા ચ દક્ષિણા સ્વર્ણમાચાર્યય યથાવસુ

ઘૃતાદિપૂરણં ચૈતત્સર્વકામસમૃદ્ધિદમ્ ।
પુષ્યે ચ માસિ નક્ષત્રે પૌર્ણમાસ્યામથાપિ વા

આરાધનં ભગવતસ્સર્વપાપવિનાશનમ્ ।
માઘમાસે સિતે પક્ષે વઞ્ચમ્યાં મધુવિદ્વિષમ્

સમારાધ્ય યથાશાસ્ત્રં દેવસ્યાગ્રે મહીતલે ।
ગોમયાલેપિતે દ્વાભ્યાં હસ્તાભ્યામપિ સંમિતે

ચતુર્ભિર્વા સમાયામવિસ્તારે ચ્છાદિ તેપુનઃ ।
વાસસા નૂતનેનૈવ સદશેન તથોપરિ

કૃષ્ણાજિનેન શુદ્ધેન ભેદનચ્ચેદનાદિના ।
વર્જિતેન સમાચ્છાદ્ય વસ્ત્રં તદુપરિ ક્ષિપેત્

તિલાનાં ભારમેકં વા દ્વૌ વા કૃત્વા ચ વેદિકામ્ ।
ત્રિમેખલાં તિલે તસ્મિન્ પદ્માકારસમાકૃતિમ્

નિષ્કત્રયાત્મકં સ્વર્ણં લેખાપદ્મં તિલેષુ વા ।
નિક્ષિપ્ય નવરત્નાનિ દિક્ષુ ચાષ્ટાસુ નિક્ષિપેત્

ધાન્યપૂર્ણાનિપાત્રાણિ દ્વે દ્વે પ્રતિદિશં ક્રમાત્ ।
પ્રસ્થતૈલં તથા સર્પિર્ધધિ ચાપિ ચતુર્ગુણમ્

પાર્શ્વયોઃપુરતશ્ચાપિ પાત્રસ્થં ન્યસ્ય ભૂતલે ।
તિલાજ્યાહારઃપુરતસ્ત્રીણ્યહાનિ જિતેન્દ્રિયાઃ

ઉપોષ્ય વા ગુરુઃપૂર્વમેકરાત્રં ચતુર્મુખ ।
અભ્યર્ચ્ય ગન્ધપુષ્નાદ્યૈસ્તિલાન્યસ્તાન્યનન્તરમ્

અધીયાનેષુ વિસ્ત્રેષુ તૂર્યવાદિત્રઘોષણે ।
મઙ્ગલેષુ તથાન્યેષુ પ્રવૃત્તેષુ યથાયથમ્

તિલૈસ્સહસ્રકૃત્વોગ્નૌ જુહુયાન્મૂલવિદ્યયા ।
અચર્યં પઞ્ચ કાલજ્ઞં ભગવચ્છાસ્ત્રકોવિદમ્

કલ્યાણાચારનિરતં સર્વેસ્સમુદિતં ગુણૈઃ ।
તસ્મે ભાગવતાયેદમર્ચયિત્વા ક્ષતાદિભિઃ

તિલપદ્મં પ્રદાતવ્યં સન્નિદૌ વારિપૂર્વકમ્ ।
પ્રિયતાં ભગવાન્ વિષ્ણુરિત્યાચાર્યેણ મન્ત્રવિત્

તદન્તે દેવમભ્યર્ચ્ય ભોજયિત્વા મહાસુરાન્ ।
દદ્યાચ્ચ દક્ષિણાં તેબ્યો ગુરવે ચ યથોદિતામ્

ઇત્થં તિલસરોજં યો દદ્યાદ્ધાન્યાદિસંયુતમ્ ।
પૂનાતિ સ પિતૄન્ સર્વાનાત્માનં ચ પરાવરાન્

માસર્ક્ષે પૌર્ણમાસ્યાં ચ યજનં સ્નપનાદિભિઃ ।
ફાલ્ગુને માસિ ફલ્ગુન્યાં શ્રીકામો હરિમર્ચયેત્

ઉષોષ્ય પૂર્વં નિયતો ધ્યાયન્નિત્થં સમાહિતઃ ।
વિપુલે બિલ્વવિપિને મધ્યે પુષ્કરશોભિતે

મહાતટાકે શિજ્ઞાનપક્ષિસઙ્ઘસમાકુલે ।
મણ્ડપે તત્ર માહેન્દ્રે રત્ન પ્રાકારવેષ્ટિતે

ચતુર્દિક્ષુ ચતુર્દ્વારે કલ્પકદ્રુમમણ્ડિતે ।
સૌવર્ણે બહુકલ્યાણરત્નસ્તમ્ભસમન્વિતે

સિંહાસને વરે રત્ન પદ્મેઽષ્ટદલસંયુતે ।
કર્ણિકાકેસરોપેતે સુખાસીનં શ્રિયા સહ

પૂર્વાદિદિક્ષુ ધ્યાતવ્યા વાસુદેવાદયો દલે ।
આગ્નેયાદિષુ કોણેષુ ચત્વારો હસ્તિનઃક્રમાત્

ગુગ્ગુલુશ્ચ કુરણ્ડશ્ચદમકશ્શલલ સ્તથા ।
શઙ્ખપદ્મનિધી ચાપિ સંહવિષ્ટરપાર્શ્વયોઃ

અન્યોન્યાભિમુખૌ ભૂરિ વમન્તૌ વસુ સર્વદા ।
ભૂમ્યાદયોઽષ્ટૌ પૂર્વાદિદિક્ષુ ચામરપાણયઃ

ઇન્દ્રાદયશ્ચ પૂર્વાદિ દિક્ષ્વષ્ટાવષ્ટસુ ક્રમાત્ ।
સ્થિતાશ્ચતુર્ષુદ્વારેષુ વેત્રહસ્તાસ્સકઙ્ચુ કાઃ

કુબ્જવેષાસ્ત્રિયો દ્વારિ પાલયન્ત્યોમનુહરાઃ ।
બલાકિની ભીષિ કા ચ તથૈવ વનમાલિની

શાઙ્કરી ચ ક્રમાદેતાઃપૂર્વાદિષુ ચતુર્મુખ ।
દ્વારાણિ પાલિકાભિશ્ચ પૂર્ણકુમ્ભૈર્ધ્વજૈ સ્તથા

તોરણૈર્દામભિર્મૌક્તૈર્દીપૈરન્યૈશ્ચ મઙ્ગલૈઃ ।
પરિષ્કૃતાનિ ધ્યાત્વૈવં દેવીં દેવં ચ પૂજયેત્

શ્રિયં વા કેવલાં પદ્મે કર્ણિકાયામવસ્થિતામ્ ।
મણ્ડપે તત્ર પૂર્વેક્તે પરિવારસમન્વિતે

લક્ષ્મીપ્રસૂનકૈઃપદ્મૈર્હોમો બિલ્વાદિપલ્લવૈઃ ।
સમિદાજ્યૈશ્ચ મન્ત્રેણ શ્રિયશ્ચાષ્ટાક્ષરેણ ચ

શ્રીસૂક્તાનિ ચતુર્દિક્ષુ પાઠ્યાનિ પૃથિવીસુરૈઃ ।
આરાધ્યાભિષ્ટુયાદન્તેસ્તોત્રૈર્બહુવિધૈશ્શ્રિયમ્

સમામિ દેવિ લોકાનાં જનયિ ત્ર્યબ્ધિસમ્ભવે ।
સર્વલોકેશ્વરેશેશ વલ્લભે દુર્લભેઽધમૈઃ

વાસુદેવાઙ્ગસંસ્પર્શ સુખૈકરસભાજને ।
નમસ્તે સુખદે દેવિ દેવાનામધિદેવતે

યદૃચ્છયાપિ તે દેવિ કટાક્ષાઃ પતિતાસ્સકૃત્ ।
ક્ષુદ્રેષ્વપિ પ્રગલ્ભનૈતે ત્રિલોકેશ્વરાઃક્રમાત્

ન સ્પૃશન્તિ ત્રિલોકેશાનપિ યાન્વીક્ષણાનિતે ।
સંપાદ્યન્તે ક્ષણાત્ક્ષુદ્રા નાકપૃષ્ઠાદપિચ્યુતાઃ

લાવણ્યાદિગુણા યત્ર કાષ્ઠામશ્નુ વતે પરામ્ ।
તાનિ ત્વદીયાન્યઙ્ગાનિ દેવિ કસ્તોતુમર્હતિ

ત્વં માયા ત્વમવિદ્યાસિ ત્વં શક્તિઃ કર્મણામપિ ।
ચૈતન્યશક્તિસ્ત્વમસિ પ્રકૃતિસ્ત્રિગુણાત્મિકા

ત્વમેવ વિદ્યાત્રૈય્યન્તા ત્રયી ચ ત્વં પરાવરા ।
યસ્યાસ્તવાયુતાંશાંશે દેવ્યો વાગાદયસ્થ્સિતાઃ

સચ્ચિદાનન્દરૂપસ્ય પરસ્ય પરમાત્મનઃ ।
આનન્દાદિમયી મૂર્તિ કવિભક્તા ભવત્યસિ

પ્રભાસિ તસ્ય નિત્યા ત્વં ભાસ્વતઃ પરમાત્મનઃ ।
સન્ધ્યા ત્વમસિ વિપ્રાણાં વન્દનીયા દિને દિને

ભૂર્ભુવસ્સ્વસ્ત્વયી ચ ત્વં ભૂરસિ ત્વં ભુવોસિ ચ ।
સ્વરસિ વ્યાહૃતિશ્ચાપિ ઋગ્યગુસ્સામકારણમ્

ત્વમાહુતિસ્ત્વમિષ્ટશ્ચ દક્ષિણાસિ ત્વમેવ ચ ।
સિદ્ધિશ્ચ કર્મણાં ત્વત્તો નાન્યાસ્તિ કમલાલયે

નીતિરાન્વીક્ષકી વાર્તા વિદ્યા ચાદ્યાસિ લૌકિકી ।
દૃષ્ટ્વા દેવિ ત્વયા હીનં મૃત પ્રાયં જગત્ત્રયમ્

યત્નૈરમ્ભોધિમથનપ્રાયૈરાવિર્ભભૂવિથ ।
અનુષઙ્ગિકમુત્પન્નં પ્રાપ્તમપ્સરસામપિ

તાદૃગેવામૃતાદન્યદિન્દિરે હરિમન્દિરે ।
હાલાહલં વિષં ચાપિ જન્મનશ્શ્રેયસે તવ

પ્રત્યૂહરૂપેણોત્પન્નં ક્ષીરપારિધિસમ્ભવે ।
અભ્યર્હિતા તપોત્પત્તિ રેવં નામ મધુદ્વિષઃ

કુર્માદિતિર્યગ્યોનિત્વં યત્પ્રાપ્તં પરમાત્મનઃ ।
ત્વં સર્વલોકજનની જનકો જગતાં હરિઃ

ત્વયા ચ વિષ્ણુનાચૈદ્વ્યાપ્તં સ્થાવરજઙ્ગુમમ્ ।
માનઃકોશં તથા ગોષ્ઠં માગૃહં મા પરિચ્છદમ્

મા શરીરં કલત્રં ચ ત્યજેથા મા ચ સન્તતિમ્ ।
શ્રુતવાન્ શીલવાન્ દક્ષો બુદ્ધિમાન્ વિત્તવાનૃજુઃ

વૃત્તિવાન્ બન્ધુમાન્ શ્રીમાન્ પશુમાન્ ધાન્યવાનપિ ।
ગુણવાન્ કીર્તિમાન્ લોકે તથાભિજનવાન્ પ્રભુઃ

આયુષ્માન્ વિજયી ભૂમાંસ્તથૈપારોગ્યવાનપિ ।
શ્લાઘ્યવાન્ દેવ પુરુષઃકટાક્ષવિષયાત્તવ

ગુણૈર્યથોક્તૈરહિતસ્ત્વદ્દર્શનવિવર્જિતઃ ।
ક્રીડાભૂમિર્હરેર્યસ્ય વક્ષોભૂમિસ્સનાતની

આનન્ત્યાત્તનકલ્યાણિ ગુણાનાં વર્ણને ક્ષમઃ ।
ન વાચસ્પતિરપ્યેષ દૂરે સ્યાન્માદૃશાં સ્થિતિઃ

પ્રસીદ દેવિ પદ્મે ત્વં પદ્મહસ્તે શુચિસ્તિતે ।
પદ્માસને પદ્મયોનેર્જનયિત્રિ હરિપ્રિયે

પદ્મપ્રિયે નમસ્તુભ્યં વિષ્ણોર્વક્ષસ્થ્સલાલયે ।
સ્તુત્યન્તમિત્થમારાધ્યા દેવ્યસ્સર્વા શ્શ્રિયાદયઃ

અર્હણં ચોપવીતં ચ વર્ઙયિત્વોપચર્યયા ।
ધ્યાત્વા યથોક્તમાર્ગેણ યદ્વા ધૂમધ્વજાર્ચનમ્

ઉત્સવં ચ શ્રિયા દેવ્યા સાર્ધં તસ્મિન્મધુદ્વિષઃ ।
યાવજ્જીવં શ્રિયં દેવીમર્ચયન્ સંપદં પરામ્

ઇહાનુભૂય ભૂયોઽપિ પરત્ર શ્રિયમશ્નુતે ।
યદ્વા કામયમાનેન પુરુષેણાર્ચનં શ્રિયઃ

લભતે તત્તદેવેહ ફલભેદૈઃ કિમીરિતૈઃ ।
આરોગ્ય કામસ્સાવિત્રે મણ્ડલે રત્નપઙ્કજે

અસીનં વિષ્ટરે પીતકૌશેયવસનં હરિમ્ ।
નિષ્ટપ્તતપનીયાભં ચતુર્ભુજમધોક્ષજમ્

પ્રસાદસુમુખં સર્વદિવ્યાભરણભૂષિતમ્ ।
દેવીસહાયં કલ્યાણં કેવલં વા ચતુર્મુખ

પૂર્વાદ્યષ્ટદલાસીનશક્ત્યષ્ટસમુપાસિતમ્ ।
એવં ધ્યાત્વાર્ચયેન્નિત્યમારોગ્યં પરમશ્નુતે

અનન્યલભ્યમારોગ્યં સર્વં લભ્યેત્તતઃપરમ્ ।
દિનાનિ પઞ્ચ શસ્તાનિ વૈષ્ણવાનિ ચતુર્મુખ

તેષુ વ્રતનુષ્ઠેયં સર્વાભિપ્રેતસાધનમ્ ।
પક્ષદ્વયે ચ દ્વાદશ્યૌ સિનીવાલી કુહુસ્તથા

શ્રવણર્ક્ષં દિનાનિ સ્યુર્માસેષુ દ્વાદશસ્વપિ ।
ચૈત્રાદિષુ દ્વાદશસુ માસેષુ દ્વાદશાધિપાઃ

અર્ચનીયાઃક્રમાદ્વિષ્ણુસ્તથૈવ મધુસૂદનઃ ।
ત્રિવિક્રમો વામનશ્ચ શ્રીધર સ્તદનન્તરમ્

હૃષીકેશઃપદ્મનાભો દામોદરસમાહ્વયઃ ।
કેશવો નામધેયેન તથા નારાયણઃસ્મૃતઃ

માધવોઽન્યશ્ચ ગોવિન્દો દ્વાદશૈતે પ્રકીર્તિતાઃ ।
માસેચૈત્રે સમારમ્ભોમાર્ગશીર્ષેથવા ભવેત્

અશ્નન્ હવિષ્યં પૂર્વેદ્યુરનશ્નન્નપરેઽહનિ ।
શ્રવણે મધ્યમે ભાગે શુચિર્દક્ષસ્સમાહિતઃ

ચક્રાબ્જમણ્ડલે યદ્વા બિમ્બે કુમ્ભેઽથ વા હરિમ્ ।
આરાધ્ય મૂર્તિં માસેશમુપચારૈર્યથોદિતૈઃ

આરાધનાન્તે વિત્તાનિ દત્વા શક્ત્યનુસારતઃ ।
બ્રાહ્મણેભ્યસ્તથા દત્વા ગુરવે દક્ષિણાદિકમ્

અપરેદ્યુસ્તથા દેવમર્ચયિત્વા યથાવિધિ ।
પારણં બ્રાહ્મણૈસ્સાર્ધં કુર્યાન્નિ યતમાનસઃ

એવં ચતુર્ષુ ચાન્યેષુ દિનેષ્વારાધનક્રમઃ ।
માસિ માસિ ચ યષ્ટવ્યા માસેશા મૂર્તિરબ્જજ

દિનેષુ પઞ્ચસૂક્તેષુ સર્વાભિપ્રેતસિદ્ધયે ।
ત્રિષુ સંવત્સરેષ્વેવં કૃત્વા માસેષુ ચ ત્રિષુ

વ્રતે સમાપ્તે સ્નપનં કુર્યાત્પૂર્વોક્ત વર્ત્મના ।
યાચયેત વ્રતફલં ધાન્યરાશૌ સ્થિતો દ્વિજઃ

ભોજયિત્વા દ્વિજવરાન્ દત્વા તેભ્યશ્ચ દક્ષિણામ્ ।
દક્ષિણાભિસ્તથાચાર્યં તોષયેત્કાઞ્ચનાદિભિઃ

પૌર્ણમાસ્યામપિ હ્યેષ ક્રમો માસાધિપાર્ચને ।
વિશેષત સ્ત્રિયામાયાં ચન્દ્રમસ્યુ દિતેઽર્હણા

કુહ્વામપિ તિથૌ પ્રાગ્વદર્ચયેદ્વ્રતમાસ્થિતઃ ।
આરાધનં દિનેષ્વેષુ ચતુર્વર્ગ ફલપ્રદમ્

સર્વસ્મિન્ માસનક્ષત્રે પ્રાદુર્ભાવ દિનેષુ ચ ।
અર્ચયિત્વાઙ્કુરાન્ પૂજા કાર્યાસ્નપનપૂર્વિકા