Padma Samhita · Chapter 3.9

nāgaraṃ drāmiḍaṃ caiva vesaraṃ ceti tattridhā/
ā stūpīkarṇa mārabhya caturaśraṃ prakalpitam

dhāmā yatāśramathavā nāgaraṃ tadudāhṛtam/
vasvaśramāyataṃ dhiṣṇyaṃ ṣaḍaśramathavāyatam

uktaṃ taddhāmiḍāhvānaṃ vṛttaṃ vṛttāyataṃ punaḥ/
vesarākhyaṃ tadākhyātamevaṃ trividhamiṣyate

murdheṣṭakāvidhiṃ brahman śruṇu vakṣyāmi sāṃpratam/
bhavanasya punaḥ pūrvaṃ pūrvavatkārayetprapām

tanmadhye vedikāṃ kuryātsarvālaṅkārasaṃyutām/
yanmayyo yādṛśāḥ pūrvaṃ kalpitāḥ prathameṣṭakāḥ

mūrdheṣṭakāśca tanmayyaścatasrastādṛśāḥ smṛtāḥ/
snāpayetpūrvavattāśca dhānyarāśiṣu nikṣipet

dvārakumbhān dhvajān samyaktoraṇāni samarcayet/
saṃsthāpayenmahākunbhaṃ tasminnāvāhya pūjayet

vedikāyāścaturdikṣu homaḥ pūrvavadiṣyate/
dikṣvaṣṭāsu tathā dhāmna śśāntihomaṃ prakalpayet

pūrvavacceṣṭakāssūtrairveṣṭayet prayato'bjaja/
dhānyarāśiṣu saṃsthāpya kalaśānpañcaviṃśatīḥ

maṇihemādisaṃyuktān sūtravastādiveṣṭhitān/
arcayedgandhapuppādyairācāryaśśāstracakṣuṣā

upoṣitaśśucissnāto navavastrāṅgulīyakaḥ/
tatraiva darbhānāstīrya śayīta vijitendriyaḥ

mūrdheṣṭakāsāmādhātā tathaiva guruṇā saha/
yajamānena śuddhātmā sopavāpo jitendriyaḥ

vasettatraiva darbheṣu dhyāyan paramapūruṣam/
evaṃ rātrau prakurvīta yathoktaṃ sarvamakṣatam

śvobhūte vimale śuddhe muhūrte gururātmavān/
uddhṛtya kalaśān sarvān snāpayenmūlavidyayā

mahākumbhasthatoyena bhuyastān snāpayedguruḥ/
abhyarcya mūlamantreṇa veṣṭayennavavāsasā

ādāya ceṣṭakāssarvā ṛtvijassamalaṅkṛtāḥ/
dhāma pradakṣiṇīkṛtya tūryaghoṣasamanvitam

āropayeyustāssarvā vimānasyoparisthale/
puṇyāhaṃ vācayettatra ṛtvigbhinsahito guruḥ

mūrdheṣṭakānāmādhātā prāṅmukhassusamāhitaḥ/
dhyāyannārāyaṇaṃ devaṃ hṛtpadme praṇavaṃ japet

ādadhyādiṣṭakā ssarvāḥ pūrvādikramamāśritaḥ/
strī śūdrāssānulomāśca tūṣṇīmādhānamācaret

pāparogayutān brahman patitān pratilomajān/
varjayedyatnamāsthāya maryyain mūrdheṣṭakāvidau

praṇamya śirasā bhūmau yajamāno guraṃ punaḥ/
pastraiśca dhanadhānyaiśca gobhūmikanakai stathā

pañcāṅgabhūṣaṇaṃ dadvāddhāsīdāsāṃ stathaivaca/
vāhanaṃ hastituragaṃ chatropanahameva ca

tasmaica guruve sarvaṃ prayacche daviśaṅkitaḥ/
toṣayedrathakārāṃśca vastānnādhanadhānyakaiḥ

stūpikākīlamadhunā vakṣyāmi kamalāsana/
lohajaṃ dārujaṃ vāpi stupikākīlamiṣyate

ūrdhvabhūmyaṅghrītulitaṃ vistārāyāmasaṃmitam/
stūpikākīlametatpyādagramaṅgula saṃyutam

vimānakaṇṭhatulitamadhyardhaṃ dviguṇaṃtuvā/
evaṃ caturvadhaṃ proktaṃ stūpikākīlamuttamam

tadvṛttaṃ caturaśraṃ vā pañcāśraṃ va prakalpayet/
vṛttāyate vimāne tu caturaśrāyate pi ca

yugmaṃ syāt stūpikākīlamapunarbhavakāṅkṣīṇām/
itareṣāmayugmaṃ syāt stūpikākīlakalpanam

yāvadviṃśatiyugmaṃ syādayugmaikonaviṃśatiḥ/
caturaśre ṣaḍaśre ca aṣṭāśre samavṛttake

stūpikākīlamevaṃ syātsarvakāma samṛddhidam/
kṛtvaivaṃ stūpikākīlamadhivāsaṃ prakalpayet

snāpanādikriyāssarvā yāvadāropaṇakriyā/
mūrdheṣṭakāvatkartavyā viśeṣastu vidhīyate

āropite tataḥ kīle vimānāgre sthitastudhīḥ/
puṇyāhaṃ vācayedgarte navaratnaṃ vinikṣipet

pūrvādimadhyamāntaṃ syāt dhātubījaṃ salohakam/
kṣiptvagarte tatastūpīṃ prāṅmukho mulavidyayā

ācāryasthāpayet stūpīṃ pañcāṅgākalpabhuṣitaḥ/
hāropavītakaṭakaiḥ keyūrairaṅgulīyakaiḥ

pañcāṅgabhuṣaṇai retai rbhūṣitassottarīyakaḥ/
nudhayā stūpikāgartaṃ dṛḍhīkuryādanantaram

sthāpanīyā ṛjustūpī vakrā cedpahudoṣadā/
saurarṇī rājatī tāmrī stupī dārumayī tathā

pūrvapūrvā bahuphalā paścimā paścimālpadā/
guruve dakṣiṇā deyā hemasaṅkhyā ca pūrvavat

śikhākumbhaṃ suvarṇaṃ vā rājataṃ tāmrameva vā/
paittalaṃ mṛṇmayaṃ vāpi sthāpaye ttatkṣaṇe śubhe

vṛttedhāmani vṛttaṃ syādaśriyukte'śriyucca tat/
nānāratnaiśca lohaiśca śikhākumbhaṃ ca pūrayet

ghaṭāgraṃ mukulākāraṃ dīpākāramadhāpi vā/
kuryānmanoharaṃ hṛdya madhastāttasya paṅkajam

mahānāsottamāṅgeṣu cakraṃ vā śūlameva vā/
sthāpayellohajaṃ vāpi dārujaṃ vā tathā bhavet

tale tale vimānānāṃ dikṣu devānprakalpayet/
indramaindryāṃ kumāraṃ vā dakṣiṇasyāmumāpatim

dakṣiṇāmūrtimatha vā pratīcyāṃ nṛhariṃ harim/
śrīdharaṃ vā tathodīcyāṃ brahmāṇaṃ vā dhanadhipam

athavā''divarāhassyāt prācyāṃ naraharistathā/
tato nu śrīdharo devaḥ tato hayaśirāḥ smṛtaḥ

prācyādiṣvatha vā dikṣu naro nārāyaṇo hariḥ/
kṛṣṇaścatvāra ete nyurathavā puruṣaḥ paraḥ

satyo dakṣiṇataḥ paścādacyuto'nanta uttare/
vāsudevādayo vāsyurdikṣu pūrvādiṣukramāt

śrīdharaṃ pūrvadigbhāge varāhaṃ dakṣiṇe tathā/
nṛsiṃhaṃ paścame bhāge anantaṃ cottare tathā

dhruvabhere sthite dikṣu mūrtayopi sthitā stathā/
asīne tadvadāsīnaśśayāne tubhayaṃ bhavet

yānārūḍhepradhāne tu yānārūḍhā sthsitāścate/
viśvarūpe tu tadvatsyāt sthitā vā syuścaturbhujāḥ

indrādayaśca digdevāḥ āsīnā eva te sadā/
vimāna śailaje dikṣu śailajā eva devatāḥ

toyādhivāsanaṃ kutvā maṇṭape cādhivāsya ca/
muhūrte sthāpayeddhikṣu varṇālepaṃ samācaret

śūlāni sthāvayeddhikṣu vimānetviṣṭakāmaye/
toyādhivāsanaṃ kṛtvā adhivāsya vyapetkramāt

trivastukamayaṃ kṛtvā varṇālepaṃ samācaret/
yo varṇo yasya śāstrokta stenai vālepanaṃ bhavet

vyatyāse brāhmaṇādīnāṃ varṇānāṃ saṅkarobhavet/
sarve ca bhittibhāgastāḥ padmaviṣṭapamāsthitāḥ

ardhacitrāḥ kṛtāssarve citrābhāsena vā bhavet/
ekanāsāsamāyukai ekā diṅmūrtiriṣyate

caturbhujo vā dvibhujassaumyavaktraḥ smitānanaḥ/
vimāne nāsikāhīne diṅmūrtirapi neṣyate

caturaśrāyate vṛtte dhāmni vṛttāyate pi ca/
vīlasenassu ṣeṇaśca vīranāthassubhadrakaḥ

āgneyādividikṣvete bāhubhissadmadhāriṇaḥ/
viṣyupāriṣadāḥ sthāpyāḥ karālavadanānvitāḥ

caturaśrāyate dhāmni nāsikādvayasaṃyute/
dakṣiṇottaratastasya puraṣau pūrṇapuṣkarau

śaṅkhacakradharau sthāpyau hastau yavanikāspṛśau/
tale tale vimānasya surā vidyādharāḥ smṛtāḥ

nṛtyanto bahudhā veṇuvīṇāpaṇavadhāriṇaḥ/
kalpanīyāstathānye ca kinnaroragajātayaḥ

mamāvatārāssarvatra kalpyāstaśceṣṭitāni ca/
kapoteṣu kapoteṣu taleṣu ca taleṣu ca

haṃsamālāṃ prakalpeta bhūtamālāṃ tathaiva ca/
anyonya mukhamālokya sthitāgaganayāyinaḥ

bhūtāni nānā nṛtyanti vikṛtānanabhañjica/
praterupari kaṇṭhasyāpyadhastātkoṇabhūmiṣu

garuḍānkalpa yetsiṃhān saṃviṣṭānathavā sthitān/
tadunnataṃ kaṇṭhapātraṃ pādamātramathāpi vā

adurdhaṃ vā tripādaṃ vā nānyadhocchrāyamiṣyate/
adhastāttadadhiṣṭhāne kalpayeddhevatāḥ kramāt

agneye hastivadanamīśaṃ dakṣiṇato'thavā/
dakṣiṇāmūrtimṛṣibhissevitaṃ vaṭamāśritam

viśvarūpaṃ pratīcīne kamalāsanamuttare/
aiśānyāṃ vasudhāṃ devīṃ stāpayettu vicakṣaṇaḥ

athavā pūrvavatsarvā diṅmūrtīḥ parikalpayet/
adhastādutapīṭhe'pi pūrvauktā dikṣu devatāḥ

athavā tatkathopetā nprādurbhāvānprakalpayet/
pāṣāṇaśarkarā takrasudhayā triḥ prakārayā

piṣṭayā triphalāmbhobhissakṛddvistiśca yatnataḥ/
khadirārjunajai stoyaiśśalmalyāḥ kṣīraśākhinaḥ

miśrī kṛtyāvaṭe samyaktoyabhāvitayā tathā/
abhiṣicyaparikvāthaṃ saṃmiśrībhūtayā punaḥ

gulapākarasaistaiśca punaḥ kvathitayā bhaśam/
dhāma liṃpetkrameṇaiva sthūlāditrividhātmanā

cirasthāyi bhavedevaṃ kalpite mandiraṃ tu tat/
pāṣāṇaśarkarā takrasugandhaṃ cūrṇayetpurā

taccūrṇe pīṣṭamāne tadviguṇāṃ vālukāṃ kṣīpet/
piṣṭaṃ tadekavāraṃ cet sthūlaṃ dviḥ piṣṭamucyate

sūkṣmaṃ triścetparijñeyaḥ sthūlādyā lepanakramaḥ/
pañcavarṇaistataḥ kuryācchobhitaṃ śāstracakṣuṣā

upānahādistūpyastaṃ bhuṣa yetkanakādibhiḥ/
muktā maṇihiraṇyasrakkiṅkiṇījāla ketubhiḥ