Padma Samhita · Chapter 3.8

prabhedamadhunāvakṣye vimānānāṃ salakṣaṇam/
ānantyāttatprabhedānāṃ kiñcideva pradarśyate

vimānāni ca bhidyante talādiṣṭānabhedataḥ/
grīvā ca mastakaṃ ca dve vṛttaṃ cedvaijayantakam

mūle mūlo yadi sthūlamagre'gre sūkṣmamadbhutam/
purobhāge mahaghoṇaṃ tridikṣu svalpanāsikam

stūpīcatuṣkaṃ sānāyāṃ vimāne cobhayorapi/
vṛttāyatavimānaṃ taddṛḍhadhāmābhipūjitam

sakarṇakūṭaṃ śrībhogaṃ madhye bhadraṃ tathāvidham/
śrīviśālamitiproktaṃ vasvasraṃ svastibandhanam

śrīkaraṃ caturaśraṃ tu ṣoḍaśāśrayutaṃ punaḥ/
vimānaṃ puṣpakamidaṃ vimāneṣu supūjitam

bhadreṇa sahitaṃ madhye mastake karṇa kandharam/
koṣṭhakaṃ bhadranāsyaṅgaṃ suvṛttaṃ galamastakam

vimānaṃ kesaramidaṃ sarvālaṅkāraśobhitam/
mukhe mukhe samāvṛttaṃ śirastu dvitrinetravat

saumukhyaṃ karkarībhūtaṃ vṛttagarbhagṛhānvitam/
mukhe tasya mahāghoṇaṃ vimānaṃ co bhayorapi

stūpīyugmamayugmaṃ vā nāsikālpaṃ tridikṣu ca/
vṛttāyataṃ suvṛttaṃ vā nāmnaitatsyā tsudarśanam

caturaśramadhiṣṭhānaṃ tadvatkaṇṭhaṃ ca mastukam/
catuṣkūṭasamāyuktaṃ catuṣkoṣṭhasamanvitam

śikharaṃ ca mahadikṣu mahānāsābhiranvitam/
tolaṇai rvedibhadrādyairnānācatrairvacitratam

nāmnaitatsvastikaṃ proktaṃ vimāneṣu supūjitam/
tadeva sauṣṭhikaṃ nimnamunnataṃ koṣṭhakaṃ yadi

antaḥ prastarasaṃyuktame tadvipulasandaram/
aṃśamaṃśadvayaṃ satripādāṃśaṃ svāṃghribhāgikam

bhāgadvayaṃ vibhaktāṅghri prastaragrīvamastakam/
pādodaye navāṃśe tu dvitalādivimānake

antaraprastaropetaṃ kūṭaśālābhiranvitam/
nānālañārasaṃyuktaṃ nānāpādairalaṅkṛtam

vimānaṃ parvataṃ proktaṃ vimāneṣu supūjitam/
tadeva tartulaṃ vedikandharaṃ śikharaṃ ghaṭam

aṣṭhakūṭaṃ catuśśālāyuktaṃ sastāṣṭhanāsikam/
koṣṭhakaṃ nirgamaṃ madhye dvitri daṇḍena soṣṭakam

samagrīvaśiropetaṃ kūṭakoṣṭha samanvitam/
nānādiṣṭhānasaṃyuktaṃ nānāpādairalaṅkṛtam

caturaśraṃ suvṛttaṃ vā nābhibhirbahubhiryutam/
nāmnaita nmaṃdaraṃ proktaṃ vimānaṃ kamalāsana

tadeva śikhare sārdhakoṣṭhakaṃ tu catuṣṭayam/
caturaśraśiroyuktaṃ catuṣkūṭasamanvitam

nānādiṣṭhānasaṃyuktamanekatalasaṃyutam/
nāsībhiśca sahastraistu tadardhaṃ pādameva vā

nāmnaitatvastibandhaṃ syānnānāvayavaśobhitam/
tadeva sauṣṭhikaṃ kauṣṭhamantaraprastarai ryutam

hārālpaṃ kandharaṃ nimnaṃ na nāṣpairvālpanāsikam/
nānālaṅkārasaṃyuktametatkalyāṇamiṣyate

tadevaśikhare sārdhakoṣṭhakaṃ rahitaṃ tu cet/
caturnāsīsamāyuktametatpāñcālamiṣyate

tadevāṣṭāśrakaṃ vediṃ kaṇṭhaṃ ca śikharaṃ ghaṭam/
śikhareṣṭamahānāsi nāmnaitadviṣṇukāntakam

tadevakūṭaśālānāmantaraprastarairvinā/
taccaturbhegamadhikamāyataṃ caturaśrakam

āyatāśraṃ tathā vediṃ karṇaṃ ca śikharaṃ ghaṭam/
stūpītrayasamāyuktametannāmnā sumaṅgalam

tadevāyatavṛttaṃ cedvedikā jaṭharaṃ śiraḥ/
sarvāvayavasaṃyuktameta tkāntāramiṣyate

tārādardhāṃśamadhikamāyataṃ caturaśrakam/
dvyaśrayuktaṃ śiroyuktaṃ netraśālāmukhānvitam

vimānaṃ puṣkaraṃ proktaṃ sarvaharmyeṣu pūjitam/
caturaśramadhiṣṭhānavṛttagarbhagṛhānvitam

sarvālaṅkārasaṃyuktametannāmnā manoharam/
tadeva caturaśraṃ syādgarbhageha masūkaram

vartulaṃ janmatastūpī kāntaṃ jedvṛttaharmyakam/
āyatāśramadhiṣṭhānaṃ ṣaष़ḍaśraṃ kandharaṃ śiraḥ

nānālaṅkārasarayuktaṃ nāmnā kauberakāntaram/
nānādhiṣṭhānasaṃyuktaṃ nānāpādairalaṅkṛtam

pādopari samāsīnasyastikābandaśobhitam/
anekatalasaṃyuktaṃ nānālaṅkārasaṃyutam

nāsībhirbahubhiryuktaṃ stūpībhirbahubhiryutam/
bhardakoṣṭhamidaṃ nāmnā āyataṃ caturaśrakam

tadeva vartulaṃ karṇakūṭakarṇaśirastathā/
caturnāsīsamāyuktaṃ vṛttakūṭamidaṃ bhavet

tadevāṣṭhāṃśamādhikyamāyataṃ caturaśrakam/
karṇakūṭaṃ tathā karṇa māyataṃ vṛttamastakam

koṣṭhabhadramidaṃ vidyātsarvaharmeṣu pūjitam/
tadeva vartulaṃ vedi karṇaṃ ca śikharaṃ ghaṭam

śeṣaṃ pūrvavaduddhiṣṭaṃ nāmnā śrībhogamiṣyate/
vṛtte vṛttāyate caiva nāsibhirbahubhiryatam

anekatalasaṃyuktaṃ nānālaṅkārasaṃyutam/
vimānādhirakai ryuktameta tpuṣkaramiṣyate

jalasthalaṃ vihāyordhve āyataṃ caturaśrakam/
karṇaṃ ca śikharaṃ tadvaccaturnāsīsamanvitam

vimānādhārakai ryuktaṃ bahustūpīsamanvitam/
nānālaṅkārasaṃyuktaṃ lambapañjaramīpitam

nānāmasūrakastambhavedikājālatoraṇam/
nānālaṅkārasaṃyuktaṃ nānācitrairvicitritam

sopaṣīṣamadhiṣṭhānaṃ kevalāṃga masūkaram/
svastikākārasaṃyuktaṃ nāsikābhiralaṅkṛtam

āyataṃ caturaśraṃ ca anekatalasaṃyutam/
nānānāṭaka saṃyuktame tannāmnā jayāvaham

tadevānyairalaṅkārai rvedāśraṃ kandharaṃ śiraḥ/
nānāmasūrakastambhavedikā dyairalaṅkṛtam

nāmnā vandikamityuktaṃ viṣṭhomandiramuttamam/
āyatāśraṃ sabhākāraṃ śirassarvāyatāśrakam

anekatalasaṃyuktaṃ stūpītrayasamanvitam/
stūpīcatuṣkayuktaṃ vā caturnāsīsamanvitam

saubhadrakamitijñeyaṃ varṣasthalavivarjitam/
caturaśramadhiṣṭhānaṃ caturaśragalaṃ tathā

kumbhākāraṃ galādūrdhva manekatalasaṃyutam/
vimānametaddevasya jñeyaṃ kamalamaṇ‍ḍalam

mahāpaṭṭatribhāgena mukhe bhavati nāsikā/
śatadukpṛṣṭhapārśve tu āśreyaṃ tritalacchadam

indubhadramidaṃ nāmnā bhavaneṣu supūjita m/
paṭṭikāmbhuja sragvetravetradṛkpaṭṭikānvitam

prāṅkaṇaṃ tu caturbhedaṃ śukanāsāsamanvitam/
caturaśraṃ candraśālā mukhe mahati nāsikā

ekapañcārdhapañcārdha caturbhāgairadhaḥ kramāt/
nāmnā dhavalikāntaṃ syātpadmādhiṣṭhānasaṃyutam

caturaśrādi bhūpetamuparyaṣṭāśrasaṃyutam/
tadūrdhvaṃ samavṛttaṃ tu prāguktānyakrīyānvitam

saumyaṃ nāmnā ca sādhāraṃ śikharaṃ kaṇṭhakūṭadhṛk/
karṇakūṭaṃ suvṛttābhaṃ grīvākāraṃ sakuṇḍalam

śikhareṇa samāyuktaṃ nāmnā lalitabhadrakam/
āyatāśramadhaśchandhaṃ vyānākhyaṃ śaktibandhanam

dhīrghaṃ kamalabandhaṃ tu vṛttargīvā tathā śiraḥ/
pañcakoṣṭhaka pādādyagrahapiṇḍimapiṇḍitam

arpitānarpitāṅgaṃ ca śailacchaṃdasamāhvayam/
viśālaṃ ca śiroyuktametadevajayāvaham

nimnaśāloccakūṭaṃ tu caturaṣṭrāśravṛttavat/
nāsikābahusaṃyuktaṃ mūlamadhyāgrakūṭakam

vṛttagarbhagṛhaṃ nāmnā madhye bhadramitismṛtam/
etannāmnāśriyaṃ candhaṃ caturaśrāntarālayam

etadeva triraśraṃ cecchākhākāraṃ śirogalam/
mukhāntamunnatamukhaṃ śeṣaṃ tadvṛttakarṇakam

vṛṣṭhataścāśra yuktaṃ tat śrāntakeśaprakoṣṭhakam/
samavṛttaśiroyuktaṃ yogānandanamucyate/
āyatāṣṭāṣṭaśikharagrīvamaṣṭāṣṭanāsikaṃ

saukaryaṃ saukumāryaṃ ca ṣadaṣṭaśikharānvitaṃ/
ghaṭākṛti samākāraṃ karṇakūṭollasadgalaṃ

ṣaḍadraśikharaṃ grīvaṃ nāmnā taddhaṃsatārakaṃ/
ayatāgrākṛtiśśālā śiraśśālā mukhe mukhe

dvicandraśālakaṃ pṛṣṭhametannāmnā mahendrakaṃ/
caturaśrāṅgasaṃyuktaṃ caturaśramasūkaraṃ

nava trayodaśaṃ dhīrghaṃ hrasvakāraṃ ca maṇḍalaṃ /
śālā mukhe mukhe pṛṣṭhe tatpā rśve ṣvaṣṭanāsikaṃ

grahapiṇḍaṃ caturviṃśannāsikābhiralaṅkṛtaṃ/
nāmnaitatsūryakāntaṃ syādvṛttāyataśirogalaṃ

saurabhyaṃ pārśva pādāntaṃ madhyamaṃ sordhvaṃpañjaraṃ/
maṅgalāspadamityuktaṃ nāmnā śeṣaṃ puroktavat

daśabhāgaṃ caturbhāgaṃ vyāsavṛttāntamāyataṃ/
caturaśraṃ bahucchandaṃ śālāyāṃ ca mukhe mukhe

mahānāsīdvayopetaṃ mukhe ca caturaṣṭakaṃ/
śiraḥ padmāsane pasthāḥ padmakuṇḍalasannibhaṃ

viṃśatidvārikā nāsīni? drānidrasamanvitaṃ/
dvibhāgaṃ ca caturbhāgaṃ vṛdhyādīrghā śramulakaṃ

pāguktaṃ caturaśraṃ tu śālāpañcarasaṃyutaṃ/
śatanāsīnamāyuktaṃ tathā caiva tu viṃśatiḥ

prāṅmukho madhyamārabhya kuṭamanyatpuroktavat/
udārasārametattu dīrghaṃ vṛttaṃ tu sāravat

ardhānyaṣṭāśra saṃyukta madhastāccaturāyataṃ/
ujvalaṃ prajvalaṃ bhūmi caturaśrāṣṭamaṇ‍ḍalaṃ

ardharaṃ ca tathā grīvaṃ śikharaṃ yuganāsikaṃ/
vijayaṃ nāma ṣaṭsaptabhāgārdhārdhasamanvitaṃ

caturardhaṃ caturṣkoṣṭha vṛttāṣṭhāśraśirogalaṃ/
amalāṅgamidaṃ nāmnā navasaptapadesthitaṃ

yuktaṃ dvādaśabhiḥ koṣṭhairaṣṭābhiśca prakoṣṭhakaiḥ/
aṣṭordhvapañjarairaṣṭa nāsikāśikharānvitaṃ

anekatalasaṃpannaṃ nāmnaitadvimalākṛti/
mahāpīṭhaṃ tu garbhaṃ syādardhārīṃ cordhvapaṭṭikā

maṇḍūkai rdhārikābhāsādāsane parikalpya ca/
koṣṭhairdvādaśabhiryuktaṃ sauṣṭhikābhiradhāṣṭakaiḥ

vyaktaiḥ pañjaraśālābhidvārāgraśikharairgalaṃ/
aṣṭordhvaṃ paṃjaraṃ viṃśacchataistu vimaledahaṃ?

suvṛttaṃ śikhiragrīvaṃ kapotenāṣṭhanāsikaṃ/
ardhādhike catuṣkoṇe maṅgalākārakuṭṭimaṃ

etaddhi vimalaṃ dhāma tridheyaṃ vimalākṛti/
viṃśatrayodaśāṃkaṃ vā aṣṭāṃśaṃ dvādaśāṃśake

dvātraṃśattriṃśataṃ vāpi garbhaṃ syāccaturāyatam//
ardhādhikādhikaṃ dvyaṅaṃ karkarīkṛtanāsikam

tathā vinyastasarvāṅgaṃ śālākṛtiśironvitam/
śikharāṣṭaṃ mahānāsi śālāpaṃjarasaṃ yutam

etacchrīdharamityuktaṃ śriyaṃ dadati dehinam/
etadvṛttāyatākāraṃ karkarīkṛtanāsikam

śeṣaṃ pūrvoktavatsarvaṃ candrakāntamidaṃ smṛtam/
mukhe mukhe sabhavaktraṃ śirasastadvinetravat

saumukhyaṃ karkarībhutaṃ vṛttagarbhagṛhānvitam/
vṛttāyata vimāneṣu mukhe mahati nāsikā

nāsikāpṛṣṭhataścāpi stūpītrayastamanvitam/
caturaśratalacchandaṃ vṛttagarbhagṛhānvitam

suvṛttaṃ śikharākāraṃ nāsībhiḥ pañcabhiryutam/
navāṃśaṃ vāṣṭasaṃyuktaṃ śrīpratiṣṭhitamucyate

mahānāsyā catasrassyu śśālāpaṃjarasaṃyutam/
taccatuścārdhasaṃyuktaṃ vṛttamurdhvaśirodharam

sañcitaṃ sañcitāṅgaṃ ca sopānānāṃ catuṣṭayaiḥ/
kapotamālayāyuktaṃ dvāreṇaiva patākayā

antaḥ prastarasaṃyuktamunnatāṅgasamanvitam/
prāsādamadhyakarṇasthaiḥ nīlīkṛtaviśālakaiḥ

śālāpañjarakūṭaiśca yuktaṃ prāsādamastakam/
adhiṣṭānādibhirvargai rūhapratyūhamaṇḍanaiḥ

nandyāvartākṛtiṃ prāptaissaupānānāṃ catuṣṭayaiḥ/
yuktaṃ bahutalopetaṃ śuddhasvastikamucyate