Padma Samhita · Chapter 3.5

prācīṃ parīkṣayetpūrvaṃ diśaṃ śāstroktavartmanā/
prācyādididvibhāgena dvārādividhiriṣyate

hastamānāyataṃ śaṅkuṃ dvādaśāṅgulameva vā/
kṣīravṛkṣajamaṅguṣṭha pariṇāha mṛjuṃ śubham

prāsādasthānamadhye tu sthāpayenmūlavidyayā/
śaṅkordiguṇamānena parito maṇ‍ḍalaṃ likhet

maṇḍalānte likhecchāyāṃ śaṅkoḥ purvāparāhṇayoḥ/
nyasya bindudvayaṃ sūtraṃ prākrṛtyakyaṃsthitaṃ likhet

bindudvayāntaraṃ grāhyaṃ kacchapānanapucchagam/
jātaprāksaumyadiksūtramevaṃsūtre samīkṛte

sīmāsutramiti bhrāntamuttarādyaṃ padaṃ likhet/
aṣṭadiṣu yathānyāyaṃ sīmāsutraṃ tathā likhet

triṣañpasaptahastaṃ vā adhikaṃvā yathecchayā/
kuryāttatsūtrivinyāsaṃ grāmyāsthānasamṛddhaye

diksūtraṃ bhramaṇenai va caturaśraṃ nayetpunaḥ/
aṣṭadikṣu yathānyāyyaṃ śaṅkusthāpanamācaret

śaṅkusaṃsthāpanākāle nimittāni ca lakṣayet/
śubhaṃ cetsiddhimāpnoti aśubhe śāntimācaret

caturaśraṃ suvṛttaṃ ca caturaśrāyataṃ tu vā/
vṛttāyataṃ vā kurvīta prāsādaṃ tu caturvidham

sthityāsanāni yānāni caturaśre ca vṛttake/
vṛtrāyate suvṛttevā caturaśrāyate'pi vā

śayanaṃ tatra kurvīta viśvarūpaṃ tathaiva ca/
lokākrāntaṃ sureśeśaṃ tatra kuryādvicakṣaṇaḥ

evaṃ bimbhānusāreṇa prāsādaṃ kārayedbudhaḥ/
ārabhya caikahastādi daśahastāntameva hi

ayugmenaiva hastena kuryādāyatanaṃ hareḥ/
yugmaṃ vā mokṣakāmasya amugmaṃ bhuktikā ṅkṣiṇaḥ

a dvādaśatalāntaṃ vai yathā vittānusārataḥ/
mānayitvā vidhānena vimānaṃ tatra kārayet

kṛtyaivaṃ vāstuśāstrajño hyārabhetprathameṣṭakām/
iṣṭhakāstrividhāḥ proktāśśilākāṣṭhajamṛṇmayāḥ

śailajeṣu vimāneṣu śilā syātprathameṣṭakā/
kāṣṭhena dhamanirmāṇe tenaiva prathameṣṭakā

nupakveṣṭakayā kuryādvimānaṃ tviṣṭakāmaye/
āmeṣṭakacite dhiṣṭhye tathaiva prathameṣṭakā

śai leṣṭakābhyāṃ racite śilāsyātprathameṣṭakā/
iṣṭakā kāṣṭhayukai tu iṣṭakā prathameṣṭakā

śilāsaṅgrahaṇe deśe sādhivāsapurassaram/
saṅgṛhya tu śilāṃ tatra pulliṅgādi parīkṣayet

upānadādistū pyantaṃ pullaṅgiśilayā bhavet/
strīliṅgaśilayā caiva kārayatprathamāṃ śilām

pratimā dāruvadgrāhyā nirdoṣā guṇavattarā

ayathā vihitairliṅgai rlobhādajñānato'pivā/
tartuḥ kārayiturnāśo rājño rāṣṭrasya niścitaḥ

idāniṃ samprapakṣyāmi mṛṇmaye tviṣṭakāvidhim/
rathakāreṇa nirdiṣṭaṃ deśamāsādya deśikaḥ

tatrāpi jvalite vahnau sarpiṣā juhuyācchatam/
aṣṭau ca mūlamanraiṇa nṛsū ktena caruṃ punaḥ

mūlamantreṇa samitho yājñiko juhuyāttathā/
kuryācca caruṇā bhūyo viṣṇupāriṣadāhutīḥ

kṣetrapālasya bhūtānāṃ vāstunāthasya ca svayam/
devatānāmṛṣīṇāṃ ca tathādevagaṇasya ca

yathāliṅgena mantreṇa svāhāntena vicakṣaṇaḥ/
bhūrādibhirvāhṛtibhirhutvāpurṇāsutiṃ carum

caturdikṣu ca pūrvādvaṃ caruṇā balikarmaca/
kuryādanena mantreṇa namontena yathākramam

viṣṇupāriṣa debhyaśca sarvabhūtebhya eva ca/
vāstunāthāya ca tathā kṣetrapālāya copari

kṛtvāgni mutsṛjede vamagre homādikekṛte/
kulālaḥ prāṅmukhaḥ kuryāttatra bhūmṛttikeṣṭakām

pulliṅgādivibhāgena tadvibhāgo vidhīyate/
rekha ṛjurayugmā vā yatra pauṃsnī tadiṣṭakā

tiraścī vāthā vā yugmā rekhā straiṇī tadiṣṭakā/
napuṃsakaśca nirlekhā rekhā vāgre'tha karṇayoḥ

na pulliṅgeṣṭakā tāvat garbhādhāne vidhīyate/
strīliṅgeṣṭakayā kuryādgarbhādhānādipīṭhīkām

pullīṅgeṣṭakayā kuryātprāsādaṃ tadvicakṣaṇaḥ/
caturvviṃśāṅgulāyāmā śreṣṭhā syānmadhyamā punaḥ

aṣṭādaśāṅulāyāmā kaniṣṭhā ṣoḍaśāṅgulā/
ardhāyāmaṃ tu vistāraṃ tadardhaṃ ghanamiṣyate

āyāmasamavistārā syādācchādanikeṣṭakā/
evamādīṣṭakāmānaṃ kuryād‌bhūmivaśādbhudhaḥ

mahāmānamidaṃ vidyādalpamānamudīryate/
prāsādapādavistāratulyo vistāra iṣyate

vistāraddhiguṇāyāmāḥ kalpayediṣṭakā budhaḥ/
evaṃ śilānāṃ dārūṇāṃ mānaṃ dāruśilāyame

supakvā susvarā pakvabimbābhā sudṛḍhā samā/
ekavarṇā praśastā syādiṣṭakā prathamāhitā

kālamaṇ‍ḍālasaṃyuktāṃ chinnāṃbhinnāmathānṛjum/
sphuṭitāṃ varjayedbrahman prāsādāmambhaṇeṣṭakām

catasraḥ prathamāḥ kuyādiṣṭakā devatālaye/
āvāse pañca martyānāṃ kalpayetprathameṣṭakāḥ

pakveṣṭakacite dhāmni pakvā syātprathameṣṭakā/
ādyeṣṭaka cite'gāre prathamā nānyathā bhavet

aṅku rānarpa yetpūrvamadhirvavadhivasanakarmaṇi/
diśāṃ catasṛṇāṃ dhāmnaḥ pūrvāyāṃ diśi ca kvacit

praphāṃ darbhasrajaṃ kuryāt ṣoḍaśastambhasaṃyutām/
saptatālāyatāṃ tatra vediṃ hastasamunnatām

madhye kṛtvā tataḥ pīṭhaṃ śālibhārai stibhiḥ kṛtam/
vṛttaṃ vā caturaśraṃ vā kuryācceṣṭaṃ caturmukha

dvābhyāṃ madhyamamekena jaghanyaṃ parikalpitam/
sūtrādiveṣṭitaṃ kumbhaṃ dhānyapīṭhe nidhāpayet

paritaḥ kalaśānyaṣṭau cāṣṭadikṣu vinikṣipet/
kumbhasyottaratastasya vāripūrṇasya deśikaḥ

tāvatpramāṇaṃ kurvīta dhānyapīṭhaṃ tathāvidham/
tadardhaṃ taṇḍulayutaṃ tadardhaṃ tilasaṃyutam

ā stīrṇadarbhasaṃbādhaṃ navavastrapariṣkṛtam/
tadiṣṭakādhivāsārthaṃ kutvaivaṃ deśikottamaḥ

snāpayediṣṭa kāḥ pūrvaṃ sthāpayetkalaśānnava/
vrihīpīṭhe sunihite madhye caivāṣṭadikṣuca

madhyame kala śesarpiḥ prācye kṣīraṃ vinikṣipet/
āgneye dadhi yāmye tu guḍaṃ nairṛtadiśyapi

paप़ñcagavyaṃ phalarasaṃ vāruṇe mātariśvani/
gandhavāri tathā saumyo lohaloyaṃ śive madhu

vinyasya navastreṇa veṣṭayitvāsamarcayet/
sthāpayitveṣṭakāḥ piṭhe snāpayetkalaśaiḥ kramāt

payoghṛtena sāmnāgre snāpayetpayasā tataḥ/
snāpayedikṣutoyena madhuvātetimantrataḥ

phalinītyanuvākena snāpayetphalavāriṇā/
hiraṇyagarbhamamantreṇa snāpayollohavāriṇā

dadhikrāṇvetiyajuṣā dadhnā saṃsnāpayettataḥ/
snāpayetpañcagavyena pañcavāruṇiketya taḥ

gandhadvāreti mantreṇa snāpayedgandhavāriṇā/
madhuvā tetimantrema madhusnānaṃ samācaret

ghṛtasāmneti sāmnā vaighṛtena snāpaye ttataḥ/
ekaikaṃ navavastreṇa darbhayuktena veṣṭayet

parigṛhyeṣṭakāssarvāśśayanopari nikṣīpet/
toraṇaṃ dvārakumbhāṃśca dhvajāṃśca paripūrayet

eṣṭavyo madhyame kumbha parimātmā caturmukha/
aṣṭāsvanyeṣu kumbhaṣu viṣṇvādīnaṣṭa pūjayet

nivedayenmahākumbhe payasaṃ vā guḍodanam/
pūrvasyāmuttarasyaṃ vā diśi kurṇḍān prakalpayet

sthaṇḍile vāgniyānīya juhuyā tsamidādibhiḥ/
samidājya tilaṃ puṣpaṃ pṛthagaṣṭottaraṃ śatam

juhuyānmūlamantreṇa sūkaina ca caruṃ punaḥ/
sparśayediṣṭakāssarvāssampātāhyena deśikaḥ

hemasūtraiḥ pratisarairastra mantreṇa bandhayet/
vibhavāsuguṇairvānyaiḥ kārpāsarajatādibhiḥ

svapnādhipatimantreṇa juhuyātsarpiṣā śatam/
svapnārthaṃ guruṇā sārthaṃ yajamānastu saṃviśet

dussvapnadarśane jahyānnirmāṇaṃ tasya sadmanaḥ/
svapne śubhe tu sadanaṃ prārabhetāvilambitam

śvobhūte śobhane lagne sthāpayi tveṣṭakā guruḥ/
prāveśayecca prāsādamiṣṭakāstāssupūjitāḥ// 5. 68 //
klṛptasya dvāradeśasya dakṣiṇe deśikottamaḥ/
pādamūlādadhastāttāḥ kṣipettūryādi ghoṣayet

svastikaṃ vācayitvātu brāhmaṇān dhanatoṣitān/
prādakṣiṇye'pi cendādisomāntaṃ deva sadmani

mamaṣyāṇāṃ tu madhyāntaṃ mūlamantreṇa daivate/
nadadhyādiṣṭakā dhāmni mānuṣāṇāṃ niketane

śrīsū kteneṣṭakādhānāṃ devīnāmadhidevatā/
iṣṭakānāṃ caturmūrtiḥ pañcamūrtistu mānuṣe

yāmyavāruṇayo rmūlamagramindradhaneśayoḥ/
iṣṭakānāṃ bhave nnyāse upānadviṣamaṃ bhavet/
kṛte cenmohato'jñānādvaiṣamyabhayakāraṇam

tanmātupānatsadṛśīriṣṭakāḥ prathamaṃ kṣipet/
ādidaivaṃ samabhyarcya śvabhraṃ lo yena pūrayet

ratnairdhānyaiścalohaiśca kusumaiśca pṛdhaśvidhaiḥ//
pūrite subhṛśaṃ śvabhre jalāvartaṃ parīkṣayet

śūbhaṃ pradakṣiṇāvartaṃ savyāvartamathāśubham/
śvabhre vinihitaṃ toyaṃ sadyaśśoṣaṃ vrajedyadi

ārabdhamapi taddhāma na samāptiṃ samṛcchati/
mriyate yajamāno vā bhavedvā rāṣṭraviplavaḥ

nimitaiṣvaśubheṣvevaṃ śubheṣu tu śubhaṃ bhavet/
deśikasya manastusṭissarvasampatkarī sadā

vipatkarī viturṣissyādrathakārasya vai tathā/
durnimitaiṣu sarveṣu śāntyarthaṃ juhuyādguruḥ

brāhmaṇānbhojayoddadyātsuvarṇaṃ śaktyapekṣayā/
utpalasyāravindasya kandaṃ garte vinikṣipet

puṇyatīrthasya śāleyakedārasya ca mṛtsnayā/
mūlamantreṇa tadgartaṃ pūrayecchādayecca tat

ācāryadakṣiṇāṃ dadyācchata niṣkānvitā nṛpaḥ/
anyeṣāmapi sarveṣāṃ daśaniṣkāvarā bhavet