Padma Samhita · Chapter 3.6

garbhanyānavadhiṃ brahman vakṣyāmi śrūyatāmasau/
gṛhṇīyānmṛttikāṃ pūrvaṃ sthāneṣu daśasu kramāt

śaile hrade puṇyatīrthe valmīke karkaṭāśaye/
nadyāṃ vṛṣaviṣāṇāgre dantidante payonidhau

hale caiteṣu sambhūtā praśastā mṛttikā tataḥ/
kumudasyāravindasya kaśerūtpula yostathā

nīlotpalasya pañcaitānkandānapi samāharet/
manaśśilā harītālamañjanaśyāmasīsakam

saurāṣṭraṃ rocanāṃ caiva gairikaṃ pāradaṃ tathā/
ādāya dhātūn ratnāni vajravaiḍhūrya mauktikam

sphaṭikaṃ puṣyakaṃ śaṅkaṃ padmarāgaṃ tathā param/
candrakāntaṃ mahānilaṃ navaitāni samāharet

śālinīvārakaṅgūṃśca priyaṅgutilamāṣakān/
mudgāṃśca yavaveṇūṃśca gṛhṇīyānnavadhānyakam

hiraṇyaṃ rajataṃ tāmramāyasaṃ trapu sisakam/
sauvarṇaṃ kūrmarūpaṃ ca sauvarṇaṃ śaṅkhacakrakam

etān sarvān samānīya nikṣipedgarbhabhājane/
bhājanaṃ dhānyarāśau tu nyanya vastreṇa veṣṭayet

gandhādibhissamabhyarcya viṣṇugāyatriyā tataḥ/
kuṇḍe vā sthaṇḍile vāgniṃ samānīya samidhya ca

sarpiṣā ca samidbhiśca viṣṇudaivatyayā tayā tayā/
aṣṭhottaraśataṃ hutvā sampātāhyaṃ tu saṅgrahet

caruṇā narasū ktena jūhuyāt podaśāhutīḥ/
indrādilokapālebhyo bhuvanebhyastathaiva ca

parvatebhyassamudrebhya ādi tyebhyastathaiva ca/
vasubhyaśca marudbhyaśca ṛṣibhyastadana ntaram

vedebhyassarvaśāstrebhyaḥ purāṇebhyastathaiva ca/
pātālebhyaśca digbhyaśca nāgebhyastadanantaram

gaṇebhyassarvabhūtebhyo narendrebhya stathaiva ca/
grahebhyaścaiva sarvebhyassvāhāntaṃ juhuyātpṛthak

tilājyamiśracaruṇā juhuyāttebhya eva ca/
saṃpātājyaṃ samānīya niṣiñcedgarbhabhājane

niśāyāmeva kurvīta garbhasya nyasanaṃ guruḥ/
sumuhūrte sunakṣatrasupakṣakaraṇairyute

śaṅkhabheryādi ghoṣaiśca sahamaṅgalapāṭhakaiḥ/
dvijendravedaghoṣaiśca āsphoṭakṣvelitairapi

ādāya bhājanaṃ paścāddevāgāraṃ pradakṣiṇam/
gatvā garbhagṛhaṃ samyagbraṇaissaha saṃviśet

dvārasya dakṣiṇe pārśve prārabhyaṃ pādapārśvataḥ/
devānāṃ paṭṭikāyāṃ tu garbhanyāsaḥ praśasyate

viprāṇāṃ paṭṭikādhastānnṛpāṇāṃ kumudopari/
vaiśyānāṃ kumude caiva śūdrāṇāṃ jagatopari

nī ce duḥkhaṃ bhavenni tyamucchrite dravyanāśanam

sthānabhraṃśakaraṃ dvāre bhavatyeva na saṃśayaḥ/
tasmādyatnena kartavyaṃ suguptaṃ bhittimadhyataḥ

mañjūṣāṃ mukhyalohena kṛtvā tālapramāṇataḥ/
navagartasamāyuktaṃ vidhānena samanvitam

dārujaṃ tadabhāve syādgartā varaṇasaṃyutam/
puṇyāhaṃ vācayitvā tu pañcagarvyena śodhayet

dhyāyanbhūmaṇ‍ḍalaṃ sarvaṃ sādridvīpasamudrakam/
diggajo ttambhitaṃ śeṣaphaṇindraśikharasthitam

manasyāveśya vasudhāṃ dvihastāṃ śyāmalāṃ śubhām/
ākalpitāmṛtusnā tāmādadhyādgarbha saṃpadam

ātmānaṃ keśavaṃ dhyātvā sarvābharaṇa bhūṣitam/
mṛdaṃ gṛhītvāsāmudrīṃ parikuryātpradakṣiṇam

pārvatīṃ pūrvato syasyettīrthajāṃ dakṣiṇe tathā/
nadījāṃ paścime bhāge hradajāmuttare tathā

kulīramṛdamāgreyyāṃ nairṛte vālmikīṃ mṛdam/
halajāṃ diśi mārutyāmaiśānyāṃ hastidantajām

vṛṣabhasya niṣāṇasthāṃ brahmasthāne niveśayet/
kandamautpalamaindre syādyamadiśyatha kaumudam

nailotpalaṃ pratīcīne kāśeravamudaggiśi/
brahmasthāne bhavetpādmaṃ tato dhātūnvinikṣipait

purva manaśśilāṃ yāmye haritālaṃ ca vāruṇe/
aññanaṃ dhanadāśāyāmāgneyyāṃ diśi sīsakam

saurāṣṭraṃ nairṛte bhāge vāyavīye tu rocanāṃ /
īśāne gairikaṃ madhye pāradaṃ brahmaṇaḥ pade

vajraṃ pūrve bhavedyāmye vaiḍūryaṃ paścime maṇiḥ/
kaubere puṣyakaṃ bhāge sphaṭikaṃ jvalane bhavet

nairṛte mauktikaṃ vāyau candrakāntaśilā tathā/
māheśvare mahānīlaṃ padmarāgaṃ tu madhyame

śālibījaṃ bhavetprācyāṃ nīvāraṃ dakṣiṇe tathā/
kaṅguṃ pratīcyāṃ dhanadepriyaṅguṃ jvalane tathā

māṣo nairṛtabhāge syāttilo mudgastu mārute/
aiśāne veṇudhānyaṃ syādyavaṃ syādbrahmaṇaḥ pade

hiraṇyaṃ purvadigbhāge dakṣiṇe rajataṃ bhavet/
paścime tāmramādhāya nikṣipetudagāyasam

āgneye trapu rākṣasyāṃ kāṃsyaṃ mārutadiśyapi/
sauvarṇaṃ kūrmamaiśānyāṃ daradaṃ hemanirmitam

cakraṃ jāmbūnadaṃ madhye vinyasesmūlavidyayā/
mahīṃ devīṃ tato dhyātvā mantrametamudīrayet

sarvabhūtadhare kānai parvatastanamaṇḍite/
samudraparidhāniye deva garbhaṃ samāśraya

evamuktvā tataśśvabhraṃ gomūtreṇa pariplutam/
ācchādayedvidhānena sudhayā dārḍhyamācaret

gurave dakṣiṇāṃ dadyātpūrvoktadravyasaṅkhyayā/
rakṣāṃ samantataḥ kuryādgarbhasya skhalanaṃ yadi

pāyaścattaṃ tataḥ kuryāddhurnimitte ca pūrvavat/
akṛtvā garbhavinyāsaṃ grāmaṃ prāsādameva vā

yadi kuryātkṣayaṃ yāyādacirādvāstu dhāma vā/
taddhāma vāstunorhemnā garbhamādau samācaret

dhāmaikahastamaparaṃ śatahastaṃ paraṃ smṛtam/
ekabhūmyaparaṃ dhāma paraṃ dvādaśabhūmikam

vistārāddviguṇotsedhamutsedhānuguṇaṃ talam/
vittānurodhaṃ cocchrāyaḥ kartavyaḥ kamalāsanaḥ

sraṣṭurdevasya śayanamādibhūmau vidhīyate/
āsanaṃ śrīdharāyuktaṃ dvitīye tu tale bhavet

sthānaṃ tathā tṛtīye syāccaturthe yānamiṣyate/
pañcame yegaśayanaṃ ṣaṣṭe bhogāsanaṃ bhavet

yogasthitissaptame syādaṣṭame tārkṣyavāhanam/
navame bhogaśayanaṃ bhogāssya rdaśame bhavet