Padma Samhita · Chapter 3.4

ārabhyamāṇe prāsāde grāmādau ca janārdana/
ye vighnakāriṇo daityayakṣarākṣasadānavāḥ

teṣāṃ bhavedyathāśāntastadbhrūhi bhagavanmama/
kṛtvā bālagṛhaṃ pūrvaṃ tatra māmarcayetsudhīḥ

pratyūhakāriṇassarve tena śāmyanti te dhruvam/
grāmādiścācirādeva niṣṭratyūhaṃ samāpyate

indreśānānta re vāpi someśānāntare'pi vā/
indrāgnimadhye vā madhye pāvakasya yamasya ca

yamasya nirṛ termadhye nirṛtervaruṇasyavā/
madhye varuṇavāyorvā vāyossomasya vāntare

yathābhimatameteṣāmārambhāyatanaṃ prati/
sthāne bālagṛhaṃ vidyātsaptapañcatrihastakam

dhāmne mūlasya valabhiddhiśi yatra prakalpitam/
dvāraṃ bālālayasyāpi tatraina parikalpayet

bimbhaṃ bālālaye lohamāśmanaṃ vā'tha dāravam/
śaṅkacakragadā padmadivyāyudhacaturbhujam

utsedhantasya bimbasya hrāse pañcāṅgulo bhavet/
trayaśca viṃśatiścaiva vṛddhāvaṅgulayaḥ smṛtāḥ

mānaṃ sukhāvahaṃ yatsyādyajamānasya tadbhavet/
matsyādiṣvavatāreṣu kalpeṣvārabhya mandire

bālālaye'pi tadvatsyādviśvarūpe caturbhujaḥ/
yānake yānakaṃ vāpi sthāpanaṃ vāpi kalpayet

jale'dhivāsya tadbimbaṃ maṇḍape cādhivāsayet/
bālālayasya madhye vā bhāge divye'pi vāṃśake

mekhalātrayasaṃ yuktāṃ vediṃ hastasamucchritām/
kṛtvāprabhāte vimale muhūrte śobhane guruḥ

mūlamantreṇa vedyāṃ tu bālabimbhaṃ niveśayete/
sthāpayitvā hariṃ tatra mantraṃ nyasyedyathāvidhi

prārthayeta harestatra sannidhiṃ bālamandire/
āmūladhāmanirvṛtti samayā ddeśikottamaḥ

pūjāṃ gṛhṇīṣva bhagavannasmiṃstvaṃ bāla sadmani/
(4 pandire.)
śamayan mūladhiṣṇasya vighnakṛddhaityasantatim

?* paravārakalpanam.*
iti vijñāpya natyā ca parivārān prakalpayet/
dvāre caṇḍaṃ pracaṇ‍ḍaṃ ca kṣetrapālaṃ khageśvaram

indrādīn lokapālāṃśca svāsu dikṣu prakalpayet/
seneśamīśakoṇe tu gaṇeśaṃ nairṛte yajet

āśarīragatān devān sthaṇḍile pūjayedbhudhaḥ/
sthaṇḍilaṃ hastamātraṃ tu mekhalātrayasaṃyutam

vṛttaṃ vā caturaśraṃ vā kṛtvā tatra samarcayet/
kumudādigaṇān sarvān mahāpīṭhe samarcayet

evaṃ saṃsthāpya medhāvī kuryādantemahotsavam/
dhvajārohaṇapūrvaṃ syātpuṣpayāgāvasānikam

ekāhamathavā kuryādutsavaṃ bālamandire/
lohajaṃ bālabhimbaṃ cettenai votsavamācaret

nityaṃ naimittikaṃ kāmyaṃ karma bālālaye bhavet/
utsavārthaṃ na cedbimbaṃ bālenai votsavo bhavet

na kuryāttatra vinyāsaṃ caturthasnapanaṃ tathā/
ārabheta sthapatibhissākaṃ rathakṛdālayam/
mukhyaṃ śilāmayaṃ gehaṃ madhyamaṃ ceṣṭakādikam

jaghanyaṃ dārujaṃ vidyānmṛṇmayaṃ heyamucyate/
miśrai śśailādibhirdavyairekānekatvayogataḥ

sañcitāsañcite syātāmupasañcitameva vā/
dravyeṇai kena yaddhāma sthūpyantaṃ parikalpitam

śreṣṭhaṃ tatsañcitaṃ vidyāddravyayugmamasaस़ñcitam/
sadanaṃ madhyamaṃ tatsyānmṛdbhirdārvādibhiḥ kṛtam

upasañcitamākhyātamadhamaṃ dhāma tadbhavet/
garbhayuktaśilādāru varjayeddhevatā'laye

kuryāccedāmayī sa syādyajamāno na saṃśayaḥ/
devatā ntarasadmasthaṃ na guhṇīyācchilādikam

tenaiva sadanaṃ kurvannāśayedvaṃśamātmanaḥ/
pacyate narake ghore jāyate ca śvayoniṣu

maṭhakūpataṭākāderapyagrāhyaṃ śilādikam/
narake pacyate ghore jāyate nirdanaśca saḥ

vāsudevālayāddhāru ṣāṣāṇaṃ vā tadiṣṭakān/
guhītvā dhiṣṇyanimān ṇe kartā duḥkhai kabhājanam

paryāyeṇa prajedghorān narakānbhṛśadāruṇān/
pacyate teṣu dukheṣu paryāyeṇa sadā naraḥ

nyāyena sañcitairdravyai rnirmite sadane hareḥ/
phalamakṣayayāpnoti yajamāno na saṃśayaḥ

anyāyopārjitairdravyairasurairbhujyate phalam/
jalena nayatāṃ vīkṣya vinyasya prakṛtiṃ kṣītau/
tasminnādhāya phalakān prathamān śāstracakṣuṣā/
sudhayā tāṃ draḍhīkṛtya jānīyātsamatāṃ jalaiḥ

kṛtvopapīṭhamupari svādadhiṣṭhānamuttamam/
vinā vāpyupapīṭhena syādadhiṣṭhānakalpanam

athavā kalpayetpūrvamadhiṣṭhāna mupāvahāt/
pādaṃ ca prastaraṃ caiva grīvāṃ ca śīkharaṃ tathā

kuryādvathākramaṃ yāvattṛpyeran talakalpane/
dvitale dhāmnyadhiṣṭhānaṃ caraṇaṃ prastaraṃ tathā

kūṭaṃ caśālāṃ saṃsthānaṃ pañcaraṃ prastaraṃ punaḥ/
vediṃ grīvāṃ ca śikharaṃ krameṇa parikalpayet

tritalādivimānānā mādvādaśatalāvadhi/
evaṃ prakalpya śāstrokta mitareṣvapi kalpayet

upānaṃ jagatīṃ caiva kumudaṃ paṭṭikāṃ tathā/
kaṇṭhaṃ ca paṭṭikācaiva caraṇaṃ ca talottaram

haṃsamālā kapotaśca pratiśca prativedikā/
kaṇṭhaṃ ca śikharaṃ caivakrameṇāṣṭādaśāṅgakam

dhāmnasthūpyantamatha vā yajamānānurūpataḥ/
kuryātpaṭādau nirmāṇāṃ kṛtvā pūrvaṃ vicakṣaṇaḥ