Padma Samhita · Chapter 3.3

brahman mandiranirmāṇaṃ tava vakṣyāmi tacchruṇu/
pūrvoktāṃ bhūmimāsātya praveśabalipūrvakam

bhūmiṃ pradakṣiṇaṃ kṛtvā mantrametamudīrayet/
yakṣāḥ piśācā nāgāśca ye'tra tiṣṭhanti sarvadā

sarve'pa yāntu te'nyatra viṣṇoḥ sthānaṃ karomyahaṃ/
tatrāstramantrasaṃsiddhān siddhārthān sarvataḥ kṣipet

lūrvavadvāstuhomaṃ ca kuryādvāstubaliṃ tathā/
brāhmāṇādikarṣakabhedena anaḍuho varṇabhedaḥ.
tato bhāgavatācāryo ha lena vilikhedbhuvam

brāhmaṇo yajamānassyā daऩḍvān gauravarṇakaḥ/
kṣatriyo lohito vaiśyaḥ pītaśśūdrastu mecakaḥ

yathokta varṇālābhetu kapilo gaura eva vā/
ṛṣabhau raktavarṇau tu mahantau sabalau matau

kṣālayetkhuraśṛṅgādīn bhūṣayetkanakādibhiḥ/
karṣakavarṇānu guṇaṃ halayugādivaividhyam.
halaṃ yugaṃ ca pālāśaṃ bhrāhmaṇasya vidīyate

nyagrodhaṃ kṣatriyasya syāt plākṣaṃ viṭchūdrayo rbhavet/
nyagrodhapippalau syātāṃ sarveṣāṃ yugalāṅgalau

sarveṣāmeva varṇānāṃ sauvarṇaḥ kuśiko bhavet/
rājataṃ tāmramathavā yoktraṃ teṣāṃ yathākramam

kuśā dhanurjyā vīraṇyaḥ kāśā rajjuśca tanmayī/
halabhūtaṃ ca medhiṃ ca kārayedekayonikam

snāto navāmbaradhara ssoṣṭhīṣaśśucirātmavān/
mālyānulepa nāyuktassottarīyaparicchadaḥ

bhūṣitassvayamācāryaḥ padau prakṣālayettataḥ/
ācamyāyamya ca prāṇā nnyāsaṃ kṛtvā yathāvidhi

dvijendrairabhyanujñātaḥ karṣaṇaṃ prārabhettataḥ/
puṇyāhaṃ vācayitvātu vaiṣṇavairmantravittamaiḥ

yojayedvṛṣabhaskandhe yugaṃ vai mūlavidyayā/
lāṅgalaṃ ca yugenaiva yojayedvidyayā tayā

sumuhurte sulagne ca karṣayetprāṅmukhasthsitaḥ/
bherīpaṭahaśaṅkhādīn ghoṣayetsarvadikṣu ca

sūktaṃ śākunakaṃ viprāḥ paṭheyussarvaśāntidam/
hṛtsaroje ca māṃ dhyāyedvidyārūpeṇa cakṣuṣā

daṇ‍ḍaṃ pravayaṇaṃ kuryātpālāśādimahīruhām/
ādāya todanaṃ paścātpīḍa yet huṃphaḍādinā

prāṅmukhaḥ prathamaṃ brahman karṣayenmūlavidyayā/
sūktena pauruṣeṇaiva dvatīyaṃ bhūmikarṣaṇam

tṛtīyaṃ viṣṇusūktena tadgāyatyrā turīyakam/
nārāyaṇāsuvākena karṣaṇaṃ pañcamaṃ smṛtam

pāñcopaniṣadairmantraiṣṣaṣṭhaṃ syādbhūmikarṣaṇam/
saptamaṃ bhūmisū ktena karṣayeddeśikottamaḥ

pradakṣiṇakrameṇaiva sītā syātkamalāsana/
dakṣiṇettarata stadvatkarṣayetpañca rātravit

nimittāni parīkṣeta tatkāle deśikottamaḥ/
deśikasya manastuṣṭistatkāle śarmaṇe bhavet

viparyaye kṣayaṃ viddhi prāsāda yajamānayoḥ/
anaḍvacchayane caiva yoktrādīnāṃ ca bhedane

vyatyāse bhramaṇe caiva durnimittoda yetathā/
ardhacchedo bhavetsūtrau svāmino maraṇaṃ dhruvam

tṛtīyabhāge ccede ca rāṣṭrakṣobho bhaveddhruvam/
vicchede'pi caturbhāge prayoktṛbhraṃśa ucyate

pañcopaniṣadā kuryācchataṃ vārān ghṛtāhatīḥ/
śāmyanti doṣāste sarve nārtimṛcchetprayojakaḥ

ācāryo yajamānastu brāhmaṇān bhojayeddhanaiḥ/
kṛṣṭā bhuvaṃ samīkuryādyatnena mahatāvṛtaḥ

ālavālān pṛthakkṛtvā jalakulyāsamanvitān/
śālimudgamavādīni tatra bījāni vāpayet

siktaṃ pratidinaṃ kṣetraṃ toyena mahātā bhavet/
rakṣāṃ ca kuryā dyatnena paripākāsānikam

pakvaṃ lunīyāttatkṣetramāna yedgo kulāni tat/
phale mahati taddhāma dīrghakālaṃ bhaviṣyati

alpe tvalpataraṃ kālaṃ prāsāde sannidhirhareḥ/
phalahīne bhaveddhāma prakṣīṇadhanadhānyakam

brāhmaṇān bhojayettatra sahasraṃ śatameva vā/
bhuktavadbhyo dhanaṃ dadyādbhrāhmaṇebhyo gavādikam

prokṣayetpaṃcagavyena pañcopaniṣadā bhuvam/
kuddhālairvā khanitrervā yāvadambhaḥ khanet kṣitim

prathamāvaraṇaṃ yāvattāvadvistāra iṣyate/
daṇ‍ḍamātrāyataṃ khātaṃ khanedvākamalāsana

kṣetradoṣānurūpeṇa mandiro cchrayaṇe pi vā/
bhutale khanyamāne tu bhasmāṅgāratuṣādikam

duṣṭasatvopalambhe tu krimikīṭādirśane/
juhuyācchāntaye teṣāmācāryassarpirādinā

brāhmaṇebhyo yathā śakti dadyāddhemādikaṃ dhanam/
rantādidarśane dhāma samṛddhaṃ sarvadā bhavet

khātyā homaṃ bahiḥ khātāt sthaṇḍile caturaśrake/
sthāpayitvāgni mādīpya kuryādājyena deśikaḥ

mūlamantreṇa sūktena pauruṣeṇa caruṃ punaḥ/
guggulaṃ tilanīvāraṃ juhuyānmūlavidyayā

puṇyāhaṃ vācayitvā tu śāliṃ khāte vinikṣipet/
kumbhānupari śālīnāṃ sūtravastrādiveṣṭhitān

kurmbhā lohamayāḥ proktā stadabhāve tu mṛṇmayā/
ādhāraśaktiṃ sauvarṇīṃ kṛtvā kurmbhe vinikṣipet

madhyame tadanu prācyāṃ kurmbhe bījāni nikṣipet/
āgneyyāṃ sarvalohāni sarvadhātūni dakṣiṇe

puṇyatīrdha mṛdaṃ kumbhe nairṛte vāruṇe punaḥ/
madhunā pūrayetkumbhaṃ vāyavīyaṃ tu sarpiṣā

ratnairdhāneśvare kumbhe aiśāne śailamṛttikām/
nikṣipenmadhyakurmbhe tu śālikṣetramṛdaṃ tathā

aśoṣyahradasambhūtāṃ valmīkabhavamṛttikām/
kandāni cotpalādīnāṃ prakṣipetpraṅmukhaḥ sthitaḥ

loharatnāni ca tathā nidadhyā ddharbhakūrcakam 15/
apidadhyāccharāveṇa krameṇa pari pūjayet

kumbhasyopari madhyasya kumbhamanyaṃ niveśayet/
vidhāya kurmaṃ kālāgniṃ sauvarṇaṃ tatra nikṣipet

kumbhaṃ tṛtīyaṃ vinyasya tatrānantākṛtiṃ kṣipet/
caturthaṃ vasudhādhāramupariṣṭādghaṭaṃkṣipet

gandhodakena tatkumbhān pūrayitvā samarcayet/
khātamṛdbhiśca puṇyābhiraspṛṣṭābhiśca duṣaṇaiḥ

pūrayedvālukābhiśca jalaiścopari pūrayet/
hāsti pādairdhrṛḍhaṃ kṛtvā punastoyaiśca pūrayet