Padma Samhita · Chapter 3.32

gṛhārcāsthāpanaṃ vakṣye yathāvatkamalāsana/
sauvarṇī rājatī vā'pi pratimā syāddvijanmanām

ārakūṭamayī yadvā yadvā tāmramayī bhavet/
lohajāḥ pratimāssarvāssarva kāmaphalapradāḥ

śilābimbaṃ dārubimbaṃ svagṛhe nārcayedbudhaḥ/
piśācādi vaśīkāre pratimā cāyasī matā

uccāṭanakarī kāṃsyapratimā kamalāsana/
trilohajā śatrujayā sīsakosthā'mayapradā

ratna japratimāssarvāssarvakāma phalapradāḥ/
candrakāntasphaṭikajā saumyā pratikṛtirmatā

āgneyī mitramaṇijā anyā sphaṭikajā dvidhā/
pālagrāmaśilā śvetā saumyā saumyaphalapradā

śrīkarī pītavarṇā ca raktā kāmapradā matā/
kṛṣṇā puṣṭipradā nityaṃ piṅgalā rogadā sadā

śilāśca krasarijjātāssarvā mokṣaphalapradāḥ/
mūrtabhirgarbhitāssarvā śśilāścakra saridbhavāḥ

prādurbhāvaiśca mīnādyaistathā divyāyudhairapi/
lāñcitāḥ kaustubhādyaiśca bhūṣaṇaiḥ kamalāsana

aṅkitāḥ pūjanīyāśca bhuktimuktiphalārthibhiḥ/
sarvāssvāyambhuvā jñeyāśśilāśca krasaridbhavāḥ

nityaṃ sannidhi retāsu parasya paramātmanaḥ/
na pratiṣṭhā vidhātavyā na caivā''vāhanādikam

sālagrāmaśilā yatra pūjyate bhagavanmayaiḥ/
taddeśe yojanādarvāṅmṛto nirvāṇamaśnu te

dvāravatyāścilāścāpi sālagrāmaśilāsamāḥ/
drumajātipratikṛtissabhājyā kāmanavaśāt

pratimā candanamayī pūjitā śriyamāvahet/
pratimā cā'garumayī bhuktimukti phalapradā

devadārumayaṃ bimbaṃ sarvadaṃ bhavane'rcitam/
bilvajā pratimā lakṣmīmatulāmānahetsadā

brahmavarcasakāmena brahmavṛkṣasamudbhavā/
śamīpratikṛtissvargyā namerussukhadābhavet

annādikāmaiḥ pratimā pūjyodumbaradārujā/
aśvatthanirmitā pūjyā rājyakāmena dhāmani

nyagrodhanirmitaṃ bimbaṃ sarvatra bhavane'rcitam/
plakṣajaṃ jīvadhanadaṃ sarvopakaraṇāvaham

piyaṅgu nirmitaṃ bimbaṃ śrīvaśyaṃ bhavanercitam/
putradīpamayaṃ pratrakārakaṃ muktidaṃ tathā

mantrādi sādhane yuktāṃ saralārcāṃ samarcayet/
tamālajātipratimā sarvaloka sukhāvahā

cūtajā'rogyadā putra vittajā badarīkṛtā/
vasapratimā brahman bahuputrā samarcitā

kṣīraṇī dhanadā jñeyā saptalā dukhanāśinī/
dhanajaṃ jātijaṃ bimbaṃ sphandajaṃ sukhakāraṇam

timidaṃ dhanajaṃ brahman kadambaṃ jñānakāraṇam/
kuravaḥ puṣṭhiphaladastilakassarvakāmadaḥ

madhūkassiddhidaścāhurasanaśśrīkarassadā/
puṣṭido jambuvṛkṣastu punnāgaḥ puṣṭivardhanaḥ

rogado rājavṛkṣaśca kādiraścākṣināśanaḥ/
nimbhavṛkṣapratikṛtirvidyeṣaṇa karī matā

vibhītikā śalmalī ca kalpyate kamalāsana/
gajotpāṭikāgaurārka mūlakalpitakautukam

vaināyakamabhipretasakalārtha prasādakam/
mātrāṅgulivaśenaiva gṛhārcāmānakalpanam

nādhikaṃ hastamānācca na nyūnaṃ dvādaśāṅgulāt/
kautukaṃ bhavane'bhyarcaṃ śilādārvādijaṃ dhruvam

aṅgulaiḥ pratimāmānaṃ varṇānāmucyate kramāt/
hastamānamitārcā syādbhavane pūrvajanmanaḥ

aṅgulai rekaviṃśatyā pratimā vasudhāpate/
viśāmekonaviṃśatyā dvābhyāṃ sūdrasya hīnayā

ardhacitraṃ tadabhāsaṃ bhavane bhuktivardhanam/
dvādaśāṅgulamānārcā lohajā pūrvajanmanaḥ

navāṅgulā kṣatriyasya viśassaptāṅgulā matā/
pañcāṅgulā caturthasya pratimā bhavane bhavet

pratimā yanmayī klṛptā prabhāpīṭhādi tanmayam/
yadvā sovarṇabimbasya rājataṃ tāmrameva vā

lo hena ceduttamena pratimā nirmitā bhavet/
tadanantaralohena prabhāpīṭhādī kalpayet

trilohajāyāmarcāyāṃ suvarṇaṃ vā prabhādikam/
ratnasphaṭikajānāṃ tu pratimānāṃ prabhādikam/
lojahaṃ smaryate brahman rahasyamidamīritam

gṛhe saṃhāraśayanamarcayennakadācana/
bhagavanmūrtayastvanyā ssarvāḥ pūjyā tathātatham

śrī bhūmi sahitaṃ devaṃ śriyā kevalayā'pi vā/
sahitāṃ pūjaye nnityaṃ bhaktyā padmani ketana

pūjāsthānaṃ gṛhasyoktaṃ mārutyāṃ diśi nā'nyathā/
arcayedbhavaneṣvarcāṃ yajamāno yathoditām

tatpratiṣṭhārthamācāryamabhyarthyā''gamayodgṛham/
aṅkaṇe vā nadītī re kṣetre yadvā supūjite

vedikāṃ paritaḥ klṛpte homakuṇḍacatuṣṭaye/
ekarsmi vā guruḥ kuryātphratiṣṭhā karmāpūrvavat

aṅkurānarpayitvāgre jale caivādhivāsanam/
nayanonmīlanaṃ cā'pi kuryā'tpūrvoktavartmavā

pādyamarghyaṃ tathācāmaṃ pañcagavyaṃ tathā dathi/
payomadhukaṣāyaṃ ca uṣṇāmbhaḥ phalavāri ca

mārjanāmbhokṣatāmbhaśca ratnāmbho lohavāri ca/
gandhāmbhaśca yapāmbhaśca krameṇā'nena padmaja

snāpayecca nṛsūktena tathedaṃ viṣṇurityṛcā/
snapanaṃ kārayedvārvān mantraiḥ prāguktavartmanā

śayanādikamanyacca kriyājātaṃ yathāpuram/
mahāpratiṣṭhā vidhivatkarma kuryādgurussvayam

pratimāstāpanasthāne ratnanyāsādi pūrvakam/
prāptai muhūrte pratimā sthāvarāṃ cedabhīptitām

sthāne tāṃ sthāpayitvaivaṃ kuryā dhāvāhanādikam/
jaṅgamā cedabhimatā vedyā māvahanādikam

kuryāttadanu tāṃ sthāne sthāpayedvidhipūrvakam/
caṇ‍ḍapracaṇḍau valaje kṣetrapālaṃ khageśvaram

vighneśaṃ vāstunāthaṃ ca durgāṃ vā tatra kalpayet/
guhaṃ ca viṣvaksenaṃ ca śaṅkhapadmanidhī tathā

ācāryacodito bhūmau patitvā daṇḍavatsvayam/
yājamānaḥ prārthayettamabhīpsitam śeṣataḥ

dāso'smi tava deveśa saputragaṇabhāndavaḥ/
sannidhassvagṛho yāvadanvavāyo mamā'cyuta

phūjāṃ mayā yathāśakti vihitāṃ vikalāmapi/
gṛhṇīṣva bhagavan bhaktajanānugraha kāmyayā

yācitvā devadeveśa mitthamācārya sannidau/
gurave dakṣiṇāṃ dadyādyathāvibhavistaram

yathā ca tṛptirasya syāt ṛtvijāmapi pūrvavat/
bhrāhmaṇān bhojayecchaktyā tobhyo dadvācca dakṣiṇām

sthāpayitvā'rcayeddevaṃ bhaktimān bhaktavatsalam/
bhuktvā bhogān suvistīrṇān pretya nehā'bhijāyite

bhavane sthāpito viṣṇuḥ puṣṇāti kulamātmanaḥ/
mandire tu gajatsarvaṃ puṣṇāti sthāpito hariḥ

śrī vatsakaustubhoṣṇīṣavanamālā catuṣṭayam/
pradhāna bhuṣaṇaṃ viṣṇoḥ pratiṣṭhāpya yathāvidhi

śrīvatsaṃ sthāpayitvāgre śālibharāre saśāṭake/
niveśya praḻayaṃ sargaṃ mahākumbhaṃ yajedguruḥ

kuṇḍe śrīvatsamantreṇa naḻinākārakalpite/
juhuyātsamidhā ghāracatubhiśśatamaṣṭa ca

vārānnyaseśca tattvāni śāntiṃ hutvāspṛśeccatam/
saṃprokṣya kumbhatoyena muhūrtme harivakṣasi

niveśayeddakṣiṇā ca deyā niṣkatrayā'varā/
gurave yajamāne manaḥ prītivivardhanī

yo bhūṣayati deveśaṃ śrīvatsapratikarmaṇā/
sa lakṣmīṃ labhate nityāmuttamāṃ nā'tra saṃśayaḥ

kaustubhaṃ svena mantreṇa sthāpayitvā yathāpuram/
harimā kalpayettena muhūrte deśikottamaḥ

yajamānaśca gurave prayaccheddakṣiṇāṃ śubhām/
yaḥ kaustubhena deveśaṃ maṇḍaye daśnute śriyam

vanamālāṃ ca sauvarṇīṃ nānāratna pariṣkṛtām/
sthāpayitvoktamārgeṇa muhūrte śabhane guruḥ

karṇe pralambayodviṣṇossarvasambatkarīṃ nṛṇām/
dakṣiṇāṃ kurave dadvādyajamāno'pi puṣkalām

yaśca cabhuṣayati śriśaṃ manujo vanamālāyā/
po'śnu te durlabhān kāmān sarvānevana śaṃśayaḥ

pretya lokān suvipulān svargādīn so'śnute'kṣayān/
śuddhajāmbūnadamayaṃ kirīṭaṃ maṇibhiścitam

cetasā bhaktiyuktena yathārhaṃ madhuvidviṣaḥ/
kalaśaissaptadaśabhissnāpayitvā svavidyayā

śālibhāreṣu vinyasya veṣṭayitvā ca vāsasā/
ahatena punaḥ pumbho yajedāvāhya vidyayā

juhuyācca caturthakṣu vidyayā ca svayā guruḥ/
spṛṣṭā ca śāntihomānte prabhāte kumbhavāriṇā

saṃprokṣya svena mantreṇa datvā ca gurudakṣiṇām/
prāpte muhūrte deveśamāsīnaṃ bhūpaviṣṭare

snāpayedrājanaddevamārādyā kalpabhūṣaṇaiḥ/
brāhmaṇeṣu caturvedā nadhīyāneṣu sarvataḥ

nānāvidheṣu vādyeṣu caturdikṣu nadatsu ca/
vandāruṣu ca deveśaṃ stotrairuccāvacairbhṛśam

stuvastu bhaktinamreṣu śrībhūmisahitaṃ harim/
prastūyamāneṣvanyeṣu maṅgaleṣu samantataḥ

kuṇḍheṣu purato hutvā pūrvavatsamidādībhiḥ/
caturdikṣu ca turdvāri e kāgneḥ koṇataḥ sthite

pañcopaniṣadairmantraiḥ kirīṭaṃ devamūrdhani/
āropayeyurācāryyāḥ mūrtipāśca vicakṣaṇāḥ

muñceyuḥ puṣpavṛṣṭiṃ ca tūryaghoṣapurassaram/
mahadbhirucāraiśca guruṇā'bhyarcitaṃ harim

brāhmaṇebhyo dhanaṃ datvā sukhāsīnāṃ mahāsane/
yānamāropya hastyādi śvetacchatra virājitam

vījyamānaṃ ca gaureṇa cāmareṇa samantataḥ/
grāmaṃ pradakṣiṇaṃ nītvā mandire viniveśayet

yaḥ kirīṭena deveśamākalphena prasādhayet/
trayāṇāmapi lokānāmādhipatyaṃ sa vindati

hārādibhirnūpurāntrairbhūṣaṇaistapanīyajaiḥ/
kṣāḻitairgandhato yena dvādaśākṣaravidyayā

dhānyarāśiṣu saṃsthāpya homaṃ ca samidādibhiḥ/
spṛṣṭvā kalpaṃ japenmantraṃ deśiko dvādaśākṣaram

mūhūrte bhūṣayettena deveśaṃ vidyāyā tayā/
ye bhūṣayati deveśaṃ so'pi kāryān samaśnute

pañcāyudhānāṃ divyānāṃ pratiṣṭhā vakṣyate'dhunā/
cakrasya tāvatsarveṣu mukhyasya kamalāsana

vakṣyate sthāpanaṃ tasya yānaṃ rūpaṃ ca yādṛśam/
vistṛtaṃ hastamānena yadvā saptadaśāṅgulam

aṣṭādaśāṅgulaṃ yadvā viṃśatyaṅgulameva vā/
caturdhaśāṅgulaṃ yadvā ṣoḍaśadvādaśāṅgulam

mūlabimbānanasamaṃ sahasrāraṃ samujvalam/
yadvā śatāramathavā caturviṃśatyarānvitam

dvādaśāramathāṣṭhāramathavā ṣaḍaraṃ param/
sahasrajvālamathavā ṣaḍjvālaṃ nābhimaṇṭitam

(40. triloha nirmitaṃ cakraṃ nālapīṭhasamanvitam/
kṛtvā karaṇḍhamukuṭaṃ bibhrāṇaṃ vā sudarśanam

caturbhujadharaṃ kruddhaṃ bhrukuṭīkuṭilānanam/
puruṣaṃ dvibhujaṃ yadvā dakṣiṇenāpi tarjanam

spṛśantaṃ kaṭimanyena itarābhyāṃ kṛtāñjalim/
mukhyābhyāṃ tu karābhyāṃ vā susthitaṃ padmaviṣṭare

athivāsya jale pūrvaṃ sthāpayitvā ca maṇṭape/
śayayitvā ca śayane iṣṭvā kumbhe svavidyayā

dvāyanpuruṣamatyugraṃ dvibhujaṃ raktavāsasam/
raktadaṃṣṭrānanaṃ nābho saṃsthitaṃ gururīdṛśam

caturdikṣu ca kuṇḍeṣu cakramantreṇa mūrtipāḥ/
juhuyussamidhāghāraṃ carubiḥ kamalāsana

kuṇḍheṣvekatra puratastoraṇādīni pūrvavat/
arcayitvā tataścakraṃ śoṣayecchoṣaṇādibhiḥ

sphṛṣṭvātu śāntihomānte nābhyādyavayavān kramāt/
mūhūrte kumbhatoyena śiñcedātmīyā vidyayā

caturṇāmita reṣāṃ ca śaṅkhādīnāṃ yathāpuram/
pratiṣṭhāpanamācāryaḥ svairmantrairanupūrvaśaḥ

gurave dakṣiṇā deyā daśaniṣkāvarā tataḥ/
paṃcāyudhāni nirmāya yaḥ sthāpayati mānavaḥ

sa viṣṭapatraye dīmān na bhibheti kutaścana/
bhuṅkai ca bhogān vistīrṇān yodate ca triviṣṭape

caṇḍhādi dvārapālānāṃ pratiṣṭhāvidhirucyate/
jalādivāsanaṃ pūrvaṃ maṇṭape snapanaṃ tathā

śayyāyāṃ cāpi śayanaṃ kumbhe caikatra pūjanam/
homaścaturṣu kuṇḍheṣu kuṇḍhe vaikatra padmaja

tattvanyāsaṃ tathāśāntihomāṅgasparśanaṃ tathā/
prokṣaṇaṃ kumbhatoyena vidyayā ca svabhījayā

gurave dakṣiṇā cā'pi deyā vittānusārataḥ/
caṇḍādīn sthāpayenmatmartya ścaitatsārūpyamaśnute

vainateyapratiṣṭhāyāṃ viśeṣo vakṣyate'dhunā/
prācyāṃ juhvan bṛhatsāmnā tasyaṃ dhyāyedgurustataḥ

(49.huvedbrahmasāmnā0
dakṣiṇasyāṃ suparṇaṃ tu sauparṇyā vidyayā huvet/
pratīcyāṃ garuḍaṃ kuṇḍhe dhyāyeddhomo rathantaraiḥ

tārkṣyadhyānamudīcīne gāyatryā ca svayā hutiḥ/
purastādupariṣṭā cca śubhaṃ karmayathāpuram

sthāpako vainateyasya labhate tatsamīpatām/
ādityasya pratiṣṭhā ca vidhātavyā yathāpuram

viśeṣastūcyate kaścidyathāvadavadhāraya/
āvahanaṃ svagāyatryātayā kuṇḍheṣu cāhutiḥ

bibhrāḍityanuvā kena sāvitryā sthāpanaṃ tathā/
māryasya mūlamantreṇa kuṇbhatoyena secanam

sthāpakastasya talloke rājate muktakilbiṣaḥ/
brahmādīnāṃ ca sarvāsāṃ devatānāṃ yathāpuram

svātantrye pāratantrye ca svairmantraiḥ sthāpanaṃ bhavet/
durgā ca mātarassapta yāḥ kāściddevatāstriyaḥ

pratiṣṭhā tāsulakṣmīvanmantraissvaisvairviṃṣyate/
viṣvaksevasya bhagavan utphattiḥ kāraṇātkṛtaḥ/
sthāpanaṃ ca kathaṃ tasya kathyatāṃ yadyanugrahaḥ

dauvārikeṣu sarveṣu yaścaṇḍhaḥ prathamo bhavet/
sa devāsurayoryuddhe balī daṇḍhadharassvayam

jaghāna daityān devārthamātmanā'bhi pracoditaḥ/
tasya tuṣṭoha madadāṃ matsvarūpasarūpatām

aiśvaryaṃ kumudādīnāṃ balaṃ cā'prativāritam/
viṣvassenasamākhyāṃ ca sarvasenādhipocitām

naivedyasya caturthāṃśaṃ sarvasyopahṛtasya me/
caṇḍhasya ca padetyugramanyaṃ sthāpita vānaham

itthaṃ brahman tadutphattiḥ stāpyaśca mama sannidhau/
sthāpanaṃ ca svamantreṇa tasyeṣṭaṃ yadvadātmanaḥ

dakṣiṇā gurave deyā sthāpakasya phalaṃ tathā/
pratikāyaṃ ca bhaktānāṃ kṛtvā sthāpanamācaret

svatantraṃ vā'nyatantraṃ vā yathālābhaṃ śilādibhiḥ/
kṛtāñjalipuṭaṃ saumyaṃ sthitamāsīnameva vā

yathāvarṇaṃ yathārūpaṃ yathācāśramadharmiṇām/
yathāpayorūpadharaṃ padmapiṭhe pratiṣṭhitam

kṛtalakṣaṇasampannaṃ śilpibhissuparīkṣitam/
yadvā karmānurūpeṇa pratikāyaṃ prakalphayet

sthāpayedaṅgu rānādāvarpayitvā śubhe dine/
ayugmāḥ pālikāḥ kāryāśśarāvaghaṭavarjitāḥ

adhivāsanamārabhya pūrvavatkarmapaddatiḥ/
upacārastathā homaḥ kumbhayāgaśca secanam

pareṇa brahmaṇā kāryaṃ mantraiścānyainsupūjitaiḥ/
toraṇādīnyajotpūrvaṃ na vedikalasānapi

muhūrte prokṣayetkumbhavāriṇā deśikottamaḥ/
svatantre mandiraṃ kalpyaṃ siṃhadiṅgūrtivarjitam

dakṣigurośca pratimāṃ sthāpayenmantra siddhaye/
dīkṣiṇā gurave deyā tarpaṇīyāśca bhūsurāḥ

āvarjanīyaṃ sarvatra dhanairbrāhmaṇatoṣaṇam/
ghaṇyāhavācanaṃ vipraissvādhyāyādhyāyanaṃ tathā

dakṣiṇā ca guro rgurvī yajamānadhanocitā/
etairyathoditairyuktaṃ hīnamanyena dūṣyati

sthāpanaṃ pratikāyānāṃ brahmannai vā'tra saṃśayaḥ/
satyahaṃ cārcanaṃ teṣāṃ upacāraiḥ pṛthagvidhaiḥ

kartavyamutsavaṃ cā'pi dhvajārohaṇavarjitam/
naparomo na bali stīrdhaṃ svātantryai vidhirīdṛśaḥ

pāratantryetu bhaktāvā mutsavaḥ kamalāsana/
devasyotsavamadhye ca prakrānā vā'tha nirmite

tasmin kāryokṛte tasmin prīyate hi janārdhanaḥ/
rājño rāṣṭrasya sarvasya brāhmaṇānāṃ gavāmapi

jāyite bhuyasi sampadutsave vihite sati/
iti brahman kriyāssarvāḥ kathitāḥ pṛcchatastava

dayayā parayā bhūyaḥ kimanyacchrotumicchasi/
mahopaniṣadaṃ śāstraṃ caturveda samanvitam/
saṃkṣipya ca śatādhyāyātpadmena kapilācchrutaṃ

tadeva kaṇvassaṃkṣipya śriddadhānasya te mayā/
dvātriṃśadadhyāyayutaṃ śubhaṃ vai sāravattaram

padmāt śrutamidaṃ śāstraṃ tathā padmāhvayaṃ matam/
idaṃ ca deyaṃ paramaṃ rahasyamanasūyave

śraddadhānāya bhaktāya śucaye dīkṣitāya ca/
brahmaṇāya prapannāya śrotriyāya ca dhīmate

yadvā jyeṣṭhāya putrāya na vidyamaraye vadet/
namo brahmaṇya devāya śridharāyāvyayātmane//
ṛgyajussāmarupāya śatarūpāya viṣṇave