Padma Samhita · Chapter 3.31

kālāntare prabhādīnāṃ pratiṣṭhāvidhirucyate/
jalādhivāsādyakhilaṃ karma kṛtvāyathāpuram

dhyānakāle tu saṃprāpte dhyāye devaṃ gurussvayam/
jvālāmālāsahaprāḍhyāṃ vidyutsaṅghātasannibhām

prabhāṃ dhyātvāspṛśet śānti homānterahomasarpiṣā/
prabhāte mūlamantreṇa prokṣayotkumbhavāriṇā

muhūrte yojayeccāpi kārayecca mahotsavam/
dakṣiṇā gurave deyā yathāvibhava mānataḥ

prabhāyāṃ devadevyādīn yojayeduktavartma nā/
sa tu sāyujyamāpnoti kāmānapi yathepsitān

pīṭhaṃ saṃsthāpya tatraiva nyasyedyogāsanaṃ guruḥ/
hutvāmantraiḥ kramātphadmasthāpane vidhirīdṛśaḥ

yojaye ccāpi pīṭhādīn tatrasthāṃ samaye guruḥ/
evaṃ pīṭhādi devārdaṃ yaḥ kalpayati mānavaḥ

sa pratiṣṭhāmavāpnoti paratreha ca śāśvatīm/
maṇṭāṃ ca pañcagavyena snāpayitvā yathoditaiḥ

pañcavāruṇikairmantrairnava vavastreṇa veṣṭayet/
sthaṇḍile śālibhāraṃ ca nikṣipya tilataṇḍulān

tadūrdhve navavastraṃ ca sadarbhaṃ nyasya tatra vaiḥ/
śāyayitvā ca tāṃ ghaṇṭāṃ chādayennavāvāsasā

kumbhamekaṃ samabhyarcya kumbhe vā sthaṇḍhile'pivā /
ghaṇṭāmantreṇa juhuyādācāryassamidhādibhiḥ

śoṣaṇādīni kāryāṇi tāṃ yathoktaṃ vicintayet/
śāntihomāvasāne ca spṛśettāṃ homasarpiṣā

prabhāte mantratoyena tāmukṣenmantra pūrvakam/
evaṃ susaṃskṛtāṃ ghaṇṭāṃ cālayetsarva karmasu

udghāṭane kavāṭasya prastute pūjane tathā/
āvahane'rghye snapane puṣpe dhūpe ca dīpake

nī rājane yavanikāsamuddhāre nivedane/
homa bhūtabalau karmaṇyudvāhe calanaṃ maṇeḥ

utsādanaṃ piśācādeḥ prīṇanaṃ ca hareḥ param/
sannidhanamamartyānāṃ ghaṇṭāyāścalanādbhavet

asaṃskṛtāyāśaacalane grāmādeścalanaṃ bhavet/
niṣphalā cāpi pūjā svātparasya paramātmanaḥ

(ghaṇṭāṃ prayaccheddharaye jāyate kīrtamānnaraḥ)/
ghaṇṭā saṃskāravaddhūpadīpa pātrasya saṃskṛtiḥ

bheryādīnāṃ ca saṃśuddhiḥ pañcagavyaiḥ praśasyate/
rathādiyānajātasya saṃśuddhiriyamiṣyate

mantreṇa prokṣaṇācchuddhiśchatrādīnā mapīṣyate/
narvatra bhojaye dviprān puṇyāhaṃcāpi kārayet

dakṣiṇā cāpi gurave deyā vittānusārataḥ/
akṣamālā pratiṣṭhāṃca tadbhedāṃśca yathātatham

jape phalaṃ ca sakalamadhunā kathyate'bjaja/
narvaratnaiśca lohaiśca sphaṭikaistrividhairapi

jalajaistalajairvāpi kārayedakṣamālikāḥ/
ākṣāsthimātrā maṇayaśśreṣṭhāssyurjapakarmaṇi

dhātrīphalāsthimātrāstu madhyamāḥ kamalāsana/
badarāsthi pramāṇāstu kaniṣṭhā maṇayaḥ smṛtāḥ

aṣṭottara śataṃ saṅkhyā maṇīnāṃ śreyasī bhavet/
tadardhasaṅkhyā kathitā madhyamā caramā punaḥ

saptaviṃśatisaṅkhyā ca tairbhavedakṣamālikā/
svargāpavargadaṃ ratnaṃ sauvarṇaṃ vibhavapradam

rājataṃ kīrtadhanadaṃ tāmraṃ śāntikaraṃ bhavet/
trāpuṣairmaṇibhi rjapyaṃ yakṣāṃścāpi vaśaṃ nayet

sīsākṣamālayā rakṣo vaśe kuryāccaturmukha/
pīḍayecca tathā śatrūn kāṃsyaissarvān vaśaṃ nayet

(āyasaiścā'pi bhūtāni jāpakassvavaśaṃ nayet)/
sphaṭikaṃ mokṣadaṃ japtussarvado dyumaṇermaṇiḥ

indormaṇistathaiva syādakṣāssyu rjalajāḥ punaḥ/
putradaḥ putradīpassyādindrākṣassarvakāmadaḥ

vibhītakākṣarudrākṣa nimbākṣāścābhicārakāḥ/
brahmavarcasakāmasya kuśagrandiḥ praśasyate

rāhya kāmasya padmākṣairjaptussidhyati taddhruvam//
sitāmbho jākṣamālā tu japturnaśreyasapradāḥ

bhuktimuktipradā śaṅkhā muktāmuktiphalapradā/
jalajairmaṇibhirmālā japturisthaṃ phalapradā

akṣānyathoktān saṃgṛhya vṛttān doṣavivarjitān/
prakṣālya pañcabhirgavyaiḥ pañca vedāntavidyayā

āropayeddhemasūtre triguṇaistriguṇīkṛte/
sūtre vā rājate kṣaume śaṇa keśādivarjite

kārpāse vā yathālābhaṃ kṣāḻite pariśodhite/
pṛṣṭhena pṛṣṭhabhāge ca mukhabhāge mukhe na ca

parasparoṇa saṃbaddhā maṇayassadṛśāśśūbhāḥ/
sūtreṇa vā suvarṇena madhye baddhe tathāntaram

protanūtreṣu taiḥ kalphyā mālikā kaṭakākṛtiḥ/
maṇimanyaṃ tu badhnī yā nmālāgranthau mahattaram

merusaṃjñā maṇestasya bha veddakṣiṇato gatiḥ/
puṇyāhaṃ vācayitvā'nte mālāṃ sthāpyāmbhujodare

vilipya kuṅkumādyaistāmakṣamālāṃ caturmukha/
śālibhāraṃ ca nikṣipya tilataṇḍhulasaṃyutam

likhitvā tatra cakrājbamā stīrya kuśavastrakam/
tatrā'kṣamālāṃ vinyasya chādayennavavāsasā

yajeta kumbhe tanmantraṃ hemavastrādi saṃyute/
homamekatra kurvīta kuṇḍe vā sthaṇḍile'pi vā

samiccatughṛtairaṣṭau śataṃ ca svasva vidyayā/
dhyānena śoṣaṇādīni kṛtvā nyacca yathāpuram

tanmadhye puruṣaṃ dyāyedbaddhāñjalimavasthitam/
caturbhujaṃ vaḻarkṣābhaṃ varadābhayahantakam

akṣamālāṃ ca bibhrāṇaṃ śikhāgre kaṭakākṛtim/
śāntihomāvasāne ca saṃspṛśe dakṣaṇālikām

prāpte mūhūrte tattvāni nyasyetsṛṣṭikramādguruḥ/
yā parā vaiṣṇavī śaktirabhinnā paramātmanaḥ

tejasā''dityasaṅgāśāṃ prāgvat smṛtvā hṛdambhuje/
dhyāyettato brahmarandhrā dudgacchantīṃ śanaiśśanaiḥ

āvahya cā'kṣamālāyā mantreṇa svenamantravit/
mūlamantreṇa kumbhasthavāriṇā prokṣayedguruḥ

sannidhaṃ cā'kṣamālāyāṃ yāceta paramātmanaḥ/
sannidhattāṃ bhavānasmin bhaktānugrahakāmyayā

japā'kṣamālāvalaye gādhāmenāṃ samuccaran/
tatrā'kṣamālāṃ bibhraṇaṃ dhyātvā devaṃ janārdhanam

śiṣyasya yajamānasya haste dadyādgurussvayam/
praṇamya pratigṛhṇīyāt śirasā tāṃ samāhitaḥ

vidyāmiva yathāvittaṃ dadyācca gurudakṣiṇām/
tasmin muhūrte tāṃ vidyāṃ sañjapedakṣamālayā

ādau yamakṣamālāyāṃ mantraṃ sthāpitavān guruḥ/
tameva mantraṃ gaṇayenna yaṃ kañcana mālayā

apratiṣṭhāpitā yā ca tayā naivā'kṣamālayā/
japaṃ kurvannaro mohātkurvannaivā'śnu te phalam