Padma Samhita · Chapter 3.30

atha śriyā''di devīnāṃ pāṇigrahaṇamucyate/
sarvakalyāṇajananaṃ sarvaduḥkha vināśanam

āyurvṛddhakaraṃ nṝṇāṃ abhipretārtha sāthakam/
yathoktadivase kuryādaṅkurāṇāṃ samarpaṇam

udvāhadivase prāpte muhūrte deśikottamaḥ/
pṛthagdevasya devyośca badhnīyā tkarmakautukam

ācchādyānāhatakṣaumaṃ sottarīyaṃ prasādhitam/
āropya śibikāṃ grāmaṃ prādakṣiṇyena tāṃ nayet

vaivāhikaṃ ca sadanamālayaṃ vā praveśayet/
ārādhya devamaghyān dyairānīya sthaṇḍile'nalam

praveśyāntargṛhe devamāsane viniveśayet//
ābhyarcya ca hariṃ tatra devīṃ nūtanapāsasā

yuvā su itimantreṇa paridhāya pradakṣiṇam/
bhūṣayecca śriyaṃ devīṃ puṣpairābharaṇaistathā

devīṃ devena yuñjīta praṇavena gurussvayam/
dadyācca devīṃ devāya vāripūrvaṃ yathāvidhiḥ

yajamānassuvarṇorvīṃ gavādisahitāṃ tadā/
svagotranāmnā kathitā mimāṃ śriyamanuttamām

tataḥ pāṇigṛhītāṃ tāṃ devīṃ devaṃ ca mandirāt/
nītvā vaivāhikaṃ sthānamuttarāśāmukho guruḥ

krameṇāghārahomārdīn kuryādvidhyuktavartmanā/
samidhaṃ ca nṛsūktena jūhuyāt ṣoḍaśāhutīḥ

catuṇā viṣṇugāyatryā caturviṃ śāhutirbhavet/
śrīnūktena ghṛtaṃ hutvā bhūmyāśca yugapadyadi

ubhayośca vidhātavyaṃ pṛthagevāṅkurādikam/
ubhayo rekakartṛtve prāpte paṅkajasambhava

tatrā'pi pṛthagevā''bhyāṃ vaivāhikamathā''caret/
ekakāle kriyāṃ tiṣṭhetparyā yādbhinnamācaret

ānupūrvyavaśenaiva vibhaktaṃ syādyathā tathā/
yadvā muhūrtabhinne tu bhinnaṃ vaivāhikaṃ bhavet

muhūrte yaugapadye cedānupūrvyātkriyāṃ nayet/
śrībhūmyorbhanna kartṛtve yaugapadyodvaho yadi

tatrā'pi vidhi revaṃ syādubhābhyāṃ vidhireva hi/
yaugapadyodvahe deve sakṛtpratisaraṃ bhavet

ekā'gnau vā prakartavyaṃ bhinnā'gnau vā yathāruci/
ullekhanā''diprāktantraṃ prāklṛptamakṛtaṃ na ca

prativyakti kriyāṃ sarvāṃ pṛthageva samācaret/
pūrvaṃ śriyaitato bhūmyai paryāyeṇa kriyāṃ nayet

samidho mūlamantreṇa juhuyāt ṣoḍaśāhutīḥ/
caruṇā viṣṇugāyatryā caturviṃ śāhutirbhavet

ghṛtaṃ puruṣanuktena bhumisūktena vā punaḥ/
lājahomaṃ tathā vahneḥ pradakṣiṇamanukramāt

kṛtvā sarvamaśeṣeṇa lājaśeṣaṃ gurussvayam/
praṇavena sakṛddhutvā pañcavāruṇikte stataḥ

pañcopaniṣadairmantrairdvādaśākṣaravidyayā/
pūrṇāhutyaṃtamakhilaṃ kṛtvā viprāṃśca toṣayet

arghyādyairarcayeddevaṃ ghṛtāropaṇamāca ret/
ghṛtaṃ dūrvāṅkuraṃ pātre candanaṃ śālitaṇḍulam

karābhyāṃ sarvamādāya sarvecaiva sabhasadaḥ/
devasya devyoścā'ṅgeṣu kṣipeyuriti maṅgalam

ghṛtaṃ suśobhana miti siñcoyuḥ pādayostataḥ/
kaṭyāṃ subhadramityuktvā mūrdhni caiva sumaṅgalam

evaṃ dūrvādi sakalaṃ kṣipeyuranupūrvaśaḥ/
madhuparkaṃ pradadyācca rasenā'smīti coccaret

lakṣmīpatiṃ ca hārādyairalaṅkāraiḥ prasādhayet/
mālyānulepanaiścā'pi yathā rhairapi pūjayet

dhenuṃ ca dadyāddharaye yajamānaḥ praṇāmavān/
ācāryāya yathāvittaṃ pradadyādātmanaḥ priyam

nī rājanavidhānānte nikṣipeddikṣu piṇḍikāḥ/
anyacca maṅgalaṃ sarvaṃ kuryāllaukikavartmanā

śrībhūmisahitaṃ devaṃ kuryādgrāma pradakṣiṇam/
āropya maṇṭape devyau devaṃ rājavadācaret

mahāhavirvivedyānai brahmāṇānapi bhojayet/
divase divase kuryā tsnānapūrvakamutsavam

caturthāpararātre tu śeṣahomaṃ samācaret/
samidhājya caruprāyairaṣṭottara śatāhutīḥ

juhuyānmūlamandrābhyāṃ pañcopaniṣadairapi/
dine tu pañcame devaṃ tailena'bhyañjayeddharim

śrībhūmisahitaṃ devaṃ snāpayedvidhipūrvakam/
mahāhavirnivedyā'nte grāme kuryānmahotsavam

tatra śrībhūmisahitaṃ pratyahaṃ mandire'rcayet/
devīnāmitarāsāṃ ca vivāhavidhirīdṛśaḥ

jāmadagnyā'di devīnāṃ vivāhaḥ smārtavartmanā/
vivahāmaṇṭapādīnāṃ pratiṣṭhāvidhirucyate

prāsādasyāgrataḥ vṛṣṭhe pārśvayorvā yathāruci/
vediṃ kuryāccaturhastāṃ hastocchrāyāṃ manoharām

kuṇḍhāni parito vedyā aṣṭau catvāri vā punaḥ/
toraṇadvārakalaśadhvajādīni yathāpuram

kṛtvādiṅmūrtinayanānyunmīlya ca yathāvidhi/
āśāmūrtiṃ vimānaṃ ca darpaṇe snāpayedguruḥ

rājā cedyajamānassyātpātrāṇi kalaśāni ca/
haimarājatatāmrāṇi yadvā kāryāṇi nā'nyathā

brāhmaṇādiṣu varṇeṣu yajamāneṣu padmaja/
mṛṇmayānyapi pātrāṇi yathā vibhavavistaraṃ

vāsobhiśśobhanairdhāma ccādayedahetaistataḥ/
vedimadhye vinikṣipya śālibhārānyathoditān

taṇḍulāṃśca tilān sarvān pūrvoktapariṇāmakān/
upariṣṭācca vinyasya mahākumbhaṃ hiraṇmayam

mūrtikumbhāṃśca paritastanmayānaṣṭa nikṣipet/
hema niṣkapramāṇaṃ ca pratimumbhaṃ vinikṣipet

navaratnaṃ ca sūtrāti veṣṭi teṣu yatāyatham/
arcayitvā ca tānaṣṭamaṅgalāni vinikṣipet

mūrtiḥ homaṃ ca juhuyānmahākumbhe nivedanam/
caturvidhasya haviṣastathā'nyadapi pūrvavat

śodhite sadane tasmin śoṣaṇā'lepanādibhiḥ/
dhyāyedratnasthalaṃ dhāma taptahemavinirmitam

tatra jīvamapi dhyāyedvyāpakaṃ tadu pādhikam/
buddhaṃ ca piṇḍakāṃ pādān ahaṅkāraṃ tathaiva ca

pādau pādaśilājaṅghe garbhagehaṃ tathodaram/
stambhānbahūn kaṭiṃ cā'pi tathaiva kaṭimekhalām

jihvā karṇaṃ tathā netraṃ pradītidvārśsa(?) mehanam/
apānaṃ jalaniryāṇaṃ nāsikā nāsikā matā

gavākṣamakṣi grīvāṃ ca grīvān skandānkapolakau/
śiraśca kalaśaṃ māṃsaṃ pralepaṃ sparśanaṃ sudhām

asthīni ca śilā sthasthāḥ snāyurdāruśikhādhvajān/
keśaromāṇi kūrcaṃ ca dhyāyeddhāma pumākṛtim

hutvā hutvā ca śaktīnāṃ nyasanaṃ sadane hareḥ/
pūrṇaśaktiṃ prakṛtyākhyāmupānahi vinikṣipet

śāntiṃ jagatyāṃ kumude pṛthivīṃ tadanantaram/
vāgīśvarīṃ gale caiva paṭṭikāyāṃ matiṃ tathā

pañcāṅgakalpane śakti nyasanaṃ samudāhṛtam/
dvādaśā'ṅge tu sadane śaktiṃ kīrtbhasaṃjñitām

mahatyāṃ paṭṭikāyāṃ ca gale puṣṭimanantaram/
mahīṃ ca vājane vedyāṃ tuṣṭiṃ sṛṣṭiṃ tathā'ṅghriṣu

māyātmikāṃ kapoteṣu bhūtamālānu mohinīm/
dvādaśā'ṅgevimāne tu śaktinyāsa udāhṛtaḥ

aṣṭādaśāṅgasadane haressaṃprati kathyate/
kūṭe nyasenmahālakṣmī mapare vasudhāṃ tathā

śīlāyāṃ ca mahīśaktiṃ prastare cā'timohinīm/
svāhāṃ vedyāṃ śriyaṃ dhāmni śaktinyāso'yamīritaḥ

śāntihomādi sakalaṃ karma kāryaṃ yathāpuram/
diṅmūrtīnāṃ ca sarvāsāṃ tatvanyāsādi pūrvavat

brahmaṇānāṃ sahasrāṇi śataṃ vā'pi yathābalam/
bhojayedbhuktavadbhyo'pi tebhyo dadyāddhanādikam

vimānapaṭṭikāyāṃ tu pañcaviṃśati tantubhiḥ/
badhnī yātkautukaṃ dikṣu dāmnaścatasṛṣu kṣipet

baliṃ yathāpuraṃ brahmaghoṣairdikṣu ca ghoṣayet/
tataḥ prabhātasamaye yuhūrte śobhane guruḥ

mahākumbhaṃ samuddhṛtya prādakṣiṇyena mandiram/
nītvā dakṣiṇataḥ kumbhaṃ sthāpayitvā samāhitaḥ

udaṅmukho gururbhūtvā śaktiṃ kumbhajale sthitām/
vimāne mūlamantraiṇa viniveśya caturmukhaḥ

diṅmūrtīḥ svasvamantraiśca praukṣayetkumbhavāribhiḥ/
anyeṣāmapi devānāṃ dhāma sthānaṃ yathāvidhi

prokṣayetkumbha toyaiśca vidyayā ca svayā svayā/
prāsādaṃ pūjayetpūrvaṃ diṅmūrtīśca yathātatham

viṣṭhitāyāṃ pratiṣṭhāyāṃ prāsādasya yathāvidhi/
ācāryāya śataṃ niṣkaṃ tadarthaṃ pādameva vā

dadyācca dakṣiṇāmante yathāvittānusārataḥ/
yajamāno mahīṃ paścātsahasraṃ svarṇadakṣiṇām

uttamāṃ gurave dadyānmadhyamāṃ tu tadardhakām/
ādhamāṃ pādamātraṃ tu mūrtipānapi toṣayot

dhantervastrādibhiścaiva manaḥ prahlāda kāraṇaiḥ/
bhūsurānitarāṃścāpi toṣayedbhojanādibhiḥ

evaṃ yaḥ sthāpayedviṣṇorvimānaṃ phalanispṛhaḥ/
tasya muktiḥ karatale sthitā naivā'tra saṃśayaḥ

phalakāmanayā yastu sthāpayeddhāma vaiṣṇavam/
tasya sampattiratulā manorathapathā'tikā

maṇḍapasthāpanāyāṃ tu vedinirmāṇapūrvakam/
kriyāviśodhanādyantaṃ kṛtvā niravaśeṣataḥ

prāsādasthāpanoktena vartmanā deśikottamaḥ/
maṇṭapaṃ viśvakarmīyaṃ sarvaratnapariṣkṛtam

sauvarṇairbahubhistambhai rnānāratnapariṣkṛtaiḥ/
uttambhitaṃ gururdhyātvā śaktinyasanamācaret

upānaṃ prakṛtiśśaktirjagatī ca vasundharā/
vaprā caiva kriyāśaktirgrīvā vāgīśvarī matā

prītiḥ kampaṃ tathā tuṣṭiḥ kumudaṃ paṭṭikā kṣamā/
stambhapādaśilā brāhmī śaktistambhāśca vaiṣṇavī

potikā kamalā śaktiruttarā śāntiriṣyate/
ratiśca vājanaṃ māyā madīyā kamalāsana

kīrtirmatā varṇapaṭṭistathā kaṃpaśca mohinī/
tulā padmā tathā śāntiśśaktissopānapaṅtkayaḥ

caturṣu maṇṭapadvārṣu toraṇāni samarcayet/
śānti homādikaṃ sarvaṃ kathitaṃ kamalāsana

tataḥ prabhāte kumbhapthāśśaktīstanmaṇṭape guruḥ/
nyasya vyāpakarūpeṇa maṇṭapaṃ cintayettataḥ

citrāṇi citrābhāsāni tatsthāni ghaṭavāriṇā/
prokṣaye tsvena mantreṇa sarvaṃ nyasya yathāpuram

gurave dakṣiṇāṃ dadyādyajamāno yathāpuram/
maṇṭapasthāpanaṃ yastu karoti madhuvidviṣaḥ

sa bhuktvā vipulānbhogā niha loke paratra ca/
modate deva devasya prāsāda maṇi maṇṭape

āsthānamaṇṭapādīnāṃ pratiṣṭhāvidhirucyate/
vāstu yogo baliścaiva gavyaiḥ pañcabhirukṣaṇam

paryagnikaraṇaṃ caiva tathā puṇyāvahacanam/
sthāpanaṃ caiva kumbhasya agnau caikatra cāhutiḥ

muhūrte prokṣaye tpaścātsadyo vā sakalaṃ caret/
śataniṣkaṃ tadardhaṃ vā dakṣiṇā parikīrtitā

phalaṃ ca pūrvavatkartuḥ kiñcīnyūnaṃ caturmukha/
pratiṣṭhā gopurasyā'pi mandirasyeva nā'nyāthā

prākārasya pratiṣṭhāyāṃ kṛtvā sarvaṃ yathāpuram/
gharmamantreṇa kumbhasthavāriṇā prokṣayedguruḥ

śataṃ tadardhaṃ pādaṃ vā svarṇaniṣkāṇi dakṣiṇā/
balipīṭhasya nirmāṇaṃ sthāpanaṃ cā'dhunocyate

garbhagehasamāyāmavistārā balipīṭhikā/
tadardhā tatturīyā vā pañca saṅkhyaṃ śakā'pi vā

yadvā navasvekabhāgā yadvā hastavaśādbhavet/
ekahastā(ṃ) varā pañca paramā vā yathābalam

vistāradviguṇotsedhā triguṇā'rdhā'dhikāpi vā/
vistāratulyocchrāyā vā pañcāṅgaparikalpanā

kapotabhūtahaṃsādi mālikā bhiralaṃkṛtā/
tridhā kṛtvā'gravistāraṃ bhāgābhyāṃ paṅkajaṃ bhavet

pīṭhakoṇeṣu garuḍān siṃhānvā parikalpayet/
vighna rāṭ tasya janakaḥ pakṣirāṭ kanyakā'pi ca

yathākrameṇa prāgādi dikṣu tanmūrtayaḥ smṛtāḥ/
sopānapaṅtayaḥ pārśve kalpanīyā yathonnatiḥ

gopuradvāravistārastriguṇā vā caturguṇā/
bahiḥ purastāddvārasya balipīṭhasya kalpanam

vāstu homādikaṃ sarvaṃ śāntihomāvasānikam/
kriyākalāpamācāryaḥ kuryānmandiravat kramāt

prabhātasamaye prāpte muhūrte śobhane guruḥ/
kumbhasthavāribhiḥ pīṭhaṃ prokṣayenmūlavidyayā

devatāścaiva tatrasthāḥ prokṣayedātmavidyayā/
prokṣayotkarṇikāṃ cāpi namastetyādi vidyayā

aṣṭānāṃ kumudādīnāṃ svaisvairanucaraissaha/
prārthayeta tadā tatra sannidhi mantrapūrvakam

pīṭhameva pratiṣṭhāpya kuryānnityotsavaṃ punaḥ/
guruve dakṣiṇā deyā śataniṣkāvarātmikā

evaṃ yaḥ sthāpayetpīṭhaṃ viṣṇubhūtā''layaṃ varam/
sarvaduḥ khavinirmuktaḥ prāpnoti paramaṃ padam

balipīṭhapratiṣṭhāṃ ca vakṣyāmi kamalāsana/
tasyotsedhaṃ samuddiṣṭaṃ garbhāgāraṃ samantataḥ

āyataṃ vistṛtaṃ vā'pi garbhāgārasya madhyame/
utsedhe daśabhāge tu saptāṃśaṃ samudāhṛtam

saptaviṃśatibhāge tu vibhaktetu samucchraye/
dviyaṃśaṃ pādukaṃ jñeyaṃ jagatī caturaṃśikā

triyaṃśaṃ yumudaṃ jñeyamekāṃśaṃ paṭṭikā bhavet/
ṣaḍbhāgaṃ karṇamityuktaṃ dvyaṃśakaṃ gaḻakampayoḥ

caturaṃśairvibhāgaśca vaṃśaiścaivātra vartikā/
dvyaṃśārdhaṃ padmapuṣpaṃ tu ekārdhaṃ pdapakarṇikā/
evaṃ samyagviditvātu bhāge bhāge vinirdiśet

tryaṃśahastapramāṇena trihastā cā'dhikā'pi vā/
paप़ñcahastā'dhikaṃ vā'pi gopurātprāgvidhīyate

madhye bhūtaṃ ca kartavyaṃ catustālapramāṇataḥ/
sukhāsīnamidaṃ śreṣṭhaṃ parāvṛttaṃ ca kārayet

aniruddhāya dṛṣade vatsarāyeti hūyātām/
tathāvaklṛptahastāya cāmuṇḍhāya tathaiva ca

nainyāyeti varāyeti codarāya tataḥ param/
tataivodarabandhāya nāḍibhyāmiti vai punaḥ

vasuścaiva ca vāstubhyo vāstumuṣkāya vai punaḥ/
prajanāya jiritrebhya śśroṇībhyāmiti vai punaḥ

taṭākāya ca vaṃśāya vaṃśadhāribhya eva ca/
prajāpataya ityuktvā dhṛṣṇaveti ca bhutayaḥ

śukāya śukavāsibhya ūrubhyāmiti coccaran/
sirābhyaścāsthibandhebhyo mukhebhyaśceti hūyatām

sākṣibhyo jānu mūlebhyo jānumūlebhya ityapi/
gulphebhyaścaiva pārṣṇibhyaścaraṇebhyastale'pivā

pādāṅgulibhyaḥ pādebhyaścaraṇā'gratalāya ca/
talāyordhvatalāyeti tvagbhyassvāheti hūyatām

tvarāsibhyaśca hutvā tu juhuyācca tataḥ param/
romakupebhya ityuktvā prasebhyo rasadāya ca

ratnāya ratna vāsibhyo medase ca tathā punaḥ/
jīvāya vāstune caiva asthimajjāya vai punaḥ

juhuyānmajjavāsibhyo ttamāṅgāya vai punaḥ/
dhātā vai caiva dātubhyo dhāturūpebhya ityapi

juhuyādupadhātubhyaḥ paśvātvaca iti bruvan/
sarvarūpāya grīvāya dhanadāya tathā''tmane

sarveśvarāya yajñāya puraṣāya ca hūyatām/
upapīṭhaṃ vinā pīṭhaṃ kartavyaṃ dvijasattama

āmodaṃ prākpṛdhagyaṣṭvā tadbhūtaṃ bhuvanātmakam/
pramomo yāmyadikpadme tadbhūtamanalātma ke

pramukhaṃ paścime padme tadbhūtaṃ syājjalātmake/
unmukhaṃ somadigbhāge vāyubhūtaṃ tadeva hi

avighnaṃ karaṇordhvaṃ tu vyomātmakamudāhṛtam/
bhūmyantarikṣasvargaṃ ca sarvabhūtaguṇātmakam

tatsamātmakamityuktaṃ mahāpīṭhaṃ dvijottama/
prāsādasya tu vistāraṃ yastu daṇḍa mivocyate

mūlaharmyaṃ samārabhya ṣaṣṭhadaṇḍasamānataḥ/
daśa dvādaśa daṇḍhairvā manudaṇḍāvasānakam

ṣoḍaśairdvādaśairvā'pi mahāpīṭhaṃ prakalpayet/
athavā'nyaprakāreṇa pīṭhasthānaṃ vidhīyate

tṛtisāle catussāle pañcasāle'śramadhyame/
mahāpīṭhaṃ prakartavyaṃ tasya lakṣaṇamucyate

athavā vyomahastaṃ tu adhamaṃ piṭhavistṛtam/
dvihastaṃ madhyamaṃ proktaṃ trihastaṃ śroṣṭamucyate

tadvistarasamaṃ tuṅgaṃ tuṅgaṃ saptā'ṣṭaviṃśatiḥ/
upānoccaṃ dvibhāgaṃ syātṣaḍaṃśaṃ jagatī bhavet

kumudoccaṃ tu bhūtāṃśaṃ kampamekāṃśamucyate/
vedāṃśaṃ kaṇṭhamānaṃ tu ūrdhvakampaṃ śivāṃśakam// 30.134
mahāpaṭṭī guṇāṃśaṃ tu dvibhāgaṃ vā vi śeṣataḥ/
vedāṃśaṃ padmabhāgaṃ tu dvibhāgaṃ karṇikodayam

athavā karṇikotsedhaṃ guṇāṃśaṃ dvijasattama/
padmoccaṃ padmabhāgaṃ tu mahāpaṭṭī dvibhāgikā

upānoccaṃ śivāṃ śena śeṣaṃ pūrvavadeva hi/
adhvā pīṭhoyaṃ vipra dharātālaṃ yathākuru

tadurdhvo parimānaṃ tu pīṭhoccānyaṃśamucyate/
adhiṣṭhānoktamārgeṇa veśaniṣkrāntamācaret

padmatāre yugāṃśaṃ vā bhūtāṃśaṃ karṇikāyatam/
pīṭhākāraṃ yugāgraṃ vā kartavyaṃ maṅgalāmbujam

lohajaṃ śailajaṃ vā'pi iṣṭikāmaya meva vā/
aṃśasyopari pīṭhocca mupapīṭhopanātkuru

tadūrdhve tu mahāpīṭhaṃ uktavyaṃ sodayānvitam/
upapīṭhe vinā pīṭhaṃ kartavyaṃ syāddvijottama

netraṃ rasaṃ ca bhūtaṃ ca ekaṃ vedaṃ ca bhāgikam/
guṇaṃ vedaṃ ca netraṃ ca upanādi pramāṇavat

eka vedaguṇaṃ caiva karṇaṃ caikaṃ ca netravat/
ekaṃ guṇagaṇaṃ caiva balipīṭhapramāṇataḥ

prabhabhasyā'grataḥ kuryātprāsādātmā pramāṇavat/
dvārasthānaṃ tadagre tu tanni pātraśivālayam

ete vṛṣācalaṃ sarvaśāntaṃ vāme tu gopurāt/
atha vakṣye viśeṣeṇa balipīṭhasya lakṣaṇam

liṅgodayasamaṃ śreṣṭhaṃ tadardhaṃ kanyasaṃbhavet/
tayormadhye'ṣṭadhā kṛtvā navamānaṃ prakīrtitam

tathavā piṇḍikotsedhaṃ kanyasaṃ pīchavistṛtam/
tattāramadhyamaṃ jñeyaṃ tannāsraṃcottamaṃ stṛtam

tadardhamadhamaṃ jñeyaṃ tayormadhye'ṣṭabhājite/
navadhā pīṭhavistāraḥ utsedhastatsame bhavet

aṣṭa vā dvāravistāramadhamaṃ piṭhavistṛtam/
dviguṇaṃ madhyamaṃ proktaṃ triguṇaṃ cottamaṃ bhavet

athavā dvāratuṅgārdhaṃ kanyasaṃ pīṭhavistṛtam/
tripādaṃ madhyamaṃ proktaṃ tatsamaṃ cottamaṃ bhavet

adhamottamayormadhye navamānaṃ prakīrtitam/
dharātalasamotsedhamadhamaṃ pīṭhavistṛtam

triguṇaṃ madhyamaṃ proktaṃ tayormardhye'ṣṭabhājite/
navadhā pīṭhatuṅgaṃ tu vistāraṃ tatsamaṃ bhavet

trihantamuttamavyāsamekahastaṃ tu kanyasam/
dvikaraṃ madhyamaṃ jñeyaṃ pīṭhavyāsaṃ prakīrtatam

pañcaviṃśāṅgulārabhya dvidvyaṅgula vivardhanāt/
e kāśītyaṅgulāntaṃ yatpīṭhavyāsaḥ prakīrtataḥ

upāna bāhye vistāraḥ uttamassaṃprakīrtataḥ/
jagatībavyavistāraḥ madhyamassaṃ prakīrtataḥ

kumudānte prakartavyaṃ vistāramadhamaṃ smṛtam/
prāsādoktakrameṇaiva mahāphīṭhodayaṃ tu vā

mahāpīṭhodayaṃ sapta catvāriṃśadvibhājite/
parvatāṃśaṃ jagatyuccaṃ saptaṃśaṃ kumudoccayam

śivāṃśaṃ kampamānaṃ syādindrabhāgaṃ gaḻodayam/
kampatuṅgaṃ śīvāṃśaṃ syāttatsamaṃ tvambujodayam

kapotoccaṃ tu vedāṃśaṃ dvibhāgaṃ prastarodaram/
sārdhāṃśaṃ kampatuṅgaṃ syātsārdhaṣaṭkamalodayam

vedāśaṃ karṇikotsedhaṃ dviguṇaṃ tasya vistaram/
athavā pīṭhatuṅgaṃ tu pañcabhāgavibhājite

e kāṃśaṃ vedikotsedhamekāṃśaṃ kumudodayam/
śivāṃśaṃ karṇatuṅgassyādardhāṃśaṃ paṭṭikodayam

e kāṃśaṃ kamalotsedhamardhāṃśaṃ karṇikodayam/
dviguṇaṃ tasya vistāraṃ sapādādhikameva vā

mahānasa pratiṣṭhāyāṃ vāstuhomādike kṛte/
kumbhamekaṃ pratiṣṭhāpya dhānyarāśiṣu pūrvavate

samidhājya caruṃ prāgvajjuhuyānmūlavidyayā/
tatrasthadevatānāṃ tu tattvanyāsaṃ samācaret

brāhmaṇān bhojayecchaktyā dadyāccaiva tu dakṣiṇām/
peṣaṇādyaṅgajātāni kṣāḻayitvā'dhivāsayet

tataḥ prabhātasamaye muhūrte śobhane guruḥ/
agnimīḍeti mantreṇa cullīṣvagniṃ nidhāpayet

paceyaḥ pācanādīni havīṃṣi paricārakāḥ/
kuṇḍe ca nityahomārdhaṃ sthāpayedagnimagni mān

prāguktenaiva mantreṇa purastānmantra pūrvakam/
nyasetkumbhajalenaiva kramāccaṇ‍ḍādi devatāḥ

dvāre caṇḍhaṃ pracaṇḍhaṃ ca kṣetrapālaṃ khageśvaram/
dvārasya dakṣiṇe pārśve gaṇānāmapi nāyakaṃ

jṛmbhalaṃ māṇibhadraṃ ca śibiṃ kuṇḍala meva ca/
dvārasya cottare pārśve pārśveṣvanyeṣu cakramāt

prāsādadvāravaddvare lakṣmyādi parikalpanam/
culyāśca vāmetarayordharmādharyau ca pṛṣṭhataḥ

vidhātāraṃ tathā dīrghaculyā ubhaya pārśvayoḥ/
dharmādharmadvayaṃ nyasyetphātrāṇi samalānyapi

śrīsūkaināmbhasā prokṣya maṅguḻānyapi kārayet/
gurave dakṣiṇāṃ dadyādyajamāno yathābalam

yaḥ kalpayoddra savatīṃ bhaktīmānviṣṇumandire/
sa bhuktvā vipurān bhogān pretya svargamavāpnuyāt

dhānyāgāraṃ dhanāgāraṃ sārasvatagṛhaṃ tathā/
tathā majjanaśālā ca puṣpapānīyamandiram

tambhūlakalpanagṛhaṃ vādyasthānaṃ caturmakha/
sthanaṃ ca yacca dhāmāṅgaṃ kalpitaṃ śilpavittamaiḥ

ācāryo vāstuhomādi śāstroktavidhipūrvakam/
kriyā kalāpa makhilaṃ kuryātpūrvoktayā diśā

ācārya dakṣiṇācaiva deyā vittānusārataḥ/
vāpīkūpataṭākānāṃ pratiṣṭhāne cikīrṣite

teṣāṃ paścimadigbhāge vediṃ kuryā cca pūrvavat/
jalādhidaivataṃ hṛdyamalpakāyavinirmitam

lohajaiḥ kalaśaintatra snāpayeddeśikottamaḥ/
mantrairvaruṇadaivatyaiśśayane śāyayettataḥ

tamarcayenmahākumbhe caturṣvekatra vā punaḥ/
kuṇḍeṣu juhuyānmantraistaddaivatyerghṛtādibhiḥ

vāruṇāni ca sūktāni dikṣu pāṭhyāni bhūsuraiḥ/
prabhāte śobhane lagne śobhite pūrva vajjalaiḥ

puṇyāhaṃ vācayitvā'nai dhyāyedamṛtavāribhiḥ/
pūritaṃ tattaṭākādīn kururekāgramānasaḥ

mahākumbhajalaṃ tatra vāruṇaṃ ca vinikṣipet/
mīnādi jalayonīṃśca lohajaṃ tatra nikṣipet

gaṅgādisaritastatra mantrairāvāhayejjale/
bhukteṣu brāhmaṇeṣvarthai starpiteṣu yathāvasu

dakṣiṇā gurave deyā daśaniṣkāvarā tataḥ/
karoti yastaṭākādi pratiṣṭhānaṃ jalāśaye//
sa nitya tṛtpassuciraṃ loke vasati vāruṇe