Padma Samhita · Chapter 3.29

mīnādidaśamūrtīnāmadhunā sthāpanaṃ prati/
viśeṣaḥ kathyate brahman upasthānādilakṣaṇaḥ

sāmnā ca vāruṇenaiva sūktena puruṣātmanā/
sthāpayenmīnavapuṣaṃ vāsudevamanāmayam

āvahya tasmin deveśamupatiṣṭheta mantravit/
mīnātmane namastubhyaṃ vedarakṣāvidhāyine

pralayāryava durvāra vāripūravihāriṇe/
vāruṇenteva suktena tathāṣṭhākṣaravidyayā

sthāpayitvā mahākumbhaṃ tasminna vāhayeddharim/
upatiṣṭheta karmānte gādhayā vakṣyamāṇayā

tubhyaṃ namaskriyāṃ kurmaḥ kūrmarūpāya vedhase/
dhāraṇā nmandarasyā drervibudhānandadāyine

vāpayitvā ca vāhārīṃ mūrtimāvahayeddharim/
kroḍātmane namastubhyaṃ yajñarūpāya vedhase

daṃṣṭrāgra vidhṛtā śeṣa dhāriṇī dharaṇīdhara/
nṛsiṃharūpiṇaṃ devaṃ sthāpayeddeśikottamaḥ

yuñjītetyanuvā kena samāvāhya janāndanam/
gadhāmudīraye denāṃ karmānte deśikottamaḥ

niśātanakhadambholi dalitāsuravakṣase/
darśitāśritavātsalya nṛsiṃhavapuṣe namaḥ

yuñjantītyanuvā kena sthāpayitvā ca vāmanam/
tasminnā vāhya deveśamupatiṣṭheta deśikaḥ

balidviṣe namastubhyaṃ yajñarūpāya vedhase/
vāmanāya mahāmāyā vañcitāśeṣa mānava

jāmadagnyaṃ nṛnūktena sthāpayitvājanārdanam/
gādhayācopatiṣṭheta prāṃjaliḥ praṇataḥ sthitaḥ

trissaptakṛtvaḥ kṣatrāṇāṃ nihantre tigmatejase/
namastubhyaṃ bhavavate paraśvathavidhāriṇe

rāmaṃ ca saha vaidehyā sahitaṃ lakṣmaṇādibhiḥ/
sthāpayetkālabhedena yadvā sthāpanamācaret

rāṃ puruṣasūktena sthāpayitvā yathāvidhi/
gadhayā copatiṣṭheta rāmaṃ raghukulodbhanam

namastubhyaṃ bhagavate rāghuvāya mahātmane/
rāvaṇādi jagadvairi nibarhaṇa mahojase

rāmamūrtaṃ pratiṣṭhāpya parivārātmanā tataḥ/
vāyvādi devatanayān hanūmatpramukhān punaḥ

tattaddevaṃ samabhyarcya sthāpayettadvadeva tān/
vibhīṣaṇaṃ guhaṃ caiva pṛthageva hi devatāḥ

sthāpayedviśvamantreṇa rāmaprītika rāpubhau/
bharataṃ kalpayetprācyāṃ dakṣiṇe jānakīṃ punaḥ

pratīcyāṃ jāmbavantaṃ ca uttare lakṣmaṇaṃ tathā/
sugrīvaṃ cāgnikoṇe naiṛtyāṃ tu vibhīṣaṇam

vāyavye tu nalaṃ nyasyedaiśānye śatrumardanam/
vasiṣṭhādyṛṣimukhyānāṃ dvitīyāvaraṇe sthitiḥ

tṛtīyāvaraṇe paścāllokapālān prakalpayet/
sthāne khagādi rājasya hanūmantaṃ prakalpayet

viṣvaksenapade nīlaṃ guhaṃ vā tatra kalpayet/
rāghavasyārcanāyāṃ tu viśeṣo'yaṃ prakīrtataḥ

khageśaṃ mārutiṃ vā'pi likhitvā dhvajamuddharet/
utsave tu viśeṣo'yamīritaḥ kamalāsana

rāmasya rauhiṇeyasya pratiṣṭhā ca yathāpuram/
upasthāne viśeṣo'sti śrūyatāṃ sa ca kathyate

baline balabhadrāya halasphurita bāhave/
tubhyaṃ māleva mahatī bhūmiryena siroddhṛtā

vasudevasutasyāpi sthāpanaṃ vāsudevavat/
vṛṣṇivaryāya kṛṣṇāya namastubhyaṃ madhudviṣe

bhūbhārabhūtakaṃ sādi mahāsuranighātine/
satyabhāmādi devīnāṃ sthāpanodvāhanādikam

śrībhūmyoriva kartavyaṃ viśeṣo'sti na kaścana/
kalkiviṣṇu pratiṣṭhāpi yathāpuramudīritā

upatiṣṭheta karmānte gādhayā stutirūpayā/
mlecchānāmapi saṃhartre sādhūnāṃ sthitihetave

namastubhyaṃ bhagavate bhūsurānvaya janmane/
neṣyate ṣoḍaśanyāso mīnādi daśamūrtiṣu

śilāmayādi mūrtīnāṃ varṇaiścitravidhiryadi/
jalādhivāsanādyuktaṃ kṛtvā sarvamaśeṣataḥ

nirmite citra karaṇe kuryādāvāhanādikam/
dhruvabimbasthiteḥ paścātkarmādyarcāsthitiryadi

siddhāntabhedabimbhānāṃ pṛthakchayanamiṣyate/
abhede vedikāśayyā sahaiva syāccaturmukha

neṣyate ṣoḍaśanyāso lohaje jaṅgame punaḥ/
āvāhanaṃ mūlaberā tkarmādyarcāsu kalpayet

(19. karmārcāṃ sthāpayedbrahman yāmye tu mama kautukam/
tīrthasnānādi bimbaṃ nā uttare sthāpayedguruḥ

śayanotthānabimbaṃ ca balibimbaṃ ca dakṣiṇe/
laukikaṃ lohajaṃ bimbaṃ sthāpayediṣṭabhūmiṣu

yadvo dvahanabimbāni sthāpayeddvārapārśayoḥ/
maṇṭape vā'bhiṣekārthe dakṣiṇābhimukhāni ca

jalādhivāsane sākṣādayogyānāṃ caturmukha/
citrābhāsārdha citrādi pratimānāṃ yathāyatham

chāyādhivāsanaṃ kuryāt snānaṃ cādarśamaṇḍale/
vedyāṃ śayana manyeṣāṃ kūrcadvāreṇa kalpayet

avaśiṣṭaṃ yathāpūrvaṃ sakalaṃ parikalpayet/
neṣyate ṣoḍaśanyāsaścaturthasnapanaṃ tathā

māyāmaya mahāvṛkṣanyagrodha dalaśāyinaḥ/
devasya sthāpanavidhau viśeṣaḥ kathyate'dhunā

garbhodavasitadvāri likhitvopari vāridhim/
tatra nyagrodhavṛkṣasya dale komalarūpiṇam

śayānaṃ bālavapuṣaṃ śyāmalaṃ kamalekṣaṇam/
mārkaṇḍeyaṃ mahīṃ devīṃ kārayetpādapārśayoḥ

evaṃ vilikhite bāle bālaparyaṅmaśāyini/
citrābhāsoktavidhinā sthāpayedgururātmavān

devena devyau yugapa tpratiṣṭāyāṃ yathāpuram/
sahaiva śayanaṃ vedyāṃ kālabhede tu tatpṛthak

kuṇ‍ḍaṃ sarasijākāraṃ prācyāṃ cāpaṃ tu dakṣiṇe/
vṛttāṃ tu paścime bhāge yo'nyākāra mudaktathā

kuṇ‍ḍe viśeṣaḥ kathitassnapanaṃ ca tayoḥ punaḥ/
śrīsūktena śriyaṃ devīṃ bhūsūktena bhuvaṃ tathā

snāpayedarcanaṃ cāpi tayostābhyāṃ ca śāyayet/
prāgādi toraṇe pūjyā balāki nyadhidevatā

navamālālinyatho tatra samārādhya vibhīṣikām/
śāṅkarī devatā paścāddvārakumbheṣvanukramāt

devatādvandvayajanaṃ pratiṣṭhādīn samarcayet/
prathamaṃ tadanu śraddhāṃ kāntiṃ ca tadanantaram

kriyāṃ sṛṣṭiṃ ca paścāttu kṣamāṃ vṛddhiṃ ca devatām/
prācyādiṣu patākāsu devātādvandvamarcayet

dhṛtiṃ ca lajjāṃ ca puro jayāṃ māyādvayaṃ tataḥ/
sāvitrīṃ ca kṣamāṃ ca dve śuddhāṃ śriddhāmanantaram

lakṣmīssarasvatī caiva puṣṭistuṣṭiśca śaktayaḥ/
prāgādi haumakuṇḍeṣu hotavyāḥ proktavartmanā

vāgīśvarī kriyā kīrtarlakṣmīḥ sṛṣṭistathaiva ca/
prahvī satyā tathā brāhmī yaṣṭavyāḥ kalaśeṣvimāḥ

mahākumbhe śriyāṃ devīṃ yajeta kamalāsana/
ṣoḍaśanyāsarahitaṃ śeṣaṃ prāgvatsamācaret

asvātatantye vidhirhyeṣa sātantye tvabhidhīyate/
grāme vā vagare vāpi paṭṭaṇe vā''laye'pi vā

śriyaḥ sthānaṃ vidhātavyaṃ grāmādyabhimukhaṃ yathā/
puṣṭhiṃ puṣṭhiṃ ca sāvitrīṃ vāgdevīṃ ca caturmukha

vimānasya caturdiṣu diṅgūrtīḥ parikalpayet/
koṇeṣu vainateyaṃ vā siṃhaṃ vā'pi yathāruci

divye bhāge'tha vā brahme 'praticchāyāṃ śilādibhiḥ/
sthāpayetparivārāṃśca dvārapārve yathākramam

caṇḍīṃ caiva pracaṇḍīṃ ca prathamadvārapārśvayāḥ/
tato'rdhamaṇ‍ḍapadvāre dakṣiṇe ca balākinīm

vanamālāmudīcīne gopure prathame punaḥ/
vibhīṣikāṃ śāṅkarīṃ ca dakṣiṇottarapārśvayoḥ

dvitīye gopuradvāre śaṅkhapadmanidhī ubhe/
śṛtīye gopuradvāre nalakūbalajṛmbhalau

caturthe gopuradvāre dakṣiṇe śibikuṇ‍ḍalau/
uttare māṇibhadraṃ ca kalpayetkamalāsana

jayā ca vijayā caiva paścimadvārapālike/
sumukhīṃ sthāpayedviṣvaksenasthāne caturbhujām

vetrahastāṃ dakṣiṇena tarjanīṃ cā'pi kurvatīm/
aparābhyāṃ dhārayantīṃ padmaṃ pītanibhaṃ tathā

sthāpayedvainateyaṃ ca prāsādamukhamaṇḍape/
ādimūrteriva bhavetpharivā prakalpanam

anyāsāmapi devīnāṃ svātantrye vidhirīdṛśaḥ/
caturdhasnapanaṃ kuryādutsavaṃ cā'pi devavat

devīnāṃ ca śriyādīnāmitthaṃ yaḥ sthāpako naraḥ/
sarvān kāmānavāpnoti paratre ha ca modate