Padma Samhita · Chapter 3.28

tataḥ prabhāte vimale dṛṣṭe ca ravimaṇḍhale/
puṇye mumūrte puṇyarkṣe puṇyavāre tathā tidhau

kalyāṇadarśane rātrāvārabhetāvicārayan/
pratiṣṭhāṃ deva devasya dussvapne śāntimācaret

eka bere vāstuhomaṃ kuryāddvārasya dakṣiṇe/
pārśve ca sthaṇḍilaṃ kṛtvā praviśedgarbhamandiram

tanmadhye caturaśrāṃ vā vṛttāṃ vā tacchilāṃ kṣipet/
hastamātrāyatāṃ śuddhāṃ tāvadvastārasaṃyutām

caturāvaraṇāṃ nimnāṃ gāyatryā viṣṇupūrvayā/
tayaiva vāstuhomāgnau carusarpissamicchataiḥ

juhuyādratna vinyāsasidhyarthaṃ deśikottamaḥ/
pradhamāvarṇe bījanaṣṭau garteṣu nikṣipet

yavāśca vrīhayaścaiva niṣpāvāśca priyaṅgavaḥ/
tilāśca māṣāśca tathā nīvārāśśālayattathā

vajrādīni ca ratnāni dvitīyavarṇe tathā/
vajraṃ ca mauktikaṃ caiva vaiḍūryaṃ jalajaṃ tathā

sphaṭikaṃ puṣyakaṃ caiva candrakāntaṃ tathā param/
indranīlaṃ ca pūrvādi ṣvāśāsu viniveṣayet

dhātūn tutīyāvaṇe tathaiva viniveśayet/
manaśśilāṃ harītālamañjanaṃ tadanantaram

śyāmaṃ ca sīsakaṃ caiva sau rāṣṭraṃ ro canaṃ tathā/
gairikaṃ cāṣṭakaṃ lohān caturthāvarṇe punaḥ

garteṣu nikṣipetsvarṇaṃ rūpyaṃ tāmraṃ tathaiva ca/
ayaśca trapukaṃ caiva mūrmaṃ kanakanirmitaṃ

śaṅkhaṃ cakraṃ ca sauvarṇaṃ lohanyāso'yamīritaḥ/
śālibhījaṃ pāradaṃ ca brahmarāgaṃ ca kāñcanam

madhye nyasye dgartabhāge tatastriśilayā dṛḍham/
śrīsūkaina pithātavyaṃ sudhayā dārḍhyamācaret

puṇyāhaṃ vācayetpaścādvaiṣṇavairmantravittamaiḥ/
strīśilā padmamadhyetu praṇavasyasanaṃ bhavet

karṇikāyāṃ svarannyāsaṃ vyaṃjananyasanaṃ dale/
daleṣu śaktayaścāṣṭau navamī karṇikā bhuvi

vimalotkarṣiṇī jñānā kriyā yogeti śaktayaḥ/
prahvī satyā tatheśānā'nugrahā navamīsmṛtā

piṇḍikāṃ pūjayetpaśchādgandhapuṣpādibhiḥ kramāt/
ahataiścaiva vāsobhirlakṣmīrūpāṃ ca piṇḍikām

pracchādya dvāri cāstrasya nyāsaṃ kṛtvā bahirguruḥ/
nirgatyaśayyā vedyarthaṃ pūjayedratnavāriṇā

dhvajatoraṇakumbhasthā devatā visṛjettataḥ/
āropya cāgniṃ hṛdaye mahākumbhaṃ samuddharet

mūrtikumbhāṃstathā cāṣṭau maṅgalānyastrakarkarīm/
gṛhītvā mūrtipāssarve gaccheyurmandiraṃ prati

ganantīnirgala dvāri dhārayā saṃtatotthayā/
agratassecayenmārgaṃ brāhmaṇānāmanujñayā

devamutthāpya hastyādau prādakṣiṇyena mandiram/
ācāryapramukhāssarve viśeyurmūrtipā stathā

chatradhvajapatā kādyairmaṅgalai rakhilaissaha/
tūryavāditranirghoṣairbrahmaghoṣaiścaca ghoṣitaiḥ

brāhmaṇaiścāpyanūcānairadhīyānaiśca mūrtapaiḥ/
sārdhaṃ gurusspṛśanyāsaṃ praviśenmūlamandriram

arghyapādyādibhirdevamarca yeddvāri deśikaḥ/
antaḥ praveśayeddevaṃ pīṭhikāṃ ca pradakṣiṇam

gatvā mūhurte saṃprāpte sthāpaye dviṣṇu mavyayam/
pratiṣṭhāsīti vaisāmnā deśiko brahmaṇtessaha

ātvāhārṣamiṣyetattūktaṃ ca sahamūrtipāḥ/
dhruvā dyauriti mantreṇa paṭheyurgurvanujñayā

ācāryaḥ purataḥ sthitvā sarveṇa sthāpayeddharim/
pīṭhamadhyagate garte bimbaśaṅguṃ niveśayate

ūrdhvalambitasūtreṇa paśvecca samatāṃ sthiteḥ/
pīṭhikā nālarandraṃ ca aṣṭabandena pūrayet

lākṣā sajjarasaṃ caiva guggulaṃ ca guḻaṃ tathā/
sarveṣāmardhatastailaṃ pācayenmṛduvahninā

(17.ślakṣṇapāṣāṇa cūrṇaṃ ca kuruvindaṃ ca mākṣikam/ tailena pācitam ityādi
lākṣāsajjarasaṃ sikthiṃ kuruvindaṃ ca guggulum/
gairikaṃ guḍatailaṃ ca aṣṭabaṃdhana miṣyate// iti ca pāṭhaḥ/.)
ghanacūrṇaṃ madhūcchiṣṭaṃ kuruvindaṃ ca gairikam/
ekaikaṃ ca samāṃ śena grahyaṃ sajjarasaṃ tathā

tailena pācitaṃ sārdhamaṣṭabandhana miṣyate/
sthāpayitvādṛḍhaṃ tena puṇyāhamapi vācayet

āvahayettato devaṃ tamasaḥ paramavyayam/
ānandaṃ sarvagaṃ nityaṃ vyomātītaṃ parātparam

parīci cakramadhyasthaṃ vāsu devamajaṃ vibhum/
mūlamandreṇa viśveśamāvāhya gururātmavān

brahmaranddheṇa bimbāntaḥ praviṣṭaṃ paricintayet/
kumbhasthaṃ paramātmānaṃ pratimāyāṃ niveśayet

mantrannyāsaṃ tataḥ kuryānmūlamantreṇa deśikaḥ/
yā ceta devaṃ sānnidhyaṃ parivārān prakalpayet

samārādhya tato devaṃ pāyasānnaṃ nivedayet/
pracchādya nūtanairvastraiḥ pratimāṃ kambaḻena vā

triyahaṃ bandhayeddvāraṃ kavāṭena susaṃvṛtam/
devarṣipitarassiddhā stadhānye devayonayaḥ

arcanti devaṃ triyahaṃ trirātrānte tu mānavāḥ/
brāhmaṇāṃ stoyedvittairbhojanaiśca gavādibhiḥ

caturthe'hani saṃprāpte snapanaṃ prātariṣyate/
taddine dhvajamutthāpya prarabheta mahotsavam

ekabere vidhiriyaṃ kathitaḥ kamālasana/
bahuberavidhānaṃ cetkarmādyarcāṃ samuddharet

mahākumbhaṃ ca tattāle maṅgalānyaṣṭa deśikaḥ/
ṛtvigbhissaha vidvadbhirbhaktairbhāgavatairapi

uddhṛtya cāstrakarakamagre gacchedgurussvayam/
anudhārāpadenaiva devāgāraṃ praveśayet

pratimā'cāryayoḥ kaścinnagacchedantarā pathi/
dvāradeśe tu saṃprāpai dadyātpādyaṃ ca kautuke

karmārcāmarcanāpīṭhe nṛsūktena niveśayet/
utsavādyarthabimbhāni pārśvayorviniveśayet

karmārcāṃ sthāpayedbrāhme vāme tu mukhakautukam/
tīrdhaṃ snapanabimbaṃ vā uttare sthāpayedguruḥ

śayanotthānabimbaṃ ca balibimbaṃ ca dakṣiṇe/
lauhikīṃ lohajaṃ bimbaṃ sthāpayediṣṭabhumiṣu

dhārāvaśiṣṭaṃ yattoyaṃ taccharāve vinikṣipet/
śalākāmātrayā caiva dhārayā' chchidrayā punaḥ

paritaḥ paripekaṃ ca vidadhyānmūlavidyayā/
dhānyarāśiṣu kumbhaṃ śca vinyasyāvāhayeddharim

āvahanaṃ mūlaberātkarmādyarcāsu kalpayet/
muhūrte śobhane prāpai deśikaḥ kamalāsana

purato mūlabherasya baddhapadmāsana sthitaḥ/
prāṇānāyamya śuddhātmā dhyāyedbrahma sanātanam

vāsudevamajaṃ śāntamujvalaṃ santatoditam/
anādimadhyanidhana mekaṃ calaṃ sthiram

cidghanaṃ paramānandaṃ tamasaḥ paramavyayam/
jñānaśaktibalaiśvarya vīryatejassamanvitam

apādapāṇimaspṛśyama cakṣu śśravaṇādikam/
narvatra karavākpādaṃ sarvatokṣiśiromukham

gatāgatavinirmuktaṃ ravikoṭisamaprabham/
caitanyaṃ sarvagaṃ nityaṃ vyomātītaṃ tadadbhutam

tatsāmānyaṃ jagatyasmimmāla mantrātmakaṃ param/
evaṃ vidhaṃ sadāviṣṇumāhlādaṃ praṇavātmakam

taṃ niyujya mahāviṣṇuṃ mataṃ viṣṇau niveśayet/
viṣṇuṃ ca hṛdaye padme samāvāhyārcayetkramāt

samāvāhya śriyā paścānmantreṇa puruṣātmanā/
añjalisthe tataḥ pīṭhe dhyāyedvāśvātmanā guruḥ

tejonidānamadhyeyaṃ nārāyaṇamajaṃ vibhum/
nivṛttamantra mucchārya pratimāyāṃ niveśayet

brahmarandhreṇa mārgeṇa praviṣṭaṃ pratimākṛtau/
vyāpya sthātaṃ sma retsarvaṃ mantreṇa kamalāsana

mahākumbhagatāṃ śakti devena sahayojayet/
mūrtikuṃbhagatāṃścāpi tathā bāle ca kautuke

yā śaktistāṃ ca devena yojaye tphratimātmanā/
brahmarandhraṃ ca tā reṇa pidadhyā tphatimātmanaḥ

ātmano'bhimukhaṃ kuryātpuṇḍarī kākṣavidyayā/
praṇamya kiñcidutthāya darśayetsvāgataṃ guruḥ

mantrannyāsaṃ tataḥ kuryānmūlamantreṇa deśikaḥ
sthatinyāsaḥ sthitau kārya ssṛṣṭinyāsastathāsane

śayyāyāṃ saṃhṛtinyāsassaṃhāraśayanaṃ yadi/
sṛṣṭinnyāso bhavetsṛṣṭiśayane kamalāsana

bhoge yoge ca śayane sthitinyāsaḥ praśasyate/
viśvarūpe sthitinyāsaḥ yānārūḍhe trayaṃ bhavet

sthitinyāso'dhavā kāryassarvatraivāsanādiṣu/
śriyādīnāṃ ca devīnāṃ brahmādīnāṃ tathaiva ca

mahākumbhajalenaiva prokṣayetsvasvavidyayā/
sṛṣṭiśca sarganyasanaṃ nyāso rudrasya saṃhṛtiḥ

śriyādīnāṃ tathā nyeṣāṃ ṣaḍaṅganyāsamāca ret/
mahākumbhaṃ samuddhṛtya deśiko mūrtipaissaha

prokṣaṇaṃ tajjalaiḥ kuryāccaṇḍāderapi tat kṣaṇe/
balīṭhe kṣipaittoyamavaśiṣṭaṃ gurussvayam

mahānasāgniguṇ‍ḍe ca tathādhiśrapaṇeṣu ca/
tathā ca gārjapatyāgniṃ sthāpayecchāstravartmanā

devapārśvaṃ samāsādya daṇḍavatpraṇamet kṣitau/
gādhāyudīraye denāṃ raci tāñjali saṃpuṭaḥ

yajamānena sahitaḥ prahvastiṣṭhan gurussvayam/
bhaktavatsala bhaktānāmabhipretārthasādhaka

prārthaye tvāmahaṃ deva madanugraha kāmyayā/
sannidhassva ciraṃ sthāne kalpite śraddhayā mayā

prasīda deva deveśa pūjāmapi gṛhāṇa me/
grāmasya rājño rāṣṭrasya prajānāmindirā vara

dehi puṣṭiṃ ca tuṣṭiṃ ca gatiṃ ca paramāṃ tathā/
iti nijñāpya devāya deśikastantrapāragaḥ

madhuparkopacārānce gurvanujñāpurassaram/
dadyādgobhūsurarṇādi yathāvittānu sārataḥ

devasya dakṣiṇe haste to yapūrvaṃ yathāvidhi/
bhaktinamreṇa śirasā pūjopakaraṇāni ca

ātmānaṃ putrapautrādi dārān hastyādi vāhanam/
dāsīdāsaṃ ca sarvasvaṃ dadyāddevasya pādayoḥ

jīvājīvadhanairdevo dattairārādhyate yathā/
yajamānena sarvasvairbagavān puruṣottamaḥ

tathā bhāgavataṃ sarvairdhanairārādhayetsadā/
sthāpako devadevasya yaḥ pūrvo deśikottamaḥ

tenaivārādhanaṃ kāryaṃ tadvaṃśairapi nirguṇaiḥ/
pūjāprītikarī saiva devasya kamalāsana

vittānusārato vidyānkalpayoddhāma saṃpadam/
athavā vibhavenaiva yajamānaḥ prakalpayet

ādau vibhūtivistāro yādṛśaḥ pariklapitaḥ/
saṅkocamantareṇaiva kuryāttādṛśasampadam

deva bhūtyanusā reṇa rakṣeddevopajīvinaḥ/
na kleśayedbhāgavartān tathaiva paricārakān

pratiṣṭhānte ca devasya tūryairnānāvidhairapi/
ghoṣayetsarvato dikṣu brahmaghoṣaiśca ghoṣayet

nṛttairgeyaiśca vivirdhaistautrairnānāvidhairapi/
toṣayeddeva deveśamupacāraiḥ vṛthagvidhaiḥ

caturvidhaṃ tathā vānnaṃ nivedya vidhipūrvakam/
nityāgniṃ ca pratiṣṭhāpya kuṇḍe ca caturaśrake

hutyāgnau samidhājyānnairmūlena praṇavādinā/
pūrṇāhutiṃ tato hutvā tattadavaraṇeṣu ca

balipīṭhāni saṃskṛtya pratiṣṭhāpya yathākramam/
teṣu nityaṃ baliṃ dadyādbhūtānāṃ ca yathākramam

bahuberavidhāne tu kavāṭaṃ na ca bandhayet/
devarṣipitarassiddhāntuvānā devayonayaḥ

arcanti devaṃ triyahaṃ trirātrānte tu mānavāḥ/
brāhmāṇāṃ stoṣayedvittairbhojanaiśca gavādibhiḥ

caturthe divase prāpte snapanaṃ parikalpayet/
uttamatritayevāpi madhyamatritayena vā

kalaśaissnāpayeddevaṃ catusthānārcanaṃ bhavet/
utsavaṃ kārayedante dhvajārohaṇapūrvakam

ācāryaṃ pūjayettasnin pratiṣṭhādivase prabhuḥ/
suvarṇakusumairvastrernūtanairaṅgalīyakaiḥ

keyūrahāravalayairupavīto ttarīyakaiḥ/
kṣetrārāmagṛhairvittairjīvājīva dhanaistathā

dāsīdāsena catathā hastyaśvaśibhikādibhiḥ/
evaṃ prakārairanyaiśca toṣayedgurumātmavān

ātmānaṃ pratra pautrāṃśca deve tadvanni vedayet/
mātṛtvena pitṛtvena bandhutvena gurūttamam

kakhātmatvena sambhāvya praṇamya ca punaḥ punaḥ/
sahasraṃ dhenavo deyāḥ dakṣiṇā guruve tadā

sahasraniṣkamathavā dakṣiṇā cottamottamā/
tadardhā madhyamā jñeyā tadardhā cādhamā matā

athavā dakṣiṇā deyā śataṃ hemnāmanuttamam/
daśaniṣkamaśaktarstu tadardhaṃ pādameva vā

yathāvittānusāreṇa dakṣiṇā parikīrtitā/
karmaṇāṃ karṣaṇādīnā maṅgatvena yadahṛtam

tadiṣṭaśiṣṭaṃ sakalaṃ guro reva dhanaṃ bhavet/
ṛtvijāmapi sarveṣāṃ tathāmnāyeṣvadhītinām

brāhmaṇānāṃ ca viduṣāṃ bhaktānāṃ puruṣottame/
tathaikāyananiṣṭhānāṃ dviṣaṭkaniyatātmanām

vāsudevaikaniṣṭhānāṃ niṣanmārgavidāmapi/
yatīnāṃ brahmacārīṇāṃ vanasthāśramavāsinām

anyeṣāṃ viṣṇubhaktānāmasminnarthenuyāyinām/
viṣṇvarkṣaniratānāṃ ca sadasyānāṃ ca dakṣiṇā

deyā gobhūhiraṇyādi rūpā vittānusārataḥ/
kālājñānāṃ tathā nṛttagītavādyādi kurvatām

yathārhaṃ vittavāsobhiḥ kuryāttṛtpiṃ yathepsitam/
guruḥ pātraṃ samānīya hemādidravyanirmitam

prakṣāḻya viṣṇugāyatryā dhānyarāśau svamantrataḥ/
devasya purataḥ sthāpya pūrayedgandhavāriṇā

aṣṭhākṣa reṇābhimantrya ṣaḍarṇena dviraṣṭakam/
paप़ñcopaniṣadairmantrairāvāhyātmagataṃ vibhum

praṇavena samabhyarcya gandhapuṣpākṣatādibhiḥ/
tataḥ kartāramāhūya viśuddhaṃ devasanni dhau

taṃ devābhimukhaṃ sthāpya praṇataṃ vinayānvitam/
sādhitārghyajalāttasmātsārghyato yaṃprasūnakam

tasya haste prapūryātha imāṃ gādhāmūdīrayet/
tvayā vinā na mekiñcinmāṃ vinātavakastathā

tasmānmā mātmasātkartuṃ prasīda parameśvara/
bhūmau skhalitapādānāṃ bhūmi revāvalambanam

tvayyeva pratipannānāṃ tvameva śaraṇaṃ vibho/
iti vijñāpya deveśamācārya ssvasthamānasaḥ

dvādaśākṣaramuccārya bhagavatpādapaṅkaje/
nivedya karturātmānaṃ sārghya puṣpa purassaram

trikṛtvaḥ praṇa meddevaṃ nivedyātmānamavyaye/
sa tenānugṛhītassan saṃyāyādguruṇā bahiḥ

namaskṛtvā guruṃ devaṃ kṛtakṛtyena cetasā/
taṃ guruṃ yānamāropya turya ghoṣapurassaram

nītvā pradakṣiṇaṃ gramaṃ svagṛhe sanniveśayet/
ya itthaṃ sthāpanaṃ kuryāddheva devasya śārṅgiṇaḥ

sa yāti paramaṃ sthānamakṣayaṃ kamalāsana/
punāti vaṃśajāṃścaiva puruṣānekaviṃśatim

niṣkāmā ye tu sadane puruṣāḥ puruṣottamam/
sthāpayanni phalaṃ teṣāmapunarbha valakṣaṇam

sakāmānāṃ tu martyānāṃ punarāvṛttilakṣaṇam/
svargādi tattadbhoktavyamārambhe tattadiṣyate

brahmahatyādi pāpānāmanyeṣāṃ niṣkṛtirmatā/
upakurvanti ye martyāḥ vāṅmanaḥ kāyakarmabhiḥ

āvṛttilakṣaṇaṃ teṣāṃ phalaṃ svargādiriṣyate/
śriyādīnāṃ ca devīnāṃ devena saha kalpane

nodvāhakarma kartavyaṃ pṛthak cet sthāpanaṃ tayoḥ/
udvāhakarma śāstroktaṃ kuryādaṅgurapūrvakam

bhaktiśaktivaśāddevaṃ yathāvittānusārataḥ/
yathā ca sthāpanā bhaktaissāsmṛtā nugrahā iti