Padma Samhita · Chapter 3.27

pratimāmadhivāsyevamapsu pūrvokta vartmanā/
aparedyuḥ prabhātāyāṃ śarvaryāṃ maṇ‍ṭapādike

śedhite rathakāreṇa śobhite ca yathātatham/
toṣite rathakāre tu manaḥ prahmādanairdhanaiḥ

ācāryo mūrti pāścaiva kṛtakṛtyā jitendriyāḥ/
savāmbaradharāssarve dhṛtaphañcāṅga bhūṣaṇāḥ

gandhamālyadharā bhadrāssottarīya pariccadāḥ/
dhṛtordhvapūṇḍraracanāssoṣṇīṣā mṛṣṭakuṇ‍ḍalāḥ

ādiṣṭā yajamānena jīvājīvātmakairdhanaiḥ/
vāstuhomaṃ prakurvīran karma daivaṃ yathābhavet

vāstu rnāma caturvaktrabhārgava ssvedasambhavaḥ/
abhyadravatsurān haṃtumātmano baladarpitaḥ

sadevaistāḍitastūrṇa mapitadbhūvi vihvālaḥ/
vistastāṅgassa ca prāṇān dhārayatyeva vāstukaḥ

adhomukhaṃ prākchirasaṃ vinyasedvāstupūruṣam/
prasārya pāṇipādau dvau koṇabhūmiprakalpitau

tamarcayetprayatnena karma daivaṃ yathā bhavet/
anarcite vāstudeve kṛtaṃ karmāsuraṃ bhavet

maṇṭape dakṣiṇe pārśve vāstudevaṃ likhedbhuvi/
saptadarbha yutaṃ kūrcaṃ kṛtvā tatra vinikṣipet

tatrārca yedvāstunāthaṃ gandhapuṣpādibhiḥ kramāt/
vāstudevasya śirasi pūjayedaṃśumālinam

jhuṣadhvajaṃ bāhumūle kumāraṃ kūrpare tathā/
haste vināyakaṃ pādayugale cāśvidevate

madhye candraṃ tathā vārṣṇyoḥ durgāṃ mātṝṃścarpare/
bāhumūle tathā sthāṇuṃ hṛdaye māmavasthitam

brahmāṇaṃ nābhideśe ca dikpālān svāsu dikṣu ca/
kṣetreśamuttare pārśve vāstu devasya pūjayet

paścime vāstunāthasya deśe ca juhuyādguruḥ/
pañcopaniṣadā sarpissahasraṃ śatameva vā

śamyapāmārgakhadirasamidbhirjuhuyāttataḥ/
mūlamantreṇa tasmantravarṇasaṅkhyābhirātmavān

caruṃ puruṣasū ktena juhuyāt ṣodaśāhutīḥ/
caruṇā vāstudevānāṃ juhuyācca sakṛtsakṛt

baliṃ ca datvā devebhyo kṣetrādhipataye tathā/
karmārambhe pratiṣṭhāyāṃ maṇṭape sadane tathā

vāstuyāga kramaḥ proktassarvatra kamalāsana/
mārjanaṃ gomayālevaḥ prokṣaṇaṃ maṇṭape bhavet

sudhācūrṇairakṣataiśca maṇ‍ḍayitvā bhuvasthalam/
siddhārthān vikireddikṣu astramantrābhimantritān

nāstikān bhinnamaryādān devabrāhmaṇa nindakān/
pāparogayutān martyān ni nditān piśunāṃ stathā

pāṣaṇḍino hīnavṛttīn pratilomān samatsarān/
ludbhānmūrkhānaviduṣo bahirnirvāsaye ttadā

sthūṇāṃśca maṇṭape tasmin vāsobhirveṣṭayennavaiḥ/
vitānayecchubhervastraiḥ patākābhiśca bhūṣayet

muktādāmabhiranyaiśca phalaiḥ puṣpaiśca pallavaiḥ/
parito darbhamālābhirmaṇikāñcanabhūṣaṇaiḥ

śobhayenmaṇṭapaṃ sarvaṃ yathāvittānusārataḥ/
khātyā dvitālamavaṭaṃ toraṇāni caturdiśaṃ

sthāpayedvāradeśeṣu pūrvādiṣu yathākramam/
aśvatthatoraṇaṃ prācyāṃ audumbaramanantaram

naiyyadrodhaṃ ca pāścātyaṃ plākṣaṃ ca tadanantaram/
sartakairgāyakaiścaiva vaiṇikai rvaṃśakaistathā

vāditrakuśalaiścānyaistathā vādavicakṣaṇaiḥ/
śobhitaṃ sarvatodikṣubrahmaghoṣaiśca nāditam

dīpaistathā pālikābhissāṅku rābhiśca sarvataḥ/
candanāgarurpūra dhūpaiḥ parimalīkṛtam

kṛtvaivaṃ maṇṭapaṃ samyagaparāhṇe gurussvayam/
utthāpya bimbamudakātkumbhaṃ ca kalaśāna pi

udvāsya devatā stasmāttadbimbaṃ tīraviṣṭare/
prāṅmukhaṃ samavasthāpya vāribhaḥ kṣālaye ttadā

lohajaṃ cedviśudhyarthaṃ tintriṇī phalavāriṇā/
vastrābharaṇapuṣpādyairalaṃkṛtya manoharaiḥ// 27. 32 //
yānamāropya tadbimbaṃ yathā pūrvamaśeṣataḥ/
kṛtvā maṅgulaturyādi gamayedyāgamaṇṭapam

maṇṭapasyottarebhāge viṣṭare viniveśayet/
ācaryo mūrtipaissārdhaṃ praviśedgarbhamandriram

bahuberavidhānaṃ cedvidhireṣa vidhīyate/
prākcādhivāsitaṃ kūrcaṃ jalāttasmātsamuddharet

bimbāccavastrābharaṇamālyānyapanayedguruḥ/
nayanonmīlanaṃ kṛtvādhru vaberasya śāstrataḥ

darśayedaṣṭadhānyāni gāścakanyāssalakṣaṇāḥ/
unmīlanaṃ śriyādīnāmeva śāstroktavartmanā

kalaśaissaptadaśabhirghṛtādi dravyasaṃyutaiḥ/
chāyāsnapanamādarśe sakūrce kalpayedguruḥ

pṛthakchriyādhi devīnāṃ snapanaṃ navabhirghaṭaiḥ/
brahmeśau saptakalaśaiḥ ṛṣīṇāmapi pañcabhiḥ

tribhiśca devatānāṃ syādekena kalaśena vā/
nīrājanā ntairvastrādyairupacāraissamarcayet

dhruvaberasya hṛdaye tasya dīpamaṇi prabham/
vinyasya mantramācāryo dvādaśākṣarasaṃjñitam

biṃbamācchādayedvastraiḥ kambalairvā samantataḥ/
evaṃ kuryācchri yādīnāṃ tato nirgatya mandirāt

maṇṭapasthāṃ pratikṛtiṃ chādayetkambalādibhiḥ/
raimayaṃ rājataṃ vāpi pātramāḍhakapūritam

dhānyarāśau nidhāyāgre pūrayettadyathākramam/
madhunā sarpiṣā caiva pūrayecchādayettataḥ

vāsasā pariśuddhena prātrayoccha tayoḥ punaḥ/
arcayedbhāskaraṃ pūrve paścime śaśinaṃ tathā

mantreṇa madhuvāteti sarpirādyabhimantrayet/
aṣṭāṅgulā śalākāsyādrai mayī cātha rājatī

aṣṭadhānyāni paritaḥ pātreṣu viniveśayet/
gāḥ kanyakāśca rucirāḥ bhūṣaṇaiścāpi bhūṣitāḥ

ānīya sthāpayetpārśve brahmaghoṣaiśca ghoṣayet/
madhvaktamukhayā netraṃ raimayyā ca śalākayā

dakṣiṇaṃ prollikhedvāmaṃ sarpiṣāktaśalākayā/
rājatyā vilikhennetraṃ taccakṣuriti saṃpaṭhan

vyapohyācchādanapaṭaṃ darśayenmadhusarpiṣī/
aṣṭadhānyāni gāścaiva kanyakāḥ purata sthitāḥ

gurave gāḥ prayaccheta govindaḥ prīyatāmiti/
pātrayugmaṃ śalāke ca dadyāddhānyāṣṭakaṃ tathā

netronmīlanavelāyāṃ vādyaghoṣeṇa ghoṣayet/
gurave dakṣiṇāṃ dadvājjīvājīvadhanātmikām

kautukaṃ bandhayedbimbe snapanārthaṃ yathāvidhi/
mūlamantreṇa tadbimbaṃ samutthāpya nayettataḥ

ṛtvigbhiḥ śśākunaṃ sūktamadhīyānaiśca bhūsuraiḥ/
snānamaṇṭapabhūbhāge tatrodumbaraviṣṭare

kṣaumāstaraṇasaṃyukte sthāpayetpratya gānanam/
bhadrādi mantramācāryāssvayamuccārya mantravit

viṃśatyekonamṛdbhistu puṇyakṣetrādi janmabhiḥ/
udaṅmukhaḥ sthito mṛdbhirālipya pratimāṃ tataḥ

mūrdhānaṃ diva ityetāmṛcamuccārayecchubhaiḥ/
jalairimaṃ me varuṇa ityuccārya samūrtipaḥ

kṣālayetkautukaṃ sarvaṃ kalaśaisnāpayedguruḥ/
devasya purataḥ sthāpya sūtravastrādi veṣṭitān

sakūrcān pallavairyuktān kalaśān dhānyarāśiṣu/
pādyābhiṣecanaṃ kuryādidaṃ viṣṇuritīrayan

āpohiṣṭheti mantreti tathārghyeṇābhi ṣecanam/
imaṃme varuṇa ityeva tathā ''camanavāriṇā

pavitraṃ teti mantreṇa pañcagavyābhiṣecanam/
ghṛtasnāteti sāmnā ca ghṛtevai vābhiṣecayet

dadhikrāvṇeti mantreṇa dadhisnapanamācaret/
prayovratena sāmnā ca payasā snapanaṃ bhavet

madhuvā teti mantreṇa madhunā snapayedguruḥ.
yajñāyajñeti mantreṇa kaṣāyāmbhobhi ṣecanam

mānastoke tryicā toyairuṣṇaiścai vābhiṣecanam/
vaṣaṭ te viṣṇavityādimantreṇa maṇivāriṇā

phalanītyanuvākena snāpayettu phalāṃbhasā/
hiraṇyagarbhamantreṇa snāpayellohavāriṇā

śanno devīriti snānaṃ mantritairmārjanāmbhubhiḥ/
gandhadvāreti mantreṇa dandhāmbakalaśena tu

trātāramiti sāmnā ca bhavedakṣatavāriṇā/
yavāmbukala śena syādidaṃ viṣṇuriti tyṛcā

vṛsūktena ca śuddhābhiradbhirante'bhiṣecayet/
upacāraiśca vastrādipradānādyaissamarcayet

pūrve vā dakṣiṇebhāge śayyāṃ vedyāṃ prakalpayet/
prokṣayedvedikāṃ pūrvaṃ dvādaśākṣaravidyayā

prāgagrānudaga grānvā darbhān saṃptīryaṣuṣkalān/
śālīnāṃ pañcabhārāṇi taṇḍulānardhasaṃmitān

upariṣṭāt kṣipetteṣāṃ tilānupari nikṣipet/
tadardhān caturaśrānvā vṛttānvā tānvikīrya ca

carma vairyāghramupari tilānāmapi nikṣipet/
tūlikāṃ nikṣīpettasmin mṛdvāstaraṇabhūṣitām

kambalānupariṣṭācca kṣaumaṃ tadupari kṣipet/
citrāṇi vastrāṇi tathā śuklāni ca tathopari

kāṣṭhajaṃ sudṛḍhaṃ snigdhaṃ caturhastasamanvitam/
catuṣpādasamāyuktaṃ caturaśrāyataṃ tataḥ

khaṭvāsaṃjñitaparyaṅkaṃ tadūrdhpe sthāpayettataḥ/
dukūlaṃ mṛdutalpaṃ ca vinyasetsoparicchadam

upadhānāni citrāṇi śayanāṅgāni kalpayet/
kastūrikādigandhaiśca sugandhairadhivāsitām

sudandhapuṣpāstaraṇāṃ nānālahgāraśobhitām/
śayyāṃ kṛtvaivametasyāṃ devamānīya sāyayet

sūktāni pauruṣādīni praśastāni yathātatham/
adhīyānairvipra varyaissārdhamanyaiśca maṅgulaiḥ

tūryaśabdairyathāpūrvaṃ mūrtipāścagurussvayam/
uttiṣṭhe tyādimantreṇa samutthāpya ca kautukam

śayyāvedibhuvaṃ ninyurbahiḥ kuṇḍaṃ yathātatham/
prādakṣiṇyena śanakai ścayyāyāṃ śāyayedguruḥ

idaṃ viṣṇuriti procya viśvataścakṣurityapi/
prākchiro dakṣiṇāvaktraṃ yadvā syānmandirānanam

śiro vā dakṣiṇāśāyāmitthaṃ śayana kalpanam/
kambalenāthavā vastraiścādayetpratimāmapi

yuvāsuvāsā ityādi bruvanviṣvakcaturmukha/
aśvatthatoraṇaṃ prācyāṃ yajeta tadanantaram

ṛgrūpamindradaivatyaṃ suśobhanasamāhvayam/
yāmye tvaudumbaraṃ syāttu yājuṣaṃ yamadaivatam

nāmnā subhadraṃ vāruṇyāṃ nyagrodhaṃ somavāruṇam/
nudandhasaṃjñaṃkauberyāṃ plakṣaṃ nāmnā suhotrakam

somadaivatyamuddiṣṭaṃ yajedātharvaṇaṃ guruḥ/
dhvajadvayaṃ dvārapārśva sthitaṃ ratnasamāhvayam

dauvārikānmahābhāgān yajeta kamalāsana/
kumudaḥ kumudākṣaśca dvārapālau puraḥ smṛtau

dakṣiṇasyāṃ dhvajau pītau puṇḍharīkākṣavāmanau/
dvārsthau pratīcyāṃ nīlabhau dhvajau dauvārikau punaḥ

śaṅkukarṇassarvanetrastathodakpāṇḍārau dhvajau/
sumukhaṃ supratiṣṭhaṃ ca dvārsthau dhyāyoddhvajāṃśute

aṣṭau kumbhaṃśca pūrvādidvāreṣu viniveśayatet/
dvau dvau savastān sāśvatthapallavān sapidhānakān

dhanyarāśiṣu mantreṇa idaṃviṣṇuriti svayam/
nāmāni teṣāṃ kramaśaḥ kathyaṃ te tāni saṃśṛṇu

pūrṇaśca puṣkaraścaiva syātāmānandanandanau/
rasenassu ṣeṇaśca sambhavaḥ prabhavastathā

ratnāni cāṣṭau kramaśaḥ kumbheṣu viniveśayet/
padmarāgaṃ pravālaṃ ca vajraṃ vaiḍūryameva ca

puṣyarāgaṃ tathānīlamaṇiṃ maratakaṃ tathā/
muktāsphaṭikamuddiṣṭaṃ sarvaṃ mantreṇa nikṣipet

toraṇadhvaja kumbhādīn pūrvoktān vṛthagarcayet/
toraṇāni ca vāsobhiḥ navairācchādayetpṛthak

pūrvādau valaje viprān bahvṛcādhvaryu sāmagān/
atharvāṅgirasābhijñān aparānvedapāragān

tattadvedāradīyānān tattaddikṣu niveśayet/
ācāryo hṛdaye devamacyutaṃ susamāhitaḥ

dhyāyettūryādi ghoṣaiśaaca paritaḥ parighoṣayat/
mūrtikumbhāṃśca paritassapidhānān navastrakān

aṣṭau prāgādikāṣṭhāsu dhānyarāśiṣu pūritān/
adbhiśśuddhābhiraśvatthapatrayuktān saratnakān

teṣu śaṅkhaṃ ca cakraṃ ca gadāṃ padmaṃ dhvajaṃ tathā/
śrīvatsaṃ garuḍaṃ kūrmaṃ jāmbunadamayaṃ kṣipet

madhye madhye ca kumbhānāṃ śrivatsādyaṣṭamaṅgalam/
pālikāssāṅkurā vediṃ paritaḥ sthāpayettataḥ

viṣṇvādimūrtīraṣṭau ca kumbhe ṣvāvāhya pūjayet/
mahākumbhaṃ ca devasya nikṣipetpaścimottare

dhānyarāśau sāpidhānaṃ droṇaṃ gandhāmbupūritam/
hemaratnādikaṃ yugmavastreṇācchāditaṃ punaḥ/

sakūrcapipphaladalāṃ pārśve tasya gaḻantikām/
sasūtravastrasañchannāṃ kūrcayuktāṃ niveśayet

sāpidhānāṃ śivāmbhobhiḥ pūritāṃ nigamādinā/
pāyasānnena ca tathā brāhmaṇān bhagavanmayān

bhojayeddvādaśamitānadhikānvā yathāvasu/
tilān vāsāṃsi sūkṣmāṇi suvarṇaṃ gāśca dakṣiṇāḥ

tebhyo dadyādbhuktavadbhyo yajamānassamāhītaḥ/
ārabheyustato homaṃ ṛtvijo gurvanujñayā

aśvatthāccha śamīgarbhādaraṇī maharettataḥ/
mathitvāgni mupādāya sūryakāntāśmano pi vā

laukikaṃ vāgni mādāya dvādaśākṣaravidyayā/
prokṣya dhyātvā ca davyāgniṃ pratyakkuṇḍe samindhayet

paryagnikaraṇaṃ kuryātkuṇḍānāṃ darbhamuṣṭibhiḥ/
kuṇḍeṣvanyeṣu dahanaṃ pratyakkuṇḍātsamuddharet

agre saṃskṛtya dahanamanyakuṇḍe vihāyan ca/
agni madhyasthapadmasthaṃ taṃ taṃ devamanusma ret

vasudevaṃ catuṣkoṇe cāpe saṅkarṣaṇaṃ tathā/
vṛtau pradyumna nāmānamaniruddhaṃ trikoṇake

ito'dhikeṣu kuṇḍeṣu kalpiteṣu yathātatham/
mugmeṣvayugmeṣu tathā devatāḥ pūrvamīritāḥ

prāgādiṣu ca kuṇḍeṣu krameṇa samidhaḥ smṛtāḥ/
pālāśadūrvakhadirabilvaudumbarabhūruhām

āgneyādi vidhikṣu syuḥ pippalaplakṣasambhavāḥ/
nyagrodhaprabhavāścaiva kāśmaryaprabhavāntathā

pālāśasamidho'nyatra bhūyasāṃ palikpane/
uktābhāve tu sarvatra pālāśa samido matāḥ

catasro dhenavasthsāpyāḥ dakṣiṇadvāryudaṅmukhāḥ/
gaṅgā sarasvatī godā yamunā rūpadhāriṇī

dugdhaistadīyaiśśrapaṇaṃ carūṇāmahutīstathā/
śrapayetpayasā pūrvaṃ śālitaṇḍulamāḍhakam

kṛsarairdākṣiṇātyāgnau pāścātye guḍamiśritam/
udīcyāgnau haridrannaṃ dugdhānna mitarāgniṣu

samidbhirājyaiśca rubhirbijairhomaḥ kramāt smṛtaḥ/
pratyekaṃ śatamaṣṭau ca homassyātsamidhādibhiḥ

tilaśāliyavā veṇu homabījānyanukramāt/
tilairitarakuṇḍeṣu tairvā sarvatra padmajaḥ

hotāra ścasamāsīnāssottarīyāsvalaṃkṛtāḥ/
prāṅgukhā juhuyussarve gurvādiṣṭena vartmanā/ 27.122 //
teṣu juhvatsu ṛtvikṣu yajeta gururātmavān/
mahākumbhe paraṃ jyotiścetasya ghanamakṣaram

sarvagaṃ mūlamantreṇa samāvāhyācyutaṃ harim/
sakalīkṛtya cārghyādyairarcayennigamādinā

sudarśanaṃ ca karake sahasrādityasannibham/
sahasrāraṃ sahasreṇa jvālābhirabhiveṣṭitam

āvahya svena mantreṇa pūjayetkamalāsana/
svasti kāsanamābadhya śayānāṃ pratimāmanu

āsīta deśikassṛṣṭisaṃhārakramavittamaḥ/
ārcāṃ ca tāṃ bhūtamayāṃ maṃhārakramamāsthitaḥ

punassṛṣṭikrameṇaiva sṛjettaddhyānamāsthitaḥ/
prācinakuṇḍe juhuyāttattvāni kapilāghṛtaiḥ

pratyekamaṣṭottaraśataṃ tatveśvāhutayaḥ smṛtāḥ/
aṣṭottarā viṃśativān yadvāṣṭau śaktyapekṣayā

jīvādikaḥ tatvahoma ssvāhāntaissvasvanāmabhiḥ/
makāraṃ sphaṭikābhāsaṃ jīvaṃ vyāpakaṃmāditaḥ

āhutyante pratikṛtau vinyase tpraṇavaṃ tataḥ/
jīvo pādhiṃ bhakāraṃ tu sitaṃ nyasyedyadhāpuram

bakāraṃ sphaṭikābhāsaṃ buddhitatvamanantaram/
ahaṅkāraṃ pāṭalābhaṃ phakāraṃ hṛdi vinyaset

manassitā sitanibhaṃ pakāraṃ hṛdaye tathā/
nakāraṃ śabdatanmātraṃ śrotre śuklanibhaṃ tathā

dhakāraṃ lohitaṃ sparśa tanmātraṃ pratimātvaci/
dakāraṃ rūpatanmātraṃ dṛśorjyotirmayaṃ tathā

thakāraṃ rasatanmātraṃ pāṇḍarābhaṃ ca tāluni/
takāraṃ gandhatanmātraṃ nāsikāyāṃ tathāsitam

ṇakāraṃ pālanibhaṃ śrotrātmānaṃ ca karṇayoḥ/
ḍhakāraṃ hematulyābhaṃ tvagātmānaṃ tathā tvaci

ḍakāraṃ netrayoḥ kṛṣṇaṃ netrātmānamanantaram/
gauraṃ ṭhakāraṃ jihvāyāṃ jihvātmānaṃ caturmukha

ṭa kāramasitaṃ ghrūṇa rūpaṃ ghrāṇendri yaṃ tadhā/
sitaṃ ñakāraṃ vāgrūpaṃ nāgādhāre niveśayet

raktaṃ jhakāraṃ karayoḥ karmātmānaṃ niveśayet/
raktaṃ jakāraṃ padayoḥ padātmānaṃ niveśayet

chakārasya caraktasya nyāsaḥ pāyau tadātmanaḥ/
cakāraṃ mehane hemavarṇaṃ mohanarūpiṇam

ṅakāraṃ pṛdhivītatvaṃ pītābhāṃ caturaśrakam/
pādeca jānuparyante hutvānte viniveśayet

ghakāra mardha śītāṃśuṃ tulyākāraṃ jalātmakam/
sphaṭikābhaṃ tadūrdhvetu guhyānte viniveśayet

gakāraṃ lohitaṃ koṇaistribhiryuktamuṣarbudham/
guhyātprabhṛtinābhyantaṃ vinyaseddeśikottamaḥ

khakāraṃ vedikākāraṃ dhūmrābhaṃ śvasanātmakam/
nabheruparighoṇāntaṃ hutvānte viniveśayet

nirākāraṃ kakāraṃ ca nabhoñjanaśīlā mayam/
nāsikopari mūrdhāntamāhutyante niveśayet

tatvahomaṃ ca tannyāsaṃ kṛtvaivaṃ tadanantaram/
prāṇādi daśavāyūnāṃ nyasanaṃ syādiḍādiṣu

brahmādi parivāreṣu devīṣu kamalādiṣu/
(75. atraślokadvayamadhikaṃ likhitaṃ kvacitkośe dṛśyate tadyathāḥ----
suṣumnā piṅgalā pūṣā hasti jihvā śayasvinī/
alaṃbuseḍā gāndhārī kauśikyapi kuhūrapi//
prāṇopānassamānaśca vyānodāna dhnañjayāḥ/
kṛkaro devadatto'tha nāgakūryau dhaśānilāḥ//
ida meva padyadvayaṃ anyeṣu kośeṣu uttaratra (159 ślo) akṣaranyāsa vidhānānastaraṃ niviṣṭaṃ dṛśyate.)
tatvanyāso yathoktena mārgeṇa syāccaturmukha

sudarśanādyāyudhāni vanamālādi kānyapi/
nyasyedyathāyathaṃ mantreḥ pratikāryeṣu śārṅgiṇaḥ

na jaṅgameṣu bimbeṣu ṣodaśanyāsamācaret/
praṇavasya vyāhṛtīnāmakārādyakṣarasyaca

ṛkṣāṇāmapi kālasya vāsarādyayanasya ca/
brahmaṇā deścavarṇasya toyasya nigamasya ca

devatānāṃ virājaśca kratūnāṃ ca guṇasya ca/
satvādeścaiva mūrtīnāṃ śaktīnāṃ ṣuḍguṇasya ca

lokānāṃ nyasanaṃ kuryāt ṣoḍaśānāmiti kramāt/
akārādyātmakaṃ hutvāpravaṃ tadanantaraṃ

akāraṃ hṛdaye viṣṇo rnyasyedbhāge tu dakṣiṇe/
ukāraṃ brahmaṇo rūpaṃ vāme ntyaṃ śaṃkarātmakam

homena tarpayitvāste praṇavaṃ viniveśayet/
vyāhṛtīnāṃ ca tisṛṇāṃ pādehṛdi śirasyapi

nyāsaṃ kuryā dakārādisvarānnyasyetkramādguruḥ/
rasanāyāṃ mukhe dṛṣṭyośśrotrayo rnāsikāpuṭe

dantapaṅtkau tathācoṣṭhadvaye cāsye lalāṭake/
tālunyatha yakārā dernyāsaṃ kuryādatandritaḥ

tvaci dṛṣṭyornāsikāyāṃ daśanāgre tathā śrutau/
udare catathā kaṭyāṃ hṛdaye nābhimaṇḍale

mehane tarpayitvānte homena syāsa iṣyate/
pañca vārān kakārādīn aṅgulīṣu ca jaṅghayoḥ

bhujayornyasanaṃ kuryādakṣaranyāsa īdṛśaḥ/
suṣumnā piṅgulā pūṣā hasti jihvā yaśasvinī

alambhusaiva gāndhārī kāśinī ca kuhūrapi/
prāṇāpānasamānāśca vyānodanau ca pāyavaḥ

nāgaḥ kūrmaśca kṛkaro devadatto dhanaṃjayaḥ/
athanā mātṛkā nyāsameva meva samācaret

akāraṃ tāluni nyasya mukhe cākārameva ca/
i ī locanayornsyasya u ū śravaṇa yostathā

e o daśanapaṅtkau ca oau oṣṭhagatau smaret/
a mityeva lalāṭe tu aḥ kāraṃ rasane tathā

yakāraṃ tvaggataṃ nyasya rephaṃ cakṣuṣi vinyaset/
lakāraṃ nāsikāyāṃ tu vakāraṃ daśanāgrataḥ

śrotre śakāraṃ vinyasya ṣakāramudare tathā/
sakāraṃ kaṭideśetu hakāraṃ hṛdaye tathā

kṣakāraṃ nābhideśe tu vinyaseddhvijasattamaḥ/
pavargo bāhurekastu tavargastu dvitīyakaḥ

ṭargaśca ṭavargaśca jaṅghaudvayamudāhṛtam/
kanargo'ṅgulayassarvā vijñātavyā dvijottama

ṛkṣāṇi rohiṇyādīni nyasedeṣu yathākramam/
hṛdaye mūndhnikeṣeṣu lalāṭe vadane tathā

nāsikāyāṃ ca danteṣu śrotre bāhvoḥ karadvaye/
stanayorudare kaṭyāṃ mohane vṛṣaṇe tathā

pāyāpūrvo rjaṅghayośca pādayoragrapādayoḥ/
sūryādayo grahāścānye tathā saptarṣayodhruvaḥ

etāśca vyomani yathā tathā deve niveśayet/
truṭyādi kalphaparyantāḥ kālabhedāścaturmukha

sthūlasūkṣmā yathāyogaṃ nyasanīyāssumedhasā/
mukha bāhuru pādeṣu devasya brāhmaṇādayaḥ

nyasanīyāssaritkūpavāpīto yādi nirgharāḥ/
niveśanīyā devasya dehe vedā ṛgādayaḥ

aṅgāni ca tadarthāni śāstrāṇi vividhāni ca/
drevatāni tathā nyāni caturmukha mukhāni ca

ṛṣīnapi tathā mukhyānanyaccāpi vibhūtimat/
deve vineśayetsarvaṃ trailokya sacarācaram

nvarlokaṃ śirasi nyasyenyetrayoścandrabhāskarau/
nāsikāyāṃ tathāvāyuṃ diśo bhāhuṣu hṛdgatān

ṛṣīṃśca vyomaca vapuṣyantarātmani devatāḥ/
meghāśca keśā vijñeyāḥ nakṣatrāṇi ca bhūṣaṇam

mukhamagnistathā vāṇī śuddhavarṇā sarasvatī/
vairājanyā sa ityeṣaḥ kathitaḥ kamalāsana

aśvamedhādayassarve kratavaśca yathātatham/
sarvāṅgeṣu nidhātvyāstasmin kratumaye'cyute

sattvaṃ rajastamaśceti nyasanīyaṃ guṇatrayam/
matsyādi daśamūrtīnāṃ nyasanaṃ tadanantaram

devīnāṃ ca śriyādīnāṃ nyāsaḥ kāryo yathākramam/
vijñānādi guṇāṣṣaṭca viniveśyāssamādhinā

lokāścaturdaśa tathā pādādiṣu yathākramam/
mūrdha paryantamaṅgeṣu devadehe yathāvidhi

nyasanīyāścaturvaktraguruṇā śāstracakṣuṣā/
kṛtvaivaṃ ṣoḍaśanyāsaṃ śāntihomaṃ samācaret

madhunā bhūriti prācye kuṇḍe hutvā śatāhutīḥ/
saṃpātenaspṛśetpādau devasya bhuva ityataḥ

dakṣiṇāgnau tathā hūtvā payasā jaṭharaṃ spṛśet/
dadhnātu paścime kuṇḍe hutvā svariti saṃsphṛśet

vaktraṃ samasainājyena hutvodīcīnapāvake/
śīrasphṛśecca saṃpātairaṅgaṃ ca sakalaṃ hareḥ

guḍevāhyena madhuvā kuṇḍe tasmin gurussvayam/
hutvā ca viṣṇugāyatryā saṃpātena mukhaṃ sphṛśet

pālāśa khādirāśvatthabilvaśākhābhiraṃbubhiḥ/
siñcheyurmūrtapā ssamyagvedīdikkalaśasthitaiḥ

abhiṃgaiḥ pāvanai
kuryādyadhākramaṃ mantrairbrāhmaṇāḥ prayatavratāḥ/
trātāramityayāścāgne yatulūka iti kramāt

āsanasteti ca tathā imaṃ me tyādivāruṇaiḥ/
anoniyudbhiriti ca mantrassanai payāgeṃsi ca

tamīśānamiti taistairmantrai rindrādi daivatāḥ/
juhuyaḥ parivārārthāṃ brahmaṇāṃścāpi toṣayot

piṇḍhikāmadhivāsthātha veṣṭayennavavāsasā/
nikṣipya bhājane lohān saratnān dhātubījakān

bhājanaṃ vāsasā veṣṭya dhānyarāśiṣu nikṣiṣet/
bimbāni garuḍādīnāṃ snāpayenna vavāsasā

ācchādayeddhānyarāśau śāyayecca yathāpuram/
digdevatānāṃ pīṭhāni balyarthānyadhivāsayet

śayanāṃ pratimāṃ vedyāmutthāpyādhini ketanam/
arcayetpāyanadyannaṃ sanni vedya caturvidham

nivedya ca mahākumbhe dikṣu dadyādbhaliṃ tataḥ/
palalaṃ rajanīcūrṇaṃ salājaṃ dadhi saktukam

balyanna metaissaṃyojya baligādhā imāḥ paṭhet/
ādyāśca karmajāścaiva ye bhūtāḥ prāgdiśi sthitāḥ

prasannāḥ parituṣṭāste guhṇaṃ tu bali kāṅkṣiṇaḥ/
vṛkṣeṣu parvatāgreṣu ye vidikṣu ca saṃsthitāḥ

bhūmau vyomni sthitā ye ca baliṃ gṛhṇaṃtu te'pi ca/
vaināyakāḥ kṣetrapālāḥ ye cānye balikāṅkṣiṇaḥ

pūṣādyāḥ pārṣadāścaiva pratigṛhṇa ntvimaṃ balim/
caṇḍādyāḥ kumudādyāśca ye bhūtā ssarvadik sthatāḥ

āgacchantu pade gṛhṇantu ta ime balim/
svapnādhipati mantreṇa hutvā cāṣṭottaraṃ śatam

hemasūtraṃ pratisaraṃ pratiṣṭhāvidhi sdhiye/
puṇyāhapūrvaṃ badhnī yāddhaste devasya dakṣiṇe/
bālabimbaṃ tu saṃpūjya tacchaktimapi deśikaḥ

samāvāhya mahākumbhe dhānyarāśiṣu nikṣipet/
pūrṇāhutiṃ ca juhuyuḥ kuṇḍe kuṇḍe ca mūrtipāḥ

padmotpalavadāmedo dūmo hutabhujo yadi/
raktaśvetastathā pīto dhumassyā cchubhado bhavet

jvālāśca dakṣiṇāvarvāśśubhaṃ śaṃsanti niścitam/
turyamaṅgalasannādairbrahmaghoṣaiśca ghoṣitaiḥ

svāpayettāṃ niśāṃ sarvāṃ yajamāno guruśca tau/
svapnārdhaṃ darbhaśayyāyāṃ śayīranmūrtipāścate