Padma Samhita · Chapter 3.23

ārādhanopakaraṇaṃ tasya lakṣaṇameva vā/
ucyate saṃprati brahman śrūyatāṃ tadaśeṣataḥ

lohajān dīpikāstaṃbhān caturhastasamucchrayān/
trihastānekahastānvā dvihastānvā yathābalam

tāmrajānvā rājatīyānayugmaisnehadhāraṇaiḥ/
yugmairvā vṛttivistīrṇai rbahvaśrairvā pariṣkṛtān

snehadhārāgrataḥ klaptapadmakośairalaṃkṛtān/
kuryādarghyādipātrāṇi sauvarṇānītarāṇi vā

rājatānyubhayābhāve śuddhatāmramayāni vā/
pai śācalohavarjyāni yathāvittānusārataḥ

vyākoca paṃkajābhāni cakrādyaṅgāni madhyataḥ/
prasthamānāvaradravyapūvayogyāntarāṇi ca

śaṅkhaśuktisvabhāvāni yadvā pātrāṇi kalpayet/
nai vedyapātrāṇi tathā sauvarṇānītarāṇi vā

rajatasyobhayabhāve śuddhatāmramayāni vā/
havirdravyapramāṇāni vṛttāni parikalpayet

darvīṃ hastāyatāmagramūlayormaṇḍalākṛtim/
pānīyapātraṃ sauvarṇamathavā kaladhautajam

vṛttāyataṃ suvṛttaṃ vā bhavedāyatameva vā/
prasthamātrapramāṇāmbhaḥ pūrayogyāntarāṃ śubhām//
pādamānānusāreṇa pāduke raimaye śubhe/
yadvā raupyamaye tāmramaye vā pādasanni bhe/
tadādhāraṃ ca tallohaṃ nṛttaṃmadhye kṛtāmbujam/
pādāvanejanajalagrahaṇaṃ pātramadbhutam

tripādvṛttaṃ sarojābhaṃ haimaṃ rājatameva vā

tāmraṃ sacakracaraṇamapi vā pāvanaṃ satām/
ācāmavārigrahaṇapātramuttamalohajam

sarojakarṇikākāraṃ kuryādadbhutadarśanam/
kaṅkataṃ kanakaṃ rūpyamapivā ṣṭāṅgulāyatam

ṣaष़ḍaṅgulāyataṃ yadvā tadardhāṅgulavistṛtam/
viṃśatyā daśanai ryuktaṃ bhavedubhayato mukham

yadvā ṣoḍaśabhirdantairaṣṭābhirvā triyaṃgulam/
sauvarṇamaṃjanakṣodabhājanaṃ puṃmṛgākṛti

sihmākāraṃ bhavedyadvā haṃsākāramathāpi vā/
śirobilaṃ śalākā ca dvādaśāṅgulamāyatā

aṣṭāṃgulā vā sauvarṇī bhavedubhayato mukhā/
mukhaṃ ca kesaraphalapratimaṃ saṃhataṃ bhavet

darpaṇaṃ pratimāyānaṃ tadardhaṃ vāsuśo bhanam/
vṛttaṃ kāṃsyaṃmahāratnakhacitaṃ vā yathāvasu

pādayuktamayuktaṃ vā mukhamānamathāpi vā/
kārtasvaramayī vṛttā rājatī vā tha pāvanī

aratnimānavistārā madhye'ṣṭadalasaṃyutā/
pratipadmadalaṃ madhye suṣirāṇi śataṃ bhavet

karṇikāyāṃ kesareṣu viṣṭareṣu śataṃ bhavet/
aṣṭottaraśataṃ bhūyaḥ paryantadalamadhyataḥ/
khacitaṃ ca mahāratnairenaṃ dhārāsahasrakam

dhārāṣṭakena saṃyuktamabhiṣekāya kalpayet/
bimbānuguṇamānaṃ vā tālamānāvarāntakam

atha vakṣyāmi saṃkṣepātpatākālakṣaṇaṃ dvija/
aṣṭatālāyataṃ vastraṃ daśatālāyataṃ tu vā

āyāmasamavistīrṇa kṣaumaṃ kārpāsaṃjaṃ tu vā/
suślakṣṇaṃ śobhanākāraṃ nānāvarṇavicitritam

vidhāya sūtramārgeṇa caturaśraṃ purāsamam/
vibhajya koṇasūtrābhyāṃ pūrvabhāgaṃ tu lopayet

dakṣiṇottarapāścātyairbhāgai rekasitāṃ nayet/
tasyāḥ paścimapārśve tu yaṣṭiṃ saṃskṛtyayaujayet

vyākoca paṅkajākāraṃ śuddamuttamalohajam/
aḍhakā pūramānāmbhaḥ pūrayogyamahābilam

hastadīrghajalasrāvī pārśvamānopaśobhitam/
kalpayedaparaṃ snānapātraṃ muktāpariṣkṛtam

yadvā śaṅkhanibhākāramagratojalanālakam/
dhūpapātraṃ sarojābhaṃ suvarṇādivinirmitam!

hastamānāntarālaṃ syānnālayuktaṃ tripāt dvipāt/
pādayorapi tattatsyādutsedhaścaturaṃgulaḥ

aneka suṣitaṃ tasyavidhānaṃ sahajaṃ bhavet/
atha vā vikasatpadma sadṛśākāraśobhitam

indunālaṃ tathāṅghrau ca daṇḍāgre supratiṣṭhitam/
dīpapātraṃ tathā nāḻamadhye kumudakuṭmalam

vartyādhāraiśśatenāpi yuktamaṣṭabhireva vā/
viśatyā vāṣṭabhiścaiva dvābhyāṃ vā daśabhiścatatam

aṣṭabhirvā yathāśakti kalpayecchilpavittamaḥ/
śabdabrahmamayī ghaṇṭā hastotsedhapramāṇikā

brahmaṇḍagolakākārassaurāṣṭrāvayavo bhavet/
adhomukhastālamānavistārotsedhasaṃmitaḥ

pradīpatulyasaṃsthāna stīkṣṇābhyantaratālukaḥ/
tālonadaṇḍamūle syādagre su sthitapakṣirāṭ

cakrāgrāṃ paṅkajāgraṃ vā ghaṇṭaiṣā parikīrtitā/
nālabandhāścasro'nyā ghaṇṭā pratidiśaṃ kṛtā

etasyā meva ghaṇṭāyāṃ yadvā vittānusārataḥ/
nīrājanakriyā pātyo hemādi dravyanirmitāḥ

tritālāyata vistrīrṇā vṛttamadhyasaroruhaḥ/
navavāsaptavā paṃca tisraścaikāpi bhavet

balipātraṃ catustrālaṃ hemādi dravyanirmitam/
vṛttaṃ vā caturaśraṃ vā bahvaśraṃ vā yathāruci

madhyato'ṣṭadaḻāṃbhojamathavā ṣoḍaśacchadam/
dvādaśacchadasaṃ yuktamapi vā parikalpayet

muktātapatraṃ dhavalaṃ śaśibhimbasama prabham/
sitātapatrāṇi tathā barhipatra mayāni ca

ātapatrāṇyanekāni haimadaṇḍāni padmaja/
vyajanāni ca bhūyāṃsi kalyāṇāni mahānti ca

cāmarāṇi ca śubhrāṇi ratnākalpamayāni ca/
catuṣṭa mekadaṃbhāni pūjāṅgāni yathāyatham

kalpayennāga latikā dalapātraṃ ca rai mayam/
aratnimānavistīrṇaṃ tanmānotsedhadaṇḍakam

saparyāviṣṭaraṃ brahman hastamānonnataṃ śubham/
tadvā nyūnasamutsedhaṃ yadvā vittānusārataḥ

aratnimātra vistāraṃ tanmānāyāmakalpanam/
saṃhmapādayutaṃ yadvā hastipāda catuṣṭayam

śārdulapādamathavā hemaratna pariṣkṛtam/
caturaśraṃ madhyaklṛpta sarasīruhacitritam

sacakraṃ pīṭhasahitaṃ mārgayuktaṃ sagātrakam/
yadvā cakravinirmuktaiṃ mārge hastaiḥ pariṣkṛtam

tapanīyyamayaṃ yadvā rajatādivirmitam//
dārujaṃ vā maṇicchannaṃ svarṇa paṭṭairvirājitam

snānāsanaṃ ca pūrvoktavistārotsedhasaṃmitaṃ/
dviguṇaṃ cāyataṃ klaptaṃ makarāsyāmbunālakam

caturaṅgulaparyantaṃ tālotsedhavirājitam/
kuryāccapūrva vattasya darśanīyamanuttamam

alaṅgārāsanaṃcāpi pūrvo ktacaraṇai ryutam/
dviguṇāyāmavistāraṃ hemaratna vibhūṣitam

pādahīnaṃ catustāla vistāraṃ dviguṇāyatam/
ghanaṃ ca dvyaṃgulaṃ tasya bhojanāsanamīritam

yātrāsanaṃ ca vistīrṇaṃ dvihastaṃ hrasvapādakam/
dviguṇaṃ cāyataṃ tasya sālaṃ tālonnataṃ bhavet

yānaviṣṭarasālasya madhye dvāraṃ prakalpayet/
avatārakathopetaṃ hemaratnapariṣkṛtam

āsanāni yathoktāni lohajāni caturmukha/
dārujāni yathālābhaṃ kalpayecchilpavittamaḥ

yadvā sanānāmāyāmo vistāraśconnatistathā/
arcāpramāṇānuguṇaṃ kalpayediti nirṇayaḥ

yatrāsanaṃ rathaṃ vāpi kuryādvittānusārataḥ/
sitāsitāruṇāmiśratukulaparikalpitān

dhvajān kārtasvaramayai rdaṃḍai ścāpi virājitān/
vāhanāni ca devānāṃ daṇḍāgre parikalpayet

plākṣānvā vaiṇavān daṇḍān kevalānparikalpayet/
jaladroṇīṃ kaṭāhaṃ ca hemādi dravyanirmitam

agādhamabhiṣekārthaṃ devasya parikalpayet/
nānāvidhāni vādyāni vīṇādīni ca kalpayet

arghyapādyādi pātrāṇāṃ pātramānānusārataḥ/
caraṇāni suvarṇādi dravyaklaptāni kārayet