Padma Samhita · Chapter 3.22

rūpaṃ varṇaṃ tathākalpaṃ hastamudrāṃ tathaiva ca/
hastasaṅkhyāṃ yathā yogamavyaccāpi caturmukha

adhunā parivārāṇāṃ pravakṣyāmi yathātatham/
hayagrīvaṃ caturbāhuṃ śuddhasphaṭikasannibham

aśvavaktraṃ mukuṭinaṃ dhautavastrauttarīyakam/
mukhyenai kena varadaṃ dakṣiṇenetareṇa tu

vijñānapustakadharaṃ jaghanye ca karadvaye/
akṣa sūtraṃ ca śaṅkhaṃ ca bibhrāṇaṃ supariṣkṛtam

kalpayetpuruṣākāra manantaraṃ ca kirīṭinam/
bhogibhoge sukhāsīnāṃ pṛṣṭhataḥ phaṇamaṇ‍ḍalaiḥ

unnamadbhiḥ kṛtacchāyaṃ caturhastaṃ sitaprabham/
yadvā tu śyāmalo varṇaṃ anavtasya prakīrtyate

prakalpaye nmukhyahāstaṃ varadaṃ vāmahastakam/
gadādhāraṃ kaṭīdeśamanalaṃbyātha vā sthitam

jaghanyābhyāṃ ca hassābhyāṃ śaṅkha cakradharo bhavet/
garuḍaṃ kanakaprakhyaṃ nīlanāsāgrasaṃyutam

dakṣiṇetaravistīrṇaṃ vicitrapṛthuvakṣasam/
daṃṣṭrākarālavadanaṃ bhrukuṭīkuṭīlekṣaṇam

karaṇḍikā mukuṭināṃ sarvābharaṇa bhūṣitam/
vicitrakañcukadharaṃ bhujageṃdrai ralaṃkṛtam

hṛdipuṣpāṃjalidharaṃ sthitamāsīna meva vā/
dakṣiṇetarayoreka pādayoḥ kuñcitaṃ bhavet

pṛṣṭhato'nyo yathāyogaṃ yadvā padmāsanaṃ bhavet/
mārtāṇḍaṃ dvibhujaṃ raktaṃ raktāmbaradharaṃ sthitam

pṛṣṭhabhāge śiraścakraṃ sthāne vipulamaṇḍalam//
bibhrāṇaṃ kamaladvandvaṃ hastābhyāṃ ca kirīṭinam

uraḥ pradeśe vipule syamantakamahāmaṇim/
āsīnāṃ vā sukhaṃ bimbepadme'ṣṭadalasaṃyute

pūrvādau vārijadale meṣaprabhṛtirāśibhiḥ/
sevitaṃ kalpaye tsomaṃ dvābhyāṃ kumudadhāriṇam

kāmaṃ raktanibhaṃ raktaprasavāmbaradhāriṇam/
hastābhyāmaikṣaṃ cāpaṃ bibhrāṇaṃ sumanaśśarān

caturbhujaṃ caturvaktraṃ jaṭāmukuṭadhāriṇam/
varābhayapradaṃ mukhyahastābhyāmanyahastayoḥ

kuṇḍikāmakṣasūtraṃ ca bibhrāṇaṃ ca sukhāsanam/
gajānanaṃ caturbhāhuṃ lambakukṣiṃ sitaprabham

karaṇḍikā mukuṭinaṃ lambayajñopavītinam/
vāmahastena mukhyena saṃgṛhītamahāphalam

itareṇa tu hastena bhagnadasantaparigraham/
aparābhyāṃ ca hastābhyāṃ pāśāṅguśa dharaṃ prabhum

ṣaṇmukhaṃ ca caturbāhuṃ dāḍimīkusumaprabham/
varābhayapradau makhyau jaghanyau śaktito marau

kalpayecchyāmalāṃ kātyāṃ caturbhirbāhubhiḥ kramāt/
gadādharāmabhayadāṃ śaṅkhacakravarāyudhāṃ

hārakeyūra mukuṭanūpurādivibhūṣitām/
athavāṣṭabhujāṃ gurgāṃ dakṣiṇe doścatuṣṭaye

abhītiśaravistriṃśa cakramaṇḍalamaṇḍitām/
vāme gadā dhanuḥ khaḍgaśaṅkhayudha dharāṃ varāṃ

athavā dvādaśabhujāṃ viśeṣassamudīryate/
dakṣiṇe paraśuṃ śūlaṃ vāme pāśāṅguśau tathā

ghaṇṭeti pañca pūrvāṇi yadvā dvādaśabāhukām/
anuktamāyudhaṃ kalpyaṃ bhuje nyasmin catuṣṭaye

dvātriṃśadapi vā hastā śastramūhyaṃ tu coditam/
lambodaraṃ mahākāyaṃ kalpayeddhanadaṃ tataḥ

niṣṭaptakanakaprakhyaṃ varadaṃ daṇḍinaṃ tathā/
tasyadakṣiṇataḥ pārśve jṛmbhalo māṇibhradrakaḥ

kalpyaśśaṅkhanidhiṃcaiva vāmepārśve tu kalpayet/
nalakūbaramambhejanidhiṃ ca śibikuṇḍalam

jṛmbhalo hemavarṇābho maṇibhadro maṇiprabhaḥ/
nalakūbaranāmā tu śyāma varṇaḥ prakīrtitaḥ

śibiḥ kuṇḍalavān raktassarve bhītivarapradāḥ/
rudraṃ trinetramaruṇaṃ jaṭāmukuṭadhāriṇam

caturbhujaṃ nīlakaṇṭhamindu rekhā vibhūṣitam/
vai yyāghra carmavasanaṃ sarvābharaṇabhūṣitaṃ

karābhyāmapi mukhyābhyāṃ varadābhayadaṃ sthitam/
aparābhyāṃ ca hastābhyāṃ bhibhrāṇaṃ paraśuṃ mṛgam

kṣetrapālaṃ caturbhāhuṃ karaṇḍimukuṭojvalam/
daṃṣṭrākarālavadanaṃ bhrukuṭīkuṭilekṣaṇam

vāme kare daṇḍadharaṃ mukhye vāmetarekare/
dadhānaṃ tarjanīmudrāṃ pāśāṅguśamamukhyoḥ

viṣvaksenaṃ caturbāhuṃ śyāmavarṇaṃ kirīṭinam/
lambodaraṃ ca mukhyena kareṇābhayadāyinam

dakṣiṇena prasarvyena samālambya kaṭiṃ sthitam/
āsīnamaparābhyāṃ ca hastābhyāṃ śaṅkhacakriṇam

athavā pūrvakarayorgadāmekatra kalpayet/
anyatra tarjanīmudrāṃ yadvā dakṣiṇahastayoḥ

mukhye'bhītiramukhye tu cakramanyatra hastayoḥ/
gadāṃ mukhye jaghanye tu śaṅkhaṃ ca prikalpayet

śaṅkhacakradharaṃ yadvā sthitaṃ mukhye karadvaye/
bibrāṇaṃ kṣurikāṃ vetraṃ kṛtāñjalipuṭaṃ sthitam

?* viṣvaksenamahiṣī*
devīṃ ca viṣvaksenasya vāmapārśve pratiṣṭhitām/
nāmnā puṣpadharāṃ kuryātkamalāmiva lakṣitām

brāhmyadi mātarassarvā brahmādyātmīyaśaktayaḥ/
rūpavarṇāyudhādīni brahmādīnāṃ bhajanti tāḥ

rudrarūpī vīrabhadrastāsāṃ paścāt sthito bhavet/
prāgbhāge vighnarāṭ tāsā magraṃ cāpi bhujadvayam

pārśvataḥ sthitayossakhyornyasya skandhe sthitaṃbhavet/
āsanna prasavāpārśve 'jāmukhāḥ puruṣāḥ sthitāḥ

divyāyudhadharā hyaṣṭau svacihnāṅkitamastakāḥ/
cakrī musalavān śaṅkhī khīḍgī caiva gadādharaḥ

śārṅgī padvī tathāvajrī narākārā dvipāṇayaḥ/
dakṣiṇe tarṅanīmudrā vā maḥ kaṭyavalambataḥ

ādityā dvādaśa tathā tadrūpādi dineśavat/
dvihastā vasavassarvekaraṇḍamukuṭānvitāḥ

daṇḍinastomaradharāḥ pitaraśca dvipāṇayaḥ/
daṇḍāyudhā vāmahaste dakṣiṇābhayadāśca te

karaṇḍīkāmukuṭino viśvedavāśca tādṛśāḥ/
atrirbhṛguśca kutsaśca vasiṣṭho gautamastathā

kāśyapaścāṅgirāścaiva ete saptarṣayaḥ smṛtāḥ/
saptarṣayaḥ kare sarve bibhrāṇā jñānapustakam

vijñānamudrāmanya tra jaṭāmukuṭadhāriṇaḥ/
lakṣmyā virājitā brāhmyā
rudrāsvaikādaśa smṛtāḥ// rudravat

kumudādyāstu viṣṇupāriṣadeśvarāḥ/
karaiścaturbhirbhibhrāṇāśśaṅkhacakragadā stathā

dakṣiṇe tarjanīmudrā pītavastrāḥ kirīṭinaḥ/
upendrādyaṣṭakāṃ cāpi dvihastamariśaṅkhagam

viśvādayaśca dvibhujā gadākhaḍgāstradhāriṇaḥ/
karaṇjikāmukuṭinassarvābharaṇabhūṣitāḥ

aśvinau sadṛśau raktau sudhākalaśadhāriṇau/
karaṇḍikāmukuṭinau dvihastau bhuṣitau bhṛśam

śyāmaḥ kirīṭī dvibhujo vāsavo vajridakṣiṇaḥ/
vāmāvalambhitakaṭi ssarvākalpa pariṣkṛtaḥ

jvālāmaṇ‍ḍalamadhyastho jvālano dvibhujo bhavet/
varadaśśaktihastaśca karaṇḍimukuṭojvalaḥ

vai vasvataśca dvibhujaḥ kirīṭi mecakacchaviḥ/
dakṣiṇā bhayado daṇ‍ḍī nirṛtirbhīmadarśanaḥ

daṃṣṭrākarālavadano bhrukuṭī kuṭilekṣaṇaḥ/
dakṣiṇo bhītirutkhaḍgo karaṇḍimukuṭojvalaḥ

varuṇaśśyāmalaḥ pāśahasto vāme'bhayapradaḥ/
karaṃḍimukuṭaścaiva vāyurdhūmro dvibāhukaḥ

aṅguṇo dakṣiṇe haste vāmaḥ kaṭyavalambanaḥ/
maruto vāyunā tulyāssomaspomavadiṣyate

īśāno rudravatkalpyasteṣāṃ vāhanamucyate/
haṃso vidhārū rudrasya vṛṣassūryasyaghoṭakaḥ

makaraśśūrpakārāteśśaktapāṇeśca barhiṇaḥ/
durgāyāḥ kesarī prokto vighnarājasya mūṣakaḥ

naro yakṣādhirājasya śunāpīrasya kuṃjaraḥ/
aghnermeṣaḥ kṛtāṃ tasya lulāyo vāhanaṃ bhavet

piśāco nirṛteryānaṃ makaro varuṇasya tu/
prāṇasya hariṇaḥ proktassa eva marutāmapi

ucchrāyaṃ mūlaberasya caturdhā vibhajettataḥ/
tatraikabhāgamucchrāyaṃ parivāreṣu kalpayet

mānāṅgulena vā yadvā dehalabdhāṅgulena vā/
aṣṭāṅgula samucchrāyaṃ dvādaśāṅgulameva vā

dviguṇaṃ vā yathāyogamucchrāyaṃ parikalpayet/
sthāne mūlapratikṛteḥ parivārāśca te sthitāḥ

āsīnāścāsane tasya śayyāyāṃ śayanaṃ vānā/
asīnā vā sthitā vāpi kāmacārāścaturmukha

pralambaphalakāyāma ghanavistāra nirṇayam/
kathyate paṃcatālasyādāyāmo ghanamaṅgulam

ardhāyāmaṃ ca vistāraṃ kuryā ttatsukṛtaṃ yathā/
pratimāstadaṅgānāṃ kauṭilyārjavasiddhaye

lambamānaṃ yaducchiṣṭaṃ tadardhaṃ kamalāsana/
śikhāmaṇyādisuṣiramanekaṃ tatrakalpayet

sūtrāṇi suṣiraistaistairlambayecca pṛthaksvayam/
jānīyādārjavaṃ tena pratyaṅgamavicārayan