Padma Samhita · Chapter 3.21

atha śriyādi devīnāṃ nirmāṇavidhirucyate/
daśatālādinā yena tālamānena kalpyate

devo devyaśśriyādyāstu kalpanīyā ścaturmukha/
tadanantaratālena nādhikena samena vā

yāvantyo yāśca yanmānā śśriyādeśśūlayaṣṭayaḥ/
tanmānāstāśca tāvatyaḥ kathyante saṃprati kramāt

pañcatālamitāyāmā vaṃśayaṣṭiścaturmukha/
vistārastryaṅgulo mūle saha ṣaḍbhiryavairapi

madhyatastryaṃgula ssārdhastryaṅgulaḥ punaragrataḥ/
caturdaśāṃgulo madhye mūle pañcadaśāṃgulaḥ

nāhogre vaṃśayaṣṭessyātsārdhaṃ satridaśāṃgulam/
caturaśrassuvṛtto vā daṇḍaḥ kalpyaśca śilpibhiḥ

aṅgulaissaptaviṃśatyā vakṣodaṇḍassamāyataḥ/
vistāro madhyamastasya tryaṅgulaṣṣaḍyavādhikaḥ

aṃgulairdaśabhirnāha ssaha pañcabhiraṃgulaiḥ/
kiṃśukasyeva mukulaṃ tasyāgre dve prakalpayet

bāhumūlaṃ caturviṃśatyaṃgulāyāmamiṣyate/
tryaṃgulārdhādiko mūlavistārastasya kalpyate

tryaṃgulo madhyavistārastasyāgraṃ dvyagulaṃ bhavet/
aṣṭādaśāṃgulāyāmaḥ prakoṣṭhastasya mūlataḥ

vistārastryaṃgulo madhye dvyaṃgulassacaturyavaḥ/
dvyaṃgulogre tayormūlaśūlayossuṣiraṃ bhavet

āyāmaḥ kaṭidaṇ‍ḍasya bhavetpañcadaśāṃgulaḥ/
vistāro madhyamastasya tryaṃgulassahaṣaḍyavaḥ

nahanaṃ madhyatastasya bhavetpañcadaśāṃgulam/
ṣaḍaṃgulaḥ pārśvayaṣṭeḥ pariṇāhaḥ prakīrtitaḥ

pārśvadaṇḍau kaṭivakṣaśśū layorviniyojayet/
ṣaḍviṃśatyaṃgulāyāmamuraśśūlamudāhṛtam

tryaṃgulo mūlavistārastasyāgraṃ dvyaṃgulaṃ bhavet/
vistīrṇaṃ dvyaṃgulaṃ madhyaṃ śūlasya ca caturyavam

pūruśūlasamāyāmaṃ jaṅghā śūlaṃ prakalpayet/
suṣiraṃ ca tayormūlamagraṃ mithunametayoḥ

anukta pariṇāhānāṃ triguṇaṃ nahanaṃ matam/
trayodaśavidhaṃ śūlaṃ kṛtvā pūrvoktamānakam

jalādhivāsādyakhilaṃ kuryārcchrīsthāpane yathā/
svātanyraica pāratanyrai ratnanyāsaphurassaram

śūlādisthāpayedrajjuveṣṭanādi yathāpuram/
kuryādāvarṇalepāntaṃ mānāgyatha nidarśyate

utsedhamaṃgulaśataṃ viṃśamāsthāya kathyate/
uṣṇīṣamaṅgulamitaṃ tryaṃgulaṃ ca śirobhavet

sārdhaṃ tribhiryavairakṣisūtrāntaṃ caturaṃgulam/
saṅgamātpuṭasūtrāntaṃ tadvadambhoruhāsana

cibukāntaṃ puṭādarvāksapādacaturaṃgulam/
caturaṅgulamānāsyādgrīvā hikkā guṇāttataḥ

trayodaśāṃgulamitaṃ stanasūtrāntamīritam/
atonu nābhisīmāstaṃ bhavetpaṃcadaśāṅgulam

śroṇī ṣaḍaṃgulāyāmā yonissārdhāṅgulitrayam/
kaṭimānaṃ bhavetsārdhaṃ tryaṅgulaṃ corurāyatā

aṅgulaiḥ paṃcaviṃśatyā sārdhairjaṅghā ca tatsamā/
sārdhaṃ ca tryaṅgulaṃ jānustadvadakṣatalāvadhi

vistāro'ṣṭāṅgulastasya dvādaśāṃgulamāyatam/
pradakṣiṇāvartayutaṃ jvālāgraṃ śaṅkhacakrayoḥ

keśāntena samā yadvā yadvā sūtreṇa tatsamam/
sārdhāntarāṃśunā pūrvā guñjāni dvyaṅgulāntare

jaṅghayorviṃśatiyavamantarālaṃ pracakṣate/
akṣayostryaṃgulaṃ madhyaṃ stanayossaptamāṃgulam

caraṇāṃguṣṭhayormadhyaṃ navāṃgulamudāhṛtam/
akṣātparataraṃ tālamaṃguṣṭhaṃ tribhiraṃgulaiḥ

ardhena cāyataṃ dhve ca tarjanī syādyavādhikā/
yavonā madhyamānye dve yavahīne yathākramam

pārṣṇipārśvaparicchodo bhavecca caturaṃgulaḥ/
gulphaṃ tathāparimitaṃ tadviṃśatyaṃgulāyatam

hikkāṃ tayoradho bāhussahārdhaikonaviṃśatiḥ/
aṃgalāni prakoṣṭhaṃ syāttadāyāmaṣṣaḍaṃgulaḥ

tadvacca madhyamā śiṣṭā sārdhapaṃca daśāṃgulā/
daśāṃgulaṃ śiromānaṃ vistāro'ṣṭāguṃlo bhavet

lalāṭasya puronu syādaśītiyavasaṃmitam/
aṣṭāśītiyavaṃ mānaṃ tadanantaramiṣyate

āyāmaśśravaṇasya syāddvātriṃśadyavasaṃmitaḥ/
nālāyāmasta thācordhvaṃ pippalyā dviyavo mataḥ

nālasya mūlavistāraṣṣaḍyavaistulito bhavet/
agraṃ caturyāvaṃ grīvā mūlaṃ caiva ṣaष़ṃgulam

sārdhaṃ pañcāṃgu lārdhāgraṃ skaṃdhaṃ ca dvyaṃgula bhavet/
hikkāntayoradho bāhvormūlaṃ dvātriṃśadaṃgulam

aṣṭādaśāṃgulamurastanayorapi maṇḍalam/
aṃgulaiḥ pañcadaśabhiḥ paricchinnaṃ yathātatham

navāṃgulaṃ ca vistāra utsedhaścāpi tādṛśaḥ/
dvādaśāṃgulavistārastanayormadhyamiṣyate

kṛṣṇamaṇ‍ḍalavistāro dvyaṃgulaṃ caturānana/
nāhastu kukṣimadhyasya syāttrayastriṃśadaṃgulaḥ

śroṇīmadhyaparīṇāha ssaptapaṃcadaśāṃgulaḥ/
kaṭimadhyaparīṇāho viṃśatyā saikayāṃgulaiḥ

ṣaṭtriṃśadaṃgulo nāhastathā syādūrumūlayoḥ/
triṃśadaṃgulanāhastu bhavedūrvostu madhyamaḥ

caturbhissaha viṃśatyā jānunāhastathāṃgulaiḥ/
sahanaṃ jaṅghayorekaviṃśatyaṃgulamiṣyate

dvāviṃśatyaṃgulassārdho nāhamadhye ca jaṅghayoḥ/
sahanaṃ jaṅghayoragraṃ bhavedekādaśāṃgulam

ekādaśāṃgulaṃ cākṣavṛtta maṇḍalanāhanam/
ekāṃgulaṃ cākṣavṛttaṃ madhyamaṃ nahanaṃ matam

ṣaष़ḍaṃgulaṃ talāgraṃ syādutsedhaścaturaṃgulaḥ/
dvyaṃgulo'ṅguṣṭhavistārastarja nyekāṃgulā bhavet

madhyamāditarāṃgulyo yavahīnāḥ kramātpūnaḥ/
aṃguṣṭhanakhavistārastryaṃgulaḥ parikīrtataḥ

tarjanī pādahīnā nyātkramādanyā yavonnatāḥ/
aṣṭādaśāṅgulaṃ madhyaṃ mūlāṃ bāhvostrayādhikaṃ

prakoṣṭhamūlanahanaṃ bhavetpaṃcadaśāṃgulam/
dvādaśāṃgulamadhyāntaṃ maṇibandho navāṃgulaḥ

vistīrṇaṃ tālamadhyardhaṃ caturaṃgulamiṣyate/
aṃguṣṭhamūla madhyardhamaṃgulaṃ nakhamaṅgulam

nissṛtaṃ triyavaṃ proktaṃ parvadvayasamanvitam/
tarjanyaṃgulavistārassahāṣṭhāṃśāṃgulo bhavet

sapādāṅgulavistārā madhyamāṅguliriṣyate/
aṣṭasaptayavaiśśiṣṭestriparvā ca catuṣṭayī

pārśve keśāntamuṣṇiṣādārabhya syāddaśāṃgulam/
ārabhya pārśva keśāṃtātsa pāda dvyaṅgule bhruvau

ṣaष़ḍaṃgulā yathā bhrūssyādyavamadhyāgra yūkakā/
antarālaṃ navayavaṃ bhruvo stryaṃgulamīkṣaṇam

aṃgulāyāmavistārā veditavyā kanīnikā/
yavonamaṃgulaṃ kṛṣṇajyotiryūka pramāṇakam

paritaḥ kṛṣṇabimbasya aṃgulaṃ śvetamaṇḍalam/
madhyatoṃgulavistāraṃ nayanaṃ śūrpamīnavat

ūrdhvapakṣmāyatāsārdhatryaṃgulāpādavistarā/
tryaṃgulāyāmamitaradvistāro yavasaṃmitaḥ

aśītaḥ pakṣmaromāṇi śatāni kuṭilāni ca/
dvyaṃgulaṃ cakṣuṣormadhyaṃ nāsikāmūlamaṃgulam

vistīrṇamunnataṃ vāpi madhyamadhyardhamaṃgulam/
agraṃ dvyaṅgulamadhyardhaṃ ṣaḍyavaṃ śuṣiraṃ bhavet//
āpāṅgātkarṇamūlāntaṃ catvāriṃśadyavaṃ matam

dvyaṅgulaḥ karṇavistāro vivaraṃ ca caturyavam/
caturaṅgulamaddhardhamoṣṭhamuttaramāyatam

yavavistāramadharamekāṃgulasamāyatam/
dvyaṅgulaṃ caiva vistāraṃ cibukaṃ dvyaṃgulāyatam

āpīḍā nāsikāyuktā karaṇḍamukuṭānvitā/
karṇikā maṇikeyūra kaṭakatrayahāriṇī

ratnakūrpāsaraśanā puṣpāmbarapariṣkṛtāḥ/
stanabandhatulākoṭī sarvābharaṇabhūṣitā

lajjābhaṅgena devasya pārśve vāmetare sthitā/
hasteva vāhijaṃ pullaṃ vāmena kila bibhratī

ūrupradeśaviśrāntasavyetarakarāmbujā/
yadvā syathāhastayosyānniṣṭaptakanakaprabhā

āsane'bhayado hasto dakṣiṇo varado'paraḥ/
dakṣiṇe padmamathavā savyaḥ kaṭakamudritaḥ

pāratantye vidhirayaṃ svātantyaitūcyate yathā/
caturbhujāṃ jaghanyābhyāṃ hastābhyāmajjadhāriṇīṃ

śaṅkhacakradharāṃ vāpi mukhyābhyāṃ varadāyinīm/
abhītidāṃ ca koṭīradhāriṇīṃ bhayavarjitām

vasundharāhvayāṃ devīṃ dvihastāṃ kanakaprabhām/
dakṣiṇābhayadāmanyahastena vasudāyinīm//
guhītadāḍimaphalāṃ yadvā vāmakareṇa vā

cintāratnaṃ dhārayantīṃ hemasiṃhāsane sthitām/
vāmapādena saṃspṛṣṭanidhikumbhāmalaṃkṛtām

kalpakānokahacchāyāṃ samāśritya sthitāṃ tathā/
vāme pārśve mahīṃ devīṃ dvihastāṃ śyāmalaṃprabhām

stanabandha vihīnāṃ vā kuṇḍalāpīḍavarjitām/
susthitāṃ savyapādena cānyena ptokakuñcitām

puṣpaṃ dakṣiṇahasteva dhārayantīṃ śucismitām/
ūrupradeśaviśrāntavāmahastā malaṃkṛtām

sottarīyāṃ yathāyogaṃ svātantrye śrīrudāhṛtā/
yogalakṣmīstu śrīvatsaṃ bhogalakṣmī rdvipārśvayo//
vīralakṣmīstu vai śeṣaṃ pṛthagbhavanakalpanam

ratissarasvatī tuṣṭirdevyo devasya dakṣiṇe/
ratissisdhūra sajkāśā sphaṭikābhā sarasvatī

haritālanibhā tuṣṭiśśrīvadabharaṇādayaḥ/
pāratanyre vidhirayaṃ svātaṃtrye tūcyate vidhiḥ

ratyādayaśca turhastā mukhyau syātāṃ rateḥ karau/
varadābhayadāvanyau pāśāṅguśadharau punaḥ

mukhyau hastau sarasvatyā dakṣiṇo jñānamudritaḥ/
vijñānapustakaṃ vāme jaghanye dakṣiṇekare

akṣasūtra dharaṃ vāme sarve vajrādayaḥ sthitāḥ/
tuṣṭeśca pūrvavanmukhyau jaghanyau śaṅkhamambujam

kīrtaḥ prītiśca śāntiśca vāme devasya saṃsthitāḥ/
vāmāṅghrayassusthitāssyarīṣadanyena kuñcitāḥ

ūrupradeśaviśrāntā vāmāḥ puṣpadharāḥ pare/
kīrtassphaṭikavarṇābhā nīlābhā prītiriṣyate