Padma Samhita · Chapter 3.20

ataḥ paraṃ pravakṣyāmi pratimāmānamuttamam/
mānaṃ pramāṇamunmānaṃ iti mānaṃ tridhā bhāvet

mānamutsedhamānaṃ syādunmānaṃ nahanaṃ matam/
mānaṃ ca tiryagūrdhvaṃ yattatpramāṇamihocyate

tatra pratikṛtestāvattadaṅgānāṃ kathyate/
utsedhamānaṃ mūrdhādi pādāntamanupūrvaśaḥ

laddhānāṃ dehatastāvadaṅgulīnāṃ śatena tu/
caturviṃśatimānena pratimāṃ parikalpayet

uṣṇīṣamaṅgulamitaṃ keśāntaṃ tryaṅgulaṃ matam/
dṛksūtrāntaṃ tadārabhyaṣaṭtriṃśadyavasammitam

tadvannāsāpuṭāntaṃ syāttadvacca cibukāvadhi/
tena keśāntamārabhya mukhamānaṃ caturmukha

aṣṭottaraṃ yavaśataṃ cibukāvayavāvadhi/
galamardhāṅgulaṃ sārdhaṃ tryaṃgulaṃ kaṇṭhamiṣyate

hikkāsūtraṃ samārabhya hṛdayāntaṃ mukhe sthitam/
tataḥ prabhṛti nābhyantaṃ sārdhaṃ satridaśāṅgulam

tataḥ prabhṛti meḍhrāntaṃ tadvadutsedhamiṣyate/
tanmūlājjānuparyantaṃ trinyūnaṃ tridaśāṃgulam

caturaṅgulamutsedhaṃ jānumaṇḍalamiṣyate/
akṣāntaṃ jānuno'dhantādūrutulyamitīritam

tatastālāntamutsedhaṃ caturaṃgulasaṃmitam/
dehāṅgulāni yāvanti daśa tāle'bhipūjite

vibhajya tāvantyuktāni madhyame śrūyatāṃ kramaḥ/
trayodaśāṃgulaṃ vaktraṃ tristhānaṃ ca tadaṃgulam

ṣaḍviṃśatyaṃgulotsedhamurumānamudāhṛtam/
tadvajjaṅghāsamutsedhaṃ uttareṇetaratsamam

adhame daśatāle tu mukhaṃ śatayavaṃ matam/
tristhānaṃ tāvadevasyādūruryavaśatadvayam

jaṅghā ca tatsamotsodhā mukhyenānyatsamaṃ matam/
viṃśadyavaśataṃ pādadrāghimā kamalāsana

aṅguṣṭhaṃ vedamātraṃ syāttadāyāmā ca tarjanī/
ekatriṃśadyavāyāmā madhyamāṅguliriṣyate

triṃśadyavā'nāmikāsyātkaniṣṭhā tryaṃgulāpi ca/
yavaiśca pañcabhiryaktā pārṣṇī ca caturaṅgulā

hikkā tayoradho bāhuraṅgulī saptaviṃśatiḥ/
tataśca maṇibandhāntaṃ ṣaḍviṃśatyaṃgulāyatam

yavadvayena ca yutaṃ maṇibandhāttalaṃ punaḥ/
madhyamāṃgulamūlāntaṃ pañcāśadyavasaṃmitam

pañcāṃgulamathāṃṅguṣṭhaṃ tarjanī tadvadāyatā/
ṣaḍyavai ścādhikāyāmā madhyamā tu ṣaष़ḍaṃgulā

āyatā ṣaḍyavai ścāpi tatsamānāmikā matā/
kaniṣṭhāṅguṣṭhatulitā māṃpalagnavakhāvadhi

ekāṅgulā sakhāyāmā śiṣṭā ṣaḍyavasaṃmitā/
bāhuvaccopabāhussyāccaturaṅgulamāyataḥ

caturyapaṃ cordhva kaṇaṃ nālaṃ cañcāṅgulāyatam/
liṅgaṃ pañcāṅgulāyāmaṃ muṣkaṃ tu caturaṅgulam

sārdhāṣṭāṅgulivistāraṃ lalāṭaṃ tadanantaram/
dvādaśāṃgulavistāraṃ bālacandrasamā kṛti

tatastu karṇayormadhyaṃ sārdhaṃ satridaśāṃgulam/
daśāṃgulamadhastasya vistāraṃ cibukasya tu

sapādaṃ dvyaṃgulaṃ pūrṇaṃ cāpatulyākṛtirbhavet/
mūlamadhyāgravistāraḥ grīvāyāḥ kramaśo bhavet

navāṃgulaṃ tathaikonaṃ sārdhaṃ saptāṃguli stathā/
hikkāntato ratho bāhumūlayorantaraṃ bhavet

yavaiścaturbhirvistīrṇaṃ sacatvāriṃśadaṃgulam/
kakṣayormadhyavistārastryaṃgulassārdhaviṃśatiḥ

aṣṭā daśāṃgulaṃ mānaṃ stanayorapi cāntaram/
ṣoḍaśāṃguvilastāraṃ tundamadhyamudāhṛtam

aṣṭādaśāṃgulā śroṇī radharodara? miṣyate/
kaṭipradeśavistārastryāṅgulastārdhaviṃśatiḥ

ūrumūlasya vistārassārdhaṃ satridaśāṅgulam/
agramekāṃgulaṃ sārdhadvyaṃgulaṃ madhyamiṣyate

dvyaṃgulo mūlavistāro liṅgasya samudāhṛtaḥ/
vistīrṇaṃ tryaṃgulaṃ mūlaṃ madhyamarthādhikaṃ punaḥ/
vistīrṇamagramuṣkasya dvātriṃśadyavasaṃmitam

vistīrṇamekādaśabhiraṃgulai rūrumadhyamam/
agraṃ daśabhi retasya vistīrṇaṃ kamalāsana

savāṃgulaṃ jānucakraṃ pārśvamardhendusannibham/
mūlaṃ navāṣṭau madhyaṃ syājjaṅghāgraṃ sārdhasaptakam/
vistīrṇo nalakābhāgaḥ sārdhaiśca caturaṃgulaiḥ

aṅghrimūlasya vistārastryaṃgulassacaturyavaḥ/
sārdhapañcāṃgulaṃ madhyamagraṃ sārdhaṣaḍaṃgulam

sārdhamaṣṭāṃgulaṃ mūlaṃ bāhū saptāṃgulau punaḥ/
madhyāgre tulyavistāre prakoṣṭhāvayavaḥ punaḥ

sārdhena saptabhirmūle vistīrṇaṃ sārdhapañcabhiḥ/
madhye caturbhiragre syānmaṇibandhasya tūcyate

paṃcāgulārdhasahitaḥ tadvatkaratalaṃ smṛtam/
aṃguṣṭhe mūlavistāro dvyaṃgulo madhyamāṃguliḥ

saṣaḍyavaṃ tu muṣṭyagramaṃgulenaiva saṃmitam//
tarjanyāmūlavistāro navabhispaṃmito yavaiḥ

madhya mekāṃgulaṃ saptayavamagramudāhṛtam/
mūlaṃ daśayavaṃ madhmaṃ madhyamāyā yavā nava

agramekāṃgulaṃ proktamitarā tarjanīsamā/
mūlamaṣṭau kaniṣṭhāyāḥ yavāssaptaikamadhyamā

ṣaḍyavāṃgulamagrebhyaḥ pādonā sakhavistṛtiḥ/
madhye karatale rekhā madhyamāmūlamutthitā

kaniṣṭhāmūlamārabhya rekhā madhyamagā bhavet/
madhyamāṃgulitarjanyornirmātavyā vicakṣaṇaiḥ

aṃguṣṭhamūlamārabhya tarjanyantaśca madhyamā/
tayośca rekhayormadhye tarjanīmūlagāminī

rekhā kalpyā yathāśāstraṃ śāstrābhijñena śilpinā/
lalāṭasya ca vistārassapādadvyaṃgulo bhavet

tasyādhastādbhruvau kalpyau catvāriṃśadyavāyatau/
madhye yavena vistīrṇe yūkāgre cāpasannibhe

tayormadhyaṃ navayavaṃ aṣṭādaśayavāyatam/
cakṣuḥ nīnikāyāmo vistāraśca yanaḥ smṛtaḥ

aṃgulaṃ śvetabimbasya vistāraṃ kṛṣṭamaṇḍalam/
yavonamaṃgulaṃ jyotistanmadhye yavasaṃmitam

yākamānā tu tanmadhye dṛṣṭiḥ pakṣmāvalī punaḥ/
ūrdhvā samanvitā sārdhatryaṃgulā daśabhiryavaiḥ

vistīrṇātu yavāyāmā vistārastu tadardhakaḥ/
aśītiḥ pakṣmaromāṇi vakrāgrāṇyasitāni ca

dvyaṃgulaṃ cakṣuṣormadhyaṃ madhyaṃ ca śrutyapāṅgayoḥ/
catvāriṃśadyavaṃ karṇavistāro dvyaṅgulo bhavet

ūrdhvaṃ karṇasya cāyāmassahārdhacaturaṃgulaḥ/
nālaṃ pañcāṃgulamitaṃ vistāraṣṣaḍyavaḥ punaḥ

paścāccaturyavā nālī nālatulyaṃ caturmukha/
śramaṇasya ca pippalyāḥ madhyagartaṃ caturyavam

trivaktrakarṇapippalyā gallapātramiva sthitam/
bandanaṃ tryaṃgulaṃ randhraṃ netrasūtra samunnatam

nāsikāmūlamadhyāgravistāraḥ kathyate kramāt/
aṃgulaṃ cāṃgulaṃ sārdhadvyaṃgulaṃ sacaturyavam

aṃgulenonnataṃ mūlaṃ tena sārdhena madhyamam/
dvābhyāṃ yavābhyāṃ mūlena dvyaṃgulenāgramunnatam

ṣaḍyavaṃ suṣiraṃ tasya puṭamadhyaṃ caturyavam/
puṭapārśvasya vistāro dviyavaḥ parikīrtitaḥ

utsedho'rdhāṃgulastasya nāsikā tilapuṣpavat/
uttaroṣṭhāyataṃ sārdhaṃ caturaṃgulamiṣyate

vistāro'rdhāṃgulastasya paraṃ sārdhāṃgulāyatam/
vistīrṇamaṃgulaṃ tasya pālī caikayavā matā

cibukoṣṭhau daśayavau vistārāyāmasaṃmitau/
gulphaṃ pādāṅgulotsedhaṃ darpaṇodarasannibham

vistīrṇāvayavau tulyau rājadantau caturyavau/
dvāttriṃśaddaśanāḥ kalpyāḥ yathāśāstroktavartmanā

jihvā ṣaḍaṅgulāyāmā vistīrṇā tryaṅgulā bhavet/
rekhātrayāṅkitā grīvā hikkā sūtrāt stanasthiti

ekādaśāṃgulaṃ vṛttaṃ dvyaṃgulaṃ stavamaṇḍalam/
caturyavaṃ cūcukaṃ syāt stanamaṇḍalamadhyagam

caturyavaṃ nābhigartaṃ dakṣiṇāvartamiṣyate/
adhyardhamaṃgulaṃ vṛtta makṣamardhāṃgulonnatam

uṣṇīṣātpṛṣṭhakeśāntamekādikadaśāṃgulam/
uṣṇīṣātparśvakeśāntaṃ dvādaśāṃgulamānakam

karṇayorantaraṃ vidyāt sārdhaṃ satridaśāṅgulam/
mulamadhyāgrabhāgeṣu pṛṣṭhagrīvā yathākramam

vistīrṇā navabhistārdhenaṃgulairnavabhistathā/
aṣṭābhiśca bhavettasyā adhastātka kudasthitiḥ

āyāmotsedhavistāraiḥ kakudaṃ taccaturyavam/
ṣaṭtriṃśadaṃgulaṃ bāhvo rmadhyaṃ vistārapṛṣṭhataḥ

ṣaḍviṃśatiścāṃgulānāṃ kakṣayorantaraṃ bhavet/
pṛṣṭhamadhyasya vistaro brahman saptadaśāṃgulaḥ

vistīrṇā pañcaviṃśatyā śroṇī pārśvau tathāṃgulaiḥ/
kaṭipradeśavistāraṣṣaḍviṃśatyaṃgulo bhavet

ṣaṭtriṃśadaṅgulaṃ madhye kakudasya kaṭestathā/
dvyaṃgulonnatametasya sphicau tanmadhyamaṃgulam

aṅgulaṃ stanayormūlaṃ madhyaṃ saptāṅgulaṃ bhavet/
agraṃ tryaṃgulavistāramūrvormūlādiṣu triṣu

bhavetkrameṇa vistārassārdhassatridaśāṃgulaḥ/
dvādaśāṃgulayuktasyāttathaiva dvādaśāṃgulaḥ/
jānvaṣṭāṃgulavistāraṃ sārdhamaṣṭāṃgulaṃ bhavet

jaṅghāmadhyaṃ suvistīrṇaṃ nālikā caturaṃgulā/
caturyavādhikā caiva gulphaśca caturaṅgulaḥ

vistāramānaṃ triguṇaṃ sarveṣāṃ nahanaṃ matam/
abhitido vā varado mukhyo vāmetaraḥ karaḥ

stanasūtrasamaṃ kāryaṃ aṅgulāgraṃ karasya tu/
tayorbhavedantarālaṃ dvādaśāṅgulamabjaja

aṃguṣṭhatarjanīmadhye sanālaṃ kamalaṃ bhavet/
varade kamalākāraṃ likhetkaratalodare

adhomukhe vāmahaste mukhye kuryādgadāṃ śubhām/
catustālāyatāṃ mūle sthūlāmagre kṛśāmṛjum

tryaṃgulaṃ mūlanahanamagre sahanamaṃgulam/
dvyaṃgulaṃ sārdhamitaradgadāmadhyaṃ caturmukha

kaṭiprasavyaṃ karayorantaraṃ dvyaṅgulaṃ bhavet/
kaṭispṛśaṃ karaṃ kuryātpra savyaṃ gadayā vinā

uddharedbāhusīmāntamūrdhvahastau dhṛtāyudhau/
bāhuprakoṣṭhayormadhyaṃ mūlamaṣṭāṃgulaṃ bhavet

madhyaṃ daśāṃgulamitamagramānaṃ mukhaṃ smṛtam/
ūrdhve hastadvayāṅguṣṭho sahānāmikayā natam

tarbhanīmadhyamābhyāṃ tu dhārayantaṃ tathāmbujam/
cakraṃ sudarśanaṃ vṛttaṃ dvādaśāṅgulamānakam

aṣṭāṃgulamarakṣetraṃ dvyaṃgulā cakrapiṇḍikā/
tadvatsyānnemivalayaṃ caturjvālāsamanvitam

nābhāpubhayato jvālā triśikhāvartaśobhitā/
adhyardhadvyaṅgulotsedhā vistīrṇārdhādikāṃgulā

arāṇi yavatulyāni netratulyāni vā punaḥ/
aṣṭau dvādaśa vā ṣaḍvā ṣaḍjvālaṃ śaṅkhamiṣyate

vistāro'ṣṭāṃgulastasya dvādaśāṃgulamāyatam/
pradakṣiṇāvartayutaṃ jvālāgraṃ śaṅkhacakrayoḥ

keśāntena samaṃ yadvā netrasūtreṇa tatsam/
sārdhāṃgulāntarādūrdhvaṃ jānunī dvyaṃgulāntare

jaṅghayorvaṃśatiyavamantarālaṃ praśasyate/
akṣayostryaṃgulaṃ madhyaṃ tayossaptāṃgulaṃ bhavet

caraṇāṃguṣṭhayormadhyaṃ navāṃgulamudāhṛtam/
ṛjusthitasya caraṇaṃ śayyāyāṃ ṛju dakṣiṇam

itaratkuṃcitaṃ saptaviṃśatyaṃgulamantaram/
aṃguṣṭhayorgulphamadhyaṃ caturaṃgula miṣyate

jānvantarālamuditaṃ sārdhaṃ satridaśāṃgulam/
savyetarakaraṃ mauleragrāntaṃ viniveśayet

prasārayedvāmahastaṃ ājānukamalāsana/
dakṣiṇe kamalaṃ vāme gadāṃ haste prakalpayet

bhidhyate pratimābhaṃgaistribhiretaiścaturmukha/
abhaṅgasamabhaṅgābhyāmatibhaṅgena caiva hi/
śiromadhye nāsikāgre āsyamadhye galasya ca

madhye ca hṛdaye nābhau madhye liṅgasya vāmataḥ/
bhāgeṣaḍaṅgule corau vāme madhye ca gulphayoḥ

lambayetsutramābhaṅgaṃ bhinnā ca pratimā matā/
yathokta pratimāmānā dūnā vā tribhiraṅgulaiḥ

śikhāmaṇigataṃ sūtraṃ vāma pūrigamadhyagam/
vāme lalāṭe makare vāme vāme ca cakṣuṣī

nābhau madhye nalakayormadhye ca yadi lambayet/
samabhaṅgaviśiṣṭhā sā nyūnaiṣā caturaṅgulaiḥ

mūrdhni vāme lalāṭe ca vāmanetrasya madhyagam/
āsyamadhye tathā nābhau dakṣiṇe gulphamadhyagam

sūtraṃ pralambayedevaṃ atibhaṅgā tu sā matā/
nyūnā pañcāṅgulai reṣā pratimā pūrvamā nataḥ

atibhaṅgaśśayānāyāḥ praśastorāmakṛṣṇayoḥ/
sahajānāṃ bhūṣaṇādikirīṭānāṃ caturmukha

vakṣyāmi mānamadhunā yathātathamanukramāt/
caturviṃśāṅgulāyāmaṃ yadvā pañcadaśāṅgulam

mūlamadhyāgranahanaṃ kirīṭasya yathākramam/
triṃśatā saptabhirdvābhyāṃ ekenāpi tathāṅgulaiḥ

tasya madhye caturdikṣu pūritāni tathāṅgulaiḥ/
tasya madhye caturdhikṣu pūritāni prakalpayet/
śobhayecca mahāratnai ragre caikaśikhā maṇiṃ

caturdaśāṅgulotsedhaṃ kalpayetkeśabandhanam/
mūlapaṭṭaṃ kirīṭasya vistīrṇaṃ dvyaṃgulaṃ bhavet/
ekāṃgulamamūṣyāgraṃ tryaṃgulaṃ ca śikhāmaṇiḥ

padmamaṣṭadalaṃ kuryādadhastācca śikhāmaṇeḥ/
dvigolakāyataṃ citrairanyairapica śobhayet

śirasaḥ pṛṣṭhabhāge syācchiraścakraṃ tu cakravat/
vinākṛtaṃ tu jvālābhiḥ padmaṃ yadvā yathāruci

prakalpyaṃ madhyato dāma cakre golakamāyatam/
nahasaṃ dvyaṃgulaṃ tasya nālaṃ syādgolakāyatam

makaraṃ golakotsedhaṃ kuryā daṣṭhāṅgulāyatam/
tadvaktrātsumanodāma nissṛtaṃ bālacandravat

dvyaṅgulaṃ karṇasumanaḥ karṇadāma ca lambayet/
hāraṃ tryaṃgulavistāramagrayornetrabandhanam

mūktāvibhūṣitaṃ madhye mahāratnapariṣkṛtam/
kuryācca dakṣiṇe vakṣasthasale śrīvatsamaṅgulam

ardhādhikaṃ trikoṇaṃ ca tanmadhye kamalālayām/
dvihastāmudyadambhejadhāriṇīṃ śriyamadbhutām

aparābhyāṃ ca hastābhyāṃ varābhayasamanvitām/
kirīṭahārakeyurasarvābharaṇabhūṣitām

kuryādgolakavistāraṃ mukhe pañcāṅgulāyatam//
triguṇaṃ brahmasūtraṃ syānnābheścāpi pradakṣiṇam

ekāṃgulaṃ cottarīyaṃ netrabandhena bandhayet/
vistīrṇaṃ dvyaṅgulaṃ madhye tvagramekāṅgulaṃ bhavet

muktādāmapariṣkāraṃ sarvābharaṇabhūṣitam/
kukṣibandhanamāścaryaṃ netrabandhena yojayet

muktādāma ca keyūraṃ kuryātpūritasannibham/
saptāṅgulaiśca vistīrṇaṃ nānāratnapariṣkṛtam

gulikāṃgulavistīrṇā āyatādvyaṃgulena ca/
gulikānāṃ trayaṃ kuryānnetrabandhena bandhayet

sarvaratnapariṣkārān valayāṃ strīn prakalpayet/
ekāṅgulaparīṇāhān kaṭakaiścopaśobhitān

sauvarṇānyaṃgulīyāni bandhānekamaṇīni ca/
pariṇāho bhavetaiṣāṃ dviyavastriyavo pi vā

madhyamāmaṅguliṃ naiva maṇḍayedaṅgulīyakaiḥ/
tryaṃgulaḥ kaṭisūtrasya vistāro ratnaśobhitaḥ

tanmadhye makarī caiva pañcāṃgulasamāyatā/
cuturaṃgulavistārā daṃṣṭrākuṭilamānanam

vṛttākṣaṃ bhrukuṭīyuktamāsyanissṛtamauktikam/
kuryānmauktikadāmāni trīṇyāgulphaṃ prakalpayet

pādākalpaṃ trikaṭakaṃ dvyaṃgulaṃ pariṇāhataḥ/
nūpuraṃ ca tathā kuryātkiṅkiṇījālamaṇḍitam

vastraṃ ca pītapūrvaṃ tadāgulphaṃ pārśvalambitam/
kalpayedvanamālāṃ tu nānāpuṣpasamujjvalām

nānāratnamayīṃ vāpi yadvā kevalapaṅkajām/
karṇataścaraṇaṃ yāvallambayedadbhutākṛtim

athavā vallikākārāṃ nāhataścaturaṅgulām/
pradyotanasahasrābhaṃ dyotamānaṃ ca kaustubham

lambayedurasi svacchamindirāsodaraṃ maṇim/
rūpasyā bharaṇānāṃ ca niyamassaṃpradarśitaḥ

na hyaśeṣeṇa rūpaṃ me pratikarmāṇi vā punaḥ/
nirmātuṃ bhavatā śakyaṃ kimutānyaiḥ kuśilpibhiḥ

tathāpi śāstrāṇyālocya tat jñaiśśāstraṃ vimṛśyaca/
nyūnātirekarahitaṃ bimbaṃ kuryādyathātatham