Padma Samhita · Chapter 3.19

karmārcādiprakṛtiprakāraḥ kathyate'dhunā/
karmārcā cotsavārcā ca balyarcā ca tathaiva ca

snānatīrthobhayārcā ca svāpotthānārcayā saha/
pratimāṣṣaḍvidhātavyāḥ pūjāyāmuttamā bhavet

tisṛbhirmadhyamā jñeyā ādyā yā caramā bhavet/
bahubere vidhirayaṃ kathitaḥ kamalasana

ekabere tu karmārcāsnapanārcā ca neṣyate/
dhruvaberasamucchrāye vibhakte daśadā sati

ekāṃ śena pratikṛteḥ karmārcāyāssamucchrayaḥ/
dvādaśāṃ śena yadvā syāt ṣoḍaśāṃ śena vā bhavet

yadvā'ṣṭādaśabhāgena caturviṃśāṃśameva vā/
mahāberāṅgulāpekṣyā yadvā tasyāssamunnatiḥ

caturviṃśāṅgulā yadvā bhavedaṣṭādaśāṅgulā/
ṣoḍaśāṅgulamānā vā yadvā syāddvādaśāṅgulā

aṣṭāṅgulā'thavā yadvā ṣaḍaṃgulasamucchrayā/
caturaṅgulamānā vā yadvāmānāṃgulena tu

pūrvoktāṃgulamānāni kartavyāni yathāruci/
balitīrthapratikṛtiśśayanotthānakautukam

karmārcāsaṃmitotsedhaḥ kathitaḥ kamalāsana/
karmabimbasamutsedhastriguṇaḥ pariśiṣṭayoḥ

snapanotsavakāryārthaṃ bimbayorubhayorapi/
bhaṅktvā tidhā caturdhā vā dhruvaberasamucchrayam

ekabhāge nalotsedhaṃ kuryādutsavakautuke/
utsavārcātṛtīyāṃśaṃ turyāṃśaṃ vāmbujāsana

karmakautukamānaṃ syādbahvarcā derayaṃ kramaḥ/
ekabere tadardhā tu tattu ryāṃśakameva vā

utsavārcātṛtīryāṃśasamutsedhau'thavā bhavet/
sthānayānāsanavidhau dhruvabimbaṃ yathākṛtam

karmārcādīni tadvatsyāt dhruve tu śayite punaḥ/
tiṣṭhedvāsīta vā kāmaṃ karmādyarcā caturmukha

arcāyāmaṃ tridhā kṛtvā padmemekena kalpayet

upānahādipañcāṅgayuktaṃ vṛttaṃ sukhāvaham/
caturaśraṃ manohāri vistāratulitāyati

tṛtīyabhāgavihitaprabhaśaṅkudvayāṅkitam/
pīṭhotsedhaṃ tidhā kṛtvā padmame kena kalpayet

talairdvādaśabhiryuktamaṣṭābhivān yathāruci/
tāvadūrdhvadalopetaṃ madhye vipulakarṇikam

upacchadasamāyuktimīṣatphāmbhujākṛti/
pādamānaṃ dalāyāmaṃ kevalaṃ vā saroruham

pīṭhaṃ vā kevalaṃ vāpi suṣiraṃ naivakārayet/
sthitasya kautukasyedaṃ pīṭhanirmāṇamīritam

āsīnasyāyataṃ vṛttaṃ caturaśraṃ yadāyatam/
pratimārdhasamutsedhaṃ tattratīyāṃśameva vā

padmaṃ bahudalopetaṃ madhye vipulakarṇikam/
sakuñcitaprasavyāṅghriradhastāllambitetaraḥ

adhyāsītāsanaṃ devo yathoktaṃ kamalāsana/
lambamānapadādhāraṃ kamalaṃ parikalpayet

śrīrdakṣiṇe dharā vāme devyau devasya kalpayet/
karmādibhimbaṣaṭkaṃ syācchrībhūmisahitaṃ sadā

ekasminviṣṭare syātāṃ vṛthagvā vallabhe ubhe/
vāmaṃ sañkṣipya caraṇamitaraṃ lambayedadhaḥ

śrīrdharā tvavyathā sīnā sthite deve tathā sthitā/
vṛttāṃ vṛttāyatāṃ vāpi prabhāṃ bimbānusārataḥ

kṛryānmanoharāṃ yasmāttejorāśiḥ prabhā matā/
dvyaṅgulaṃ kāṇḍamānaṃ syātpuṣpakṣetraṃ tadardhakam

ardhāṅgulaṃ bhavetkṣetraṃ kāṇḍaṃ tadanupūrvavat
vetraṃ tadanu bhūyo'pi jvālāmāloparisthitā

ardhāṅgulāntarālāssyurhvālāḥ pañcaśikhāstathā/
triśikhā vā yathāyogaṃ dakṣiṇāvartaśobhitāḥ

yugmā vā syurayugmā vā kāṇḍe kāṇḍe prakalpayet/
daśāvatāramūrtīrvā mīnādyāḥ keśavādikāḥ

prabhāyāḥ pārśvayoḥ pṛṣṭhe śaṅkunālaṃ prakalpayet/
bimbe yānādhirūḍhe kartavyā toraṇaprabhā

antarbahiśca dāḍyārthamāyasaṃ tu niveśayet/
bimbaṃ prabhāmāsanaṃ vā lohajaṃ palikalpayet

dvāvayitvā madhūcchiṣṭaṃ pratimāṃ tena kalpayet/
dhānyārāśiṃ vinikṣipya tadūrdhve tilataṇḍulam

cakrābjaṃ tu likhettasminprāgagrānnikṣipetkuśān/
vastraṃ ca nūtalanaṃ tasminvistīrya pratimāṃ kṣipet

prācīnaśirasaṃ paścājjuhuyādanale guruḥ/
puṣpaissamidbhirlājaiśca sarpiṣāṣṭottaraṃ śataṃ

juhuyānmūlamantreṇa nṛsūktena caruṃ punaḥ/
hutvaivaṃ vidhinācāryassragvī kanakabhūṣaṇaḥ

saṃpātājyena saṃsicyetpratimāṃ tatvapaddhatim/
dhyāyettatra śubhe lagne pūjayenmūlavidyayā

yajamāno guruṃ pūhya bahubhistoṣayoddhanaiḥ/
brāhmaṇān viduṣo vittairbahubhiḥ paritoṣayet

sthipatiḥ pratimāṃ kuryādrathakārābhyanujñayā/
mānonmānapramāṇaistāṃ pratimāṃ kārayecchubhām

mṛdā lepaṃ tataḥ kuryācchilpaśāstrānusārataḥ/
suvarṇaṃ rajataṃ tāmraṃ viśuddhaṃ lohamuttamam

ādhaya dhānya rāśyāṃ tu pūrvavannyāsakalpanam/
pūrvavaccaiva juhuyādācāryāścoditakramāt

drāvayitvā tataśśuddhaṃ lohaṃ nyāyasamārjitam/
sthapatiḥ pratimāṃ tena kuryācchāstroktavartmanā

lohajāṃ pratimāṃ caivaṃ kalpayetparamātmanaḥ/
sa yāti paramaṃ sthānaṃ punarāvṛttivarjitam

pratimāhastapādādivaikalye śāntimācaret/
ācāryo danahūmādyaistataśśāntirbhaviṣyati

samādadhyādavayavān vikalān sthapatiḥ punaḥ/
citraṃ cāpyardhacitraṃ ca citrābhāsamiti tridhā

kautukaṃ tatra dṛśyante yasminnavayavāssphuṭam/
sarve samantāccitraṃ tu tadvijñeyaṃ caturmukha

hastādyavayavā yasminpurobhāge samīkṣitum/
śakyaṃ nāparabhāge tu tadardhaṃ citramiṣyate

rūpitā pratimā yā tu varṇaireva sitādibhiḥ/
kuḍyādau citramābhāsaṃ tatkautukamudāhṛtam

citramutkṛṣṭamityukta mardhaṃ madhyamamucyate/
ābhāsamadhamaṃ viddhi mandire vātha veśmani

sthāpayeddhruvabhimbhārthaṃ pūrvālābhe yathottaram/
ataḥ paraṃ pravakṣyāmi pratimāmānalakṣaṇam

e kādidaśaparyantaṃ saṅkhyayopeyuṣāṃ bhidāma/
tālānāmuttamādīnāṃ rūpāviṣkṛtipūrvakam

yatkiñcitpratimāmānaṃ vibhajya daśadā punaḥ/
ekaṃ dvādaśadā bhaṅtkra tatraikāṃśo'ṅgulaḥ smṛtaḥ

aṅgulaṃ cāṣṭadhā kutvā tatraikāṃśo yavaḥ smṛtaḥ/
tenai vāṅgulamānena aṅgapratyaṅgakalpanā

dvādaśāṅgulakaṃ mānaṃ tālākhyamiha kathyate/
dvādaśāṅgulakastālo mukhyaśceti pratīrtitaḥ

dvyaṅgulaṃ golakaṃ jñeyaṃ kaleti vyapadiśyate/
ekāṅgulaṃ bhavenmātrā bhāgo mātrācatuṣṭayam

uttamādhamamadhyāni tālāni kamalāsana/
ekādidaśaparyantaṃ saṅkhyayā cchedayanti ca

mīyate daśatālena vāsudevassanātanaḥ/
savārdhatālau brahmeśau navatālena devatāḥ

aṣṭārdhatālau dvārasthāḥ kumudādigaṇāstathā/
āṣṭatālāṃśca manujān piśācādīṃśca saptakān

ṣaṭtālān kubjakān viddhi paṃcatālāṃstu vāmanān/
catustālāni bhūtāni titālāḥ kinnarāstathā

matsyā dvitālakā jñeyāstālenai kena pannagāḥ/
daśatālaṃ caturviṃśadaṅgulīnāṃ śataṃ bhavet

uttamaṃ madhyamaṃ viṃśatkaniṣṭhaṃ ṣoḍaśa smṛtam/
navatālaṃ tu tacchreṣṭhaṃ yacchataṃ dvādaśādhikam

aṣṭādhikaṃ śataṃ madhyaṃ kanīyaścaturuttamam/
aṣṭatālāṃ śataṃ śreṣṭhaṃ madhyamaṃ ṣaṇṇavatyapi

caturthahīnamadhamamaṣṭatālaṃ prakīrtitam/
uttamādikramo'nyeṣu saptatālādiṣūhyate

catuścaturvihīnāṃ cetkramādaṅgulibhirbhavet/
pūrvaṃ pūrvaṃ yathoktaṃ tattraividhyamavagamyatām

trayodaśārdhāṅgulikaṃ daśatālottame mukham/
ardhenāṅgulinā pīnaṃ madhyamaṃ saṃpracakṣate

ardhenāṅgulinā hīnamekaikamitareṣvapi/
dhruvāyāmuttamaṃ tālamarcāyāṃ madhyamaṃ bhavet