Padma Samhita · Chapter 3.17

matsyātidaśamūrtināṃ lakṣaṇaṃ kathyate'dhunā/
īṣadvaisthūla citrāṇi taistairva ktrairyutāni ca

tatra matsyasya kāyaśca dairghyādvai ṣoḍaśāṅgulam/
daśāṅgulaṃ tu vaipulyānmīnākhyaṃ parikalpayet

śūlaṃ matsyākṛtiṃ kṛtvā śilāmṛtkāṣṭhajaṃ tu vā/
ardhacitreṇa vākuryāccitrābhāsena vā punaḥ

samudraṃtu likhedbhittau padmasyopari kalpayet/
pañcāyudhān likhedbhittau chatrādīnparikalpayet

nāradenāpi manunā samabhyarcitamādarāt/
karmārcādīni biṃbāni saumyavaktrāścaturbhujāḥ

āsīvā vā sthitā vāpi śaṃkhacakragadādharāḥ/
kūrmavatkūrma mūrtiṃ tu kalpayetkamalāsana

tapanīyanibhaṃ kūrmaṃ vistāraṃ dvādaśāṅgulam/
śilāmṛtkāṣṭhajaṃ padmapīṭhe saṃsthāpayetprabhum

ābhāse vārdhacitre vā kṣīrodamathanaṃ likhet/
kacchapendrasya pṛṣṭho tu mandaraṃ parvato tamam

tasya dakṣiṇapārśve tu vāsudevaṃ sanātanam/
mandarasya gireragre nyastahastaṃ jagadgurum

vāmapārśva girestasya brahmāṇaṃ saha śaṅkaram/
vāsu keḥ pūrvabhāgaṃ tu gṛhṇantya surarākṣasāḥ

pucchabhāgaṃ tu gṛhṇanti vākerdevatāgaṇāḥ/
karmārcādīni bimbāni saumyavaktrāścaturbhujāḥ

karmārcādiṣu bimbasya.)
viṣṇormahāvarāhasya nirmāṇamadhunocyate/
naravatkaṇṭhaparyantaṃ vaktrasṛṣṭhirvarāhavat

caturbhujaṃ śaṅkhacakradhāriṇaṃ sphaṭikaprabham/
pītavastraṃ mukuṭinaṃ śyāmalākṛtimeva vā

satiryaksaṃsthitaṃ sūtre daivike sthāpayetpade/
śayanaṃ yānakaṃ caiva varāhasya tu neṣyate

sthāpayedekaberaṃ tu śaṅkacakragadādhāram/
āsane'pi tathā rūpaṃ brahmasthāne ṛjurbhavet

divye tu sthānake caiva ṛjvaṅgaṃ naiva kārayet/
uddhṛtya dharaṇīṃ devīṃ vāvahastasya kūrpare

kaṭipradeśamālambya pāṇinā dakṣiṇena tu/
jighran devyāḥ stanaṃ devaśśrīvatsāṅkaḥ kirīṭavān

kṛtāñjalipuṭā devī śyāmavarṇā sumadhyamā/
kalpanīyā mahī devī deve tiṣṭhati padmaja

āsīne tu tathāsīnā puṣpahastā vasundharā/
vāme pārśve pratiṣṭhāpyā varāhavapuṣo hareḥ

āropitavyā devasya vāmotsaṅge vasundharā/
āliṅgitā ca hastena vāmena prekṣitānanā

karmārcanādipratimā āsīnā vā sthitāpi vā/
devyā saha kroḍavaktrā saumyavaktrā caturbhujā

nṛsiṃhāmūrtirbahudhā tatra kācitpra darśyate/
vaktaṃ kesariṇo vaktraṃ vyāttāsyaṃ daṃṣṭrayā yutam

bhrukuṭīkuṭilaṃ bhīmaṃ triṇetraṃ mukuṭojjvalam/
aṅgāntaraṃ narasyeva caturbhujamudā yudham

raktakañcukasaṃyuktaṃ śrīvatsāṅkavirājitam/
śuddhasphaṭikasaṃkāśaṃ śaṅkhacakravirājitam

paryaṅkabandasaṃyuktamāsīnaṃ samyagāsane/
prasārya jānunorhastau mukhyau vistāritāṅgulī

dambholibhīmanakhinau bhāge divye pratiṣṭitam//
ekabheravidhānaṃ cedāsīno vā sthito'pi vā

śaṅkhacakragadāpāṇiḥ sthita ścetkamalāsana/
athavā daivike bhāge siṃhaviṣṭaraviṣṭhitam

śrībhīmibhyāṃ sahāsīnāṃ baddhaparyaṅkabandanam/
yadvā bhūmitale pādamekaṃ saṃsthāpyadakṣiṇam

apareṇa sukhāsīno viṣṭare vipule dṛḍham/
yadvā prasārya jānūrdhvamutkṣipyopari jānunaḥ

vāhastaṃ prasāryānyahastaṃ kṛtvā'bhayapradam/
dakṣiṇaṃ jānuno'dhastāt sthāpayitvā tathāsane

śrībhūmisahito divye tirṣṭhabhāge yathāpuram/
yadvāṣṭabhūjasaṃyuktaṃ nṛsiṃhaṃ parikalpayet

cakraṃ khaḍgaṃ ca bāṇaṃ ca abhayaṃ dakṣiṇe bhuje/
pāñcajanyaṃ gadāṃ śārṅgaṃ vāma bāhṛṣu kārayet

jānūpari tathā vāmaṃ hastamekaṃ prasārayet/
yadvā bhujayugaṃ jānudvayasyopari kalpayet

athavā soḍaśabhujo narasiṃhaḥ praśasyate/
cakraṃ khaḍgaṃ saparaśuraṃ śūlaṃ bāṇaṃ tathāṅkuśam

vajraṃ ca dakṣiṇabhujapradeśeṣvitapeṣvapi/
śaṅkhaṃ carma gadāṃ śaktiṃ śārṅgaṃ pāśaṃ ca tomaram

śiṣṭau karau yathāpūrvaṃ sthāpayejjānunordvayoḥ/
vāma jānūrdhvakaṃ kuryādadhastāditaraṃ punaḥ

utsaṅge devadevasya hiraṇyakaśipuṃ ripum/
nakhairvidāritoraskaṃ sravadrudhira paṅkilam./ 17.37 //
rudhirastomasaṃbhūta sirāṇāṃ grāmasaṅkulam/
kuryācca dakṣiṇe pārśve vidhimanyatra śaṅkaram

prahlādaṃ garuḍaṃ cāpi pārśvayo statra kārayet/
svatantre narasiṃhe tu karmabimbāni kārayet

caturbhujaṃ vā sarvatra cāsīnāṃ susthitaṃ tu vā/
śrībhūmisahitaṃ vāpi rahitaṃ vāpi kārayet

22. nṛsiṃhāṃ tatra.)
karmārcanādipratimāṃ saumyavaktrāṃ caturbhijāṃ/
vāmanasya harermūrtaṃ bahudhā saṃpracakṣate

vāmanaṃ vāmanākāraṃ śyāmalaṃ daṇḍadhāriṇam/
dvibhujaṃ mekhalādāmaśobhitaṃ śobhanākṛtim

kaupīnācchādanadharaṃ mṛgājinadharaṃ vibhum/
yajñopavītinaṃ kākapakṣa saṃyutakuntalam

īṣatkuñcitasavyāṅghriṃ dakṣiṇena ṛju sthitam/
dakṣiṇena tu hastena yācamānaṃ vastundharām

śobhitaṃ śobhanākāraṃ sthitaṃ vā śayanāsanam/
athavā garuḍārūḍhaṃ kalpayetkamalāsana

ekaberavidhānaṃ cet sthāpayedbrahmaṇaḥ pade/
bahuberavidhānaṃ tu trailokyākramaṇodyatam

viṣṇuṃ prakalpayeddivye bhāge'ṣṭabhujasaṃyutam
caturbhujaṃ vā bahubhirbāhubhirvā samanvitam

tasya dakṣiṇapārśve tu vāmanaṃ vāmanākṛtim/
tasyāpasavye dai tyendraṃ baliṃ karakadhāriṇam

bhuvanatrayadātāraṃ sabhāryaṃ sapurohitam/
vāmapārśve tu pakṣīndraṃ muṣṭinā śukraghātinam

vāmabhittau vidhātāra mupariṣṭādavasthitam/
kramamāṇasya devasya savyāṅghrikṣālanodyatam

pādodakasamudbhūtāṃ gaṅgāmākāśagāminīm/
tarjanyā vāmayā cāpi nirdiśantaṃ samuddhṛtam

caraṇaṃ savyamatyuccaiśśyāmalaṃ pītavāsanam/
śaṅkhacakragadā khaḍgadhanuḥ pāśādidhāriṇam

jāmbavantaṃ ca bhittau tu bherītāḍanatatparam/
devarṣigaṇasaṅghātān kṛtāñjalipuṭān sthitān

bhittau kṛtvātataḥ karmādyarcāṃ caiva caturbhujām/
kuryādbhārgavarāmasya nirmāṇamadhunocyate/
āsīnaṃ dvibhūjaṃ śāntaṃ jaṭāmukuṭadhāriṇam

paraśuṃ saśaraṃ cāpaṃ dakṣiṇetarahastayoḥ/
dhārayantaṃ suvarṇābhaṃ brāhmyā lakṣmyā virājitam

śrīvatsenāṅkitoraskaṃ sopavīto ttarīyakam/
sthitaṃ vā kalpayeddevamekaberaṃ vidheḥ pade

bahubere pade divye devīṃ vāme prakalpayet/
caturbhujā ca kamārcā jāmadagnyena vāsamā

bhaṅgatrayasamepetaṃ trayastriṃśatsulakṣaṇam/
yadvā caturbhujaṃ kuryājjāmadagnyaṃ caturmukha

śaṅkhacakradharaṃ śārṅgaśarahastaṃ yathāpuram/
rāmasya rāghavasyātha lakṣaṇaṃ vakṣyate'dhunā

tribhaṅgaṃ dvibhujaṃ ramya śyāmavarṇaṃ kirīṭinam/
śrīvatsāṅkaṃ prasannābhaṃ yadvā rāmaṃ caturbhujam

ṛju sthitaṃ dakṣiṇena caraṇenetareṇa tu/
kuñcitenāṅghriṇā stokaṃ śaraśārṅgadhanurdharam

uddharecca lalāṭāntaṃ vāmahastaṃ dhanurdharam/
antarālaṃ mukhamitaṃ śarahastaṃ tu dakṣiṇam

kaṭisūtrasamaṃ kuryāsmukhamānaṃ sagolakam/
antarālaṃ bhavesmuṣṭeḥ kaṭisūtrasya ca dvayoḥ

aparābhyāṃ ca hastābhyāṃ śaṅkhaṃ cakraṃ ca dhārayet/
mukhaṃ dakṣiṇato bhaṅgaṃ madhyakāyaṃ tu vāmataḥ

kaṭyāṃ dakṣiṇato bhaṅgaḥ kiñcidbhaṅgatrayaṃ matam/
kambugrīvaṃ mahūraskaṃ trayastriṃśatsulakṣaṇam

pañcadīrghaṃ caturhrasvaṃ pañcasūkṣmaṃ ṣaḍunnatam/
saptaraktaṃ trigambhīraṃ trivistīrṇaṃ praśasyate

bāhū netrāntaraṃ caiva hanurnāsā tathaiva ca/
stanayorantaraṃ caiva paṃcadīrghaṃ praśasyate

grīvā prajananaṃ pṛṣṭhaṃ hrasve jaṅgha ca pūjyate/
sūkṣmāṇyaṅguliparvāṇi keśadantanakhatvacaḥ

imāni paṃca sūkṣmāṇi kathitāni mayā'nagha/
kakṣaḥ kūkṣiśca vakṣaśca ghrūṇaṃ skandho lalāṭikā

ṣaḍunnatamidaṃ proktaṃ saptaraktamataḥ śṛṇu/
pāṇipādatalaṃ raktaṃ netrādyantaṃ nakhāni ca

tālujihvā'dhareṣṭhaṃ ca saptaraktā ime smṛtāḥ/
svarassatvaṃ ca nābhiśca trigambhīraṃ praśasyate

uraśśiro lalāṭaśca trivisthiṇaṃ prakīrtatam/
evaṃ lakṣaṇasaṃyuktaṃ sarvalokasukhāvaham

kuryāddhāśarathiṃ rāmaṃ mānāditrayasaṃyutam/
lakṣmaṇaṃ kārayodvāme tathā lakṣaṇalakṣitam

jānakīṃ dakṣiṇe pārśve devīṃ vedisamusthitām/
bharataṃ dakṣiṇe bhittau sasugrīvavibhīṣaṇ

śatrughnaṃ cāṅgadaṃ caiva hanūmantaṃ ca vāmataḥ/
divye bhāge sthitasyeva parivārādikalpanam

bhadrāsane samāsīnaṃ tyaktvā tatsaśaraṃ dhanuḥ/
abhayo dakṣiṇo hasto vāmastu varado bhavet

jānakī tu sūkhāsīnā bhaveddakṣiṇapārśvataḥ/
lakṣmaṇo vāmapārśve tu sthitaśca racitāñjaliḥ

yadvā mahārhaśayane śayānaṃ parikalpayet/
pṛṣṭhato maulipārśva tu jānakī syātsukhāsanā

kuḍyasthāḥ pūrvavatsarve kartavyā lakṣmaṇādayaḥ/
pavanātmajamārūḍho yānaṃ vā saśarāsanaḥ

ekaberavidhāne tu rāghavo brahmaṇaḥ pade/
śaracāpadharaṃ kuryāt sthitaṃ lakṣaṇalakṣitam

athavā'bhayadaṃ hastaṃ dakṣiṇaṃ dakṣiṇetaram/
kaṭispṛśaṃ karaṃ kuryādvaradaṃ vā yathāruci

dakṣiṇottarayorbhittyauḥ parivārā yathāpuram/
rāmasya bhrūpradeśāntaṃ bharataṃ parikalpayet

lakṣmaṇaṃ ca kapolāntaṃ cubukāntamathāpi vā/
śatrughnaṃ kaṇṭhamadhyāntaṃ sarve cāpaśarānvitāḥ

bhaṅgādayaśca tadvatsyuḥ keśa bandhasanvitāḥ/
mukhadviguṇā yāmamadhyardhaṃ vā samunnatam

keśabandho bhavedeṣāṃ śrīvatsarahitā stathā/
vāmaṃ yaṣṭidharaṃ hastaṃ dakṣiṇaṃ bharatasya vā

vāmaṃ devyā bhuje nyastaṃ svātantye parikalpayet/
śatrughno lakṣmaṇaśchāpi svātanyrai bharato yathā

bharataśśyāmalākāro lakṣmaṇaḥ kanakaprabhaḥ/
śatrughno raktavarṇābhaśśrīmallakṣaṇasaṃyutaḥ

māṇ‍ḍavī bharatasya syādūrmilā lakṣmaṇasya tu/
śrutakirtirbhaveddhevī śatrughnasyāmbujāsana

sītā śrīriva kartavyā kalyāṇabahulakṣaṇā/
karaṇḍikāmaulidharā kabarīvālakai ryutā

bibhrāṇā vāmahastena narasīruhakuṭmalam/
ūrupradeśaviśrāntavāmetarabhujā'thavā

ūrupradeśaviśrāntasavyahastasaroruha/
savyeta reṇa bibrāṇā raktakañcukabandhanā

hiraṇyavarṇā sītā syānmāṇḍavī pāṭalaprabhā/
ūrmilā śyāmavarṇābhā śrutakīrtassitaprabhā

dhammillasaṃyutā devyo bharatādeścaturmukha/
hanūmānvāranākāraḥ kartavyo hevasannibhaḥ

kuñcitāgramahāvālaṃ prahvakāyamavasthitam/
āsyaṃ pidhāya hastena dakṣiṇenetareṇa tu

vastrapradeśamācchādya vinītapadavasthitam/
keśabandhayutaṃ kuryāducchrāyastasya vakṣyate

rāmasya bāhuparyānta munmānaṃ tyraṃśameva vā/
ardhaṃ vā pādamathavā yathāvibhavamunnatiḥ

sugrīvaṃ vānarākāraṃ rāmabāhusamucchrayam/
prāñjaliṃ vetrasahitaṃ sthitaṃ mukuṭadhāriṇam

hārādibhūṣaṇai ryuktaṃ kuryātkanakapiṅgalam/
aṅgadaṃ vānarākāraṃ rāmamānārdhamunnatam

kṛtāñjalipuṭaṃ vetrakṣurikāmaulidhāriṇam/
keśabandhayutaṃ vāpi bandhujīvasamadyutim

vibhīṣaṇaṃ mahākāyaṃ ghoraṃ kālāyasaprabhaṃ/
daṃṣṭrākarālavadanaṃ bhrukuṭīkuṭilekṣaṇam

raktākṣaṃ mukuṭopetaṃ kṛtāñjalipuṭaṃ sthitam/
rāmasya bāhuparyantaṃ samucchrāyaṃ prakalpayet

kṛtāṃjalipuṭaṃ saumyaṃ niṣādādhipatiṃ guham/
nīla nīrada saṅkāśaṃ rāmamānārdhamunnatam

svātantyraṃ pāratantyraṃ ca raghavasyobhayaṃ bhavet/
divye bhāge'thavā brāhme garbhagehe sthito yadi

svatantro rāghavaḥ proktaḥ pade pūrvodite yadi/
caturbhujo garbagehe kalpitaḥ kamalāsana

paścādvimānaśobhārthaṃ kalpitaḥ paravānayam/
svatantre rāghave bhimbhān karmādyarthaṃ prakalpayet

anyāṃstatsadṛśaṃ rāmaṃ lakṣmaṇaṃ janakatmajām/
siṃhāsane sahaikasmin prabhayā ca pariṣkṛtān

yadvā caturbhujānkuryā tkarmādyarcāṃ caturmu/
dauvārikāṃśca svātanyrai kalpayeddvārapārśvayoḥ

nalaṃ ca dakṣiṇe pārśve jāmbavantaṃ tathottare/
jāmbavān svarṇavarṇābho nalaśśuklasamaprabhaḥ

kṣurikāvetrahastau ca baddhanalyāṇakañcukau/
nīlaṃ senāpatiṃ kṛtvā viṣvaksenapade nyaset

guho vā tatra saṃsthāpyo viṣvakseno'thavā svayam/
rāmasya purataḥ kalpyaḥ mārutirmukhamaṇḍape

garuḍo vā yathāpūrvaṃ parivārān prakalpayet/
rāmasya balabhadrasya lakṣaṇaṃ vakṣyate'dhunā

dvibhujaṃ dhavalaṃ divye bhāge'tha parikalpayet/
musalaṃ lāṅgalaṃ caiva prasavyetarahastayoḥ

bibhrāṇamathavā nyastavāmahastaṃ kaṭisthale/
dakṣiṇābhayadaṃ yadvā caturbhujamudāyudham

halaṃ ca dakṣiṇe haste vāme ca musalāyudham/
dhārayantaṃ vibhuṃ nilavasanaṃ śaṅkhacakriṇam

kirīṭinaṃ baddhakeśamathavā vāmapārśvataḥ/
revatīṃ kalpayeddevīṃ dakṣiṇe vā yathāruci

karaṇḍikāmakuṭinīmathavā kabarīdharām/
asitāṃ pāratantrya ca svātantrya ca yathāpuram