પદ્મસંહિતા · અધ્યાય 3.17

મત્સ્યાતિદશમૂર્તિનાં લક્ષણં કથ્યતેઽધુના।
ઈષદ્વૈસ્થૂલ ચિત્રાણિ તૈસ્તૈર્વ ક્ત્રૈર્યુતાનિ ચ

તત્ર મત્સ્યસ્ય કાયશ્ચ દૈર્ઘ્યાદ્વૈ ષોડશાઙ્ગુલમ્।
દશાઙ્ગુલં તુ વૈપુલ્યાન્મીનાખ્યં પરિકલ્પયેત્

શૂલં મત્સ્યાકૃતિં કૃત્વા શિલામૃત્કાષ્ઠજં તુ વા।
અર્ધચિત્રેણ વાકુર્યાચ્ચિત્રાભાસેન વા પુનઃ

સમુદ્રંતુ લિખેદ્ભિત્તૌ પદ્મસ્યોપરિ કલ્પયેત્।
પઞ્ચાયુધાન્ લિખેદ્ભિત્તૌ છત્રાદીન્પરિકલ્પયેત્

નારદેનાપિ મનુના સમભ્યર્ચિતમાદરાત્।
કર્માર્ચાદીનિ બિંબાનિ સૌમ્યવક્ત્રાશ્ચતુર્ભુજાઃ

આસીવા વા સ્થિતા વાપિ શંખચક્રગદાધરાઃ।
કૂર્મવત્કૂર્મ મૂર્તિં તુ કલ્પયેત્કમલાસન

તપનીયનિભં કૂર્મં વિસ્તારં દ્વાદશાઙ્ગુલમ્।
શિલામૃત્કાષ્ઠજં પદ્મપીઠે સંસ્થાપયેત્પ્રભુમ્

આભાસે વાર્ધચિત્રે વા ક્ષીરોદમથનં લિખેત્।
કચ્છપેન્દ્રસ્ય પૃષ્ઠો તુ મન્દરં પર્વતો તમમ્

તસ્ય દક્ષિણપાર્શ્વે તુ વાસુદેવં સનાતનમ્।
મન્દરસ્ય ગિરેરગ્રે ન્યસ્તહસ્તં જગદ્ગુરુમ્

વામપાર્શ્વ ગિરેસ્તસ્ય બ્રહ્માણં સહ શઙ્કરમ્।
વાસુ કેઃ પૂર્વભાગં તુ ગૃહ્ણન્ત્ય સુરરાક્ષસાઃ

પુચ્છભાગં તુ ગૃહ્ણન્તિ વાકેર્દેવતાગણાઃ।
કર્માર્ચાદીનિ બિમ્બાનિ સૌમ્યવક્ત્રાશ્ચતુર્ભુજાઃ

કર્માર્ચાદિષુ બિમ્બસ્ય.)
વિષ્ણોર્મહાવરાહસ્ય નિર્માણમધુનોચ્યતે।
નરવત્કણ્ઠપર્યન્તં વક્ત્રસૃષ્ઠિર્વરાહવત્

ચતુર્ભુજં શઙ્ખચક્રધારિણં સ્ફટિકપ્રભમ્।
પીતવસ્ત્રં મુકુટિનં શ્યામલાકૃતિમેવ વા

સતિર્યક્સંસ્થિતં સૂત્રે દૈવિકે સ્થાપયેત્પદે।
શયનં યાનકં ચૈવ વરાહસ્ય તુ નેષ્યતે

સ્થાપયેદેકબેરં તુ શઙ્કચક્રગદાધારમ્।
આસનેઽપિ તથા રૂપં બ્રહ્મસ્થાને ઋજુર્ભવેત્

દિવ્યે તુ સ્થાનકે ચૈવ ઋજ્વઙ્ગં નૈવ કારયેત્।
ઉદ્ધૃત્ય ધરણીં દેવીં વાવહસ્તસ્ય કૂર્પરે

કટિપ્રદેશમાલમ્બ્ય પાણિના દક્ષિણેન તુ।
જિઘ્રન્ દેવ્યાઃ સ્તનં દેવશ્શ્રીવત્સાઙ્કઃ કિરીટવાન્

કૃતાઞ્જલિપુટા દેવી શ્યામવર્ણા સુમધ્યમા।
કલ્પનીયા મહી દેવી દેવે તિષ્ઠતિ પદ્મજ

આસીને તુ તથાસીના પુષ્પહસ્તા વસુન્ધરા।
વામે પાર્શ્વે પ્રતિષ્ઠાપ્યા વરાહવપુષો હરેઃ

આરોપિતવ્યા દેવસ્ય વામોત્સઙ્ગે વસુન્ધરા।
આલિઙ્ગિતા ચ હસ્તેન વામેન પ્રેક્ષિતાનના

કર્માર્ચનાદિપ્રતિમા આસીના વા સ્થિતાપિ વા।
દેવ્યા સહ ક્રોડવક્ત્રા સૌમ્યવક્ત્રા ચતુર્ભુજા

નૃસિંહામૂર્તિર્બહુધા તત્ર કાચિત્પ્ર દર્શ્યતે।
વક્તં કેસરિણો વક્ત્રં વ્યાત્તાસ્યં દંષ્ટ્રયા યુતમ્

ભ્રુકુટીકુટિલં ભીમં ત્રિણેત્રં મુકુટોજ્જ્વલમ્।
અઙ્ગાન્તરં નરસ્યેવ ચતુર્ભુજમુદા યુધમ્

રક્તકઞ્ચુકસંયુક્તં શ્રીવત્સાઙ્કવિરાજિતમ્।
શુદ્ધસ્ફટિકસંકાશં શઙ્ખચક્રવિરાજિતમ્

પર્યઙ્કબન્દસંયુક્તમાસીનં સમ્યગાસને।
પ્રસાર્ય જાનુનોર્હસ્તૌ મુખ્યૌ વિસ્તારિતાઙ્ગુલી

દમ્ભોલિભીમનખિનૌ ભાગે દિવ્યે પ્રતિષ્ટિતમ્॥
એકભેરવિધાનં ચેદાસીનો વા સ્થિતોઽપિ વા

શઙ્ખચક્રગદાપાણિઃ સ્થિત શ્ચેત્કમલાસન।
અથવા દૈવિકે ભાગે સિંહવિષ્ટરવિષ્ઠિતમ્

શ્રીભીમિભ્યાં સહાસીનાં બદ્ધપર્યઙ્કબન્દનમ્।
યદ્વા ભૂમિતલે પાદમેકં સંસ્થાપ્યદક્ષિણમ્

અપરેણ સુખાસીનો વિષ્ટરે વિપુલે દૃઢમ્।
યદ્વા પ્રસાર્ય જાનૂર્ધ્વમુત્ક્ષિપ્યોપરિ જાનુનઃ

વાહસ્તં પ્રસાર્યાન્યહસ્તં કૃત્વાઽભયપ્રદમ્।
દક્ષિણં જાનુનોઽધસ્તાત્ સ્થાપયિત્વા તથાસને

શ્રીભૂમિસહિતો દિવ્યે તિર્ષ્ઠભાગે યથાપુરમ્।
યદ્વાષ્ટભૂજસંયુક્તં નૃસિંહં પરિકલ્પયેત્

ચક્રં ખડ્ગં ચ બાણં ચ અભયં દક્ષિણે ભુજે।
પાઞ્ચજન્યં ગદાં શાર્ઙ્ગં વામ બાહૃષુ કારયેત્

જાનૂપરિ તથા વામં હસ્તમેકં પ્રસારયેત્।
યદ્વા ભુજયુગં જાનુદ્વયસ્યોપરિ કલ્પયેત્

અથવા સોડશભુજો નરસિંહઃ પ્રશસ્યતે।
ચક્રં ખડ્ગં સપરશુરં શૂલં બાણં તથાઙ્કુશમ્

વજ્રં ચ દક્ષિણભુજપ્રદેશેષ્વિતપેષ્વપિ।
શઙ્ખં ચર્મ ગદાં શક્તિં શાર્ઙ્ગં પાશં ચ તોમરમ્

શિષ્ટૌ કરૌ યથાપૂર્વં સ્થાપયેજ્જાનુનોર્દ્વયોઃ।
વામ જાનૂર્ધ્વકં કુર્યાદધસ્તાદિતરં પુનઃ

ઉત્સઙ્ગે દેવદેવસ્ય હિરણ્યકશિપું રિપુમ્।
નખૈર્વિદારિતોરસ્કં સ્રવદ્રુધિર પઙ્કિલમ્.। 17.37 ॥
રુધિરસ્તોમસંભૂત સિરાણાં ગ્રામસઙ્કુલમ્।
કુર્યાચ્ચ દક્ષિણે પાર્શ્વે વિધિમન્યત્ર શઙ્કરમ્

પ્રહ્લાદં ગરુડં ચાપિ પાર્શ્વયો સ્તત્ર કારયેત્।
સ્વતન્ત્રે નરસિંહે તુ કર્મબિમ્બાનિ કારયેત્

ચતુર્ભુજં વા સર્વત્ર ચાસીનાં સુસ્થિતં તુ વા।
શ્રીભૂમિસહિતં વાપિ રહિતં વાપિ કારયેત્

22. નૃસિંહાં તત્ર.)
કર્માર્ચનાદિપ્રતિમાં સૌમ્યવક્ત્રાં ચતુર્ભિજાં।
વામનસ્ય હરેર્મૂર્તં બહુધા સંપ્રચક્ષતે

વામનં વામનાકારં શ્યામલં દણ્ડધારિણમ્।
દ્વિભુજં મેખલાદામશોભિતં શોભનાકૃતિમ્

કૌપીનાચ્છાદનધરં મૃગાજિનધરં વિભુમ્।
યજ્ઞોપવીતિનં કાકપક્ષ સંયુતકુન્તલમ્

ઈષત્કુઞ્ચિતસવ્યાઙ્ઘ્રિં દક્ષિણેન ઋજુ સ્થિતમ્।
દક્ષિણેન તુ હસ્તેન યાચમાનં વસ્તુન્ધરામ્

શોભિતં શોભનાકારં સ્થિતં વા શયનાસનમ્।
અથવા ગરુડારૂઢં કલ્પયેત્કમલાસન

એકબેરવિધાનં ચેત્ સ્થાપયેદ્બ્રહ્મણઃ પદે।
બહુબેરવિધાનં તુ ત્રૈલોક્યાક્રમણોદ્યતમ્

વિષ્ણું પ્રકલ્પયેદ્દિવ્યે ભાગેઽષ્ટભુજસંયુતમ્
ચતુર્ભુજં વા બહુભિર્બાહુભિર્વા સમન્વિતમ્

તસ્ય દક્ષિણપાર્શ્વે તુ વામનં વામનાકૃતિમ્।
તસ્યાપસવ્યે દૈ ત્યેન્દ્રં બલિં કરકધારિણમ્

ભુવનત્રયદાતારં સભાર્યં સપુરોહિતમ્।
વામપાર્શ્વે તુ પક્ષીન્દ્રં મુષ્ટિના શુક્રઘાતિનમ્

વામભિત્તૌ વિધાતાર મુપરિષ્ટાદવસ્થિતમ્।
ક્રમમાણસ્ય દેવસ્ય સવ્યાઙ્ઘ્રિક્ષાલનોદ્યતમ્

પાદોદકસમુદ્ભૂતાં ગઙ્ગામાકાશગામિનીમ્।
તર્જન્યા વામયા ચાપિ નિર્દિશન્તં સમુદ્ધૃતમ્

ચરણં સવ્યમત્યુચ્ચૈશ્શ્યામલં પીતવાસનમ્।
શઙ્ખચક્રગદા ખડ્ગધનુઃ પાશાદિધારિણમ્

જામ્બવન્તં ચ ભિત્તૌ તુ ભેરીતાડનતત્પરમ્।
દેવર્ષિગણસઙ્ઘાતાન્ કૃતાઞ્જલિપુટાન્ સ્થિતાન્

ભિત્તૌ કૃત્વાતતઃ કર્માદ્યર્ચાં ચૈવ ચતુર્ભુજામ્।
કુર્યાદ્ભાર્ગવરામસ્ય નિર્માણમધુનોચ્યતે।
આસીનં દ્વિભૂજં શાન્તં જટામુકુટધારિણમ્

પરશું સશરં ચાપં દક્ષિણેતરહસ્તયોઃ।
ધારયન્તં સુવર્ણાભં બ્રાહ્મ્યા લક્ષ્મ્યા વિરાજિતમ્

શ્રીવત્સેનાઙ્કિતોરસ્કં સોપવીતો ત્તરીયકમ્।
સ્થિતં વા કલ્પયેદ્દેવમેકબેરં વિધેઃ પદે

બહુબેરે પદે દિવ્યે દેવીં વામે પ્રકલ્પયેત્।
ચતુર્ભુજા ચ કમાર્ચા જામદગ્ન્યેન વાસમા

ભઙ્ગત્રયસમેપેતં ત્રયસ્ત્રિંશત્સુલક્ષણમ્।
યદ્વા ચતુર્ભુજં કુર્યાજ્જામદગ્ન્યં ચતુર્મુખ

શઙ્ખચક્રધરં શાર્ઙ્ગશરહસ્તં યથાપુરમ્।
રામસ્ય રાઘવસ્યાથ લક્ષણં વક્ષ્યતેઽધુના

ત્રિભઙ્ગં દ્વિભુજં રમ્ય શ્યામવર્ણં કિરીટિનમ્।
શ્રીવત્સાઙ્કં પ્રસન્નાભં યદ્વા રામં ચતુર્ભુજમ્

ઋજુ સ્થિતં દક્ષિણેન ચરણેનેતરેણ તુ।
કુઞ્ચિતેનાઙ્ઘ્રિણા સ્તોકં શરશાર્ઙ્ગધનુર્ધરમ્

ઉદ્ધરેચ્ચ લલાટાન્તં વામહસ્તં ધનુર્ધરમ્।
અન્તરાલં મુખમિતં શરહસ્તં તુ દક્ષિણમ્

કટિસૂત્રસમં કુર્યાસ્મુખમાનં સગોલકમ્।
અન્તરાલં ભવેસ્મુષ્ટેઃ કટિસૂત્રસ્ય ચ દ્વયોઃ

અપરાભ્યાં ચ હસ્તાભ્યાં શઙ્ખં ચક્રં ચ ધારયેત્।
મુખં દક્ષિણતો ભઙ્ગં મધ્યકાયં તુ વામતઃ

કટ્યાં દક્ષિણતો ભઙ્ગઃ કિઞ્ચિદ્ભઙ્ગત્રયં મતમ્।
કમ્બુગ્રીવં મહૂરસ્કં ત્રયસ્ત્રિંશત્સુલક્ષણમ્

પઞ્ચદીર્ઘં ચતુર્હ્રસ્વં પઞ્ચસૂક્ષ્મં ષડુન્નતમ્।
સપ્તરક્તં ત્રિગમ્ભીરં ત્રિવિસ્તીર્ણં પ્રશસ્યતે

બાહૂ નેત્રાન્તરં ચૈવ હનુર્નાસા તથૈવ ચ।
સ્તનયોરન્તરં ચૈવ પંચદીર્ઘં પ્રશસ્યતે

ગ્રીવા પ્રજનનં પૃષ્ઠં હ્રસ્વે જઙ્ઘ ચ પૂજ્યતે।
સૂક્ષ્માણ્યઙ્ગુલિપર્વાણિ કેશદન્તનખત્વચઃ

ઇમાનિ પંચ સૂક્ષ્માણિ કથિતાનિ મયાઽનઘ।
કક્ષઃ કૂક્ષિશ્ચ વક્ષશ્ચ ઘ્રૂણં સ્કન્ધો લલાટિકા

ષડુન્નતમિદં પ્રોક્તં સપ્તરક્તમતઃ શૃણુ।
પાણિપાદતલં રક્તં નેત્રાદ્યન્તં નખાનિ ચ

તાલુજિહ્વાઽધરેષ્ઠં ચ સપ્તરક્તા ઇમે સ્મૃતાઃ।
સ્વરસ્સત્વં ચ નાભિશ્ચ ત્રિગમ્ભીરં પ્રશસ્યતે

ઉરશ્શિરો લલાટશ્ચ ત્રિવિસ્થિણં પ્રકીર્તતમ્।
એવં લક્ષણસંયુક્તં સર્વલોકસુખાવહમ્

કુર્યાદ્ધાશરથિં રામં માનાદિત્રયસંયુતમ્।
લક્ષ્મણં કારયોદ્વામે તથા લક્ષણલક્ષિતમ્

જાનકીં દક્ષિણે પાર્શ્વે દેવીં વેદિસમુસ્થિતામ્।
ભરતં દક્ષિણે ભિત્તૌ સસુગ્રીવવિભીષણ્

શત્રુઘ્નં ચાઙ્ગદં ચૈવ હનૂમન્તં ચ વામતઃ।
દિવ્યે ભાગે સ્થિતસ્યેવ પરિવારાદિકલ્પનમ્

ભદ્રાસને સમાસીનં ત્યક્ત્વા તત્સશરં ધનુઃ।
અભયો દક્ષિણો હસ્તો વામસ્તુ વરદો ભવેત્

જાનકી તુ સૂખાસીના ભવેદ્દક્ષિણપાર્શ્વતઃ।
લક્ષ્મણો વામપાર્શ્વે તુ સ્થિતશ્ચ રચિતાઞ્જલિઃ

યદ્વા મહાર્હશયને શયાનં પરિકલ્પયેત્।
પૃષ્ઠતો મૌલિપાર્શ્વ તુ જાનકી સ્યાત્સુખાસના

કુડ્યસ્થાઃ પૂર્વવત્સર્વે કર્તવ્યા લક્ષ્મણાદયઃ।
પવનાત્મજમારૂઢો યાનં વા સશરાસનઃ

એકબેરવિધાને તુ રાઘવો બ્રહ્મણઃ પદે।
શરચાપધરં કુર્યાત્ સ્થિતં લક્ષણલક્ષિતમ્

અથવાઽભયદં હસ્તં દક્ષિણં દક્ષિણેતરમ્।
કટિસ્પૃશં કરં કુર્યાદ્વરદં વા યથારુચિ

દક્ષિણોત્તરયોર્ભિત્ત્યૌઃ પરિવારા યથાપુરમ્।
રામસ્ય ભ્રૂપ્રદેશાન્તં ભરતં પરિકલ્પયેત્

લક્ષ્મણં ચ કપોલાન્તં ચુબુકાન્તમથાપિ વા।
શત્રુઘ્નં કણ્ઠમધ્યાન્તં સર્વે ચાપશરાન્વિતાઃ

ભઙ્ગાદયશ્ચ તદ્વત્સ્યુઃ કેશ બન્ધસન્વિતાઃ।
મુખદ્વિગુણા યામમધ્યર્ધં વા સમુન્નતમ્

કેશબન્ધો ભવેદેષાં શ્રીવત્સરહિતા સ્તથા।
વામં યષ્ટિધરં હસ્તં દક્ષિણં ભરતસ્ય વા

વામં દેવ્યા ભુજે ન્યસ્તં સ્વાતન્ત્યે પરિકલ્પયેત્।
શત્રુઘ્નો લક્ષ્મણશ્છાપિ સ્વાતન્ય્રૈ ભરતો યથા

ભરતશ્શ્યામલાકારો લક્ષ્મણઃ કનકપ્રભઃ।
શત્રુઘ્નો રક્તવર્ણાભશ્શ્રીમલ્લક્ષણસંયુતઃ

માણ્‍ડવી ભરતસ્ય સ્યાદૂર્મિલા લક્ષ્મણસ્ય તુ।
શ્રુતકિર્તિર્ભવેદ્ધેવી શત્રુઘ્નસ્યામ્બુજાસન

સીતા શ્રીરિવ કર્તવ્યા કલ્યાણબહુલક્ષણા।
કરણ્ડિકામૌલિધરા કબરીવાલકૈ ર્યુતા

બિભ્રાણા વામહસ્તેન નરસીરુહકુટ્મલમ્।
ઊરુપ્રદેશવિશ્રાન્તવામેતરભુજાઽથવા

ઊરુપ્રદેશવિશ્રાન્તસવ્યહસ્તસરોરુહ।
સવ્યેત રેણ બિબ્રાણા રક્તકઞ્ચુકબન્ધના

હિરણ્યવર્ણા સીતા સ્યાન્માણ્ડવી પાટલપ્રભા।
ઊર્મિલા શ્યામવર્ણાભા શ્રુતકીર્તસ્સિતપ્રભા

ધમ્મિલ્લસંયુતા દેવ્યો ભરતાદેશ્ચતુર્મુખ।
હનૂમાન્વારનાકારઃ કર્તવ્યો હેવસન્નિભઃ

કુઞ્ચિતાગ્રમહાવાલં પ્રહ્વકાયમવસ્થિતમ્।
આસ્યં પિધાય હસ્તેન દક્ષિણેનેતરેણ તુ

વસ્ત્રપ્રદેશમાચ્છાદ્ય વિનીતપદવસ્થિતમ્।
કેશબન્ધયુતં કુર્યાદુચ્છ્રાયસ્તસ્ય વક્ષ્યતે

રામસ્ય બાહુપર્યાન્ત મુન્માનં ત્ય્રંશમેવ વા।
અર્ધં વા પાદમથવા યથાવિભવમુન્નતિઃ

સુગ્રીવં વાનરાકારં રામબાહુસમુચ્છ્રયમ્।
પ્રાઞ્જલિં વેત્રસહિતં સ્થિતં મુકુટધારિણમ્

હારાદિભૂષણૈ ર્યુક્તં કુર્યાત્કનકપિઙ્ગલમ્।
અઙ્ગદં વાનરાકારં રામમાનાર્ધમુન્નતમ્

કૃતાઞ્જલિપુટં વેત્રક્ષુરિકામૌલિધારિણમ્।
કેશબન્ધયુતં વાપિ બન્ધુજીવસમદ્યુતિમ્

વિભીષણં મહાકાયં ઘોરં કાલાયસપ્રભં।
દંષ્ટ્રાકરાલવદનં ભ્રુકુટીકુટિલેક્ષણમ્

રક્તાક્ષં મુકુટોપેતં કૃતાઞ્જલિપુટં સ્થિતમ્।
રામસ્ય બાહુપર્યન્તં સમુચ્છ્રાયં પ્રકલ્પયેત્

કૃતાંજલિપુટં સૌમ્યં નિષાદાધિપતિં ગુહમ્।
નીલ નીરદ સઙ્કાશં રામમાનાર્ધમુન્નતમ્

સ્વાતન્ત્ય્રં પારતન્ત્ય્રં ચ રઘવસ્યોભયં ભવેત્।
દિવ્યે ભાગેઽથવા બ્રાહ્મે ગર્ભગેહે સ્થિતો યદિ

સ્વતન્ત્રો રાઘવઃ પ્રોક્તઃ પદે પૂર્વોદિતે યદિ।
ચતુર્ભુજો ગર્બગેહે કલ્પિતઃ કમલાસન

પશ્ચાદ્વિમાનશોભાર્થં કલ્પિતઃ પરવાનયમ્।
સ્વતન્ત્રે રાઘવે ભિમ્ભાન્ કર્માદ્યર્થં પ્રકલ્પયેત્

અન્યાંસ્તત્સદૃશં રામં લક્ષ્મણં જનકત્મજામ્।
સિંહાસને સહૈકસ્મિન્ પ્રભયા ચ પરિષ્કૃતાન્

યદ્વા ચતુર્ભુજાન્કુર્યા ત્કર્માદ્યર્ચાં ચતુર્મુ।
દૌવારિકાંશ્ચ સ્વાતન્ય્રૈ કલ્પયેદ્દ્વારપાર્શ્વયોઃ

નલં ચ દક્ષિણે પાર્શ્વે જામ્બવન્તં તથોત્તરે।
જામ્બવાન્ સ્વર્ણવર્ણાભો નલશ્શુક્લસમપ્રભઃ

ક્ષુરિકાવેત્રહસ્તૌ ચ બદ્ધનલ્યાણકઞ્ચુકૌ।
નીલં સેનાપતિં કૃત્વા વિષ્વક્સેનપદે ન્યસેત્

ગુહો વા તત્ર સંસ્થાપ્યો વિષ્વક્સેનોઽથવા સ્વયમ્।
રામસ્ય પુરતઃ કલ્પ્યઃ મારુતિર્મુખમણ્ડપે

ગરુડો વા યથાપૂર્વં પરિવારાન્ પ્રકલ્પયેત્।
રામસ્ય બલભદ્રસ્ય લક્ષણં વક્ષ્યતેઽધુના

દ્વિભુજં ધવલં દિવ્યે ભાગેઽથ પરિકલ્પયેત્।
મુસલં લાઙ્ગલં ચૈવ પ્રસવ્યેતરહસ્તયોઃ

બિભ્રાણમથવા ન્યસ્તવામહસ્તં કટિસ્થલે।
દક્ષિણાભયદં યદ્વા ચતુર્ભુજમુદાયુધમ્

હલં ચ દક્ષિણે હસ્તે વામે ચ મુસલાયુધમ્।
ધારયન્તં વિભું નિલવસનં શઙ્ખચક્રિણમ્

કિરીટિનં બદ્ધકેશમથવા વામપાર્શ્વતઃ।
રેવતીં કલ્પયેદ્દેવીં દક્ષિણે વા યથારુચિ

કરણ્ડિકામકુટિનીમથવા કબરીધરામ્।
અસિતાં પારતન્ત્ર્ય ચ સ્વાતન્ત્ર્ય ચ યથાપુરમ્