Padma Samhita · Chapter 3.16

ṣoḍaśo'dhyāyaḥ/
yānārūḍasya bhodo'yaṃ adhunā saṃpradarśyate/
vaina teyaṃ suvarṇābhaṃ pakṣamaṇḍalamaṇḍitam

nīlāgranāsāsaṃyuktaṃ nāgendrābharaṇai ryutam/
skandhe cāruhyā caraṇaṃ vāmamākuñcya dakṣiṇam

prasārya caraṇaṃ devo bhujāṣṭakasamanvitaḥ/
cakrapadmāsiviśikhān dhārayan daṇiṇaiḥ karaiḥ

śaṅkhaṃ kaumodakīṃ carma cāpamanyaiḥ karairdadhat/
pṛṣṭhato bhittipārśve tu ātapatraṃ suradrumam

savandasanakau bhittau pārśvayoścandrabhāskarau/
yathā svāvāhane devassamāruhya sthitā yadi

arcanāpīṭhikāpārśve śrīmahyau tu kṛtāṃjalī/
surāsuramunīn nāgān siddhavidyādharāṃ stathā

gandarvāpsaraso meghān kārayodbhittibhūmiṣu/
sarve citreṇa saṃyuktā yānārohaṇamuttamam

devaṃ caturbhujaṃ kṛtvā śaṅkhacakragadādharam/
vāmotsaṅge samāropya ratiṃ dāḍimasannibhām

pāśāṅguśadharāṃ devīṃ kāmavihvalalocanām/
arcanāpīṭhikāpārśve śriyaṃ bhūmiṃ ca kārayet

nāradaśca bhṛguścaiva kṛḍye cāmaradhāriṇau/
prītaṃ sarasvatīṃ śāntiṃ kalpayet yāmyabhūmiṣu

puṣṭhiṃ tuṣṭiṃ ca kīrtaṃ ca kuḍye vāme ca kārayet/
puṣpamañjarihastāśaaca sitacāmaravījanāḥ

ardhacitreṇa vā sarve ābhāsenaiva vā vidhiḥ/
madhyamo vāhanārohaśśṛṇunīcaṃ caturmukha

caturbhujaṃ viśālākṣaṃ bhinnāñjanacayaprabham/
mukhyābhyāṃ caiva hastābhyāṃ śārṅkhapañcaśarānapi

ūrdhvābhyāmitarābhyāṃ ca śaṅgaṃ cakraṃ ca dhārayan/
niṣṭaptakanakaprakhyāṃ vāmotsaṅgasamarpitām

lāvaṇyāmṛtatoyena siñcantīmiva sarvataḥ/
dakṣiṇaṃ puṣpahastaṃ vā vāmahastaṃ vasupradam

arcanāpīṭhikāpārśve ratiṃ śāntiṃ ca kārayet/
citrābhāsena kuḍyasthāḥ nīcaṃ yānādhirohaṇam

viśvarūpaṃ pravakṣyāmi śṛṇu paṅkajasambhava /
dvipādamekakaṇṭhaṃ ca caturdikṣu caturmukham

vāsudevamukhādūrdhvaṃ sarvadevamukhāni tu/
saṅkarṣaṇamukhādūrdhvaṃ sarvarṣīṇāṃ mukhāni ca

pradyumnasya mukhādūrdhvaṃ dai tyadānavarakṣasām/
aniruddhamukhādūrdhvaṃ nāgagandharvakinnarāḥ

mukhānyetāni cānyāni yathāvibhavamādarāt/
kartavyāni caturvaktra samarthāni vicakṣaṇaiḥ

upariṣṭācca vaktrāṇāṃ kirīṭamatiśobhanam/
kuryādyugapadudbhūtaṃ sahasrādityavarcasam

anekabhujasaṃyuktaṃ anekāyudhabhūṣitam/
arcitaṃ brahmarudrābhyāṃ bhittibhūmiṣu devatāḥ

citreṇa sarve vihitāḥ viśvarūpassa uttamaḥ/
sarve yathoktāḥ kuḍyasthāḥ ardhacitreṇa cetkṛtāḥ

savandasanakau kuryātpūjāpiṭhasya pārśvayoḥ/
madhyamā viśvamūrtassyāt
jaghanyāmapisaṃśṛṇu

ābhāsenaiva kuḍyasthāḥ devyau pūjāsane sthite/
caturbhirbāhubhiryuktaḥ vāsudevaśca śāśvataḥ

mukhyābhyāṃ dhārayan sarvadakṣiṇābhyāṃ gadāmbuje/
ūrdhvābhyāmitarābhyāṃ tu śaṅkhacakre yathāratham

athavā dakṣiṇo hastaḥ parado'bhayadopi vā/
gadāṃ vinā vāmahastaḥ kaṭideśāvalambitaḥ

dvibhujo vā bahubhujo yukto nekai stathānanaiḥ/
ekena vā sito varṇe vāsudevassanātanaḥ

evaṃ nārāyaṇo'nādirnīlanīradasannibhaḥ/
caturviṃśatimūrtīnāṃ lakṣaṇaṃ vakṣyate'dhunā

keśavasyāmbujaṃ śaṅkhaṃ cakraṃ daṇḍastathāyudham/
prādakṣiṇyena bāhūnāmanyeṣāmucyate kramāt

nārāyaṇaśśaṅkhapadmagadācakradharaḥ smṛtaḥ/
madhavo gadayā sārdhaṃ cakraśaṅkhambujāyudhaḥ

govindaścakradaṇḍābjaśaṅkhāyudhadharo bhavet/
viṣṇurgadābjaśaṅkhāridharassyānmadhusūdanaḥ

cakraśaṅkhābjadaṇḍāstradharaḥ kāryastrivikramaḥ/
padmadaṇḍāriśaṅkhāstro vāmanaśśaṅkhacakradhṛk

gadābjapāṇiścatathā śrīdharo dhṛtavārijaḥ/
sārdhaṃ cakragadāśaṅkhaiḥ hṛṣīkeśamataśśṛṇu

gācakrābjaśaṅkhāstradharaḥ paṅkaja nābhakaḥ/
padmacakrāmbujagadādharo dāmodaraḥ smṛtaḥ

abjaśaṅkhagadācakradharo dvādaśamūrtayaḥ/
etāḥ kaumodakīśaṅkhacakrāmbhojadharāḥ smṛtāḥ

vāsudevo jagadvonissaṅkarṣaṇamataśśṛṇu/
gadāśaṅkhābjacakrāṇi dhārayantaṃ caturbhujam

pradyumnaścakraśaṅkhābhyāṃ saha daṇḍasarojavān/
aniruddho/।़ridaṇḍābja padmapāṇiścaturbhujaḥ

cakramadmāmbujaissārdhaṃ gadāvān puruṣottamaḥ/
adhokṣajaḥ padmadaṇḍaśaṅkhacakradharaḥ smṛtaḥ

nṛsiṃhaścakrajalajagadaśaṅkhadharaḥ smṛtaḥ/
acyuto daṇḍapadmāriśaṃkhahastaścaturbhujaḥ

janārdanaḥ padmacakraśaṃkhadaṇḍaścaturbhujaḥ/
upendra śśaṅkhadaṇḍāripadmāyudhavibhūṣitaḥ

śaṃkhacakrābjadaṇḍāstraḥ harissyatkamalāsana/
kṛṣṇaśśaṃkhagadāpadmacakrapāṇiścaturbhujaḥ

dakṣiṇaṃ hastamārabhya pādakṣiṇyena kārayet/
mūrticihnāni śaṃkhādīnyāyudhāni vicakṣaṇaḥ

vāsudevaḥ padmanābhaḥ nārāyaṇajanārdanau/
eteṣāṃ varṇabheto'sti na viśeṣosti cāyudhaiḥ

pītāmburadharāssarvāścaturviṃśatimūrtayaḥ/
śrīvatsakaustubhākalpavanamālāvibhūṣitāḥ

bhogārthina ścedbhittisthān devībhyāṃ sthāpayetsaha/
vinā tābhyāṃ mokṣakāmāḥ sthāpayeyuryathā vidhi

āsanasthānaśayanayānādiṣu yathāvidhi/
aṣṭau vakṣye parā yūrtīstānu brāhmī praśasyate

prājāpatyā dvitīyā tu tṛtīyā vaiṣṇavī matā/
daivī caturthī tadanu mūrtarārṣīcaturmukha

ṣaṣṭhī tu mānuṣī jñeyā saptamī mūrtarāsurī/
pai śācī mūrtaranyā syāttāsāṃ lakṣaṇamucyate

prathamāṣṭabhujā taptatapanīyasamadyutiḥ/
bhujeṣu mukhyo varado dakṣiṇeṣvitaretrayaḥ

cakrāsibhāṇaissaṃyukto vāme hastacatuṣṭaye/
śaṅkhaṃ gadāṃ tathā carma śārṅgaṃ kuryāccaturmukha

pītāmbaradharo devaḥ vanamālāvibhūṣitaḥ/
marīcinā ca bhṛguṇā pūjitaśca maharṣiṇā

śaṃkhakundenduvarṇābhaḥ pītavāsāścaturbhujaḥ/
śaṃkhacakragadāpāṇirabhayena virājitaḥ

vanamālādharassaumyassanakena supūjitaḥ/
sanatkumāreṇa tathā mūrtireṣā prajāpateḥ

bhinnāñjanacayassaumyaśśaṃkhacakragadādharaḥ/
pītāmbaradharo devo vanamālāvibhūṣitaḥ

varado dakṣiṇo hastassvāgatā bhayato'pi vā/
vāmena spṛṣṭakaṭābhūśśrībhūmibhyāṃ saha sthitaḥ

nāradenāpi bhṛguṇā vaiṣṇavī mūrtirarcitā/
śaṃkhacakragadāpadmaṃ dhārayantaṃ caturbhujam

śyāmalaṃ pītavasanaṃ vanamālāvibhūṣitam/
arcitaṃ brahmarudrābhyāṃ daivī mūrtarasau bhavet

śuddhasphaṭikasaṅkāśā pītavastrā caturbhujā/
dakṣiṇe jñānamudrā ca śaṃkhacakragadādharā

śrīvatsāṅkā prasannasyā vanamālāvibhūṣitā/
sanandasanakābhyāṃ ca pūjitā mūrtirāṛṣī

mānuṣī mūrtiradhunā kathya te kamalāsana/
caturaśrāyate dhāmni divye bhāge bhujadvayam

śaṃkhacakradharaṃ saumyaṃ sthāpayenmukuṭojvalam/
devasya dakṣiṇe pārśve śriyaṃ devīṃ prakalpayet

tasyā dakṣiṇa to bhāge balabhadraṃ tu kārayet/
dakṣiṇe balabhadrasya pradyumnamapi kārayet

devasya vāmapārśve tu aniruddhaṃ prakalpayet/
tasya pārśve tu vāme tu sāmbhaṃ kuryāccaturmukha

brahmāṇaṃ dakṣiṇe kuḍye sarve tu vinatātmajam/
sthānake sthānakāḥ proktā āsīne'pi tathā bhavet

caturbhujā tu karmārcā dvibhujā vāpi sā bhavet/
utsarvārcā pratikṛtissarvācaiva caturbhujā

mānuṣyaṃ vāsudevasya proktaṃ sajkṣepato vidhiḥ/
āsurī mūrtirasitā ekavaktrā caturbhujā

daṃṣṭrākarālavadanā bhrukuṭī kuṭilekṣaṇā/
mukhye karadvaye bhāṇaṃ dhanurudhye'riśaṃkhakam

śārṅgahastaṃ lalāṭānta muddharedbhāṇahastakam/
nābhyantaṃ kaṭisūtrāntaṃ bhaṅgatrayasamanvitam

paiśācīmūrtirādyā tu khaḍgakaumodakī tathā/
varadābhayadaṃ mukhyaṃ kālavarṇaṃ karadvayam

daṃṣṭrākarālavadanaṃ bhrukuṭīkuṭilekṣaṇam/
aṣṭau ca mūrtayassarvāssarvābharaṇabhūṣitāḥ

śrīvassakaustabhoraskāḥ vanamālā vibhūṣitāḥ/
sthāpitā brahmaṇomūrtiḥ brahmabhūyāya kalpate

prājāpatya pratiṣṭhāyāṃ prajābhirvardhate bhṛśam/
ante prajāpatipadaṃ labhate nātra saṃśayaḥ

sthāpitā vaiṣyavīmūrtiracirānmokṣadā bhavet/
daivī devatvaphaladā sarvakāmasamṛddhidā

ārṣī mūrtarmaharṣitva prāptaye bhavati dhruvam/
śāpānugrahasāmardhyamapi tasya bhaviṣyati

mānuṣī mūrtiracurādyaśase mahate bhavet/
trailokyaiśvaryasampacca sarvakālaṃ bhaviṣyati

āsurīṃ mūrtimārādhya rakṣasāṃ ditijanmanām/
bhūtādīnāṃ ca sarveṣāṃ ādhipatyaṃ samaśnute

paiśācamūrtayajane piśācāsurarākṣasāḥ/
vaśyā bhavanti sarve ca sarvakāmasamṛddhidāḥ