Padma Samhita · Chapter 3.15

bhedanathāto vakṣyāmi pratimānu sthitādiṣu/
sthitā mūrti stathāsīnā yānārūḍhā tathaiva ca

tāptisro dvividhāḥ proktā bhogayegaprabhedataḥ/
śayānasya tu pūrvoktau sargasaṃhārakāriṇau

dvau cāparau caturbhedaśśayānaḥ kamalāsana/
ekaikā dvitridhā bhedā uttamādhamamadhyamāḥ

divye bhoge sthitaṃ devaṃ śaṅkhacakragadādharam/
śrībhūmisahitaṃ yuktamarcanā pīṭhaparśvayoḥ

sanandasanakarṣibhyaṃ kṛtāñjalipuṭau sthitau/
utthitau vāmajānubhyāmitarābhyāṃ pratiṣṭhitau

pādayorubhayo rugre tavubhau kārayetsudhīḥ/
arcanāpīṭhikā pārśvabhūtaleṣvevamāsanam

dakṣiṇottarayorbhitti pāśvayorbrahmaśaṅkarau/
vṛṣataḥ puṣpavantautau dakṣiṇottarapārśvayoḥ

bhittiṃ samāśritau kuryātsavandasanakau tathā/
bālaveṣadharau vāmaṃ prasārya caraṇaṃ sthitau

nikuñcya dakṣiṇaṃ pādaṃ dakṣiṇaṃ karamutkṣipan/
sanālamambujaṃ phūllaṃ vāmahastatale dadhat

sanakarṣissanandastu yathoktādanyathāsthitiḥ/
sūryācandramasau cāpi karapādakramāttathā

cāmaravyajane bhittau śvetacchatre ca mauktike/
bhittipārśve prabhāṃ kuryādyathālakṣaṇasaṃyutām

kalpakānokahaṃ vṛṣṭhe bhittipārśve prakalpayet/
bhittipārśva tu purato ratiśāntī prakalpayet

saṃvījayantyau taṃ devaṃ cāmarābhyāṃ caturmukha/
hāhāhūhūśca gandharvau garudo nāradastathā

devatāścāpi munayassanti yatra niketane/
bhogasthānaṃ tu tadvidyāduttamaṃ kamalāsana

mahīsthāne patattrīndraṃ mahīṃ ca sanakāsane/
mārkaṇḍeyāsanāntetu ābhesau brahmaśaṅkarau

anye ca yatra pūrvoktāḥ bhogasthāne sa madyamaḥ/
devaścaturbhujassārdhaṃ śrīdharābhyāmavasthitaḥ

dakṣiṇe varadaṃ vāmaṃ siṃhakarṇamathāpi vā/
ūrumūlāśritaṃ vāpi śaṅkhacakradharau parau

brahmeśānau tu sābhāsau sarvamanyadyathoditam/
bhogasthāne yatra bhavejjaghanyaṃ tatpracakṣate

śrībhūmisahito devaśśaṅkacakragadādharaḥ/
arcanāpīṭhikāpārśve mārcaṇḍeyo bhṛgustathā

sarvamanyadyathoktaṃ ca yogasthānaṃ taduttamam/
nārado druhiṇasthāne śivasthāne khageśvaraḥ

arcanāpīṭhapārśvetu brahmeśānau kṛtāñjalī/
yatho ktamanyatsarvaṃ ca yogasthāne sa madhyamaḥ

devaścaturbhujo divye bhāge brāhme'thavā yadi/
abhayaṃ dakṣiṇaṃ hastaṃ varadaṃ svāgataṃ tu vā

ūrumūlāśrayaṃ vāmaṃ sapallavamathāpi vā/
gadāmudramatho vāpi śaṅkhacakradharau parau

brahmeśānādirahitaṃ nīca sā yogasaṃsthitiḥ/
sthānaprabhedaḥ kathitassaṃpratyāsīna ucyate

śrībhūmibhyāṃ sahāsīvassiṃhaviṣṭaramāśritaḥ/
brahmeśānau bhittapārśve sthitau yadvā sukhāsanau

bhuguṃ ca nāradaṃ ca dvau bhittipārśve samācaret/
ārcanāpīṭhikāpārśve ratiśāntī kṛtāñjalī

vṛṣṭhataścandrasūryādi sarvamanyadyathoditam/
bhogasanaṃ taduccaissyā
dāsīnassiṃhaviṣṭare

vāmotsaṅge śriyaṃ devīṃ samāropya caturbhujaḥ/
vāmahastena cāśliṣya yadvā bhūmiṃ yatho ditam

sābhāsāvardhacitrau vā brahmeśau bhittipārśvayoḥ/
pūjāsikāmubhayataḥ kāryau ca bhṛgulāradau

dakṣaścaiva manuścaubau sacāmarakarau sthitau/
pṛṣṭhataścandrasūryādi bhoge madhyamamāsanam

āsīnassahadevībhyāṃ brahmeśau bhittipārśvayoḥ/
bhittipārśve ratiśśāntissavālavyajane sthite

bhogāsanaṃ tadadhamaṃ
yogāsanamathocyate/
siṃhāsane sukhāsīnaṃ brahmeśau bhittirśvayoḥ

ratissarasvatī ca dve sitavāladhivījane/
arcanāpīṭhikāpārśve śrībhūmī ca kṛtāñjalī

pṛṣṭhataścandrasūryādi yāgāsanamidaṃ varam/
siṃhāsane sukhāsīnāṃ brahmeśau bhittipārśvayoḥ

āśīne śrī mahīdevyau sacāmarakaresthite/
arcanāpīṭhikāpārśve śrībhūmyau ca kṛtāñjalī

dakṣaścaiva manuścaiva bhittipārśve kṛtāñjalī/
pṛṣṭhataścandrasūryādi yoge tanmadhyamāsanam

siṃhāsane sukhāsīno deva ekaścaturbhujaḥ/
tyaktvāsarvaṃ parikaraṃ candrasūryādi vṛṣṭhataḥ

divye brāhme'thavā bhāge yoge tannīcamāsanam/
śoṣāsanamatho vakṣye yathāvadavadhāraya

suvṛttaṃ bhogino bhogaṃ maṇḍalena sthitaṃ trivṛt/
kīñcidvṛttāyataṃ vā tu samunnamya sthitaṃ śiraḥ

tatra śrībhūmisahito viṣṭare tu sukhasanaḥ/
ratissarasvatī ca dve pūjāviṣṭarapārśvayoḥ/
devai rdevagaṇaiścaiva ṛṣibhirbhittipārśvayo

kṛtāñjalipuṭāssarve śeṣāsanamidaṃ param/
devaścaturbhujāsīnaḥ vāmotsaṅgārpitapriyaḥ

mārkaṇḍeyo mahī caiva pūjā viṣṭarapārśvayoḥ/
bhṛguśca nāradaścaiva tiṣṭhatastitacāmarau

pṛṣṭhataścandrasūryādi śeṣe tanmadhyamāsanam/
śriyā devya samāsīnaḥ pūjāpīṭhasya pārśvayoḥ

brahmā ca vasudhā caiva dharmo devo vṛṣaddhajaḥ/
devasya puraśśrīmān mārkaṇḍeyaḥ kṛtāñjaliḥ

pṛṣṭhataścandrasuryādi śeṣe tannīcamāsanam/
sthityāsanabhidaḥ proktāḥ śayanasya bhidāṃ śṛṇu

anantabhogaśayane mṛdvāstaraṇakalpite/
sopadhāne śiraḥ pārśve pādapārśva tathaiva ca

śīrṣe'sminbhogamāsthāya paramātmā sanātanaḥ/
devyorutsaṅgayoḥ pādau prasārya sukhavāhanau

devyau devasya vaktābjaṃ vīkṣamāṇe sukhāsane/
arcanāpīṭhapārśve tu ratiśāntī kutāṃjalī

indrādīn pādaparśve tu bhittau ca parikalpayet/
pṛṣṭhato bhittipārśve tu śaṅkhārdin dehasaṃyutān

devasya maulipārśve tu bhittau brahmādimūrtayaḥ/
sanandasanakādyanyān yathāpūrvaṃ prakalpayet

devasya purato bhittau hāhāhūhūstathaiva ca/
citrasenaścatraratho nṛttagītakriyāparau

viṣṇulokodbhavāḥ kanyāḥ brahmalokasamudbhavāḥ/
rudrādilokajaḥ kanyā nānāvibhramasaṃyutāḥ

tumbhururnaradaścaiva garuḍaḥ kinnarastathā/
vīṇādibhirvādayantastathoparimāharṣayaḥ

citrarūpeṇa sarve syuśśayane bhagamuttamam/
śri mahyau mūrndha pārśve tu bāhvūrmūlaṃ samāśrite

pādapārśve ratiśśāntaḥ pādaspṛṣṭe sukhāsane/
sanatkumārasanakau arcanāpīṭhapārśvayoḥ

ardhacitreṇa bhittisthau bhāgaśayyā tu madhyamā/
śrīḥ pādapadmayugalaṃ karābhyāṃ vāhayetsukham

arcanāpīṭhikāpārśve ratiścaiva vasundharā/
citrābhāsena kuḍyasthe bhogaśayyā'dhamābhavet

anantabhogaśayane tyaktasarvaparigrahaḥ/
yogamāsthāya śayitassvayameva paraḥ pumān

śrīvatsāṅkaḥ prasannāsyaḥ nilajīmūtasannibhaḥ/
dvibhujo yegaśayanamuttamaṃ samudāhṛtam

sevito vainateyena sanniviṣṭena pārśvataḥ/
caturbhujaḥ parikarairanyaissarvairvivarjitaḥ

madhyamaṃ yogaśayanamucyate taccaturmukha/
dvābhyāṃ bhujābhyāṃ sahitastyaktasarvaparigrahaḥ

arcanāpīṭhikāpārśve śrībhūmī tu kṛtāṃjalī/
adhamaṃ yogaśayanaṃ saṃhāraśayanaṃ śṛṇu

anantabhogaśayane anantaphaṇamaṇḍite/
śayito'ṣṭabhujo devaḥ bhrukuṭīkaṭilānanaḥ

daṃṣṭrākarālaṃ bibhrāṇo mukhamekaṃ bhayānakam/
pralayāmbhodhinirghoṣagabhīrabhayadadhvanim

vamantamāntaraṃ vahniṃ mukhavāyusamīritam/
saṃhāraśayanaṃ śreṣṭhamidamāhurmanīṣiṇaḥ

daṃṣṭrākarālavadanaṃ bhrukuṭīkuṭilekṣaṇam/
caturbhujaṃ gadākhaḍgaśaṅkhamadmavibhūṣitam

arcanāpīṭhikāpārśve śrīkhagaundrau kṛtāṃjalī/
madhyamā saṃhṛtau śayyā kaniṣṭhaṃ śayanaṃ śṛṇu

keśairalakasaṅghaiśca virājitaśubhānanam/
nīlajīmūtasaṅkāśaṃ madhye haritapaṅkajam

sargaśayyā caturdikṣu bhittau vārinidhaṃ likhet/
brahmāṇaṃ ca catustāle śayanādbhittipārśvataḥ

upariṣṭhādabhimukhaṃ nābhernārāyaṇasya ca/
caturmukhaṃ caturbāhuṃ jaṭāmukuṭasaṃyutam

dvābhyāṃ karābhyāṃ mukhyābhyāṃ kṛtāṃjalipuṭaṃ sthitam/
darśayantaṃ karābhyāṃ vā yogamudrāṃ caturmukha

uttarābhyāmudastābhyā makṣamālāṃ sakuṇḍikām/
dhārayantaṃ sarasije svastikāsanabandhanam

devasya śirasaḥ pṛṣṭhe śriyaṃ tasyākṣilakṣikām/
vāmajānuṃ samunnamya dakṣiṇena pratiṣṭhitām

dakṣiṇaṃ puṣpahastaṃ tu vāmahastaṃ vasupradam/
anantaśayane'dhastātpūjāpīṭhasya pārśvayoḥ

nāradaṃ sanakaṃ caiva mānuṣe tu kṛtāṃjalī/
pādapārśve mahīṃ devīṃ pādaspṛṣṭāṃ tu kārayet

upariṣṭātsamudrāṇāṃ śaṅkhādīn dehasaṃyutān/
devasya pṛṣṭhabhittau tu dehalabdhāṅgulena ca

caturviṃśāṅgulotsedhān śaṅkhādyāyudhadhāriṇaḥ/
śaṅkhacakragadākhaḍgadhanuḥ pañcāyudhāni ca

dvihastān puruṣākārān svacihnāṅkitamastakān/
śaṅkādhāraṃ prakurvīta lambakukhiṃ sitaprabham

raktavarṇaṃ vivṛttākṣaṃ kuryāccakradharaṃ param/
gadādhāraṃ mahākāyaṃ vṛttākṣaṃ pītalaprabham

strīveṣā khaḍgadhārī tu sustavā śyāmalaprabhā/
śārṅgadhṛgghemavarṇābhaḥ mahākāyo mahodaraḥ

vaina teyassuvarṇābhaḥ pakṣamaṇḍalamaṇḍitaḥ/
nānākañcuka saṃyuktāḥ nānāmbaradharā ime

daṃṣṭrākarālavadanāḥ bhrukuṭīkuṭilekṣaṇāḥ/
karaṇḍikāmukuṭinassarvābharaṇabhūṣitāḥ

vāmaiḥ karaistarjayantaḥ itarairbaddhamuṣṭayaḥ/
dhāvanto'bhimukhaṃ sarve madhukaiṭabhayordayoḥ

adhastātpādayoḥ pārśve kārayenmadhukaiṭabhau/
madhuśyāmau mahākāyau karaṇḍimukuṭojjvalau

jānumātraṃ samudrasthau khaṇḍadaṇḍāyudhodyatau/
daṃṣṭrākarālavadanau bhrukuṭīkaṭilekṣaṇau

anantaphaṇivaktrāgnijvālābhiḥ pari tāpitau/
bhītau palāyitau vajrakalpairmuṣṭhibhirāhatau

devasya pūrvabhittau tu prādurbhāvanprakalpayet/
puṣṭistuṣṭhistathā kīrtī ratiśśāntassarasvatī

prasūnamañjarīhastāstitacāmaravījanāḥ/
sarveṣāmupariṣṭhāttu kuryājjaladapaddhatim

upariṣṭhācca meghānāṃ devāśca ṛṣayastathā/
indrāyadaśca dikpālāḥ ṛṣaya ssaptadaṇḍinaḥ

sottarīyāśca sarve te racitāṃjalayaḥ sthitāḥ/
mūrndhi pārśve ca viṣṇuśca rudraścaiva caturbhujau

devasya purato bhittau kuryānmegha pathopari/
hāhāhūhūśca gandharvau kinnarastumburustathā

sarve cāpsarasaṅghātā nṛttagītaratāssadā/
anantaśayane ramye pūrvavattatra kalpite

caturbhujaśśyāmavarṇaśśaṅkhacakragadādhāraḥ/
pītāmbaradhassaumyaḥ karṇāntāyatalocanaḥ

dakṣiṇe ca bhuje mauliṃ prasāritatalāṅgulau/
nidhāya maulipaṭṭāntaṃ prasāritabhujetaraḥ

śayito rājavaddhevaḥ kiñciddvāranirīkṣakaḥ/
sarve citreṇa rūpeṇa bhittisthāḥ pūrvamīritāḥ

uttamaṃ sṛṣṭiśayanametadāhurmanīṣiṇaḥ/
bāhudvayasamopetaśśyāmalaḥ komalākṛtiḥ

pṛṣṭhatasskandhapārśve tu prākca padmā pratiṣṭhitā/
brahmāṇaṃ bhittipārśve tu citreṇaiva prakalpayet

sanakaṃ ca mahīṃ caiva pūjāpīṭhisya pārśvayoḥ/
ardhacitreṇa śeṣāssyussṛṣṭiśayyā tu madhyamā

śiyraṃ mahīmadhastācca bhūtale pīṭhapārśvayoḥ/
brahmāṇaṃ bhittipārśve tu citrābhāsena kalpayet

bhajadvayasamopetaḥ padmanābhaścaturmukha/
pralayodadhimadhyasthaśśayitā viśvakāraṇam