Padma Samhita · Chapter 3.14

bimbanirmāṇamadhunā vakṣyāmi kamalāsana/
lohapaṭṭena śūlānāṃ sandhiṃ badhvā dṛḍhaṃ yathā

aṣṭabandhena śūlāni limpetsarvāṇi sarvataḥ/
rajjubhirveṣṭayettāni dṛḍhāni cchidravarjitam

yathāsirābhirbahubhiśśarīraṃ badhyate tathā/
śūlānyasthīni mṛnmāṃsaṃ sirāḥ pāśāstvacaḥ paṭāḥ

mṛdbhirālepanaṃ kuryādapakvābhiśca turmukha/
pakvābhirvarjayedbimbaṃ gṛhe devālaye'pi vā

apakvāssarvaphaladāḥ pakvāstu badoṣadāḥ/
mṛdā kevalayā bimbaṃ kuryādvadvā trivastubhiḥ

mṛṇmaye kautuke purṇe sāṅgopāṅgaṃ yathāvidhi/
trivastuke mṛdālipte kaṅkaśarkarayā tathā

paṭenācchādya sarvāṅgaṃ varṇalepaṃ samācaret/
puṇyakṣetre nadītīre kāntāre parvate'pi vā

mṛdaṃ samagrāṃ gṛhṇīyātsarvadoṣavivarjitām/
nīcai radhyāsitāṃ caityaśmaśānādi vivarjitām

khadiraudumbarāśvattha nyagrodhārjuna bhūruhām/
samuddhṛtya tvacassarvā māsaṃ vāriṣu nikṣipet

to yairmāsoṣitairmṛtsnāṃ miśrayetpīḍayecca tām/
tāṃ nūtanaiṣu bhāṇḍeṣu nikṣipyācchādya yatnataḥ

chāyāyāṃ nikṣipedbhāṇḍānyathā vātādi na spṛśet/
dhātukīyāstrayobhāgāṣṣaḍguṇā ca harītakī

dhātrī ca dvādaśavidhā bhāgāṃstānekaviṃśatīḥ/
adhivāsyaikamāsaṃ tu bhāṇḍeṣu kamalāsana/
triphalena punarvārā tāṃ mṛdaṃ miśrayetsudhiḥ

chāyāyāṃ nātiśuṣkāṃ tāṃ viṃśatyekonayā mṛdam/
miśrayedvakṣyamāṇānāṃ puṇyakṣetrādi janmanām

puṇyakṣetre nadītīre parvate puline hṛde/
nirjharesaṅgame goṣṭhe devikakorvarayostathā

śālikṣetre devakhā te śṛṅge ca vṛṣa hastinoḥ/
varāhakṛṣṭe valmīke kulīravasatau tathā

nalinyāṃ dīrghikāyāṃ ca mṛtsnāmekonaviṃśatim/
mṛtsnābhirmuṣṭimātrābhiḥ purvoktāṃ miśrayenmṛdam

pūrvoktamānaistriphalā cūrṇaistāṃ miśrayetpuvaḥ/
tattribhāgaikabhāgaiśca kaṭaśarkaracūrṇitaiḥ

nādeyaiślakṣṇapāṣāṇaiḥ mṛtturyāṃ śaiśca curṇitaiḥ/
candanaṃ kuṅkumaṃ koṣṭhaṃ śrīveṣṭaṃ haricandanam

gulgaluṃ ca niśāṃ śuṣkāṃ haritālaṃ manaśśilām/
tamālapatrāṇyetāni candanādīni cūrṇayet

mṛdviṃśatyekabhāgai staiścūrṇaistattulyasaikataiḥ/
sūkṣmaiśca miśrayenmṛtsnāṃ kapittharasaturyakaiḥ

cūrṇitairloharatnaiśca miśrayitvā tu mṛttikām/
madhutai ladadhikṣīra ghṛtaiśśuktipramāṇakaiḥ

atasītaila saṃmiśraiḥ punassaṃmiśrayenmṛdam/
itthaṃ tu saṃskṛtāṃ mṛtsnāṃ nikṣipya navabhājane

ācchādya navavastreṇa bhāṇḍaṃ dhānyeṣu nikṣipet/
arcayemmālamantreṇa mṛdbhāṇḍān deśikottamaḥ

sarpiṣā juhuyādagnau mūlonāṣṭottaraṃ śatam/
catuṃ puruṣasū ktena pratyṛcaṃ juhuyādbhudhaḥ

saṃpātājyena siṃcettāṃ mṛdaṃ bhājanasaṃsthitām/
sadyo vā niśi vā mṛtsnā madhivāsya yathāvidhi

muhūrte śobhane bimbe pralimpenmṛttikāṃ guruḥ/
amaulikaṇṭhaparyantamālimpedyvoma vidyayā

ākaṇṭhanābhiparyastaṃ viliṃ pedvāyuvidhyayā/
ānābhikaṭiparyantaṃ lepayedvahnividyayā

ākaṭerjānupaya ntamāliṃ pedvārividyayā/
ājānukaṭiparyantaṃ praliṃ pedbhūmividyayā

ānābhikaṇṭhamālimpetpunaśśvasanavidyayā/
nābhyādiguhyaparyantamālimpeccikhilividyayā

guhyādijānuparyantamāliṃpedvārividyayā/
jānuprabhṛtipādāntamālimpatkṣitividyayā

devīnāṃ ca śriyādīnāṃ brahmādīnāṃ tathaiva ca/
ālevanaṃ prakurvīta kāle'smin bhūtavidyayā

gurave dakṣiṇā deyā sa yathātuṣṭimāpnuyāt/
bimbhasya nāhamānaṃ yacchūlamūnamapohya tat

aṣṭadhākṛtya teṣu trin rajvācā veṣṭayedguṇān/
mṛdbhirālepayetyraṃśaṃ dyauvastrakaṭaśarkaraiḥ

nārikelatvacā mṛtsnāṃ dvitīyāṃ miśrayetpunaḥ/
krameṇaparimāṇaṃ ca mukhabāhūruvakṣasām

nāḍīmiḍāṃ piṅgalāṃ ca suṣumnāṃ tastubhiḥ kṛtām/
sitapītāruṇaistābhirveṣṭayedviṣṇu vigraham

nālikeratvacaṃ sūkṣmaṃ chitvācchitvā ca mṛttikām/
tṛtīyāṃ miśrayettāṃ ca lepayetpūrvaśoṣaṇe

hastaṃ ca sāṃgulopetaṃ kṛtvālohena bandhayet/
karṇāvartaṃ tataḥ kutvālohena parivinyaset

śarīra poṣaṇaṃ kuryādbhedarandhravivarjitam/
hastena mṛttikā dadyātkūrcena kaṭaśa rkarām

kaṭaśarkaracūrṇāni triphalākṛṣitāmbunā/
piṣṭvā pūpākṛtiṃ kṛtvāśoṣayedātapena tāḥ

punassampeṣayetpiṇḍān kapittharasavāriṇā/
catustriḥ pañcakṛtvo vā kṛtvaivaṃ peṣayetpunaḥ

kārpāsatūlami litān kapittharasavāriṇā/
tāvatsampeṣa yedyāvadbāhubhyāṃ bāhṛmātrakam

pratrikāyāssamuddhāre peṣaṇī na patedyapi/
kalkaṃ supiṣṭaṃ kūrcena śanai reva parāmṛśet

tataḥ karaṇḍikāgreṇa listāṅgāni ca lepayet/
pūrṇeṣvaṅgeṣu sarveṣu paṭenācchādayeddhṛḍham

kārpāpajaṃ dṛḍhaṃ celaṃ lomādibhiradūṣitam/
dhyānyarāśiṣu saṃsthāpya vācayitvā śiṣaṃ punaḥ

dhyānena śuddhiṃ sampādya pujayedvāyuvidyayā/
mūlamantreṇa juhuyatsamidājyena vai śatam

caruṃ puruṣasūktena juhuyātṣoḍaśāhutīḥ/
muhūrteśobhane prāpte paṭenācchādyalepayet

yā śarkarā paṭe tasmin tayaivākalpayettataḥ/
śuklamṛttikayā lepaḥ kapittharasamiśrayā

varṇālepaṃ tataḥ kuryācchilpiśāstravicakṣaṇaiḥ/
śvetaṃ pītaṃ tathā raktaṃ haritaṃ kṛṣṇameva ca

paṃcavarṇaṃ vṛthivyādi varṇānāmadhidevatāḥ/
uttamā dhātavaḥ proktāḥ madhyamā vṛkṣasambhavāḥ

saṃyogajāssyuradhamāstraividyamaparaṃ śṛṇu/
varṇaṃ cāpyanuvarṇaṃ ca saṃskāraṃ ca tathaivaca

trividho varṇasaṃyogaśśāstreṣu samudīritaḥ/
varṇa ityucyate śuddho rājavattāni kārayet

ānukāre ca ye varṇāḥ prāyaśaśśuddhivarjitāḥ/
anuvarṇā ime proktāssaṅkirṇān kathayāmi te

śūklo raktaśca pītaśca kṛṣṇaścaiva caturvidhaḥ/
saṅkarāste ca catvāraḥ pratyekaṃ dvividhāḥ smṛtāḥ

śuklaścaiva valarkṣaśca śveto dvividha ucyate/
śakhṅagokṣīrakundābhaśśukla ityabhi saṃṅ‍ñitaḥ

muktāsphaṭika cavdrābho vaḻarkṣa iti saṃjñitaḥ/
raktaścāpyaruṇaśśoṇa iti bhedena kathyate

japāśoṇitasaṅkā śo raktamarṇe'ruṇomataḥ/
kiṃśukāśokasaṅkā śaśśoṇa ityabhidhīyate

haritaścaiva pītaśca pītavarṇo dvidhā bhavet/
manaśśilāharītālanibho harita ucyate

haridrākuṅkumābhastu pīta ityabhi saṃjñitaḥ/
śyāmaśca kṛṣṇa varṇaśca kṛṣṇavarṇo dvidhā bhavet

dūrvāmaratakābhaśca śyāma ityabhi saṃjitaḥ/
isdranīlanibhaḥ kṛṣṇaḥ kṛṣṇavarṇaḥ prakīrtitaḥ

śuklena miśrito rakto babhrurityabhidīyate/
śuklena miśritaḥ kāṣo varṇakaḥ parikīrtitaḥ

pītena miśrataḥ kṛṣṇaḥ kāḻa ityarbhidhīyate/
pītakṛṣṇayutaśśuklaḥ karburassamudāhṛtaḥ

enaṃ saṅkarajānvarṇānuhāpohena yojayet/
uktoyaṃ varṇasaṃkṣepastaiḥ kuryā ccoditaiḥ kramāt

prathamo dārusaṅghāto dvitīyaṃ rajjuveṣṭanam/
mṛdālepastṛtiyastu turiyaṃ nādibandanam

pañcamo rajjuveṣṭassyānnālikeratvacā punaḥ/
miśritā muttikā ṣaṣṭhīsaptamaṃ rajjuveṣṭanam

aṣṭamaśśarkarālepo navamaṃ paṭayojanam/
bhūṣaṇaṃ daśamaṃ proktaṃ ekadaśamataḥ param

śūklālepanamuddiṣṭaṃ dvādaśaṃ varṇayojanam/
dvādaśaite ca nirdiṣṭāḥ pratimākaraṇe'bjaja

kālena varṣamātreṇa vastu śuṣyati nānyathā/
sahasraṃ vatsarān yāti māsairdvādaśabhiḥ kṛtaiḥ

dvābhyāmayutamāyutsyāttribhirlakṣaṃ pratiṣṭhitam/
hemnaiva poṣaṇaṃ sarvaṃ varṇānāṃ dīptikārakam

ālekhye ca paṭe bhittau likhite phalakepi ca/
varṇa yogassamuddiṣṭo dravyotpattistatheva ca

mūrtīnāṃ yugabhedena varṇabhedo vidhīyate/
kṛte vaḻarkṣasraitāyāmaruṇo dvāpare punaḥ

pītaḥ kalau ghanaśyāmaḥ vāsudevaḥ varaḥ pumān/
raktassaṅkarṣaṇo devaḥ pradyumnaḥ kanakaprabhaḥ

śyāmo niruddhaḥ kathitaḥ kṛtādiṣu caturṣvapi/
keśavaḥ kanakaprakhyassyā darjunasamākṛtiḥ

nārāyaṇaśśyāmavarṇo mādhavassphaṭikaprabhaḥ/
govindaḥ padmakiṃjalkanibho viṣṇurudāhṛtaḥ

aruṇāmbujasaṅkāśo madhusūdana ucyate/
trivakramaśśikhinibho vāmano bhālasūryavat

śrīdhara ssitapadmābho hṛṣīkeśastaṭitprabhaḥ/
padmanābhaśśyāmavarṇo bandhūkakusumacchaviḥ

dāmodaro dvādaśai te kathitāḥ keśavādayaḥ/
vāsudevādimūrtīnāṃ yo varṇaḥ pūrvamīritaḥ

sa eva vāsudevādicaturṇāṃ tadbhuvāma pi/
śuddhaspaṭikasaṅkāśo vijñeyaḥ puruṣottamaḥ

adhokṣajaśśyāmavarṇo nṛsiṃho hemasannibhaḥ/
pītavarṇo'cyutotīva raktavarṇojanārdanaḥ

upendraśśyāmalaḥ prokto hariḥ pītanibhaḥ smṛtaḥ/
kṛṣṇaḥ kṛṣṇāmbudaprakhyaścaturviṃśatimūrtiyaḥ

suvarṇa nikaṣābhā śrīśśyāmā bhūrarjunacchaviḥ/
sarasvatī titā raktā pritiśśyamanibhā kṛtiḥ

kīrtī raktā bhavecchāntissphaṭikābhā samīritā/
tuṣṭiḥ pītā bhavetpuṣṭiśśyāmā devyasmsṛtā stutā

matsyassphaṭikasaṅkāśaḥ kūrmaḥ kāñcanasannibhaḥ/
varāhaśśāmalanibho valarkṣakṛtireva vā

nṛsiṃhaścandravarṇābhaḥ prahlādaḥ kāñcanaprabhaḥ/
vāvanaśśyā malanibhaḥ kālavarṇo mahābaliḥ

jāmadagnyassuvarṇābhaḥ rāghavaśśyāmalākṛtiḥ/
bharataśśyāmalo varṇo lakṣmaṇaḥ kanakaprabhaḥ

śatrughno raktavarṇābhassītā hemanibhākṛtiḥ/
māṇḍavīraktavarṇābha ūrmīlā śyāmalaprabhāḥ

śrutakīrtissitāṅgī ca hanūmān kanakaprabhaḥ/
aṅgado raktavarṇābhassugrīvo hemapihgalaḥ

guhaśca nilavarṇābhaḥ kālavarṇo vibhīṣaṇaḥ/
nīlo nīlanibhaḥ prokto jāmbhavan kanakaprabhaḥ

balaḥ kṣīranibhaścaivaraktavarṇā ca revatī/
meghaśyāmo bhavetkṛṣṭo rukmiṇī kanakaprabhāḥ

satyabhāmā bhavet śyāmā kalkī raktanibhaḥ smṛtaḥ/
anantaḥ kṣīrasaṅkaśaḥ yadvā hemasamākṛtiḥ

garuḍaḥ kanakaprakhyo brahmā kanakasannibhaḥ/
viṣṇu śśyāmanibhaḥ proktaḥ rudraśśoṇitasannibhaḥ

hayagrīvo valarkṣassyātsenānī śśyāmalākṛtiḥ/
raktavarṇo bhaveccaṇḍaḥ pracaṇ‍ḍaśśveta sannibhaḥ

jayaḥ pītastataśśyāmo vijayaḥ padmasannibhaḥ/
padmī gadādhāro hemaḥ kṛṣmaḥ khaḍgadharo bhavet

śārṅgadhārī hemanibhaśśvato vajradharo mataḥ/
śyāmo musaladhārī syātpāśadhṛkkanakaprabhaḥ

kṛṣṇo'ṅkuśadharo dhātā raktapītavapurdharaḥ/
vidhātā dhavalo bhadrassubhadro hyāruṇacchavi

kṛtāntaśśyāmalo raktassuravidhyaṃsanaḥ smṛtaḥ/
kubherākṣo bhavetpītaḥ kubhero rakta dehabhṛt

durjayaḥ kṛṣṇavarṇābhaḥ prabhavaśśvetasannibhaḥ/
syādviśvabhānano raktaḥ puṣkaraśśvetadehabhṛt

sambhavaśśyāmalaḥ proktaḥ prabhavo raktasannibhaḥ/
suśobhano bhavet śyāmassubhadra śśyāma varṇabhak

kumudaśśvetavarṇābhaḥ kumudākṣognisannibhaḥ/
puṇḍarīkastitaḥ proktaḥ vāmanaśśyāmalākṛtiḥ

rakto bhavet śaṅkukarṇassarvanetro'sitaprabhaḥ/
sumukhaśśyāmalaḥ proktaḥ raktābhassupratiṣṭhitaḥ

raktassūryassitaścandro bhomo raktassito budhaḥ/
bṛhaspatissuvarṇā bhaśśukraśśuklaśśanaiścaraḥ

kṛṣṇastāmrastathā rāhuḥ ketuḥ kuṣṇa udāhṛtaḥ/
kāmo raktassito hastivaktro raktaṣṣaḍānanaḥ

durgā śyamā suvarṇābhaḥ dhanadaḥ kṣetrapālakaḥ/
nīlo brāhmī suvarṇābhā raktā māheśvarī bhavet

kaumārī rakta varṇābhā vaiṣṇavī śyāmalaprabhā/
vārāhī śyāmavarṇabhā indrāṇī śyāmalā kṛtiḥ

cāmuṇḍā raktavarṇābhā vīrabhadro 'ruṇadyutiḥ/
jyeṣṭhā nīlā bhavedindraśśyāmo'gniraruṇa prabhaḥ

yamaḥ kālo dhanirṛtirnīlasśyāmaḥ pracetanaḥ/
vāyurdhūmrassīta ścenduḥ rakto rudra udāhṛtaḥ

puruṣaśśyāmalo hemadyutissyādacyutassmṛtaḥ/
sito raktastathā pītaśśyāmo raktassitaprabhaḥ

babhruḥ pīto dharādīnāṃ vasūnāṃ varṇasaṅgrahaḥ/
raktaśśyetaḥ prabhā pītaśśyāmaśśyeto ruṇaprabhaḥ

babhruḥ pitṝṇāṃ varrṇo'yaṃ krameṇa samudāhṛtaḥ/
dhūmro raktastadhā pītaśśyāmaśśveto' ruṇo'sitaḥ

varṇo'yaṃ marutāmuktassaptānāmānupūrvaśaḥ/
kanakaśśyāmalaḥ pītaḥ kṛṣṇo caraktassito'sitaḥ

varṇaḥ krameṇa saptānāmṛṣīṇāṃ samudāhṛtaḥ/
raktaḥ pītassitaśśyāmo raktapitassi tā sitaḥ

viśvādiparivārāṇāṃ varṇānukramaṇaṃ kṛtam/
śvetābhā kanakābhā ca śyāmā ca kanakaprabhā

raktā kṛṣṇā ca pītā ca rūpamapsarasāṃ matam/
raktaḥ pīto'ruṇaśśyāmaśśveto babhruśca karburaḥ

varṇato haritaśśveta śoṇaḥ kundanibhastathā/
ādityānāmayaṃ varṇo dvādasānāṃ kramāt smṛtaḥ

śoṇaśca harito nīla śvetaśśyāmaladīdhitiḥ/
pītaḥ kālastatā babhruḥ varṇakaḥ pāṭalo'sitaḥ

ekadaśānāṃ rudrāṇāṃ varṇo'yaṃ samudīritaḥ/
aśvinau cāruṇau pītau mārkaṇḍeyastathā bhavet

nāradassphaṭikaḥ pīto bhṛgurdakṣastathāsitaḥ/
rakto manussanandaśca śyāmalaḥ kanakastathā

pītassavatkumāraśca rakto hāhā ca pītalaḥ/
hūhūraktastathā śyāmaḥ mumbharuḥ kinnaraśśukaḥ

raktaḥ kiṃpuruṣaśśyāmaścitrasena stathā bhavet/
pīto viśvāvasuḥ prokto madhuśca madhuvarṇakaḥ