Padma Samhita · Chapter 3.13

athātatsaṃpravakṣyāmi śūlasya sthāpanāvidhim/
sthirāṇi candanādīni dārūṇi ghanavanti ca

adhivāsya yathāpūrvaṃ gṛyāhṇīddeśikottamaḥ/
vṛkṣajātīyayā vyaktyā śūlaṃ yadyekayā bhavet

uttamaṃ tadvijānīyāt parvabhiryadi madhyamam/
nānājātīyayā tacchedadhamaṃ kamalāsana

śilpibhistakṣayitvā tu asāraṃ vyavanīya tu/
sāreṇa kārayecchūlaṃ prāmāṇaṃ tasya kathya te

aṅgulīnāṃ caturviṃśacchataṃ kautukamunna tam/
dvyadhikā ṣaṣṭirāyāmo vaṃśadaṇ‍ḍasya kathya te

tasya mūlāgramadhyāni vistīrṇāni yathākramam/
tasyāryaṅgulamānāni sārdhāni trīṇi tāni ca

yavāṣṣaṭca tathā nāhaṣṣodaśāṅgulasamitaḥ/
mūlasya syāttathā madhye nāhaḥ pañcadaśāṅgulaḥ

caturdaśāṅgulo nahastadagre kamalāsana/
vakṣodaṇḍaścatustriṃśadaṅgulasyatsamāyataḥ

caturaṅgulavistāraṣṣodaśāṅgulamānataḥ/
dviśikhaṃ triśikhaṃ vāpi śikhā kiṃśukakuṭmalaḥ

āyāmo bāhudaṇḍasya pañcaviṃśāṅgulo bhavet/
sārdhaṃ tyaṅgulakaṃ mūlaṃ vistīrṇaṃ tasya madhyamam

dvyaṃgulaṃ tryaṃgulaṃ sardhamagraṃ tasya caturmukha/
prakoṣṭhamāyataṃ viṃśatyaṃgulaṃ dviyavādhikam

mūlamadhyāgravistāraḥ dvyaṃgulastryaṃgulo'pi vā/
sārdhastathāṃgulāni syustrīṇi vidyādyathākramam

suṣiraṃ bāhumūlaṃ syādagraṃ bāhuprakoṣṭhayoḥ/
vithunaṃ kalpanīyaṃ syānnī cabāhurapīdṛśaḥ

āyāmaḥ kalpadaṇḍasya ṣodaśāṃgulasammitaḥ/
vistārastasya madye syāccaturaṃgulasaṃmitaḥ

ṣoḍaśāṃgulanāhaśca tasya madhyaḥ prakīrtitaḥ
āyāmaḥ pārśpadaṇḍasya kāryo dvāttriṃśadaṃgulaḥ

pārśvadaṇḍaparīṇāhaścaturaṅgulasaṃmitaḥ/
dviśikhaśca kaṭīdaṇḍo vakṣodaṇ‍ḍo niyogataḥ

daṇḍayoḥ pārśvayossamyagūrdhvadaṇḍasya cāyatiḥ/
ekaviṃśāṃgulo daṇḍo jaṅghādaṇḍasamo bhavet

madhyāgramūlavistāraḥ krameṇa paripaṭhyate/
tryaṃgulo'rdhādhikassārdho dvyaṃgulaścaturaṃgulaḥ

jaṅghāyāstryaṃgulaṃ mūlaṃ sārdhadvyaṃgulamantaram/
ardhaṃ ca dvyagulaṃ tatra triguṇaṃ sahanaṃ matam

ūrumūlaṃ ca suṣiraṃ dvyaṃgulaṃ ṣaḍyavādhikam/
ūrujaṅghāgrayorante mithunaṃ parikalpayet

vaṃśadaṇḍamuraḥ kaṭyāḥ madhye nimne niveśayet/
śūlapramāṇamuditaṃ śūlasaṅkhyādhunocyate

vaṃśadaṇḍaḥ kaṭīdaṇḍo vakṣodaṇḍastathaiva ca/
bāhudaṇḍāśca catvāraḥ prakoṣṭhena tathā vidhaḥ

jaṅghādaṇḍaśca ityete śūladaṇḍāstrayodaśa/
śleṣayettadyathāyegaṃ suṣiraṃ naivakārayet

na ca kīlaṃ vidhatavyaṃ śilpibhiśśūlakarmaṇi/
vaṃśadaṇḍaṃ kirīṭāntaṃ mūrdhāntaṃ vā pracakṣate

pādāntaṃ vā yathāsthairyaṃ tathā kuryādvilakṣaṇaḥ/
lohapaṭṭena sanīnāṃ bandhanaṃ dṛḍhamācaret

lohajāśśūladal‍ḍāsyurathavā vibhave sati/
vaṃśamūlaṃ catuṣkoṇamaṣṭāśraṃ madhyamiṣyate

agraṃ muvṛttaṃ śūlāni vṛttānyanyāni vā vyathā/
vaṃśadaṇ‍ḍajamānasya ganādarvāgṛjurbhavet

upariṣṭādyathāyogaṃ kiñcidbhugnaṃ caturmukha/
pratimānāṃ yathābhāgaṃ vaṃśadaṇḍasthitirbhavet

vakṣodaṇḍaḥ kaṭīdaṇḍaḥ kiñcidbhugnaśikho bhavet/
bhujorudaṇḍayormūlaṃ nimnaṃ kṛtyā yathā śikham

mukhaṃ sārthaṃ kirīṭasya śūladviguṇameva vā//
maulimūlasya vistārastryaṅgulaṃ vā yavatrayam

triyavaṃ tryaṃgulaṃ madhyaṃ sārdhatryaṃgulasammitam/
bāhvantamūlaberasya devīnāṃ śayane sati

śūlamanyatra yānādau nāsikāntamathāpi vā/
cibukāntaṃ yathoccrāyaṃ brahmaṇaśśayane sati

śūlaṃ jānvantamanyatra bahusīmāntamiṣyate/
bhṛgvādiparivārāṇāṃ bāhusīmāntamucyate

jalādhivāsanaṃ caiva sthāpanaṃ maṇḍape tathā/
homaṃ kumbhārcanaṃ dvārapūjā brāhmaṇatarpaṇam

śuddhiśca śoṣa ṇādīni śūlānāṃ bimbavat smṛtam/
na divā piṇḍikāṃ rātrau adhivāsya samāhitaḥ

śvobhūte vāstunā homaṃ dadyādvāstubaliṃ tathā/
śodhayergarbhagehaṃ ca mārjanālepanādibhiḥ

sūtraṃ candanato yona siktamāsphālayetkramāt/
sūtrāṇyudaṅgukhānyasṭau prāṅgukhāni tathaiva ca

koṣṭhānyekonapañcāśannyūnādhikavivarjitāḥ/
brāhmaṇo madhyamo bhāgaḥ daivikastu tadantaraḥ

tratīye mānuṣasturyaḥ pai śāco bhāga iṣyate/
arcanāpīṭhikā brāhme bhāge dhaive sthitirbhavet

mānuṣe parivārāssyurāyudhāni caturthake/
kiñcinmānuṣamāśritya daive syādāsanaṃ bhavet

divyamānuṣayeśśayyā pai śāce yānamiṣyate/
&daive devyasthsitā vāstyurāsane tasya pārśvataḥ

śayane 'pi yathāyogaṃ yānārūḍhe'pi vai tathā/
udaṅmukhāni sūtrāṇi daśa tāvannipātayet// 13. 43 //
pāṅmukhānyapi koṣṭhānāmekāśītirbhavettataḥ//
madhyamo brahmaṇo bhāgaḥ daivassyāttadanantaraḥ

tṛtīyaḥ paitṛkasturyo mānuṣaḥ pañcamaḥ punaḥ/
paiśāca iti vā bhāgān kalpayedgarbhamandire

ekaberavidhirbrāhme bahubheraṃ tu daivike/
daive ca mānuṣe bhāge dvayorāsanamiṣyate

daivamānuṣapityreṣu śayanaṃ triṣu kārayet/
paiśāce mānuṣe caiva dvayoryānaṃ vidhīyate

uktasthānaviparyāse rājā rāṣṭraṃ ca naśyati/
tasmādyathoktabhege syusthsāpyā ṛddhimabhīppubhiḥ

catasraḥ sthāpanābhūmi kṛtvā madhye pade punaḥ/
muktikāmo'rcayeddhevaṃ pade tu tadanantare

divye bhogābhilāṣaścetsannānārdhī tu mānuṣe/
paśvādikāmaḥ pai śāce padeṣvevaṃ yathākramam

prāsādadvāravistāraṃ tribhāgīkṛtya madhyamam/
bhāgaṃ tu saptadhā kṛtvā pañcabhāgāṃstu dakṣiṇe

apohyānantare bhāge brāhme sūtramudāhṛtam/
na kuryādbrahmaṇassūtre bhittastaṃbhādikaṃ sudīḥ

ājñānādyadi kurvīta pratyavāyo mahān bhavet/
ekabheraṃ bhavettatra brahmasūtre śilāmayam

ratnaloha śilākāṣṭhamṛdbhistadvā trivastubhiḥ/
bahuberaṃ bhavedardacitraṃ sābhāsamiṣyate

sthitāsīnaśayānānāṃ dravyairatnādibhirbhavet/
nirmāṇaṃ sarvamurtīnāṃ ṛddhikṛnnaiva doṣakṛte

garbhagehe tato bhāge yathoktadharaṇīṃ khanet/
hastamātreṇa tattreva napuṃsakaśilāṃ kṣipet

śilāyāṃ tatra ratnāni lohairbhījaiśca dhātubhiḥ/
saha vā tairvanā vāpi nikṣipeccoditaḥ kramāt

pidhāya yoṣicchilayā dṛḍhaṃ kuryātsudhādibhiḥ/
mañjūṣāṃ lohajāṃ kṛtvā yadvā ratnāni nikṣipet

ratnanyāsasthitassaiṣaḥ pādamūle vidhīyate/
anyeṣāṃ pṛṣṭhataḥ kuryādratnanyāsaṃ vicakṣaṇaḥ

vṛttaṃ vā caturaśraṃ vā pādapīṭhaṃ tu tadbhavet/
pratimāyāṃ śilāmayyāṃ śilāyāṃ ca sthitirbhavet

sthāne pādaśilāyāṃ ca śūlārdhaṃ suṣiradvayam/
iṣṭakābhistathā kuryātpīṭhikāṃ ca śilopari

utsedhaścāpi cāyāmo bhūmibhāgapramāṇataḥ/
dvāraṣṭabhāgamathavā pādāṣṭakamathāpi vā

pratimāṣṭāṃśamathavā pādaphīṭhapramāṇakam/
vṛttaṃ vā caturaśraṃ vā pādapīṭhaṃ yathābhavet

vṛtai ca caturaśre ca padmaṃ copari kalpayet/
sthānakeṣu vidhirhyeṣa āsīne dviguṇaṃ bhavet

śayane tāvadutsedhaṃ pratimāyāmasammitam/
padmādipīṭhamathavā dehalabdhāṅgulaiḥ punaḥ

kuryāddvādaśabhiḥ prāṃśuṃ vistīrṇaṃ dviguṇāṅgulaiḥ/
pañcaviṃśaddalayutaṃ yadvā ṣoḍaśa bhiryutam

dalairdvādaśabhiryadvā yuktamaṣṭabhireva vā/
aṅghrimānavaśenaiva dalānāṃ drāghimā bhavet

ūrdhvacchadamuyuktaṃ(?) tato'lpadalasaṃyutam/
madhye karṇikayā yuktaṃ kiñcitphullāmbubajākutim

divye bhāgesthitasyaiṣa viṣṭarassamudīritaḥ/
ekabere tadāyāmaṃ tridhā kṛtyaikabhāgikām

vediṃ kuryāccaturthā vā turyāṃ śena prakalpayet/
utsedho'yaṃ snānavedervṛttā vṛttāyatā tuvā

caturaśāyatā vāpi ṣaष़ḍaśāṣṭāśrikāpi vā/
upānakaṭisaṃyuktā kartavyā dvādaśāṃgulā

āyataṃ nālametasya caturbhirathavāṅgulaiḥ/
viṃśatyā cāyataṃ tasya mukhaṃ makaravaktravat

kiñcinnimnaṃ ya thātasmānnālaṃ tiryagathosthitam/
upariṣṭācca tadvedervalayaṃ ca turaṅgulam

unnataṃ kārayettāvadvistāraṃ kamalāsana/
vedikānuguṇaṃ yadvā padmamevākhilaṃ bhavet

pratyaṅmukhasya devasya prāṅmukhasya tathā bhavet/
praṇālyudaṅmukhā kāryādakṣiṇedaṅmukhasya tu

praṇālī prāṅmakhā kāryā nānyatra vidhiriṣyate/
dhārārulyā ca kartavyā yāvacchidraṃ bahisthitam

hastihastādibhiśśvabhre jaladhārāṃ nipātayet/
vṛttaṃ vā caturaśraṃ vā śvabhraṃ kuryācchilādibhiḥ

manoharamagādhaṃ ca bahi staddhevatālayāt/
āsīnasyābhidhāsyāmi pramāṇaṃ siṃhaviṣṭare

dehalabdhaṃgulaiṣṣaḍbhirutsedhaṃ triṃśatāpi ca/
dviguṇai rāyataṃ tasya siṃhairaṣṭābhirāsanam

dhriyamāṇaṃ caturbhirvā teṣāṃ vaktrāṇi saṃhinat/
śiṣṭaṃ vapuḥ puruṣavaccaturbharbahubhiryutam

bibhrāṇau viṣṭaraṃ dvābhyāṃ dvābhyāṃbadhvā jalaṃ hṛdi/
ratnaiḥ pariṣkṛtaṃ pīṭhaṃ siṃhairvā kevalai ryutam

gajāṅghribhirvā tadyuktaṃ kuryānnaivānyathā vidhiḥ/
bhogaśayyāśayānasya vakṣyāmi kamalāsana

vṛttāyataṃ yathāyogaṃ tathā trirmaṇḍalīkṛtam/
prādakṣiṇyena valayaiḥ pañcabhirvādha saptabhiḥ

dehāṅgalaiścatustālamutsedhaṃ bhegamaṇḍalam/
madhyataḥ pādataḥ proktaṃ mūrdhanyadhikamaṃgulaiḥ

tribhirdiguṇitairyadvā valayāste yathoditāḥ/
paścātprabhṛti caikaikaṃ kiñcitkiñcitsamunnatam

phaṇairayugmairnavabhissaptabhirvātha paṃcabhiḥ/
upetamuttamaṃ madhyamadhamaṃ saṃpracakṣate

tritālamunnataṃ ṣaḍbhiraṃgulai rmadhyamaṃ phaṇam/
aṣṭāṃgulaṃ phaṇānāṃ syurantarālaṃ phaṇāstu te

nimnāḥ krameṇa kartavyāḥ nyūnāḥ pañcacatustrībhiḥ/
aṃgulaiḥ kramaśasteṣāṃ vāstāro madhyamaḥ phaṇāḥ

dvātriṃśadaṃgulā stasya phaṇāḥ pārśve caturmukha/
viṃśatpaṃ ca caturbhiśca vistīrṇaṃ dvyaṃgulairapi

viṃśatyaṃgulavistārau śeṣau dvau phaṇinaḥ paṇau/
itareṣvapi sarveṣu hānirūhyā yathākramam

bidālavaktravadvaktraṃ daṃṣṭrayā pariśobhitam/
mīrdhninyastamahāratnaṃ tīkṣṇaśṛṅgasamanvitam

śanaiśśanairadho vaktaṃ yāvanmaulyagramānakam/
sarpakaṇṭhātphaṇotsedhaṃ catustālaṃ daśāṃgulam

athavā śayanotsedhaṃ dāduśaṃ saṃpracakṣate/
kotukadvāracaraṇasamutsedhe tridhā kṛte

ekāṃ śena samutsedhaṃ bhogamaṇḍalamiṣyate/
caturthāṃ śena vā kuryādhbhegino bhogamaṇḍalam

bhogapanasamutsedho bhogaśayyāvadiṣyate/
suvṛttaṃ devadevasya vṛṣṭhabhege samunnatam

phaṇānāṃ maṇḍalaṃ yadvacchatraṃ tadvacca śobhanam/
devasya yaulerupari viṃśatyaṃgulamunnatam

caturaśrāyataṃ pīṭhamathavā śayanaṃbhavet//
prāguktaiścaraṇai ryaktaṃ upadhānādisaṃmitam

āsanaṃ padmamātraṃtu viśvamūrtervidhīyate/
yāne garutmato'dhantātpadmamāsanamiṣyate/
tasminvidadhyātpakṣīndraṃ devayāmārdhasaṃyutam

bṛhadbhujaṃ garutmantamāruhya sthitamacyutaṃ/
kuryāddevaṃ sthitādīnāmāsanāni prakalpayet

tato mūhūrte saṃprāpai śobhane deśikottamaḥ/
adhivāsitaśūlāni hyuddhṛtyādhyaryubhissaha

dhama pradakṣīṇīkṛtya tūryaghoṣamudīrya ca/
śūlāni sthāpayecchvabhre ratnanyāse yathodite

sthānāsthāpane caiva tathāsaṃsthāpanā'pi ca/
prasthāpanā pratiṣṭhā ca pratiṣṭhā paṃcakaṃ smṛtam

yā pratiṣṭhā bhavet sthāne sthāpanā sā prakīrtatā/
yā pratiṣṭhāsane proktā sā cāsthāpanasaṃjñitā

śayane yā pratiṣṭhā ca sā ca saṃsthāpanā matā/
yāne ca yā pratiṣṭhā sā nāmnā prasthāpanā bhavet

pratimā yā'rcanā pīṭhe karmārceti prakīrtitā/
tasyāṃ yā ca kriyā proktā sāpratiṣṭheti kīrtitā

ācāryasthsāpayecchūlaṃ sthānakaṃ parameṣṭhinaḥ/
asīnaṃsthāpayetpuṃsā viśvena śayitaṃ tathā

sarveṇa viśvarūpaṃ tu nivṛtyā yānakaṃ bhavet/
devīśūlaṃ tathā sthāpya ratnanyāsopari kramāt

brahmādi devatānāṃ tu śūlānyātmīyavidyayā/
evaṃ saṃsthāpya śūlāni bhittiśūlaṃ vinikṣipet

kakude vṛṣṭhapārśve tu sthānakasya samācaret/
āsīnasya tathā kṛtvā śayāvasyocyate'dhunā

śayānādhāraśūle vai kuryādhūrdhvamukhe sthite/
divyamānuṣayormadhye vaṃśadaṇḍaṃ nidhāpayet

vṛṣṭhapārśve tu kakude śayanādhāraśūlakam/
śayanādhāra śūledve kuryādūrdhva mukhesthite

divyamānuṣayormadhye śayitādhāraśūlakam/
ādhāraśūlaṃ śayane sthale kuryādvicakṣaṇaḥ

ādhāraśūlamanyeṣāṃ bhittisaṃsthaṃ ca kārayet/
ādhāraśūlarahite sarvatra sthāpane kṛte

varapradhānaṃ sānnidhyamadhikaṃ bhavati dhruvam/
mahākumbhādi kumbhānāṃ vāribhirmūlavidyayā

prokṣayeddarbhakūryena śūlāni sthāpitānyatha/
dakṣiṇāṃ guravedadyādyathā tuṣṭirbhavedguroḥ

daśa niṣkaṃ suvarṇaṃ tu tasyārdhaṃ vā pradāpayet/
ṛtvijāmapi sarveṣāṃ daśaniṣkaṃ pradāpayet

kāle tasmin samāhūya rathakāraṃ dvijottamaḥ/
preṣayottoṣayeccāpi yajamāno dhanairbhṛ śam

kulālaṃ kuśalaṃ śāntaṃ vyādhihīnamadūṣitam/
rathakāro niyuñjita śāstrokte sarvakarmaṇi

tadabhāve pāraśavaṃ yāvannayanamokṣaṇam/
rathakāro ktavidhinā kuśalassarvamācaret

sthāpitaṃ nordharecchūlaṃ samuddhāre mahadbhayam/
kartuḥ kārayituścāpi bhavatyeva sa saṃśayaḥ

aṅgabhede'ṅgahānissyādyajamānasya niścitam/
śūlasthāpanamātreṇa yajamāno mahatphalam