Padma Samhita · Chapter 3.1

brahmaṇā bhagavantaṃ prati jñānayoga
yoraviduṣāṃ gatimuddhiśya praśnaḥ/
bhagavan devadeveśa śajkhacakragadādhara/
jñānayogau ca kārtsnyena nirvāṇaphaladau śrutau

tayo raviduṣāṃ deva nādhikāraḥ kadācana/
ajñānināṃ ca bhaktānāṃ gatiṃ cāpīcchatāṃ nṛṇām

yenopāyena nirvaṇa phalaṃ svargādicetarat/
bhavatyupāyaṃ tamṛjumupadeṣṭuṃ tvamarhasi

idamanyacca vaktavyaṃ yadi mayyastyanugrahaḥ/
tvadarcane ko'bhyupāyaḥ kathyatāṃ madhusūdana

sthānaviśeṣeṣu bhagavadarcāmūrti
yajanasya sarvasiddhikaratvam/
kṛtvā pratinidhiṃ samyagdhāruloha śīlādibhiḥ/
tat sthāpayitvā matthyāne śāstradṛṣṭena vartmanā

yajasva māṃ vakṣyamāṇa vidhinā kamalāsana/
karṣaṇādipratiṣṭhānta kriyāvidhimataśśruṇu

vakṣyāmi yena vadhinā prasīdāmyacarādaham/
adhītino yevidyāsu śāstrāṇi śrutapūrviṇaḥ

te māṃ bhajante puruṣā jñānayogaparāyaṇāḥ/
anyeṣāmapyaviduṣāṃ bhaktānāṃ bahusampadām

jāyate siddhiracirāt sthāne sthāpayatāṃ ca mām/
jñānaṃ yogaśca yadidaṃ kevalaṃ mukti kāraṇam

sthāpayutvā tu māṃ sthāne puruṣassatvamaśnute/
yo māṃ saṃsthāpya sadane samārādhayati svayam

na tasya kevalaṃ sidthiḥ sthānābhyarṇajuṣāmapi/
tasmātsarvā brahman sthāne māṃ sthāpayetpumān

sthānadyaividhyam.
dvividhaṃ sthānamākhyātaṃ siddhāsiddhaprabhedataḥ/
siddhasthānaviraṇam.
mūle mūrdani śailānāṃ nadyāstīre ca saṅgame

samudratīre puline hrade tīrttheca kānane/
e teṣu nirmitaṃ sthānaṃ siddhākhyaṃ viśvakarmaṇā

devādibhirahaṃ tatra sthāpita ścedyathāvidhi/
asiddhāyatanam/
masuṣyairnimitaṃ sthānaṃ nagarādi kṛtaṃ mama/
asiddhāyatanaṃ viddhi grāmādisthiti hetukam

yajamānasvarūpam.
śraddhāvānāstiko bhakto dhanadhānya samṛddhimān

mahotsāhaśśucirdakṣaḥ kṛtajño lo bhavarjitaḥ/
brāhmaṇaḥ kṣatriyo vaiśva śśūdro vāpyanulomajaḥ

jānīhi yahamā naṃ taṃ sarvaissamuditaṃ guṇaiḥ/
varaṇīyācārya lakṣaṇam.
pañcarātravidaṃ śāntaṃ siddhānteṣu kṛtaśramam

bhagavadvaṃśajaṃ śuddha malolupamadāmbhikam/
apāpamṛjumavyādhi madṛṣṭaparamāstikam

taṃ bhāgavatamācāryāṃ prathamaṃ varayotsudhīḥ/
bhūparīkṣā.
ācāryo yajamānaśca daivajñena śubhe dine

grāmādi sthāpanāyādau nimittāni parīkṣayet/
śubhe nimitte grāmādīnārabheta vicakṣaṇaḥ

bhūparīkṣādikaṃ sarvaṃ rathakāreṇa vai saha/
ācāryaḥ pañcarātrajñaḥ kuryādabhyuditakramāt

bhūme ssupadmādiprabhedaḥ
supadmā bhadrakā pūrṇā dhumrā ceti caturvidhā/
bhūmistu lakṣaṇaṃ tāsāṃ krameṇopadiśāmi te

supadmābhūmiḥ
campakāgugurakarphūra kadambatilakārjanaiḥ/
kramukairnāli keraiśca kuśakāśaissamāvṛtā

padmotpala samākīrṇā prāgudakpravaṇā śubhā/
yā ca toyāvṛtā bhūmissā supadmeti kīrtitā

bhadrakābhūmiḥ
nadīsāgara pārśvasthā tīrthāyatanamāśritā/
kṣīra vṛkṣasamākīrṇā phalavṛkṣa samākulā

udyānopavano petā latāgulma samāvṛtā/
yajñavṛkṣāḥ kuśāḥ kāśāḥ vrīhikṣetraṃ tu yatra vai

adhojalasamopetā bhadrakā iti sāsmṛtā/
pūrṇābūmiḥ
kuluttha nimbaniṣpāva kodravaśyāmakānvitā

girisārśva sthitā caiva gireśśikharamāśritā/
aprabhūtodakā bhūmi ssā pūrṇeti prakīrtitā

dhūmrābhūmiḥ
yavaveṇvādisaṅkīrṇā snuhiśleṣmātakānvitā/
vibhītakārkasaṅkīrṇā kaṭhinā śarkarānvitā

vāyasaśyenagṛdhrāḍhyā gomāyuvṛkasaṅkulā/
ūṣarādyessamopetā sā dhumreti prakrīrtitā

supadmādibhūmīnāṃphalabhedaḥ
supadmā śāntidā bhūmi ssakhadā bhadrakābhavet/
supūrṇā puṣidā pūmiḥ kṣayadādhūmrakā bhavet

khātamṛtpūraṇaparikṣā/
daṇḍamātrāyatāṃ bhūmiṃ tāvadvistārasaṃyutām/
jānumātraṃ khanedbhūmi mṛdbistābhiśca pūrayet

adhike cottamā bhūmissamaṃ cenmadhyamā bhavet/
nyūne'dhamāṃ vijānīyā ttāṃ bhūmiṃ varjayedhbudhaḥ

vastu bhūmaubījāvāpaḥ
śālimudgayavādīnā muptvābhījāni vai bhuvi/
parīkṣakaḥ parīkṣeta praśastāmathavetarām

aṅkaro jāyate yatra trirātrā bhyantare mahīm/
tāmuttamāṃ vijānīyā tpañcarātriṣu madhyamām

adhamāsaptarātre syā dadṛśye vā tadaṅkure/
varjayedadhamāṃ bhūmiṃ sthāpayedanyayordvayoḥ

adhamāyā apibhūmeḥ kvacit parigrāhyatā.
kuśapālāśahariṇā ssanti yatra svayaṃ bhuvi/
adhamāmapi tāṃ viddhi praśastāṃ kamalāsana

rasavarṇādibhirbhūparīkṣā.
rasena madhureṇorvī muttamāṃ kaṭukātmikām/
madhyamāmadhamāmalpāṃ rasairanyaiśca viddhitām

śveta rṇottamābhūmi rmadhyamā pītalohinī/
adhamā kṛṣṇavarṇā syādityetadbhūmilakṣaṇam

balipradānam.
vāstuvidyāsu kṛtinā kriyāsu nipuṇena ca/
rathakāreṇa sahitaḥ kuśalaḥ pañcarātravit

ācāryaḥ prathamaṃ kuryātpraveśabalimuttamam/
ācāryo yajamānena sahito vāstusīmani

nṛttairvādyaiśca tūryaiśca tathā maṅkalapaṭhakaiḥ/
pūrṇakumbhai stathā dīpai rdhvajacchatrasamanvitaiḥ

brāhmaṇai rjñānasampannai radhīyānairbahuśrutaiḥ/
pradakṣiṇaṃ parikramya mantrai ssvastyayanairapi

vidikṣu dikṣu pūrvādibaliṃ kuryātsamantataḥ/
bhūtānāṃ ca piśācānāṃ rakṣasāṃ ditijasmanām

grahāṇāmapi nāgānā manyeṣāṃ ca baliṃ kṣipet/
brahmasthāne prayatnena pāyasena mahīsuraḥ

baliṃ prakṣipya tadanu mantrametamudīrayet/
bhūtāḥ piśācā nāgāśca asurā rākṣasā grahāḥ

sarve te vyapagacchantu balituṣṭā yathāyatham/
devānāṃ ca dvijānāṃ ca sthānāṃ samyakkaromyaham

vāsudevasya devasya sarvabhūtātmakasya ca/
āstramantraiṇa saṃsiddhān siddhārthān sarvataḥ kṣīpet

kṛtvā baliṃ yathāśāstraṃ sūtrāṇyapi ca pātayet/
śilāssaṃsthāpaye ttatra sutrasandhiṣu sarvataḥ

vāstupuruṣa kalpanam.
adhomukhaṃ prākchirasaṃ vinyasedvāstupūruṣam/
prasārya pāṇipadau dvau koṇabhūṣu prakalpitau

evaṃ dhyātvā samabhyarccya puruṣaṃ vāstukalpitam/
tasya dakṣiṇapārśve tu vāstuhomaṃ prakalpayet

sthaṇ‍ḍile dīpayitvā'gniṃ pañcopaniṣadā ghṛtam/
sahasraṃ vā śataṃ vāpi juhuyādvāstuśāntaye

apāmārgasya śamyāśca khadirasya yathākramam/
yakṣarakṣaḥ piśācānāṃ samidho juhuyātsvayam

hutvā tu mulamantrābhyāṃ pṛthagaṣṭottaraṃ śatam/
vāstunāthasya mantreṇa caruṇā juhuyācchatam

pūrṇāhutiṃ tato hutvātvindhrādīnāṃ baliṃ kṣipet/
dikṣvaṣṭasu yathā tmīyamevaṃ grāmādi kalpayet