Padma Samhita · Chapter 2.5

pañcamo'dhyāyaḥ/
badhvāyogāsanaṃ pūrvaṃ hṛddheśe racitāñjaliḥ/
nāsāgravyastanayano jihvāṃ kṛtvāca ca tāluni

dantairdattānasaṃspṛśya ūrdhvakāyassamāhitaḥ/
saṃharedindriyagrāmaṃ tato buddhyā viśuddhayā

cintanaṃ vāsudevasya parasya paramātmanaḥ/
sarūpasyāpyarūpasya svahṛdamburuhāsane

yattaddhyānaṃ praśaṃsanti kaivalyaphaladaṃ sadā/
yāmamātraṃ vāsudevaṃ cintayetkumbhakena yaḥ

saptajanmakṛtaṃ pāpaṃ tasya vaśyati yoginaḥ/
nābhikandātsamārabhya yāvaddhṛdayagocaram

jāgradvṛttiṃ vijāniyātkaṇṭhasthaṃ svapramuttamaṃ/
nuṣuptaṃ tālumadhyasthaṃ turyaṃ bhrūmadhyasaṃsthitam

turyātītaṃ paraṃ brahma brahmarandhre tu lakṣayet/
jāgradvṛ taissamārabhya yāvadbrahmabilā ntaram

tatrodayaṃ turīyaṃ syāttu ryānte viṣṇurucyate /
dhyāye ccaivaṃ samāyuktaḥ vyomni cātyantanirmale

sūryakoṭidyutidharaṃ nityoditamadhokṣajam/
hṛdayāmbhuruhāsinaṃ dhyāyedvā viśvarūpiṇam

anekākārakhacitaṃ anekavadanānvitam//
anekabhujasaṃyukta manekāyudhamaṇḍitam

nānārūpadharaṃ devaṃ śāntamugramudāyudham/
aneka nayānākīrṇaṃ sūryakoṭisamabrabham

dhyāyato yoginassarvaṃ yato'jñānaṃ vinaśyati/
hṛtpuṇ‍ḍarīka madhyasthaṃ caitanyaṃ jyotiravyayam

kadamba mukulākāraṃ turyāntānmaṇḍalātparam//
anantamānandamayaṃ cinmayaṃ bhāsvaraṃ vibhum

nivātadīpasadṛśamakṛtrima maṇiprabham/
dhyāyato yogina stasya muktiḥ karatale sthitā

viśvarūpasya devasya rūpaṃ yatkiñcidevahi/
sthavīyassūkṣmamanyadpā paśyan hṛdayapaṅgaje

dhyāyato yogino vastu nākṣādeva prakāśate/
aṇimādiphalaṃ caiva sakalaṃ kā kathā pare

jīvātmanaḥ parasyāpi yadaikya mubhayorapi/
samādissatu vijñeya ssādhvarthānāṃ prasādhakaḥ

ahameva paraṃbrahma taditi dhyānamāsthitaḥ/
sthāṇubhūto dṛḍhaśśaśvadviṣayā nnāvabudhyate

yathā bāhyajalaṃ vārāṃ praviṣṭaṃ niścalaṃ nidhim/
calasvabhāvaṃ tyajati tathājīvaḥ pralīyate

paramātmani vaikuṇṭhe samādhisthasya yoginaḥ/
acirātparame tatve hyabhilāṣaḥ pravartate

tamupāyaṃ pravakṣyāmi śrūyatāṃ kamalāsana/
dvādaśākṣaramabhyasya paramātmadhiyā harim

asūryabhūmau likhīte cakrapadme sulakṣaṇe/
tasyopari suvistīrṇe samāsīnaḥ kuśāsane

badhvā padmāsanaṃ yogī site pakṣe tathottare/
ayane śvasanaṃ pūrvaṃ dhārayitvā yathāpuram

dehamadhyasthitaṃ vahniṃ dīpayitvā samujjvalam/
hṛtpuṇ‍ḍarīka madhyasthaṃ smaranbrahma sanātanam

vidyatsahasra saṅkāśaṃ yugāntānalasannibham‌/
tanmayaṃ ca svacaitanyaṃ kṛtvā tadvahniraśmibhiḥ

bhūtadehaṃ dahetkṛtsnaṃ dagdhvā mantra svarūpadhṛk/
muktāṇ‍ḍa iva pakṣīśa āsīnaṃ cantayecchanaiḥ

śanaiḥ pariṇatāṃ mantratanuṃ tejomayīṃ sadā/
cinmayīṃ sarvagāṃ śabdasvarūpāṃ bhāvayannapi

śanaiśśanai rasthirāṃ ca vinivārya tata ssvayam/
brahma saṃpadyate yogī na bhūyassaṃsare diha

ityevaṃ yogasaro'yaṃ kathitaḥ kamalāsana/
nityaṃ kriyā tatparāṇāṃ saṃsāracakitātmanām// 5. 29 //
madbhaktānāṃ dīkṣitānāṃ vācyo'yamupasīdatām//
idaṃ bhavaharaṃ puṇyaṃ yogaṃ sarvārthasiddhidam