Padma Samhita · Chapter 2.4

bhagavan kānyariṣṭāni kathaṃ tairjīvitakṣayaḥ/
sūcyate saṃśayasyāsya chedane kāraṇaṃ bhavān

pādāṅguṣṭhe karāṅguṣṭhe sphuraṇaṃ yasya naśyati/
tasyasaṃvatsarādūrdhvaṃ jīvitasya kṣayo bhavet

maṇibandhe tathā gulphe sphuraṇaṃ yasya naśyati/
ṣaṇmāsāvadhiretasya jīvitasya sthitirbhavet

kūrparesphuraṇaṃ yasya tasya traimāsikī sthitiḥ/
kakṣe mehanapāśve ca sphuraṇādyupalambhane

mānāvadhirjīvitasya tadardhaṃ svedadarśane/
aśrute jāṭhare ghoṣe dināni daśa jīvitam

jyotiḥ khadyotavadyasya tadardhaṃ tasya jīvitam/
jihvāyā darśane trīṇi dināni sthitirātmanaḥ

nāsāgrā darśane mṛtyuḥ dvidine naiva saṃśayaḥ/
evamādīnyariṣṭāni dṛṣṭvāyuḥ kṣayakāraṇam

niśreyasāya yuñjīta japadhyānaparāyaṇaḥ/
manasā tmanyanuṣṭhānaṃ yadidaṃ nityakarmaṇām

pratyāhārassavijñeyo yogāṅgatvena sevitaḥ/
yadvāṣṭādaśabhedeṣu marmasthāneṣu dhāraṇam

sthānāt sthānaṃ samākṛṣya sā pratyāhṛti riṣyate/
pādāṅguṣṭhaṃ tathāgulphaṃ jaṅghāmadhyaṃ tathaiva ca

madhyamūrvośca mūlaṃ ca pāyuḥ hṛdayamevaca/
mehanaṃ dehamadhyaṃ ca nābhiṃ ca galakūbaram

tālumūlaṃ ca mūlaṃ ca ghrāṇasyākṣṇośca maṇ‍ḍalam/
bhruvormadhyaṃ lalāṭaṃ ca mūrdhācāpi tataḥ param

mūlaṃ ca karmayormūlaṃ marmūṇyetāni padmaja/
pañcabhūtamaye dehe bhūteṣveteṣu pañcasu

manaso dhāraṇaṃ yattadyuktasya ca yanūdibhiḥ/
dhāraṇā sā ca saṃsārasāgarotāra kāraṇam

ājānupādaparyantaṃ pṛthivīsthānamiṣyate/
pittalā caturaśrā ca vasudhā vajralāñcitā

smartavyā pañcaghaṭikā statrāropya prabhañjanam/
tasyoparyūrumūlāntaṃ vāristhānaṃ caturmukha

ardhacandrasamākāraṃ śvetamambujalāñcitam/
smartavyamaṅge śvasanamāropya daśa nāḍikāḥ

ānābhidehamadhyānta magnisthānamudāhṛtam/
tatra sindhūravarṇo'gni styraśrāṅko daśa pañca ca

smartavyo nāḍikāḥ prāṇaṃ kṛtvākumbhai kadhāritam/
nā bherupari nāsāntaṃ vāyusthānaṃ tu tatravai

vedikākāravaddhūmro balavānbhūtamārutaḥ/
smartavyaḥ kumbhake naiva prāṇamāropya mārutaḥ

ghaṭikā viṃśatistasmādghrāṇādbrahmabilāvadhi/
vyomasthānaṃ nabhantatra bhinnāññanasamaprabham

dhyāyonmārutamāropya kuṃbhakenaina yatnavān/
viśvambharāṃśe dehasya caturbāhumalaṅkṛtam

aniruddhaṃ hariṃ yogī yajeta bhavamuktaye/
abaṃśe pūrayedyogī nārāyaṇamudagradhīḥ

pradyumnamagnau vāyvaṃśe saṅkarṣaṇamataḥ param/
vyomāṃ śe paramātmānaṃ vāsudevaṃ samarcayet