Scripture Library

Padma Samhita · Chapter 2.3

2.3.1

traivarṇika ssvavarṇoktai rāśramānuguṇai stathā/
ācārai rācaranyuktai rvāsudevārcane rataḥ

2.3.2

viviktaṃ deśamāsādya sarvasaṃbādhavarjitam/
yogāṅgadravyasampūrṇaṃ tatra dārumaye śubhe

2.3.3

āsane kalpite darbhavāsaḥ kṛṣṇājinādibhiḥ/
tālamātrasamutsedhe tāladvayasamāyute

2.3.4

upaviśyāsane vaśye svastikādi yathāruci/
badhvā prāgānanassamyak ṛjukāyassamāhitaḥ

2.3.5

nāsāgravyastanayano dantairdantānasaṃspṛśan/
rasanāṃ tāluni vyasya ślathabāhudvayānvitaḥ

2.3.6

ākuñcataśirāḥ riñcit nibadhnan yogamudrayā/
hastau yadhokta vidhinā prāṇāyāmaṃ samācaret

2.3.7

recanaṃ pūraṇaṃ vāyoḥ rodhanaṃ recanaṃ tathā/
caturbhiḥ kleśanaṃ vāyoḥ prāṇāyāma udīritaḥ

2.3.8

hastena dakṣiṇenai va pīḍayannāsikāpuṭam/
iḍayāpūra yedantarvā yumātmani kumbhayet/
śanaiśśanai ratha bahiḥ kṣipetpiṅgalayānilam

2.3.9

dvātriṃśanmātrayaṭā kukṣau pūrayediḍayānilam/
bhūyaṣṣoḍaśamātrābhiścatuṣṣaṣṭhyātu mātrayā

2.3.10

sampūrṇakumbhavaddhehaṃ pūrayenmātariśvanā/
pūraṇānnāḍayassarvāḥ pūryante mātariśvanā

2.3.11

evaṃ kṛtesati brahman carantidaśa vāyavaḥ/
hṛdayāmbhoruhaṃ cāpi vyākocaṃ bhavati sphuṭam

2.3.12

pūraṇena tathā kumbhī karaṇā dunmukhaṃ sthitam/
galakūpavirūḍhaṃ tu tadadhomukhamambhujam

2.3.13

nālaṃ tālanibhaṃ tasya dalāṣṭakasamanvitam/
kadalī puṣpasaṅkāśaṃ candrakāntasamaprabham

2.3.14

sandhyayormadhyarātre ca prāṇāyāmāṃstu ṣoḍaśa/
ekāhamātraṃ kurvāṇassarvapāpaiḥ pramucyate

2.3.15

kimanyairbhahubhiḥ proktaiḥ prāṇāyāmaparāyaṇāḥ/
nirdhūtasarvapāpmāno vatsaratrayapūraṇe

2.3.16

paśyanti māmapi brahman hṛdayāmbhoruhesthitam/
saṃvatsaratrayādūdhvaṃ prāṇāyāmaparo naraḥ

2.3.17

yogasiddho bhavedyogī vāyujidvijitendriyaḥ/
alpāśī svalpanidraśca tejasvī balavānbhavet

2.3.18

apamutyumatikramya dīrghamāyuravāpnu yāt/
prasvedajananaṃ yasya prāṇāyāmeṣu so'dhamaḥ

2.3.19

kampanaṃ vapuṣo yasya prāṇāyāmeṣu madhyamaḥ/
utthānaṃ vapuṣo yasya sa uttama udāhṛtaḥ

2.3.20

adhame vyādhipāpānāṃ nāśassyānmadhyame punaḥ/
pāparogamahāvyādhi nāśassyāduttame punaḥ

2.3.21

alpamūtro lpaviṣṭhaśca laghudeho mitāśanaḥ/
vaśyendriyaḥ paṭumatiḥ kālatrayavidātmavān

2.3.22

recakaṃ pūrakaṃ muktvā kumbhīkaraṇamevayaḥ/
karoti triṣulokeṣu naiva tasyāstidurlabham

2.3.23

nābhakande ca nāsāgre pādāṅguṣṭhe ca yatnavān/
dhārayanmanasā prāṇān sandhyākāleṣu sarvadā

2.3.24

sarvarogavinirmukto bhavedyogī gataklamaḥ/
kukṣirogavināśassyāt nābhikandeṣu dhāraṇāt

2.3.25

nāsāgre dhāṇāddhīrṣu māyuṣyaṃ dehalāghapam/
pādāṅgaṣṭhe bhaveddhṛtyā vāyoḥ kamalasaṃbhava

2.3.26

vāyumākṛṣya jihvāgre pibannaśramadāhābhāk/
brāhme muhorte saṃprāptevāyumākṛṣyajihvayā

2.3.27

pibata striṣumāneṣu vāksisdhirmahatībhavet/
ābhyasyataścaṣaṇmāsā nmahārogavināśanam

2.3.28

yatra yatra dhṛto vāmuraṅge rogādidūṣite/
dhāraṇādeva marutastattadārogyamaśrute

2.3.29

manaso dhāraṇādeva śvasano dhārito bhavet/
manasthsāpanā heturucyate kamalāsana

2.3.30

karaṇāni samāhṛtya viṣayebhyassamāhitaḥ/
apānamūrdhvamākṛṣya vasterupari dhārayet

2.3.31

badhnankarābhyāṃ śrotrāti karaṇāni yathātatham/
yuññānasya yadhoktena vartmanā svavaśaṃ manaḥ

2.3.32

manaspṛṣṭassavai vāyussvava śesthāpyate sadā/
nāsikāpuṭayoḥ prāṇaḥ paryāyeṇa pravartate

2.3.33

tisraśca nāḍikāḥ prāṇastāvatyaśca caratyayam/
śaṃkhinīvivare yāmye prāṇaḥ prāṇabhṛtāṃ satām

2.3.34

tāvantaśca punaḥ kālaṃ saumye carati santatam/
itthaṃ krameṇa caratā vāyunā vāyujinnaraḥ

2.3.35

ahaśca rātriṃ pakṣaṃ ca māsaṛtvayanādikam/
antarmukho vijānīyātkālabhedanaṃ samāhitaḥ

2.3.36

aṅguṣṭhādisvāvayavasphuraṇādarśanairapi/
ariṣṭairjīvitasyāpi jānīyātkṣayamātmanaḥ

Original text: padmasaṃhitā · Sanskrit Wikisource contributors · Sanskrit Wikisource · CC BY-SA 4.0