Padma Samhita · Chapter 2.1

śrī pāñcarātre mahopaniṣadi pādmasaṃhitāyāṃ
bhagavan yogayuktasya niśreyasamudīritam/
puruṣasya dayāsindho jñāninaḥ puruṣottama

sa yogaḥ kathyatāṃ bhūya śśrotavyaṃ yadi madvidhaiḥ/
yadi nānugrahosmāsu bhajamāneṣu vidyate

avyākulasya cittasya bandhanaṃ viṣaye kvacit/
yatsayogaścaturvaktrasa ca dvaividhyamaśnute

karma kartavyami tyevaṃ vihiteṣveva karmasu/
bandhanaṃ manaso nityaṃ karmayogassa ucyate

yattu cittasya satatamarthe śreyasi bandhanam/
jñānayogassa vijñeya ssarvasiddhikaraśśubhaḥ

yasyoktalakṣaṇe yoge dvividhe'vasthitaṃ manaḥ/
sa yāti paramaṃ śreyo mokṣalakṣaṇamañjasā

yamādiraṅgaṃ pūrvasya vairāgyādi parasyatu/
aṣṭau yamādayo yogāḥ yamo'hiṃsādilakṣaṇaḥ

ahiṃsā satyamasteyaṃ brahmacaryaṃ dayārjavam/
kṣamādhṛtirmitāhāro śaucaṃ ceti yamā daśa

tapaḥ prabhṛtirūpastu niyamaḥ kathyate punaḥ/
tapaśca tuṣṭirāstikyaṃ dānamārādhanaṃ hareḥ

siddhāntaśravaṇaṃ hrīśca japa ityādilakṣaṇaḥ/
āsanādīni sarvāṇi svastikādīni saṃprati

varṇyante svastikaṃ pādatalayorubhayorapi/
pūrvottare jānunī dve kṛtvā''sanamudīritam

sīvanyā dakṣīṇe pārśve savyaṃ savye tu dakṣiṇam/
gulphaṃ kṛtyā''sanaṃ tacca svastikaṃ kathyate budhaiḥ

āropya corvoścaraṇau tadaṅguṣṭhadvayaṃ punaḥ/
vyutkrameṇaiva hastābhyāṃ gṛhṇīyāttatta dāsanam

baddhapadmāsanaṃ jñeyamāsaneṣu supūjitam/
ekaṃ caraṇamanyasminnūrāvāropya niścalaḥ

āste yadidamenoghnaṃ vīrāsanamudāhṛtam/
sivinīṃ gulphadeśābhyāṃ nipīḍya vyutkrameṇa tu

prasārya jānunorhastāvāsanaṃ siṃhapūrvakam/
gulphau ca vṛṣaṇasyādhassīvanyubhayapārśvayoḥ

niveśya pādau hastābhyāṃ dṛḍhaṃ badhvā yadā sanam/
bhadrāsanaṃ tadvijñeyaṃ sarvapāpapraṇāśanam

gulphaṃ savyetaraṃ savye vṛṣṭhasārśve vidhāya ca/
gulphaṃ tathetaraṃ vṛṣṭhapārśva'nyasminnidhāya ca

āsanaṃ gomukhaṃ yadvadghomukhāsanamiṣyate/
sīvanīpārśvamubhayaṃ gulphābhyāṃ vyutkrameṇatu

nipīḍyāsana metacca muktāsana mudāhṛtam/
meḍhrasyo pari nikṣipya savyaṃ gulphaṃ tathetaram

niveśyopari gulphasya yadvā muktāsanaṃ bhavet/
avaṣṭabhya dharāṃ samyaktalābhyāṃ hastayordvayoḥ

kūrparau nābhipārśve ca sthāpayitvā mayūravat/
samunnamya śiraḥ pādau mayūrāsanamiṣyate