Padma Samhita · Chapter 1.5

prakṛtyā tasya saṃyogo jāyate kena hetunā/
etadācakṣva bhagavan rahasyaṃ durlabhaṃ mama

prakṛtyā puruṣasya saṃyoge hetuḥ/
manmāyā kāraṇaṃ brahmanna nādiravināśinī/
yunakti puruṣaṃ saiṣā prakṛtyā guṇarūpayā

bhagavataḥ prasādāt prakṛtyā viyogaḥ
matprasādaṃ vinā tasya na virāmo sti kasya cit/
yāvannāhaṃ prasīdāmi tāvanmāyā duratyayā

pūrṇakāmasya bhagavataḥ prasāde nibandhanam.
pūrṇa kāmasya devasya prasāde kiṃ nibandhanam/
na jāne kāraṇaṃ tasya tanme brūhi nibandhanam

varṇānāmāśramāṇāṃ ca maryādāyāmayākṛtā
tāṃ ye samanuvarta nte prasāda steṣu me mahān

tasmātsaṃsāriṇāṃ puṃsāṃ matprasādaṃ vinā kvacit/
niśśreyasakaraṃ nāsyadbhadhyasva kamalāsana

bhagavan devadeveśa jānāmi puruṣottama/
tvāmeva jagatāṃ manye sraṣṭāpaṃ kamalekṣaṇa

prabhavanti yato lokāḥ pralayaṃ yānti yatra ca/
bhagavan tadaśeṣeṇa jñātumicchāmi śaṃsa me

sṛṣṭyādinirūpaṇam/
prakṛtiḥ puruṣaścobhe mama rūpe duratyaye/
anupraviśya dvitayāṃ kṣobhayāmyahamicchayā

prakṛti stri guṇā brahmannanādiravināśinī/
puruṣādhiṣṭhitā sūte sthāvarāṇi carāṇi ca

guṇasāmyātmana stasmātpuruṣādhiṣṭhi tātpunaḥ/
ajāyata mahattatvaṃ trividhaṃ trividhairgaṇaiḥ

ahaṅkārastato jāta stasya tisro vidhāḥ smṛtāḥ/
vai kārikastaijasaśca bhūtādiśceti tattridhā

vaikārikādahaṅkārātsātvikāḥ pañcahajñi re/
jñānendriyāṇi paṃcaiva rājasāttaijasātpunaḥ

karmendriyāṇi jātāni bhūtādestāmasādatha/
śabdatanmātramabhavattaccā kāśamajījanat

sparśatanmātramākāśā ttasmādvāyurajāyata/
rūpamātraṃ tato vāyo stasmādagnirajāyata

rasamātramajanyagne stasmādāpaḥ prajajñire/
gandhatasmātramadbhyopi gandhamātrāttathā mahī

śabdaikaguṇamākāśaṃ śabdasparśaguṇo'nilaḥ/
śabdasparśau tathā rūpaṃ tadvadagnerudāhṛtam

śabdassparśau raso rūpaṃ cāturguṇyapāṃ smṛtam/
śabdasparśau rūparasau gandhaḥ pañcaguṇā mahī

nānāvīryāḥ pṛthagbhūtāste sṛṣṭāssaṃhatiṃ vinā/
nāśaknuvanprajāssraṣṭuṃ tatasai saṃhatāssvayam

mahadādi viśeṣāntāḥ pradhānapuruṣeritāḥ/
aṇ‍ḍaṃ mamāṃśabhūtasya padma nābhasya madmaja

nābherajāyata tato jagadyonirabhūdbhavān/
sargādau prakṛterevamudbhūtamakhilaṃ jagat

līyate prakṛtāveva kalpānte kamalāsana//
manye tvayā jagatsṛṣṭaṃ vidhṛtaṃ ca tvayā vibho/
kālarūpa stvamevaikaḥ kalvānte sañcahartha ca

idānīṃ vada mejñānaṃ brahmasiddhidamacyuta/
yajjñātvā na punarjanma maraṇaṃ bhavabaddhanam/
brahmajñānadvai vidhyam/
jñānaṃ dvividhamākhyātaṃ satvākhyaṃ cakriyātmakam/
satvākhyasya kriyākhyena siddhiravyabhicāriṇī

jñānaṃ kriyātmakaṃ tāvat vada krīyagvidhaṃ prabho/
yonābhyastena satvākhyaṃ yāsyāmi brahma siddhidam

satvakriyātmakajñāna lakṣaṇam/
yamaśca niyama ścaivakriyākhyaṃ dvividhaṃ smṛtam/
tābhyāṃ jñānaṃca satvākhyaṃ prāpnotyeva na saṃśayaḥ

brahmaṇyabhinnaṃ satvākhyaṃ jñānāj jñeyamavāpyate/
jñānānmuktaḥ parānande paramātmani padmaja

brahmaprāptau tvayā samyagupāyaḥ kathitaḥ purā/
idānīṃ deva deveśa brūhi me brahmalakṣaṇam

brahmalakṣaṇam/
ānandalakṣaṇaṃ brahma nādarūpamavikriyam/
kleśādibhirasaṃspṛṣṭaṃ niṣkriyaṃ nirvikalpakam

advandvamanavacchinnaṃ svasaṃvedyaṃ nirañcanam/
susūkṣmaṃ svavaśaṃ svairaṃ svayaṃ jyoti ranādimat

anantamakṣayaṃ śāntamadṛṣṭā ntamavṛddhimat/
dhruvamekaṃ sadā nandaṃ cidrūpaṃ sarvagaṃ param

gatāgatavinirmuktaṃ vāsudevāhvayaṃ vibhu/
prabhavaṃ sarvabhūtānāmīśvaraṃ puruṣottamam

svabhāvanirmalaṃ nityaṃ nistaraṅgaṃ nirākulam/
nirmaryādaṃ guṇātītaṃ saguṇaṃ sarvakāmadam

hīnavarṇairasaṃsevyaṃ mokṣamāṇairatarkitam/
adhyeyaṃ dhyeyamāścaryamavājmanasagocaram

ṣāḍguṇyavigrahaṃ sarvaśakti svāśrayamāśrītam/
bhūteśaṃ bhūtakṛdbhūtaṃ tamasaḥ parataḥ sthitam

pradhānaṃ prakṛteranyadbhogyaṃ bhoktṛ niraṅkuśam/
pramāṇapratyayātītaṃ sarvatokṣiśiromukham

sarvataḥ pāṇicaraṇaṃ sarvamāvṛtya viṣṭhitam/
bahirantasthsitaṃ vyāpi sarva tantrātiśāsanam

ajamoṅkāramavyaktaṃ mūlamantrātmakaṃ śivam/
māyārūpaṃcamāyābhinnityatṛptamaṇoraṇu

mahato'pi mahā sthūla matulaṃ mṛdu dīptimat/
amūrtaṃ mūrtamojasvi cidghanaṃ nirupadravam

paśyannitthaṃ paraṃ brahma pareṇa jñānacakṣuṣā/
yogayuktassadā martyaḥ prāpnoti ca paraṃ padam