Padma Samhita · Chapter 1.4

vidhatse kena rūpeṇa kena rūpeṇa pāsi vā/
saṃhartuṃ yatase kena śuśrūṣā me vijṛmbhate

sṛṣṭhyarthāsa anantāsu śaktiṣu catasro mukhyāḥ.
anantāśśaktayassṛṣṭāḥ manasaiva caturmukha/
catasrastāsu nardiṣṭāḥ mukhyā viṣṇvādimūrtayaḥ

tatra tisrassaṃsāragocarāḥ caturthī mokṣadāyinī.
rajassatvasamomayya stisrassaṃsāragocarāḥ/
ānandākhyā caturthī tu bhukti muktipradāyinī

sṛṣṭyādupayogino guṇāḥ
rajo guṇena bhuvanaṃ sṛjāmi sacarācaram/
pālayāmi ca satvena tamasā saṃharāmi ca

ānandhātmānamāsthāya vāsudevāhvaya ssvayam/
vipāśayāmi saṃsārāt ye māmeva bhajanti tān

sṛjāmi pāmi hanmyeta drūpairbahmādibhistribhiḥ/
niṣkāmānāṃ bandhamokṣaḥ
vāsudevatmarūpeṇa pareṇa bhavasāgarāt

vipāśayāmi niṣkāmānye māmārādhayanti tān/
viṣṇvādiṣu catasṛṣu vāsudevamūrti rapavangapradā.
mukhyaścaturṇāme teṣāmucyate paramaḥ pumān

apavargakaratvena vāsudevassa īritaḥ/
brahmādayastato'nyetu saṃsārāhitadṛṣṭayaḥ

saṃsārī puruṣaḥ ko'sya mātre ke vā parāvare/
muktaḥ ko yasya mātre dyena vidyete varāvare

puṇyapāpanimitte yassukhaduḥkhe niṣevate/
sāṃsārī sā parā mātrā bhrahmabhūya mitīnyate

mātrā parā bhave ttasya sthāvaratvamasatsamam/
muktasparūpam.
saṃsāravāsanātītaṃ vimuktaṃ karmabandhanaiḥ

ātmatṛptamudāsīnaṃ muktamāhurmanīṣiṇaḥ/
sadaika rūparūpasya mātrā kāpi na vidyate

ke saṃsāraṃ prapadyante ke ca gacchanti nirvṛtim/
kautūhalaṃ hi bhagavan‌ brūhi tattvaṃ yathātatham

saṃsārabandhamokṣau.
phala kāmanayā karma vihitaṃ vaidikaṃ bhajan/
badhyate nispṛhaḥ karma bhajamāno na badhyate

jñānaṃ vaiṣayikaṃ yasya cakṣurādinibandhanam/
bhaddhyate sa pare deve yasya jñānaṃ sa mucyate

muktātmanaśca bhavato bhedaḥ kaḥ puruṣottama/
etadācakṣva bhagavannā tiguhyaṃ yadi prabho

muktātmanaḥ paramapuraṣasya ca bhedaḥ
ahamena bhavanyaite na bheda statra kaścana/
yathāhaṃ vivārāmyevaṃ tathā muktāśca dehinaḥ

badhnanti puruṣaṃ ke te hetavaḥ karmahetavaḥ/
karmapāśairnagalitānpuruṣān bhrāmayantiye

bandhahetavaḥ
tribhireva guṇairvyastaissamastaiḥ pūrvamīritaiḥ/
satvādibhiḥ kriyā cāpi trividhā sampravartate

tayā saṃsāra mṛcchanti puruṣāḥ pūrvavṛttayaḥ/
evameva suraśreṣṭha yanmāṃ tvaṃ paripṛcchasi

kathamebhirguṇai ryogaḥ puruṣasyopajāyate/
karmapāśairvamucyeta mokṣyamāṇaśca pūruṣaḥ

viṣayavaśādguṇatrayayogaviyogau.
śrībhagavān
puruṣasya guṇā ye te devādarmānuvartinaḥ/
viṣayasya vaśādete bhavantina bhavantica

viṣaya svarūpapraśnaḥ /
kosau viṣaya ityuktaḥ puruṣāṇāṃ maheśvara/
yasya yogādbhava nyaite na bhavanti ca te guṇāḥ

viṣayanirūpaṇam.
śrībhagavān
triguṇā prakṛtirbrahman viṣayo dehinaḥ smṛtaḥ/
tadyogādbhadhyate jantustadayogādvimucyate

jānāti puruṣo nityaṃ prakṛtiṃ trigṛṇātmikām/
sā ca prasūte satataṃ nidrālasyaṃ pṛthagvidham

svarūpaṃ vismaratyeṣa nidrayā vivaśassvayam/
sa bhandha iṣyate puṃsāṃ kiṃ bhūyaśśotumicchasi