Padma Samhita · Chapter 1.3

pādmasaṃhitāyām/
brahmaṇa ssṛṣṭiradhunā vakṣyate dvijasattama/
nārāyaṇo'sṛhajattoyaṃ tatraivāsīnmahārṇavaḥ

aniruddhāṃśajā durgā māyārūpā sumohinī/
nyagrodhamasṛjattasmin māyārūpe mahādrume

aniruddhāṃśajaśśrīmān padmanābhaḥ purātanaḥ/
saṃhṛtya lokān puruṣaḥ parṇaparyaṅkameyivān

vaṭapatraśāyino nābhīpadme caturmukhasṛṣṭiḥ/
tatra puṃsaśśayānasya nāgaparyaṅkabhūṣite/
hiraṇmayaṃ padmagarbham nābheraṇḍamajāyata

tadaṇḍaṃ pañcabhūtātmabhūtaṃ śuddhamatarkitam/
aṇḍasya pardhamānasya madhye padmaṃ sitaprabham

sahasradalaparyantamantaḥ kesaramaṇ‍ḍitam/
madhye karṇikayā yuktamadbhutam sṛṣṭikāraṇam

sraṣṭāramasṛjattasmin padmanābhaścaturmukham/
padmāsanam.
āsanaṃ brahmaṇo yasmātpadma mādāvabhūttataḥ

anyeṣāmapi devānā māsanaṃ padmamiṣyate/
sanandanādīnāṃ sṛṣṭikāryavimukhatā
sanandanādīnasṛjatsaṣṭyarthaṃ padmabhūssvayam

sraṣṭuṃ mano na dadhire te ca svāyambhavāstadā/
sarve te yogino jātā vītarāgā vimatsarāḥ

brahmaṇaḥ krodhādrudrasṛṣṭiḥ
teṣvevaṃ nirapekṣeṣu lokasṛṣṭau mahātmasu/
brahmaṇo bhūnmahān krodhastrailokyadahanakṣamaḥ

bhrukuṭīkuṭilā ttasya lalāṭātkrodhadīpitāt/
samutpannastadā rudro yugāntāgni samaprabhaḥ

ardhanārīnaravapu rmahākāyaḥ pratāpavān/
saṃvibhajyātmano devaṃ naraṃ nārīṃ ca nirmame

mithunājjajñire tasmādrudrāṇāṃ koṭayastathā/
sarve caturbhujāḥ krūrāḥ triṇetrāśśūlapāṇayaḥ

teṣu pradhānā viprendra rudrā ekādaśa smṛtāḥ/
marīcyādibhirjagatsṛṣṣiḥ
rudrasṛṣṭhimapi brahmā vyarthamālokya lokakṛt

marīcyādīn ṣaḍaparān manasā virmame punaḥ/
tairetadakhilaṃ sṛṣṭhaṃ trailokyaṃ sacarācaram

brahmaṇaḥ paramapuruṣadarśanam/
evaṃ sṛṣṭvā jagadidaṃ padmayoniścaturmukhaḥ/
dhyānaṃ paramamātasthau kāraṇaṃ svasya cintayan

dhyāyatastasya purataḥ tejaḥ puñjamivābhavate/
divākarasahasrābhaṃ vidyutsaṅghātasannibham

tanmadhye puruṣaśreṣṭhaṃ pītanirmalavāsasam/
śaṅkhacakragadhāpadmaṃ dhārayantaṃ caturbhujam

śrīvatsāṅṇaṃ prasasnāsyaṃ kaustubhena virājitam/
sphutkirīṭahārādyai rbhūṣaṇai rupaśobhitam

taṃ dṛṣṭvā puruṣaśreṣṭhaṃ padmayoniracintayat/
eṣa eva paro devassarvasya jagataḥ prabhuḥ

nāsmātparataraḥ kaścīddhṛśyate puruṣaḥ sthitaḥ/
tameva saṃśaryān praṣṭuṃ vividhānupacakrame

kastvamatyadbhutākāraḥ puruṣaḥ puruṣottama/
mahyaṃ jijñātamānāya ātsānaṃ darśayasvame

sraṣṭāraṃ sarvalokānāṃ purāṇaṃ puruṣaṃ param//
anādimadhyanidhanaṃ viddhi māmacalaṃ dhruvam

kāraṇaṃ sarvalokasya mā ca bhūtsaṃśayastava/
saṃśayasya tvadīyasya cchettāraṃ māmupasthitam

dhanyosmyanugṛhīto'smi pūrṇākāmo'smi śāśvata/
ajñātaṃ nāsti te jñeyaṃ kartavyaṃ nāsti cākṛtam

nānavāptamavāptavyaṃ triṣu lokeṣu vidyate/
kasya hetorjagatsraṣṭuṃ bhavān prerayase vada

krīḍāmi kevalaṃ brahman sṛṣṭisaṃhārapālanaiḥ/
lokānāmapi sarveṣāmahaṃ kenāpi hetunā