Scripture Library

Padma Samhita · Chapter 1.2

1.2.1

he padma nāgarājendra śrutavānasi yatpurā/
tantraṃ tadahamadhyāpyo mayi cedastyanugrahaḥ

1.2.2

tatpa vakṣyāmi viprarṣatantraṃ vai lokaviśrutam/
jñāna yoga kriyā caryā catuṣpāda samanvitam

1.2.3

rahasyamadbhutaṃ dinyaṃ yanmayā kapilācchrutam/
saṃkṣiptaṃ ca mahārthaṃ ca sarvasiddhi prasādhanam

1.2.4

sārdhakoṭi pramāṇena brahmaṇā keśapācchrutam/
tasmātsamuddhrataṃ tantraṃ vāridheramṛtaṃ yathā

1.2.5

vijñānamādau sakalaṃ sṛṣ‌ṭyupodghātamucyate/
tato yogaḥ kriyā paścāccaryā ca tadanantaram

1.2.6

vijñānaṃ bhagavajñānaṃ tajñānānmuktirucyate/
ādimadhyānta rahitamavṛddhi kṣayamacyutam

1.2.7

nityaṃ nirupamaṃ jyoti rnityatṛptaṃ nirañjanam/
sarvākāraṃ nirākāraṃ tamasaḥ paramavyayam

1.2.8

tatkāraṇavaśā ttasmādāvirāsītsanātanāt/
dvihastamekavaktraṃ ca śuddhasphaṭikasannibham

1.2.9

sahasrasavivahnīndu lajñakoṭi samaprabham/
marīci cakramadhyasthaṃ cakrādyayudhalāñcitam

1.2.10

śrīvatsakaustubhoraskaṃ vanamālāvirājitam/
kirīṭahārakeyūra valayādi vibhūṣitam

1.2.11

pītāmbaradharaṃsaumyaṃ rūpamādyaṃ sanātanam/
sa vāsudevo vijñeyassṛjyaṃ sarvaṃ ca tanmukhāt

1.2.12

dhyeyaśca yogibhirnatyaṃ hṛtvadmāhvayaviṣṭare/
paśyanti sūrayaśśaśva ttadviṣṇoḥ paramaṃ padam

1.2.13

vāsudevāttato jāto vāsudevāhyayo'paraḥ/
ekavaktraścaturbāhuścakrā dyāyudhalakṣaṇaḥ

1.2.14

sthityai cakraṃ sarasijaṃ dadhānaṃ sṛṣṭaye punaḥ/
muktaye pāñcajanyaṃ ca gadāṃ saṃhṛtaye tathā

1.2.15

śrīvatsa kaustubhorasko vanamālā vibhūṣitaḥ/
mayūrakaṇṭhavacchyāmaḥ pītanaisargikāmbaraḥ

1.2.16

sa vāsudevo bhagavān sṛṣṭisthityantamuktidaḥ/
ātmānaṃ sa dvidhācakre punaḥ kenāpi hetunā

1.2.17

tayoreko vāsudevaśśuddhasspaṭikasannibhaḥ/
nārāyaṇo dvitīyastu nīlāmbudasamaprabhaḥ

1.2.18

saṅkarṣaṇo vāsudevāt tasmātpradyusnasaṃjñitaḥ/
pradyumnādaniruddhau'bhūt sarva ete caturbhujāḥ

1.2.19

jñānādi guṇasāmānye vāsudevaḥ prakīrtitaḥ/
ṣaṇṇāṃguṇānāṃ vaiṣamyevakṣyaṃte mūrtayaḥ kramāt

1.2.20

jñāne'dhiko bhavedbhrahman saṅkarṣaṇa samāhvayaḥ/
bale'dhikastupradyamna ssyādaiśvarye'niruddhakaḥ

1.2.21

mūrtibhyaśca caturbhyaśca caturviṃśatimūrtayaḥ/
jāyantekramaśo brahman dīpāddhīpāntaraṃ yathā

1.2.22

sarve caturbhujāḥ padma śaṅkhacakra gadādharāḥ/
vāsudevādādidevātprathamā tkeśavastathāḥ

1.2.23

nārāyaṇo mādhavaśca jajñire bhūsurottama/
saṅkarṣaṇācca goviṃdo viṣṇuśca madhusūdanaḥ

1.2.25

tramaste samajāyaṃta pradyumnācca trivikramaḥ/
vāmanaśśrī dharaścai te jajñiremunisattama

1.2.26

aniruddhāddhṛṣīkeśaḥ padmanābhaśca suvrata/
dāmodaraśca tenetthaṃ dvādaśāṃśāḥ prajajñire

1.2.27

vāsudevācca tannāmnā tathā saṅkarṣaṇādapi/
praddhyamnādapi tannāmnā tannāmnaivāniruddhakāt

1.2.28

abhūvan kramaśastebhya ścaturbhyaḥ puruṣottamāḥ/
adhokṣajo nṛsiṃhaśca caturthaścācyuto mataḥ

1.2.29

caturbhya eva tebhyomī jajñire ca yathākramam/
janārdanattathopeṃdro hariḥ kṛṣṇassamākhyayā

1.2.30

vāsudevādādidevānmūrtyaṣṭakama jāyata/
brāhmīca mūrtiḥ prathamā prājāpatyāca vaiṣṇavī

1.2.31

divyā cārṣī māsuṣī ca saptamī cāsurī matā/
paiśācī caramā tāsāṃ mūrtīnāmaparādaśa

1.2.32

mīnādyā jajñire vipra caturpyūhādyathākramam/
matsyaḥ kūrmo parāhaśca vāsudevādajāyata

1.2.33

nṛsiṃho vāsuno rāmo jāmadagnyo'pyajāyata/
saṅkarṣaṇāttathā jajñe pradyumnā drāghavo balī

1.2.34

aniruddhādabhūtkṛṣṇaḥ kalkīti daśa mūrtayaḥ/
saṅkarṣaṇācca puruṣassatyaḥ pradyumna sambhavaḥ

1.2.35

jāto'cyuto' niruddhācca buddhastelokya mohanaḥ/
daśārhaśśaurirannośo vāsudevādajāyata

1.2.36

saṅkarṣaṇāddhayagrīvaśśajkho daranṛ kosarī/
vaikuṇṭhamūrtirādyātu mukundaśca vṛṣākapiḥ

1.2.37

tatraivādi parāhaśca tatassaṅṇarṣaṇādapi/
anaṃtaḥ pannago jātassahapraphaṇavān balī

1.2.38

sudarśanādyāyudhāni kirīṭādi vibhūṣaṇam/
murtyā virbhāvasamaye sahai vaitāni jajñire

1.2.39

devyaśśriyādayastadvat mūrtabhedaṃ samāśritāḥ/
śrivatsādeva sakalā jjajñire divyalāñcanāt

1.2.40

garuḍaḥ pakṣiṇāmindro vāhanaṃ bhalināṃ varaḥ/
vāsudevādi mūrti bhyaśchando mūrtirajāyata

1.2.41

kumudādyaśca bhūteśāssarve pāriṣadaissaha/
pādataścā niruddhasya samabhūvan sahasraśaḥ

1.2.42

sahasraśīrṣa caraṇahasta netrādbhutākṛteḥ/
aniruddhājjagajjajñe svāṅṇādeva yathākramam

1.2.43

mukhādindraśca vahniśca chandhāṃsyaṅṇāni ṣaṭtathā/
dyaurmūdhno nayanātsūryo manasaścandramā api

1.2.44

śrotrāddhiśo nabhonābheḥ padbhyāṃ bhūmi rajāyata/
prāṇādyāyustathā pānānmṛtyuḥ keśāttathambudaḥ

1.2.45

truṭyādi kālabhedaśca kālaścābhūttathā dhiyaḥ/
vanaspataya oṣadyo romakūpādvinissṛtāḥ

1.2.46

yajñāśca jajñire tasmādbahavo bahṛdakṣiṇāḥ/
cāturvarṇyaṃ kramādvaktra bhāhūru caraṇodbhavam

1.2.47

evaṃ sṛṣṭvā hagatsarvaṃ viśvarūpadharo hariḥ/
āsai'nantāsanedevaśśrī bhūmibhyāṃ sahaprabhuḥ

1.2.48

madhye kṣīrārṇave śvetadvīpākhye hemanirmite/
prāsāde sevyamānaśca yogibhirvividhairapi

1.2.49

caṇ‍ḍādyai rdvārapālaiśca kumudādyanujīvibhiḥ/
pakṣīndra viṣvaksenābhyāṃ sevyamāno mudānvataḥ

1.2.50

śrīvatsavakṣā nitya śrīrajeyaśśāśvato dhruvaḥ/
aniruddho jagatsvāṃ śairindrādyaiḥ paripālayan

Original text: padmasaṃhitā · Sanskrit Wikisource contributors · Sanskrit Wikisource · CC BY-SA 4.0