Padma Samhita · Chapter 1.1

āsīnamāśrame kaṇvaṃ kaṇvāśramanivāsinaḥ/
niśreyasakaraṃ karma praṣṭumārobhiro munim

adhītāḥ kaṇva bhagavan sāṅgo paṅgāssaviturāḥ/
vedāstvatta stadarthāni śāstrāṇica yathātatham

eteṣu yadadhīteṣu kaivalyāyanakalpate/
kāraṇaṃ tadapi tvattaśśrotavyaṃ nānyathāgatiḥ

śrūyatāṃ munayassarvai yathāpūrvaṃ mayā śrutaṃ/
upasaṅgamya saṃvartamṛṣimarkamivāparam/
pradīptametamevārthaṃ pṛṣṭavānabhivādyatam

śṛraṇvatāṃ sa maharṣīṇāṃ saṃvarta ssarvavitsvayaṃ/
mahyaṃ śuśrūṣamāṇāya pratyuvāca yathātatham

adhītāssakalāvedā ssāṅgopaṅgāssavistarāḥ/
itihāsapurāṇāni vākovākya yutānica

śrutāni teṣu sarveṣu dṛśyante sarvadevatāḥ/
svatantrāḥ phalamapyeṣu svargādanyanna dṛśyate

vividhāni ca śāstrāṇi na tarkāśca pratiṣṭhitāḥ/
apavargaphalopāyaṃ na ca paśyāmi kuttacit

śrutireva ca tasyāpi pramāṇamiti śaśruma/
niścayaṃ nādhigacchāmi manasā vimṛśannapi

tato'haṃ bhṛśanirviṇṇassantaptahṛdayastathā/
siddhāśramaṃ samāsādya druhiṇaṃ samapūjayam

atyugraṃ tapa ātiṣṭhaṃ tataḥ prītaḥ prajāpatiḥ/
ṛṣibhirdaivataissārdhaṃ svayamāgānmadantikam

varaṃ vṛṇīṣva bhadraṃ teyatte manasi vartate/
varārthināṃ dvijaśreṣṭha darśanaṃ varadaṃ mama

ityukto'haṃ bhagavatā pratyavocaṃ kutāñjaliḥ/
jñānaṃ bhavatu me śuddhaṃ nissaṃśayamanākulam

yena sāṃsārikaṃ duḥkhaṃ tarāmi jñānavartmanā/
ityukto devadevastu prahasannidamabravīt

śṛṇu vipra pravakṣyāmi siddhyupāya manāmayam/
śrutireva dvijātīnāṃ niśśreyasakarī parā

yato vai śrutimantreṇa nityamārādhayan harim/
kaivalyaṃ paramaṃ prāpto na bhūyassaṃsarediha

bhagavan kena śāstreṇa dena ārādhyate paraḥ/
kīdṛśastu paro devo vidhiḥ ko vā tadarcane

vaiṣṇavaṃ śāsanaṃ śruddhamacchidraṃ pāpanāśanam/
hitārdhaṃ sarvadevānāmādidevena coditam

catuṣpādasamāyuktaṃ caturvargaphanapradam/
tena śāstravidhānena samārādhaya keśavam

tacchāstraṃ śrutavān mattaḥ kapilo munipuṅgavaḥ/
macchāsanāttu pātālaṃ tatsamīpamito praja

ityuktvā bhagavān brahmā tatraivā ntaradhīyata/
pātālagamanārthāya puna staptaṃ tapomayā

tapobalena pātālaṃ praniśannāgapālitam/
tatrāpaśyaṃ sukhāsīnaṃ nāgeśaiḥ parivāritam

avocaṃ kapilaṃ viṣṇuṃ daṇḍavat praṇataḥ kṣitau/
jambūdvīpāduvṛttassaṃvartohaṃ prasīdame

viddhi māṃ bhagavan viṣṇo prāptaṃ druhiṇaśāsanāt/
jñānayogakriyācaryā mṛgyate yanmaharṣibhiḥ

tadaśeṣeṇa viditaṃ bhavavidhvaṃsanaṃ tava/
saṃsārāpārapāthodhimagnaṃ māṃ bhṛśaduḥkhitam

trāyasva bhagavannārtaṃ kṛpayā parayāvibhau/
tvadṛte'nyona vettāsya mokṣopāyasya vartmanaḥ

ityuktaḥ kapilo devaḥ prasādātpadmajanmanaḥ/
pārśvasthaṃ padmamālokya prasīdannidamabravīt

he padma nāgarājendra janmavidhvaṃsahetukam/
mahopaniṣacaṃ sarvaṃ śrutavānasi manmukhāt

śrāvyatāṃ sakalaṃ cāyaṃ saṃvarto vedapāragaḥ/
jñānānāṃ paramaṃ jñānaṃ sākṣā ddevasamāśritam

sātvikaṃ deva devasya samārādhanakarmajam/
mokṣyamāṇaiśca satataṃ mṛgyamāṇaṃ durāsadam

uktena kapilenaivaṃ padmākhyena mahātmanā/
uditaṃ yanmahacchāstraṃ tatsarvaṃ prabravīmite

sārdhakoṭipramāṇena brahmaṇākeśavāccrutam/
kapilāya dadaubrahmalakṣāṇāṃ paप़ñcakaṃpunaḥ

kapilo'picamadmāya prīdadau lakṣamātrayā/
padmo'pi dattavānmahya mayutagrandhasaṅkhyayā

yasmāt padmo padiṣṭeyaṃ tasmātsā pādmasaṃhitā/
mokṣaikaphaladaṃ dharmamādyamasmin prajā pate

tenai vādyena dharmeṇa brahmāloka pitāmahaḥ/
ārādhayan mahādevaṃ hariṃ nārāyaṇaṃ param

yajñena yajñaṃ yaṣṭavyaṃ yajanta iticaśrutiḥ/
ādyaṃ dharmaṃ samāsthāya ye yajante vicakṣaṇāḥ

te yānti vaiṣṇavaṃsthānaṃ punarāvṛttivarjitam/
evaṃ sarveṣukurvatsu mānaveṣu mumukṣuṣu

sṛṣṭikṣayo mahānāsī nnārakī bhūstṛṇāvṛtā/
pañcakālaparāssarve sarvecabhagavanmayāḥ

nānyaṃ yajantedhyāyanti ṛte nārāyaṇānnarāḥ/
evaṃ kārtayugedharme vartamāne mahāmune

lokakartāsvayaṃ brahmā nārāyaṇamupāgamat/
tuṣṭāvaca hṛṣīkeśaṃ puṇḍarīkākṣavidyayā

bhūmau daṇḍapraṇāmaṃca kṛtvātūṣṇīṃ vyatiṣṭhata/
lokāḥ kinnānuvartante śāsanaṃ tavaśāśvataṃ/
brahman tavādhikārovā prāpyate kinnurākṣataiḥ// 1. 41//
tadīyaṃvāpadaṃprāptuṃ natapasyanti kiṃsurāḥ/
ityukto deva devena pratyabhāṣatapadmabhūḥ

bhagavan bhūtabhavyeśa mamaśreya si jāgrati/
tvayi sarvatrakuśalaṃ vatarte sārvakālikam

kintu vakṣyāmi deveśa śraddadhānā jitendriyāḥ/
mahārahasyamāsthāya yajantesarvamānavāḥ

te yānti vaiṣṇavaṃsthānaṃ punarāvṛttivarjitam/
sasvargonāpi narakona janmamaraṇe ubhe

ityukto brahmaṇādevaḥ śaṅkhacakragadādharaḥ/
pārśvasthaṃ rudramālokya vyājahāra svayaṃhariḥ

ṣaṭ prakārāṇi tantrāṇi tvaddaivatyāśaṅkara/
parasvaraviruddhāni kuruṣva tvaṃ yathātatham

avatāraiśca bahubhirmatsyādibhirahaṃ punaḥ/
tvatpraṇītāniśāstraṇi sthāpayāmi mahītale

alpāyā senasulabhaṃ bhūyiṣṭhaṃ phalamadbhutam/
ṣaṭ prakārecaśāstre'smin darśaya sthema kāraṇam

yogaśāstrasya kartṛtveviriñco'dhikariṣyati/
sāṅkhyasyacāpinirmāṇe kapilo'dhikariṣyati

buddhamūrtiṃ samāsthāya buddhaśāstraṃ sṛjāmyaham/
jñānāpahnavaniṣṇātāṃ jñātṛjñeyāpalāpica

ārhatīṃ mūrtimāsthāya śāstraṃ śāsmi tathārhataḥ/
pañcarātrābhidhaṃ śāstraṃ mayāpūrvaṃ kṛtaṃkila

kāpālaṃ śuddhaśaivaṃ ca tathā pāśupataṃtrayam/
kuruṣvatrīṇiśāstrāṇi lokānāṃ mohanāyavai

śāstrāṇi matpraṇītāni bhavadbhirvyākṛtānica/
ābhūtasaṃplavaṃ lokesthāsyanti mama śāsanāt

bhāḍhamityevatesarve praṇipatyābruvan harim/
kṛtakṛtyastadābrahmā sārdhaṃ devaissvamālayam

jagāma siddhagandharva cāraṇādibhirarcitaḥ//
pañcarātreṇatulyāni tadā prabhṛtivaimune/
śaivādīnacaśāstrāṇi prathante śāsanāddhareḥ

vaiṣṇavyāmāyayāloke pracapantiniraṅkuśāḥ/
śaivādayopi samayāstatra tatra pratiṣṭhitāḥ

pañcetare pañcarātramadūṣitamapi svayaṃ/
dūṣayantyeva sṛṣṭatvāt taddhūṣayitumīśvaraiḥ

pāṣaṇ‍ḍeṣu nirasteṣu hetuvādānukūlatā/
jāyate viṣṇumāyābhiḥ patitānāṃ durātmanāṃ

nāstikānindakājātāḥ vyādhibhiḥ paripīḍitāḥ/
jāyante camriyante ca pacyante nirayoṣvapi

svargeṣu ca vatantyanye māyāmalinacetasaḥ/
taranticabhavāmbhodhiṃ māyayāye bahiṣkṛtāḥ

āloḍyasarvaśāstrāṇi vicārya ca punaḥ punaḥ/
nārāyaṇāmṛtadhyānamuśanti brahmavādinaḥ

brāhmaṇassarvavarṇeṣu yatiścāśramiṣūttamaḥ/
yadyadgaṅgā catīrtheṣu daivateṣvapicācyutaḥ

tadvatsarveṣu śāstreṣu pañcarātraṃ praśasyate/
pañcarātro ktavadhinā yassamārādhayeddhariṃ

kaivaryaṃ paramaṃprāpto na bhūyassaṃsarediha/
akṣayyaṃ phalamāpnoti sa pumānnātra saṃśayaḥ

kalyāṇakāriṇa stasya pitarassvargavāsinaḥ/
brahmaloke pi pūjyante kā kathā narakārṇave

mantraiśca vaiṣṇavairdattaṃ havyaṃ vā kavyamena vā /
tadakṣayaṃ bhavettena tṛpyanti pitrṛ devatāḥ

āsphoṭayanti pitaraḥ pranṛtyanti pitāmahāḥ/
vaiṣṇavojāyate yeṣāmanvayeṣu mahāmatiḥ// 1. 68 //
pāñcarātroktavadhinā vāsudevaṃ samāśritaḥ/
nārāyaṇāmṛtadhyāna nirastāśeṣaviplavaḥ

etaccāstraṃ ca dātavyaṃ śiṣyāyānabhyasūyave/
mokṣamāṇāya nānyastme kastmeca yadṛcchayā

trayīniṣṭhāya dātavyamadhyetavyaṃ ca vedavat/
mahopaniṣadākhyasya śāstrasyāsya mahāmate/
pañcarātrasamākhyāsau kathaṃloke pravartate

pañcetarāṇi śāstrāṇi rātrīyante mahāntyapi/
tatsannidhausamākhyāsau tena loke pravartate

candratārāgaṇaṃ yadvacchobhate naiva vāsare/
tathetarāṇi śobha ntepañcanaivāsya sannidhau

pañcatvamathavā yadvaddhīpyamāne divākare/
ṛcchantirātraya stadvaditarāṇi tadantike

idaṃ pavitraṃ pāpaghnaṃ śāstraṃ bhavavināśanaṃ/
saṃsārārṇavamagnānāṃ karmapāśānupeyuṣāṃ

mahāpotena sadṛśaṃ tārakaṃ bhavasāgarāt/
ṛgādibhedavat tantracāturvidhyaṃ---
ṛgādisaṃjñayā vedaścaturdā bhidyateyathā

tadvatsiddhāntabhedena pañcarātraṃ caturvidhaṃ/
ṛgādayo yathā caikaṃ bhidyate bhahuśākhayā

tathā siddhā ntamekekaṃ vaktṛbhedena bhidyate/
siddhāntaṃ nāmacānvarthaṃ nirāhuriti vaṇ‍ḍitāḥ

mīmāṃsādiṣu śāstreṣu ye siddhārthāmanīṣiṇaḥ/
teṣāmante'dhikārosminniti siddhaṃta saṃjñitaṃ

ekamūrtipradhānaṃtu mantrasiddhāntamucyate/
caturmūrtipradhānaṃtu yattadāgamasaṃjñitaṃ

siddhāntamucyatesadbhardvatīyaṃ lokaviśrutaṃ/
navamūrtipradhānaṃca tantrasiddhantamucyate

caturvaktre trivaktre vā deve yatrārcanāvidhiḥ/
tattantrāntavamiṣṭaṃ syāttantrametaccaturvidhaṃ

catasraḥ kathitāḥ pūrvaṃ vāsudevādaya stathā/
nārāyaṇo hayagrīvo viṣṇu rnṛharisūkarau

sāṅkaryaṃ natu kurvīta siddhānteṣu parasparaṃ/
yadi saṅkarato mohāt rājārāṣṭaṃca naśyati

yena siddhāntamārgeṇa karṣaṇādikriyā kṛtā/
tenaiva sakalaṃ karma kuryāttantravibhāgavit

tattantrāntaramiṣṭaṃ syāt sarve sarvaphalapradāḥ/
teṣvayaṃ mantrasiddhāntaḥ pādmasaṃjño bhidhīyate

ekaikavaktṛ bhedena siddhāntā bhahudhāsmṛtāḥ/
paṅgraho vistaraścaiva tantrāṇāṃ prakaṭīkṛtaḥ

siddhānte mantrasaṃsiddhai śśiṣyāṇāṃ hitakāmyayā/
tantrāṇāṃcaivasarveṣāṃ vaktā nārāyaṇassvayam

anugrahārthaṃ bhaktānāṃ śrāvayāmāsa casvayam/
śrotāromūrtibhedāśca munayaśca pitāmahaḥ

prayojanaṃ ca śāstrasya mokṣaḥ prakṛtidurlabhaḥ/
abhidheyaṃ bhagavatassamārādhanamuttamam

sambandho pīṣyate sadbhi ssādhya sādhana lakṣaṇaḥ/
śrutimūlamidaṃtantraṃ pramāṇaṃ kalpasūtravat

sarge sarge pyavicchinnaṃ devadevasyaśāsanāt/
cintāmaṇiryathā loke śabalā kalpakadrumaḥ

arthibhyo vāñchitaṃ sarvaṃ prayacchati gatiṃ vinā/
pañcarātrākhya śāstraṃtu caturvargaphalapradam

śāstrāntaravyasanināmabhyāsaḥ kālayāpanam/
phalaṃ vā kiṅci devassāt yattatsādhubahiṣkṛtam

vāsudevaṃ parityajya ye'nyaṃ devamupāsate/
narakāya bhavanyete nātrakāryā vicāraṇā

satyaṃ satyaṃ punassatyamuddhṛtya bhujamucyate/
vedaśāstrātparaṃnā sti nadaivaṃ keśavātparaṃ/
tasmādbhajasva deveśaṃ vidhinānenavai mūne

kati bhedāni tantrāṇām nāmadheyāni kāni vā/
śrotumicchāmi viprendra paraṃ kautūhalaṃhime

108 saṃhitānām nāmāni.
śatamekamathāṣṭau ca purāṇe kaṇva śuśruma/
nāmadheyānicai teṣām śrūyatām kathyate mayā

pādmam padmodbhavam māyāvaibhavam nalakūbaram/
trailokyamonam viṣṇutilakam paramāhvayam

nāradīyam dhanadīyam vāsiṣṭham pauṣka rāhvayam/
sanatkumāraṃ sasakaṃ satyākhyaṃ viśvasaṃhitā

anantākhyaṃ mahīpraśnaṃ śrīpraśnaṃ puruṣottamam/
māhendhra saṃhitāpañca praśnākhyaṃ tatvasāgaram

vāgīśam sātvataṃcaiva draviṇaṃ śrīkarāhvayam/
sāṃvartaṃ viṣṇusadbhāvaṃ siddhāntaṃ viṣṇupūrvakam

viṣṇutantraṃ ca kaumāraṃ tathāhirbudhnyasaṃhitā/
viṣṇuvaibhavikaṃ sauraṃ saumya mīśyarasaṃhitā

anantākhyaṃ bhāgavataṃ jayākhyaṃ mūlasaṃhitā/
puṣṭitantraṃ śaunakīyaṃ mārīcaṃ dakṣasaṃhitā

aupendraṃ yogahṛdayaṃ hārītaṃ pārameśvaram/
ātreyaṃ māndaraṃ viṣvaktevamauśanasāhvayam

vaikhānasaṃ vihajgendraṃ bhārgavaṃ parapūruṣam/
yājñavalkyaṃ gautamīyaṃ paulastyaṃ śākalāhvayam

jñānārṇavaṃ jāmadagnyaṃ yāmyaṃ nārāyaṇākhyakam/
pārāśaryaṃ ca jābālaṃ kāpilaṃ vāmanāhvayam

jayottaraṃ bhārhaspatyaṃ jaiminaṃ sātvatāhvayam/
kātyāyanīyaṃ vālmīka maupagāyanasaṃhitāḥ

hairaṇyagarbhamāgastyaṃ kāṇvaṃ bodhāyanāhvayam/
bhāradvājaṃ nārasiṃhaṃ gārgyamuttarapūrvakam

śātātapaṃ cāṅgirasaṃ kāśyapaṃ paiṅgalāhvayam/
trailokyaṃ vihayaṃyogaṃ vāyavīyaṃ ca vāruṇam

kṛṣṇaṃ cāmbharamāgneyaṃ markaṇḍeyasya saṃgrahaḥ/
mahāsavatkumārākhyaṃ vyāsākhyaṃ viṣṇusaṃhitā

mārkaṃḍeyaṃ pāriṣadaṃ brahmanāradasaṃhitā/
saṃvādaṃśukarudrābhyāmumāmāheśvarāhvayam

dattātreyaṃ ca śarvākhyaṃ vārāhamihirāhvayam/
saṅkarṣaṇākhyaṃ pradyumnaṃ vāmanaṃ kalki rāghavam

prācetasākhyamityete śatamaṣṭottaraṃ smṛtam/
etāni tantra nāmāni mayoktāni mahāmate

tantrāstvaneke bhodhyante muktyupāyāḥ pṛthakpṛthak/
iti tantraṃ samākhyātaṃ śāstrameva manīṣibhiḥ

tantrāṇāṃ nāmadheyāni yo nityaṃ paṭhate naraḥ/
sarvapāpa vinirmuktau yāti brahma sanātanam