Padma Samhita · Chapter 1.11

eṣa bhūlokavistāraḥ kathitaḥ kavalāsana/
lokānadhastādadhunā sapta vacmi yathātatham

atalaṃ prathamaṃ lokaṃ dvitīyaṃ vitalāhyayam/
tṛtīyaṃ nitalaṃ viddhi jñeyaṃ turyaṃ gabhastimat

pañcamaṃ mahadāhvānaṃ sutalaṃ ṣaṣṭhamīritam/
pātālaṃ saptamaṃ vidhyā tte caikaikaṃ samucchritāḥ

yojanānāṃ sahastrāṇi daśai teṣvatalādiṣu/
vasanti dānavā daityāḥ kāleyāḥ phaṇinastathā

svargepi na bhavantyeva ye bhoga stvatalādiṣu/
bhakṣyaṃ bhohyaṃ tathā peyaṃ svādiṣṭaṃ guṇavattaram

prāsādabhūmayo ramyāḥ kānanāni ca nimnagāḥ/
nāgakanyāśca śataśassanti sarvāṅgaśobhanāḥ

ratnānāṃ dīptījālena dhvāntedhvaste divāniśam/
nārkona candramāstatra janai rākāṅkṣyate kvacit

yāprīti rvasatāṃ tatra na sā muktātmanāmapi/
yadbhoktumiṣyate vastu dṛśyate tadupasthitam

na mṛgyatekvaci dvāpi vastu tadbhogatatparaiḥ/
svargādaṣṭaguṇaṃ bhogamatalādiṣu saptasu

bhuñjate bhoganiratāḥ rakṣodai teyadānavāḥ/
na daridrā na rogārtā na kṛśā na ca duḥkhitāḥ

bilāni śataśassanti vipulāni samantataḥ/
sahasraphaṇavānviṣṇuḥ kapilo sāma saptame

pātālākhye talādīnāmāste rakṣaṃśca kevalam/
sarvaiḥ pāriṣadaissārdhāṃ pure mahati śobhite

tāmasīṃ tanumāsthāya viṣṇureṣā mavasthitaḥ/
saptānāmatalādīnāṃ śeṣākhyo balavattaraḥ

phaṇāsahasrasubhago maṇibhirdīpayan diśaḥ/
ananta iti ca prājñeḥ khyāto loke maharṣibhiḥ

tasya mūrdhāni māleva dhriyate sakalā mahī/
kurvan surādidaiteyā nabalānātmatejasā

kirīṭī srapagdharassubhrūrmadaghūṇitalocanaḥ/
nīlavāsāstitatanuḥ kailāsa iva bhūdharaḥ

lāṅgalaṃ musalaṃ bibhradāyudhaṃ daityadāraṇam/
upāsyamāno vāruṇyā śaśvatsannidadhānayā

kalpāvasāne vaktrebhyo yasya saṅkarṣaṇaśśivaḥ/
niṣkrāmati jagatsarvaṃ saṃhartuṃ viṣapāvakaḥ

āste sampūjitassarvaiḥ pātālatalavāsibhiḥ/
nāsya varṇayutuṃ śaktā guṇā vaktṛśatairapi

yadā madena murdānaṃ kampayannavatiṣṭhate/
tadā mahītalaṃ sarvaṃ sādrivāridhikānanam

kampate kaḥ kṣametāsya balaṃ vaktumaśeṣataḥ/
adhassāccheṣaphaṇinaḥ kūrmaḥ kālā nalasthitiḥ

śikhāsahasrajaṭilo dussahaḥ kamalāsana/
ādhāraśaktire tasmāda dhastādvaiṣṇavī tanuḥ

anantaramathai tasyāḥ bhavatyaṇ‍ḍakaṭāhakaḥ/
karmaṇaḥ puṇyarūpasya kathitāḥ phalabhūmayaḥ

adhunā pāparūpasya kathyante phalabhūmayaḥ/
bhuvo jalasya cādhasnānnarakākhyā bhuvassmṛtāḥ

rauravaṃ prathamaṃ taśca mahatpūrvamanantaram/
taptaputthalikā kumbhī śūlāropaṇamīritam

sūcyagraṃca kṣuraṃ caiva khaḍgakṛntanamanvataḥ/
sūkaraṃ tailakumbhaṃca mahājvālā ca tāpanam

asipatraṃ pūyavahaṃ vyāghrasiṃhavṛkādikam/
taptastambhaṃ śunā bhakṣyaṃ śālmalī hemapuṣpitā

lālodakaṃ raktasindhu śśaktibhiśchedanaṃ tathā/
evamūdīni cānyāni phalānyāhurvikarmaṇām

narakāṇāmasaṅkhyānā meṣā dikkathitā mayā/
patitāsteṣu pāpiṣṭhā jantavo bhuñjate phalam

na karmaṇāṃ kṣayo brahman vinā bhogaiḥ pṛthagvidaiḥ/
jñānāgnissarvakarmāṇi bhasmasātkurute dṛḍham