Padma Samhita · Chapter 1.10

ādākṣiṇātyādambhodherāśai lācca himālayāt/
deśo'yaṃ bhārataṃ varṣaṃ bhūreṣā karmaṇāṃ nṛṇām

yojanāni sahasrāṇi vistāraścaiva kathyate/
svargāpavarga phaladaṃ karma kāryaṃ nṛṇāmiha

sahyo mahendro malayaśśuktimānṛkṣanāmavān/
vindhyaśca pāriyātraśca saptaite kulaparvatāḥ

ihaiva kriyamāṇasya karmaṇo narakaṃ phalam/
varśeṣvanyeṣu sarveṣu kevalaṃ bhujyate phalam

ihaiva cāturāśramyaṃ cāturvarṇya mavasthitam/
kṛtādiyugabhedānāṃ caturṇāmiha sambhavaḥ/
dānāṃ yajñaṃ tapo martyāḥ paraloka phalārthinaḥ/
iha kurvanti yajñeśaṃ yajante puruṣottamam

śreṣṭhaṃ tadbhārataṃ varṣaṃ sarvavarṣe'ṣu saṃmatam/
phalārthinaḥ kāmayante karmabhūṣu janiṃ bhudhāḥ

sahastāṇi tathai vāsmin divyāni puruṣaḥ paraḥ/
āste dhāmāni sadyaśca puṇyāssanti sahasraśaḥ

grāmāḥ puraḥ pattanāni bhavanti ca paraśśatam/
dvīpeṣu ṣaṭsu cānyeṣu santi varṣāṇi sapta vai

pratyekaṃ sapta ca brahman bhavanti kulaparvatāḥ/
varṇānāmāśramāṇāṃ ca bhedāstatra vyavasthitāḥ

antime puṣkaradvīpe mānasottaraparvataḥ/
madhye valayavadbhāti tasyocchrāyo bhidhīyate

yojanānāṃ sahastrāṇi pañcāśattatsamunnatiḥ/
tāvānevasya vistāro dvīpaṃ tadvibhajanniva

sthitaśśailavaro brahman dve varṣe parimaम़ṇḍale/
śailasya cāntarmānasya bahiśca sadṛśe ubhe

tanmūrdhni lokapālānā mindrādīnāṃ yadhā punaḥ/
purassanti puvastāsāṃ nāmānyapi yathāpuram

devānāmapi cānyeṣāṃ tatra santi puraḥ pṛthak/
asaṅkhyātā brahmaṇaśca purī bhavati puṣkare

svādussvacchodakaiḥ pūrṇo vāridhiḥ puṣkarādbahiḥ/
tena tadveṣṭitaṃ dvīpaṃ yathā nyānyarṇavottaraiḥ

svādūdakādbahirbhūmissarvā caiva hiraṇmayī/
tapanīyamayo brahman lokālokācalo bahiḥ

bhūlokasya samastasya sālava ccaturaśrakam/
āvṛtya tiṣṭhatastasya yojanāyatamunnatiḥ

vistāraśca na evāsya mūrdhni sarvatra ca svayam/
mūrtibhedairaparyanteḥ paramaḥ puruṣaḥ sthitaḥ

kumudādigaṇāścātra cakrādhīnyāyudhāni ca/
devyau mahī ca lakṣmīśca viṣvaksenaḥ patatrirāṭ

sthānāni mūrtibhedānāṃ viṣṇoḥ parijanasya ca/
santi bhūyāṃsi ramyāṇi tatra tatra caturmukha

paraṃ pārśvaṃ ravistasya na dyotavati bhānubhiḥ/
āvṛtya taṃ tamaśśailabhāgaṃ bāhyamavasthitam

lokālokassa ca punassamantādveṣṭito giriḥ/
bahiraṇ‍ḍakaṭāhena mahatā samanantaram

yojanānāmiyaṃ pṛthvī pañcāśatkoṭibhirmatā/
sahaivāṇ‍ḍakaṭāhena sadvīpābhdhimahīdharā//
anayā dhriyate sarvaṃ jagaddhātrī tataḥ smṛtā