Padma Purana · Chapter 6.170

mahādeva uvāca/
atra tīrthātparaṃ tīrthaṃ saṅgamākhyamiti śrutam /
atra sābhramatī gaṃgā militā sāgareṇa tu

tatra snānaṃ ca dānaṃ ca kartavyaṃ vidhipūrvakam /
yatra snātvā tu mucyaṃte mahāpātakino'pi ye

tatra śrāddhaṃ prakartavyaṃ svānāṃ ca hitamicchatā /
yatra vai tu kṛte śrāddhe pitṛloke vaseddhruvam

yatra vai sāgaro devo nityaṃ milati gaṃgayā /
brahmahā tatra mucyeta kimanyairitarairaghaiḥ

yatra tīrthaṃ na jānaṃti lokā vai maṃdabuddhayaḥ /
tadā vai mama nāmnā ca kartavyaṃ tīrthamuttamam

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe saṅgamatīrthaṃnāma saptatyadhikaśatatamo'dhyāyaḥ