પદ્મ પુરાણ · અધ્યાય 6.170

મહાદેવ ઉવાચ।
અત્ર તીર્થાત્પરં તીર્થં સઙ્ગમાખ્યમિતિ શ્રુતમ્ ।
અત્ર સાભ્રમતી ગંગા મિલિતા સાગરેણ તુ

તત્ર સ્નાનં ચ દાનં ચ કર્તવ્યં વિધિપૂર્વકમ્ ।
યત્ર સ્નાત્વા તુ મુચ્યંતે મહાપાતકિનોઽપિ યે

તત્ર શ્રાદ્ધં પ્રકર્તવ્યં સ્વાનાં ચ હિતમિચ્છતા ।
યત્ર વૈ તુ કૃતે શ્રાદ્ધે પિતૃલોકે વસેદ્ધ્રુવમ્

યત્ર વૈ સાગરો દેવો નિત્યં મિલતિ ગંગયા ।
બ્રહ્મહા તત્ર મુચ્યેત કિમન્યૈરિતરૈરઘૈઃ

યત્ર તીર્થં ન જાનંતિ લોકા વૈ મંદબુદ્ધયઃ ।
તદા વૈ મમ નામ્ના ચ કર્તવ્યં તીર્થમુત્તમમ્

ઇતિ શ્રીપાદ્મે મહાપુરાણે પંચપંચાશત્સાહસ્ર્યાં સંહિતાયામુત્તરખંડે સઙ્ગમતીર્થંનામ સપ્તત્યધિકશતતમોઽધ્યાયઃ