Padma Purana · Chapter 6.171

mahādeva uvāca/
saṃgamasya samīpe tu sattīrthaṃ lokaviśrutam /
ādityākhyaṃ paraṃ tasmānna bhūtaṃ na bhaviṣyati

yasya vai darśanaṃ kāryaṃ snānaṃ vai puṣkareṇa tu /
pūjanaṃ cārkapuṣpeṇa karavīraistathā punaḥ

tatra śrāddhaṃ ca dānaṃ ca kuryurvai mānavāḥ sadā /
idamādityakaṃ tīrthaṃ pavitraṃ pāpanāśanam

darśanātpuṇyadaṃ tīrthaṃ mahāpātakināmapi

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe sattīrthamāhātmyaṃnāmaikasaptatyadhikaśatatamo'dhyāyaḥ