Nyāyasudhā a subcommentary on Mādhva's Anuvyākhāna, a commentary on Bādarāyaṇa's Brahmasūtra, integrated version · Chapter 4.3

NYĀYASUDHĀ:
devādīnāṃ dehalayarūpā vimuktirukteti /
// iti śrīmatpūrṇapramatibhagavatpādasukṛteranuvyākhyānasya praguṇajayatīrthākhyayatinā kṛtāyāṃ ṭīkāyāṃ viṣamapadavākyārthavivṛtau caturthe 'dhyāye 'trotkramaṇacaraṇaḥ paryavasitaḥ //
Adhyaya 4, Pada 3
*12,362*
mārgo gamyaṃ cāsminpāda ucyata iti bhāṣyam /
tatprāk prasaṅgādvivṛtamapīhāvaraprāptau viśeṣato vivṛṇoti- utkrānteti //
utkrāntamārgaśca vimuktagamyaṃ pādoditam ...
NYĀYASUDHĀ:
ye śarīrādutkrāntā mānuṣāsteṣāṃ mārgo bhagavallokagamanārthaḥ /
gamyamapi teṣāmeveti pratītinirāsāyoktam- vimukteti //
ye karmaṇo dehācca vimuktāsteṣāṃ sarveṣāmapi gamyam /
idamubhayametatpādoditam /
atrādhikaraṇeṣu pūrvapakṣayuktiḥ siddhāntayuktīścāha- sukrameti //
... sukramavikramau ca
*12,363*
NYĀYASUDHĀ:
sāntānikaṃ prāptirabhīṣyatā ca saukayarmityanyamatasya tarkāḥ

viśeṣasamprāptirurutvamāptiḥ kramānurāgaḥ kathitānuvṛttiḥ /
siddhāntanirṇītikarāḥ ... // MAnuv_4,3.2a-c //
NYĀYASUDHĀ:
anyamatasyeti jātāvekavacanam /
siddhāntanirṇītikarāstarkā iti śeṣaḥ //
oṃ apratīkālambanānnayatīti bādarāyaṇa ubhayathā ca doṣāttatkratuśca oṃ //
vimuktagamyaṃ pratipādayitumidaṃ sūtram /
tadbhāṣye na vispaṣṭamityataḥ spaṣṭīkariṣyanpratīkaśabdārthaṃ tāvadāha- pratīkamiti //
*12,364*
apratīkālambanān nayatīti bādarāyaṇa ubhayathā ca doṣāt tatkratuś ca

... pratīkaṃ dehādikaṃ ...
NYĀYASUDHĀ:
ādipadena manaḥprabhṛtīnāṃ bhagavatpratimānāṃ grahaṇam /
yadyapi sūtre 'pratīkālambanānāṃ gamyamuktaṃ pratīkālambanānāṃ tu pariśeṣasiddham /
tathāpyaspaṣṭaspaṣṭīkaraṇārthaṃ pravṛttatvādabhāvasya bhāvapūrvakatvācca pariśeṣasiddhamevārthamādāvāha- tadgatamiti //
... tadgatameva ye narāḥ

upāsate te purataḥ samāpnuyurbrahmāṇamasmānmatimāpya viṣṇum /
prāpsyanty ... // MAnuv_4,3.3a-c //
NYĀYASUDHĀ:
pratīkagatameva viṣṇum /
te pratīkālambanāḥ /
purataḥ prāk pralayakālāt /
asmāt brahmaṇaḥ /
matiṃ bhagavajjñānaviśeṣam /
prāpsyanti pralaye /
idānīṃ sūtritāmapratīkālambanānāṃ gatiṃ prapañcayati- ata iti //
... ato 'nye 'pi tamāpya tasmāddhariṃ gatā muktibhājaḥ parānte