Niruttara Tantra · Chapter p4

caturdaśaḥ paṭalaḥ
śrīdevyuvāca -
veśyā ca kīdṛśī deva ! praśastā kula-pūjane ?
kasyāḥ saṃsarga-mātreṇa śreṣṭho bhavati sādhakaḥ //
nānā-kula-gatā veśyā kathaṃ śastā kulārcane ?
śrīśiva uvāca -
gupta-veśyā mahā-veśyā kula-veśyā mahodayā /
rāja-veśyā deva-veśyā brahma-veśyā ca saptadhā //
kulajā gupta-veśyā syānnirlajjā madanāturā /
paśu-bhartāśritā loke gupta-veśyā prakīrtitā /
kulajā kula-veśyā ca mahā-veśyā prakīrtitā /
mahā-veśyā kuleśāni ! svecchyā ca digambarī //
kula-veśyā kulīnā ca vīra-patnī kuleśvari !
mahodayā samākhyātā svecchyā viparītagā //
rāja-vad yā ca veśyā syād rāja-veśyā prakīrtitā /
devaṃ saṃyojya cakre ca japtvā tu vindu-pātanaṃ //
bhaga-liṅga-kapāle ca cumbayecca punaḥ punaḥ /
evaṃ-vidhā kulonā ced brahma-veśyā prakīrtitā //
divya-śaktirvīra-śaktistāsāṃ saṃjñā prakīrtitā /
caturvarṇodbhavānāṃ ca saṃjñitāḥ paribhāṣitāḥ //
veśyā-vad bhramate yasmāt tasmād veśyā prakīrtitā /
varṇa-saṅkarato jātā sarva-veśyāḥ prakīrtitāḥ //
kula-mārge pravṛttā yā sā veśyā mokṣa-dāyinī /
cumbanāliṅganādhātaṃ rati-vigraha-darśanaṃ //
āmantraṇaṃ tri-sandhyaṃ ca bhaga-liṅgasya kīrtanaṃ /
veśyānāṃ ca japāṅgedaṃ śaṅkareṇa puroditaṃ //
japāṅgena vinā veśyā na kuryāt sthira-saṅgamaṃ /
japāṅga pratyahaṃ kuryāt sā śivaḥ saha moditā //
niśāyāṃ prajapenmantraṃ svayambhū-śiva-yogātaḥ /
veśyānāṃ japa-mātraṃ tu puraścaraṇamucyate //
viparītā japenmantraṃ sā kālī nātra saṃśayaḥ /
yoṣitāṃ mantra-siddhiḥ syād viparīta ratau priye //
viparīta-ratau japtvā 4 sarva-sampattimālabhet /
viparota-ratau japtvā nirvāṇa-padavīṃ vrajet //
viparīta-ratau japtvā kālī-vad viharet bhuvi /
viparīta-ratā kālī viparītā ca tāriṇī //
viparītā ca yā veśyā sā kālī nātra saṃśayaḥ /
yoṣida-vidyā na siddhacanti viparītaratiṃ vinā //
viparīta-ratā veśyā triṣu lokeṣu pūjitā /
gāḍhamāliṅganaṃ dattvā cumbayitvā punaḥ punaḥ //
evaṃ-vidhā puraścaryā veśyāyāśca kuleśvari //
kaṭākṣairdarśayed yantraṃ dakṣiṇā kaulikīritā /
evaṃ-vidhā bhaved veśyā na veśyā kulaṭā priye !
kulaṭā-saṅga‌mādeva rauravaṃ narakaṃ vrajet //
vīra-śaktirbhaved veśyā sā śastā sva-sva-sādhane /
puraścaryāśca tā veśyā yojayet kula-sādhane //
śiva-liṅga-gatā sādhvī śiva-liṅga-gatā satī /
śiva-liṅga-gatā veśyā kīrtitā sā pativratā //
yoniśca janikā mātā niṅgaśva janakaḥ pitā /
vibhāvya pitarau bhāvaṃ ubhayoḥ pari-cintanaṃ //
liṅga-rūpo mahā kālo yoni-rūpā ca kālikā /
tayoryoga-parā dhanyā tayoryoga-paro mahān //
sva-bhairavaṃ vinā veśyā śiva-pūjāṃ karoti yā /
raurave narake ghore vasedāhūta-samplavaṃ //
sva-bhairavīṃ vinā vīro manasā naiva saṃsmaret /
smarecca narakaṃ yāti mahā-vyādhi-paro bhavet //
nānā-vīrāśritā veśyā paśu-veśyā kuleśvari !
sā veśyā narakaṃ yāti satyaṃ satyaṃ na saṃśayaḥ //
kāmādvā lobhato vāpi dhanādvā vara-rvāṇani !
nānā-vīrāśritā veśyā veśyā ca narakaṃ vrajet //
dhanādvā kāmato vāpi lobhādvā kula-sundari !
paśu-saṅga-gatā veśyā sā veśyā narakaṃ vrajet //
nānā-vīrāśritā veśyā paśu-saṅga-gatā ca yā /
varjanīyā prayatnena kula-sādhana-karmaṇi //
yojyā cet siddhi-hāniḥ syād bhraṣṭa-veśyā kulārcane /
rogaḥ śoko bhavet tasya dhana-hāniḥ kṣaṇe kṣaṇe //
tasmāt sarva-prayatnena sva-śivaṃ ca samāśrayet /
japa-pūjādikaṃ veśyā sva-śive pari-kalpayet //
puṣpitā kāmamāpannā sadā ramaṇamicchukā /
sarva-siddhi-pradā veśyā kālikā-rūpa-dhāriṇī //
pitṛ-bhūmiḥ samākhyātā sadāśiva-nivāsino /
śiva eva naro jñeyo liṅga-rūpa-dharo yataḥ //
śiva-sthānaṃ śmaśānaṃ syāt śmaśānaṃ kulajaṃ gṛhaṃ /
aṣṭamyāṃ ca caturdaśyāṃ pakṣayorubhayorapi //
śmaśāne nāgate nārcet avaśyaṃ paśu-vadbhavet /
tanmantraṃ pūjitaṃ yena sarva-mantraṃ prapūjitam //
tatra sañjapya deveśi ! nirvāṇa-padavīṃ vrajet /
mātṛ-mukhe pitṛ-mukhaṃ datvā japet kālīṃ sanātanīṃ //
sarva-pāpa-vinirmukto nirvāṇa-padavīṃ vrajet /
parasmin gupta-veśyā vāpyathavā kulīnā bhavet //
śukrotsāraṇa-kālaṃ tu nirvāṇaṃ viddhi pārvati !
tatkālastu mahā-kālaḥ phala-mārga-praveśināṃ ///
śukrotsāraṇa-kālaṃ tu kāyena manasāpi vā /
aṅga-bhaṅga-krameṇaiva kulīnāya prakāśayet //
śukrotsāraṇa-kālasya jñāpanāt kālikā svayaṃ /
japāṅge kālikā devī mahā-kālaṃ vimohayet //
kulīnā brahma-veśyā cennālpasya tapasaḥ phalaṃ /
bahunā janmanāmante brahma-veśyā prajāyate //
tvatsamā prakṛtiḥ kācid yadasti bhūmi-maṇḍale /
na tathā tvatsamo śaktistriṣu lokeṣu gīyate //
sā caiva dakṣiṇā kālī madanātura-vihvalā /
vedebhyo jāyate karma karmaṇā bandhanaṃ bhavet /
vaidikaṃ karma santyajya surateṣu sadā japet /
āgamokta-patiḥ śambhurāgamoktaḥ vivāhitaḥ /
sva-patiḥ kulajāyāśca na patiśca vivāhitaḥ //
vivāhita-pati-tyāge dūṣaṇaṃ na kulārcane //
vivāhitaṃ patiṃ naiva tyajed vedokta-karmaṇi /
āgamokta-patistrātā āgamokta-patiḥ śivaḥ //
siddha-vidyā na siddhayanti āgamokta-ti vinā /
āgamokta-patirdevi ! yoṣitāṃ mokṣa-dāyakaḥ //
kālīṃ naiva yajed yoṣidāgamokta-pati vinā /
kulajā gurave devi ! patitve varaṇaṃ caret //
tadā sā gupta-veśyā syāt kulajā ca pati vinā /
gupta-veśyā bhavet saiva kula-mārga-pratitā //
kula-mārga-prasaktāyā sā muktā nātra saṃśayaḥ /
kulajā gusve devi ! yadi na syāt patīcchukā //
tasyāḥ śivo mahā-kālaḥ satyaṃ satyaṃ na saṃśayaḥ /
ṣoḍaśābdā sadā sā syāt kālī vikrama-tatparā //
tārā pañca-daśābdā cet caturdaśābdā ca sundarī /
trayodaśo conmukhī sā dvādaśābdā ca bhairavī //
ekādaśa-guṇopetā brahma-veśyā kuleśvari !
mahā-sādhvī samākhyātā triṣu lokeṣu durlabhā //
svarge matyeṃ ca pātāle yā yāstiṣṭhanti cāṅganāḥ /
sarvāsāmapi bhartā ca divyo vīraśca sādhakaḥ //
yogī divyo yadā vīraḥ sarva-nārī-patirbhavet /
divyo'pi vīra-bhāvena sarva-jātyudbhavāṃ yajet //
gupta-veśyā mahā-veśyā ayodhyā mathurā priye !
māyā ca kula-veśyā syāt mahotrayā ca kālikā //
rāja-veśyā deva-veśyā dvārakā pari-kīrtitā /
kāñcī ca rāja-veśyā syād deva-veśyā avantikā //
dvārāvatī brahma-veśyā saptaitā mokṣa-dāyikā /
kulīnā bhagavatī sākṣāt kālī tārā sarasvatī //
kulīnā bhairavī rādhā kulīnā chinnamastakā /
kulīnā sundarī devi ! kulīnā mahiṣa-dinī //
kulīnā bhuvanā bālā kulīnā bagalāmukhī /
dhūmāvatī kulīnā ca mātaṅgī kulīnā priye //
kulīnā cānnapūrṇā ca tripuṭā tvaritā tathā /
pativratā kulīnā ca satī sādhvī mahodayā //
kulīnā mantra-tantrāṇāṃ siddhidā nātra saṃśayaḥ /
kulajā deva-kanyā ca kulīnā yoginī-gaṇāḥ //
rambhorvaśī ratī-rāmā tilottamā kula-sundarī /
etāḥ sarvāḥ pṛthag viharanti kulātmajāḥ //
kulajāḥ kula-veśyā yāḥ kula-dharma-parāyaṇāḥ /
paśu-bhartrāśritā lokā kāma-kautuka-lālasāḥ //
kula-vartma-krameṇaiva sadaiva ramaṇotsukā /
vidagdhā vīra-bhāvena vora-gopana-tatparā //
vihitānyāṃ hīna-jātāṃ pūjayedathavā yataḥ /
brahmacārī gṛhastho'pi vihitānyāṃ na cārcayet //
arcayet siddhi-hāniḥ syād duḥkhaṃ tasya pade pade /

hīnajāṃ vihitāṃ veśyāṃ manasā ca prapūjayet //
tad-yogaṃ cintayed dhīmān śatamaṣṭottaraṃ japet /
japtvā praṇamya deveśi ! bhakṣya-dravyaṃ nivedayet //
kāmādvā mohato vāpi hīnajāṃ yadi cecchati /
rauravaṃ narakaṃ yāti hīnajā-saṅgamena ca //
hīnajā-saṅgamaṃ devi ! manasā na smaret kalau /
kula-karma-pravṛttā yā sā muktā nātra saṃśayaḥ //
kulajā kula-veśyā ca vījamekaṃ samāśrayet /
santyajya paśu-bhartāraṃ kula-mārge praveśayet //
kula-mārga samāśritya vīramekaṃ samāśrayet /
kula-mārga-pravṛttā cet pati-hīnā bhaved yadi //
kulajā vā kulīnā vā para-janmani jāyate /
kula-dharma-ratā śastā kula-dharmotsukā tathā //
pūjārhā sā maheśāni ! pati-hīnā prapūjayet /
lokācāra-krameṇaiva pūjārhā laṃghitā yadi //
tāṃ vihāya kuleśāni ! kulajāṃ ca prapūjayet /
gaṅgā-smaraṇa-mātreṇa tathā pāpa-kṣayo bhavet //
kulajā ca kulīnāya mantra-tantra-phala-pradā /
mahā-veśyā bhavet saiva sarva-veśyā phala-pradā //
yāsāṃ ca sarva-vidyānāṃ praśastā yā kulārcane /
saiva śaktiviśeṣeṇa sarva-veśyāḥ prakītitāḥ //
kulīnā-darśanenaiva sarva-pāpa-kṣayo bhavet /
kulajānāṃ puraśraryā kulīnā-vat kuleśvari //
sarva-veśyā honajā ca sarva-siddhi-pradāyino /
aneka janmanāmānte kula-dharmaḥ pravartate //
phula-dharma vinā devi ! na ca mokṣaḥ prajāyate /
kula-pūjāṃ vinā devi ! sundarī naiva siddhayati //
kula-pūjāṃ vinā devi ! pañcamī nahi siddhayati /
kula-pūjāṃ vinā naiva bhairavī na ca siddhacati //
kula-pūjāṃ vinā devi ! chinnamastā na siddhayati /
kula-pūjāṃ vinā devi ! kālī-kulaṃ na siddhayati //
kula-pūjāṃ vinā devi ! tattva-jñānaṃ na jāyate /
tatva-jñānaṃ vinā devi ! nirvāṇaṃ naiva jāyate //
nirvāṇaṃ śreyasaṃ prāpya mama yogaṃ prajāyate /
nirvāṇaṃ śreyasaṃ cāpi mūlaṃ ca kula-mandiraṃ //
pañcamaiḥ pūjayet kāloṃ kulīnaṃ ca kula-mandire /
brahmā viṣṇuśca rudraśva īśvaraśca sadāśivaḥ //
indrādi daśa-dikpālā ādityādi-nava-grahāḥ/
asitāṅgādayo ye ye bhairavāśrva surādayaḥ //
kula-pūjā-kṛtāḥ sarve kṛtārthāḥ kulīnā-gṛhe
śakti vinā maheśāni ! śakti-mantro na siddhayati /
sarveṣāṃ śakti-mantrāṇāṃ śaktiḥ siddhi-pradāyinī /
naṭī kāpālikā veśyā rajakī nāpitāṅga‌nā /
yoginī śvapacī śauṇḍī bhūmīndra-tanayā tathā /
gopinī mālikā ramyā āsāṃ kārya-vibhedataḥ ///
caturvarṇodbhavā ramyā kāpālo sā prakīrtitā /
pūjā-dravyaṃ samālokya nṛtya-gīta-parāyaṇā //
caturvarṇodbhavā ramyā sā naṭī pari-kīrtitā /
pūjā-dravyaṃ samālokya veśyā ramaṇamicchatā //
caturvarṇodbhavā ramyā sā veśyā pari-kīrtitā /
pūjā-dravyaṃ samālokya rajo'vasthāṃ prakāśayet //
sarva-varṇodbhavā ramyā rajakī sā prakīrtitā /
pūjā-drarvya samālokya kulajā vīramāśrayet //
santyajya paśu-bhartāraṃ karma-cāṇḍālinī smṛtā /
śiva-śakti-samāyogā yoginī sā vyavasthitā //
viparīta-ratā patyau pātraṃ yā pari-pṛcchati /
sarva-varṇodbhavā ramyā sā śauṇḍī pari-kīrtitā /
sarvadā yantra-saṃskāro yasyāśca pari-jāyate /
saiva bhūmīndrajā ramyā sarva-varṇodbhavā priye //
athānyaṃ gopayed yastu sarvadā paśu-saṅkaṭe /
sarva-varṇodbhavā ramyā gopinī sā prakīrtitā //
pūjā-dravyaṃ samālokya yā manau parikīrtitā /
sarva-varṇodbhavā ramyā mālinī sā prakīrtitā //
śaktyabhāve maheśāni ! yāsāṃ ca kāñcidāharet /
saṃśodhya pañcamaṃ tattvaṃ tarpayet kula-sundari //
aṃguṣṭhānāmikā-yogād vāma-hastasya pārvati!
tarpayet kālikāṃ vīraḥ sāyudhāṃ pari-vāhanāṃ //
aṃguṣṭho bhairavo devaḥ anāmā śaktirucyate /
śiva-śakti-samāyogāt tarpayed devi ! dakṣiṇāṃ //
tarpaṇaṃ trividhaṃ devi ! śreṣṭhaṃ madhyaṃ kanīyasaṃ /
śreṣṭhaṃ ca divya-bhāvasya vīra-bhāvasya madhyamaṃ //
kanīyāṃsaṃ paśūnāṃ ca hṛdi yantre jale kramāt //
// iti śrīniruttara-tantre śiva-pārvatī-samvāde caturdaśaḥ paṭalaḥ //