niruttaratantram · અધ્યાય p10

નવમઃ પટલઃ
શ્રીદેવ્યુવાચ -
દેવદેવ મહાદેવ સર્વ-સિદ્ધીશ્વર પ્રભો !
સિદ્ધ-મન્ત્રી ભવેત્ કેન કર્મણા વદ મે પ્રભો ॥
શ્રીશિવ ઉવાચ -
આનીય મઙ્ગલં રમ્યં કુલ-ભક્તં કુલાર્ચને ।
સ્વ-ચક્રં વિવિધં કૃત્વા શક્તિ-ભાલે લિખેત્ તતઃ ॥
તત્ર કામ-કલાં દેવીં વીર-કોણે લિખેત્ પ્રિયે !
તન્મધ્યે દેવ-મન્ત્રં ચ વિહિતં કામલાઞ્છિતમ્॥
તત્ર દેવીં સમાવાહ્ય ધ્યાત્વા તત્ર પ્રપૂજયેત્ ॥
તતો લક્ષં ચ સંજપ્ય સ્થિર-ધીઃ કુલ-સાધકઃ ॥
તતસ્તચ્છક્તિ-કર્ણે ચ ઋષિચ્છન્દઃ સમન્વિતં ।
મૂલ-મન્ત્રં વિધાવૃત્યા કથયેદ્ વામ-કર્ણકે ॥
અદ્ય પ્રભૃતિ શક્તિસ્ત્વં કુલ-દેવાર્ચનં ચર ।
ગુરોરાજ્ઞાં સમાદાય ઘૃણા-લજ્જા-વિર્વાજતા ॥
શિવોક્ત-વિધિના સૈવ કરિષ્યામિ કુલાર્ચનં ।
ત્રાહિ નાથ ! કુલાચાર-કામિની કામ-નાયક ॥
ત્વત્પદામ્ભોરુહચ્છાયાં દેહિ મે કુલ-વર્ત્મનિ ।
ગતે ચ પ્રથમે યામે સ્વ-કુલં કુલિકોપરિ ॥
વામ-ભાગે સમાસીનં રક્ત-વસ્ત્ર-સમન્વિતં ।
નાના ગન્ધ-સમાયુક્તં નાના રત્નેન ભૂષિતં ॥
લલાટે મન્ત્રમા લિખ્ય મધ્યે નામ વિભિતં ।
તામ્બૂલ-પૂરિત-મુખસ્તામ્બૂલારુણ-લોચનઃ ॥
કુલાકુલ-જપં કૃત્વા ધ્રુવમાયાતિ તત્ક્ષણાત્ ।
એવમાર્કાષતો મન્ત્રી સિદ્ધ-મન્ત્રી કુલેશ્વરિ ॥
તાવત્ પ્રયોગઃ કર્તવ્યો યાવત્ સિદ્ધિર્ન જાયતે ।
સિદ્ધ-મન્ત્રી કુલાચારે પર-યોષાં પ્રપૂજયેત્ ॥
સિદ્ધ-મન્ત્રી શ્મશાને ચ પર-યોષાં પ્રપૂજયેત્ ।
યોષિદાકર્ષણાદેવ કન્યાં ચૈવાવકર્ષયેત્ ॥
દેવ-કન્યાકર્ષણેન દેવતાં કર્ષયેત્ તદા ।
આકર્ષણ-પ્રસાદેન શિવ એવ પ્રજાયતે ॥
આકર્ષણં વિના ગચ્છેત્ તચ્છ્રુક્ત કૌલિકોં પરાં ।
આકર્ષણાદ્ ભવેત્ સિદ્ધિર્દેવાનામપિ દુર્લભા ॥
આકર્ષણાચ્ચ નિર્વાણં લભતે નાત્ર સંશયઃ ।
યાવન્ન પૂજયે દેવીં રજનીં કુલ-મન્દિરે ॥
નિર્વાણમપિ ચાઙ્ગસ્ય તાવદાવિર્ભવેત્ પુનઃ ।
પ્રકૃત્યા જાયતે વિશ્વં પ્રકૃત્યા ચ વિલીયતે ॥
શૈવાનાં વૈષ્ણવાનાં ચ સૌરાણાં ચ મહેશ્વરિ !
સ્યાચ્ચ નિર્વાણમેતેષાં માતુરાવિર્ભવન્તિ હિ ॥
બ્રહ્મા વિષ્ણુશ્ચ રુદ્રશ્ચ ઈશ્વરશ્ચ સદાશિવઃ ।
સર્વે મુક્તિ-પ્રદા દેવા નિર્વાણં શ્રેયસં વિનાં ॥
નિર્વાણં શ્રેયસં દેવિ ! પ્રકૃત્યા પરિજાયતે ।
તસ્માત્ સર્વ-પ્રયત્નેન પ્રકૃતિ પરિપૂજયેત્ ॥
પ્રકૃતિર્યા મહામાયા સૈવ પ્રકૃતિ-રૂપિણી ।
વિકૃતૌ મન્ત્ર-સિદ્ધિઃ સ્યાત્ પ્રકૃતેઃ કુહકં ગૃહે ॥
નિર્વાણં શ્રેયસં સૈવ પ્રકૃતેઃ કુહકં વિના ।
લિખનં મન્ત્ર-યન્ત્રાણાં પૂજનં ચ જપં પ્રિયે।
નિયતં ગુરુ-માર્ગેણ સાધકો વિજને ચરેત્ ।
તચ્ચક્રં સિદ્ધિ-મૂલં ચ મન્ત્ર-યન્ત્ર-વિલેખનાત્ ॥
મન્ત્ર-યન્ત્રં વિના દેવિ ! કુહકં વિકૃતેર્યદિ ।
ન ગચ્છેત્ સાધકો વીરો ન ગચ્છેન્નરકં વ્રજેત્ ॥
પ્રકૃતેઃ કુહક યોનૌ યન્ત્રે ભાલે ચ પાર્વતિ !
અસંલિખ્ય યન્ત્રાણિ દૈન્યં ગચ્છેત્ કુલ-સાધકઃ ॥
કામાદ્વા મોહતો વાપિ લોભાદ્વા વર-ર્વાણનિ !
પ્રકૃતેઃ કુહકં યન્ત્રે યજેચ્ચ નરકં વ્રજેત્ ॥
સિદ્ધિ-મૂલં કુલેશાનિ ! વિકૃતેઃ કુહકં સ્મૃતં ।
તત્ર સમ્મોહયેત્ સર્વં જગદેતચ્ચરાચરં ॥
વિકૃતેઃ કુહકાપન્નો મન્ત્ર-તન્ત્ર-વિશારદઃ।
તદ્વરં ચ પરિજ્ઞાપ્ય નિર્વાણં શ્રેયસં વ્રજેત્ ॥
બ્રહ્મણિ ન ન વા વિષ્ણૌ ન ગણેશે ષડાનને ।
પ્રકૃતેઃ કુહકં દાનં ન કુત્રાપિ પ્રકાશિતમ્ ॥
॥ ઇતિ શ્રીનિરુત્તર-તન્ત્રે શિવ-પાર્વતી-સંવાદે નવમઃ પટલઃ ॥